古琴雅苑 (太子集團中心)

营业中

休息中

約埋幾個朋友一齊食飯，諗唔到食咩不如一齊黎呢度食片皮鴨，餐廳面積唔係好大，唔知係米一早Book左位，餐廳留左張睇到海景既卡位俾我地❤ 當晚Weekend比較繁忙但侍應都好好禮貌，上碟又會特登提醒碟熱👍 講返食物，片皮鴨上碟熱辣辣！皮脆肉嫩！一d都唔覺得油膩，配料醬汁都好充足，唔會話包幾舊就無哂 同場加映當然唔少得小籠包，皮唔算太厚又唔算太薄，勝在多汁。 整體黎講地店方便，食物唔錯，份量ok, 幾個人傾下計，細聲講大聲笑都唔怕吵到人想食中菜又諗唔到去邊？可以一試👍👍👍👍👍

今次懷住期待的心情去食呢間片皮鴨，因為實在係好難有位，去到餐廳都見到人山人海了。今次被安排坐窗口卡位，位置闊，坐得舒服。這間片皮鴨的好處是可以叫半隻，咁就可以叫下其他野食。今次叫了5款食物，包括半隻片皮鴨，炸鱔片，小籠包，香菜魚湯，雞絲粉皮，再有腰果糊送。炸鱔片的賣相有點失望，加上口感像炸魚片，所以我們也不太喜歡。片皮鴨就尚算可以，有哈密瓜做配菜，感覺新鮮，正！香菜魚湯的香菜味濃，很好飲，但最少兩位起，本來想試下其他湯都唔得。雞絲粉皮味道十分好，係我哋最快食完的一碟。小籠包的湯汁也很鮮甜，很美味。最後那腰果糊就比較甜，大家都食了一半就放下了。

下午一點鐘一家大細，六個大人，一個小朋友+一個BB，地方唔算好大，但枱與枱之間有充足空間，唔會覺得好逼，地方乾乾淨淨，第一印象唔錯。我地叫左兩籠小籠包、一隻北京填鴨、一份至尊拼盤、一份瑤柱蛋白炒飯同埋一份粗炒，炒飯同麵冇影相，味道同樣都冇太大既特色，炒飯我覺得炒得唔夠香口，不過算比較清淡，唔會油膩，麵就比較油膩，但麵質幾好，有咬口。一開始已經先放左d前菜，花生同醃蘿蔔之類；點完菜成個上菜速度都算快，都唔洗點等，我最鍾意就係佢地壺菜——瑰荔堂煌（玫瑰荔枝紅茶），真係有好香既玫瑰，飲落亦真係飲到荔枝既香味，非常特別！

已經係第二次嚟古琴雅苑屋企人想食片皮鴨做生日記得上次嚟過食都唔錯我記得食物質素同埋服務都唔差嘅同埋價錢都合理所以今次就再嚟啦今次冇試佢哋嘅套餐因為散叫先有晒我想食嘅嘢叫咗北京田鴨半隻黃金蝦球松子魚小籠包蟹粉扒小棠菜荷葉杭州雞片皮鴨嗰啲配菜，其中有哈密瓜，包埋入去一齊食幾好味，仲有酸菜，一齊食覺得減去片皮鴨嘅油膩感，我自己幾鍾意自己本身鍾意香口嘢，所以我通常都會叫松子魚，好香脆，會不知不覺不停食不過我覺得最驚喜都係杭州雞雞肉超級嫩滑味道香，好好食其他嘢都中規中矩啦，未至於驚為天人 ，但係都唔差環境都唔錯，如果坐窗口位，有少少海景睇到😂想食片皮鴨嘅時候可以再來不過唯一美中不足係佢有限時（2 hours)如果同朋友食飯要傾偈可能就有啲趕啦

今日同屋企人聚餐老人家話想食片皮鴨咁就搵咗呢間好多好評既餐廳啦點知 中伏店內位置迫夾枱與枱之間距離好近我諗數埋全間鋪都得十零張枱好唔大體似一間茶記又嘈傾偈係用嗌出聲食得好唔舒適由於套餐太多嘢食我哋就散叫佢價錢又唔算貴既選擇亦都多先嚟嘅係無錫脆鱔（$88）評分：8/10份量都唔算少亦都係熱辣辣嘅好有鱔味 又夠甜夠脆可惜就炸得乾左啲好難咬……..第二嚟嘅係意大利黑醋骨（$98）評分：8/10佢都係熱辣辣亦都份量唔細㗎但可惜調味就重手咗少少酸咗啲好似食緊一舊調味料咁有少少豬肉味嘅但太濃味嘅關係食得多好漏然後係烤北京填鴨半隻（$198）評分：5/10專登嚟食鴨可惜無鴨味係連陣鴨蘇味都無又唔熱出面好多專食填鴨或者片皮鴨嘅餐廳都比佢好調味醬有六碟分別係砂糖京蔥青瓜哈密瓜烤鴨醬同埋酸梅醬多都無用加得多又食唔到鴨味加得少就更加無味真係搞唔掂喎大佬兩老都食到黑哂面我寧願去北京樓小籠包（$68）評分：5/10皮厚餡料又唔夠味差！唔洗叫雪菜肉絲炒年糕評分：9/10呢個就好食返少少啦………..夠晒大碟之餘雪菜亦都足好大浸麻油味 好香年糕亦都好彈牙 口感好好呢碟就正啦古琴鴨肉炒飯評分：4/10呢個最差首先炒飯唔

我哋大概六點半去到，因為平日所以唔係好多人，好快就可以安排入座，但係8點走嘅時候，見到好多人等緊位。餐廳環境枱與枱之間都比較闊落，我哋四個人嗌左四個餸，叫咗主打嘅北京烤鴨，個烤鴨比起平時食到嘅片皮鴨有啲分別，平時片皮鴨嘅皮同埋肉係分開，但係烤鴨就係皮肉一齊嘅，可以現場睇到師傅嘅切功，配料方面多咗砂糖同蜂蜜黃梅醬嘅配搭，服務員仲介紹咗鴨胸皮嘅一口酥，係成隻鴨最脆嘅地方，我覺得隻鴨唔算好肥，烤出嚟仲好juice。砂鍋雲吞雞出奇地啲雞肉唔鞋口，算滑，又入味，雲吞好大粒，我最鍾意係個湯，飲咗三碗👍🏻仲有松子魚，賣相好靚，已經拆骨，唔使驚有魚骨，上碟之後仲有服務員幫手切開，好貼心嘅服務。小籠包一籠有六粒，個皮雖然好薄，但係唔容易穿，個湯好鮮甜。餐廳本身仲提供手套，食片皮鴨嘅時候乾淨衛生啲👍🏻

早排老公話想食片皮鴨 咁我就即刻上網做功課啦見到呢間網上食評唔錯 於是就去試一試網上寫晚市開六點 我地一行三人五點五十幾分已經上到去因為無book 位 所以早小小standby係門口經理已經有問我地有無book 位佢話如果無book 到用餐去到七點四十五分就要交枱我地示意無問題 店員便帶我地係卡位就坐卡位望到小小維港景 座位寬敞座得舒服酸甜骨肥瘦適中但排骨食落無咩肉味酸味明顯蓋過所有味道小籠包皮唔算太薄身但勝在唔會一夾就穿入面有大量湯汁一口酥鴨頸位置的皮有油香味道 略嫌油了一點半份烤鴨呢度配料幾多 有哈密瓜 京蔥 青瓜同多款醬料烤鴨排列有序證明師傅係有心機去做鴨算是偏瘦一點沒有多餘的脂肪食落有果木烤的味道整體來講沒有太大驚喜蟹粉撈面見到有小小蟹肉絲但食唔到有蟹黃既味道面質亦比較差 可能唔係我鍾意既口感個人認為試一次就夠

上星期好友請我到尖沙咀北京道12A號太子集團中心15樓的古琴雅苑食晚飯， 聽說這裏的烤鴨味道幾好， 我們就點了兩款口味， 然後還有小籠包、 松子魚、 醉雞、 蟹粉撈麵、 意大利黑醋骨、 腰果露和高力豆沙。烤鴨～ 入口即化，油香滿瀉， 但我分不清兩款烤鴨有什麼分別？意大利黑醋骨～ 甜甜酸酸的， 入口幾惹味。醉雞～ 醉雞味道不太突出， 肉的質感還有點鞋口。松子魚～ 甜酸汁淋在魚塊上， 香口醒胃。小籠包～ 外皮厚度恰當， 裏面有甜美的湯汁。蟹粉撈麵～ 份量偏小。高力豆沙～ 送上枱的時候，高力豆沙已經凍了， 減分啊！腰果露～ 滋潤滑溜， 但味道不夠濃郁。整體食物質素可以， 但服務就麻麻地， 如果可以改善下就更加好。

朋友推介必食餐廳，完全唔知邊度值得推。未坐底服務員就問你飲咩茶，問佢哋有冇限時間又話無。啲枱本身排得好貼、櫈又大張，一張4人圓枱俾2張10人枱夾住响中間，服務員叫你唔好坐近另外2張枱，如果唔係另一張枱個位坐唔到人😑，我算，坐到就ok啦，星期五晚就下啦。落完單10分鐘唔駛松子魚就上，好明顯係煮定，汁係熱，但魚本身唔熱，魚肉仲係「霉」晒🤬之後上四小拼，味道還算正常，小籠包皮大厚，雲吞雞個湯有色無味。20分鐘上晒啲餸，快過茶餐廳，因為張枱細，都唔夠位放嘢，所以快快手不停食，食到胃都痛🤮🤮。之後服務員又開始趕人式幫你清晒枱面嘅嘢，我哋再叫多2個甜品，一放低就問你可唔可以埋埋張單😡平均消費$300，食得果半個鐘，啲嘢仲要難食，個場仲嘈過條街，真係差到頂點🤬🤬🤬