圓山台灣料理 (已結業)

正所謂百日偷生一日閒☺️🤤難得有個空閒既Leisure Sunday😆適逢有朋友介紹呢間精緻裝潢既酒樓下午茶幾抵食😆還掂近近地一於同隻豬黎撐下枱腳飲下茶啦☺️👫🍴位於尖沙咀金巴利道既圓山台灣料理🌿🍵🇹🇼喺尖沙咀站B1出口行過黎亦算就腳的😆呢度精緻既環境裝修😆周圍都散發著古色古香既風味☺️精緻既裝修環境亦配合著高質素既台式中菜點心食材😋皮蛋肉鬆豆腐口感滑嫩鮮味既皮蛋🤤配合粒粒脆口甚具口感既肉鬆風味一流之餘😆😋🐷拌住滑嫩濃郁豆香Creamy既滑豆腐更增多重味覺🤤懷舊水晶鮮蝦餃滑嫩爽口既蝦肉內餡🦐😋配合晶瑩剔透厚皮適中既蝦餃皮🤤可以媲美皮薄餡靚既稱號☺️🥟蟹籽肉汁燒賣皇大大粒既燒賣配合半肥瘦豬肉既鮮蝦蒸煮😆🦐🐷肉質夠彈性食落好咬口之餘🤤燒賣豬肉餡同樣肉質鮮嫩Juicy😆😋配合原隻鮮蝦及蟹籽更帶出所在鮮味🤤紅油抄手皮薄肉餡滿滿既雲吞☺️配合微辣鹹香既蒜粒紅油🤤甚具風味之餘灑上蔥花作點綴更有口感🤤😋台式小籠包熱烘烘的湯汁帶鮮香肉味🤤而且肥瘦適中不太油膩🐷☺️值得一試的😋春風香脆百花腸粉口感甚似炸兩既春風香脆百花腸粉🤤滑嫩既腸粉皮包住高溫油炸至香脆既蝦肉春卷😆😋🦐增添更多口感及蝦肉鮮香🤤🦐

臨近母親節，當然要孝敬下媽媽帶佢去飲茶原來圓山除左台灣菜，午市仲有茶飲咖～除左蝦餃燒賣牛肉球等港式必點既點心外，仲有鳳梨酥、胡椒餅呢啲充滿台灣風味既小食先黎個前菜——台式肉鬆皮蛋豆腐。冰凍既豆腐質感偏結實爽口，皮蛋中心呈流心，拌以鬆脆鹹酥既肉鬆食別有一番風味。於我而言一間茶樓有無水準，首要係睇腸粉，粉漿調配、粉皮厚度、蒸煮時間都好考功夫。呢度既腸粉厚薄適中，口感軟糯略帶煙韌，內餡既蜜餞叉燒豐富蜜甜。招牌叉燒包上枱仍然溫熱，外皮鬆脆香口。內裡有粒粒蜜餞叉燒，醬汁醃得濃郁惹味，必點溜沙包同樣出色，奶皇餡非常飽滿，入口充滿蛋黃既鹹香同細微顆粒，唔同外面食果啲咁稀。蝦餃皮薄餡靚，粉糯帶米香既外皮包住兩大隻既鮮蝦，鮮甜爽彈。豬肉同香菇拌勻而成既燒賣，爽滑有咬口，唔似一般燒賣咁又濕又淋。抄手精萃在於個醬料，呢度既辣醬同時帶香辣同蒜香，食落更香更惹味。必食胡椒餅！！！真係食到真·台灣風味外層好鬆化，厚薄恰好不油膩，裡面既豬肉餡好綿，鹹中帶甜，又帶有濃烈既胡椒香，除左好味諗唔到其他形容詞臨尾整多個甜品，我地點左好多食評推薦既紅荳椰汁糕，果然無令人失望。糕點又爽又Q彈，椰汁香甜可口，紅豆大顆蜜甜，食落冰

一向都喜歡台灣菜的我，近排經網友推介這間圓山台灣料理。昨天與家人一起到這裡嚐一嚐台灣美食，不用去台灣都可以吃到啦！餐廳設計時尚簡約，乾淨整潔，雖然地方不大，但感覺舒適。離遠已被大大個魚缸吸引，大大隻生猛海鮮，水質清澈，乾淨衞生。我們在午餐時段來到，餐紙上有二人套餐、四人套餐及多款點心，有台灣花雕醉鴿、台式紅糟炆豬手、台式胡椒餅、台式小籠包、鳳梨酥、蚵仔卷等，特色台灣點心，很不錯。二人點心餐   $198(點心任選四款、足料老火靚湯 - 兩位、肉燥飯/擔仔麵 - 兩位)懷舊水晶鮮蝦餃晶瑩剔透的外皮，內裡啖啖蝦肉，鮮嫩甜美，爽口彈牙，很美味。新會陳皮牛肉球牛肉香濃四溢，爽口嫩滑，陳皮㪚發果香味道，兩種食材很配合，不錯呀！安蝦咸水角熱辣辣，香脆可口，外皮炸得鬆軟，肉碎、冬菇餡料，濃郁惹味。黃金蒜香蝦春卷多蝦的春卷，口感滿足，因為非常喜歡食蝦的我，材料很多，外表鬆脆可口，蒜蓉惹味，越吃越起勁，太好味啦！足料老火湯熱辣辣的菜乾豬肺湯，材料足，味道清甜，滋潤可口。擔仔麵肉碎味道香濃，湯底清甜，麵條爽滑，這碗不錯的擔仔麵，正呀！肉燥飯半肥瘦肉的肉粒，加入爽口的菜脯、醤油，香濃惹味。沙茶牛肉炒河   

都有一段時間無飲茶，今次就黎到尖沙咀試下而間有台灣點心既茶樓，一入到去都已經坐得幾滿，所以我地都有少少期待試下有咩特別之處。<花生鮑汁鳳爪，$36> 大大隻，同埋都好入味。不過就偏硬少少，可以再炆到稔身少少就更好。<虎皮尖椒，$60>好大碟，食極都有同埋都炒得好香，可惜係油左少少，食得多都會膩。<鳳梨酥，$30>一上枱已經覺得吸引，趁熱就即刻食，估唔到咁新鮮同幾特別。值得推介而個台式點心！<懷舊水晶鮮蝦餃，$40>無諗到一籠有5粒蝦餃，仲要係一口食得哂大細岩岩好。個皮夠薄，蝦嘅份量亦毫不吝嗇，鮮味又爽口。<招牌極品溜沙飽，$36>其中一個重點係呢個招牌極品溜沙飽，一咬落去即刻咇哂啲奶黃出黎。勁香，味道仲好好！一個字：正！值得推薦！<春風香脆百花腸粉，$40>呢個腸粉由薄薄嘅腸粉包住炸兩包住啲蝦膠而成，炸兩好香脆，啲蝦嘅味都幾鮮，整體感覺好唔錯。<台南擔仔麵，$25>去食台灣點心見到有擔仔麵就試一試，細細碗，食落都幾有台灣風味，味道都唔錯。<呂宋香芒滑布甸，$35

台灣是一個與我很有緣分的地方。我的第一次初中旅行，跟好朋友的第一次賞櫻之旅，第一次的環島單車也是發生在台灣。我喜愛這裏的風土人情，自然風光，當然還有這裏的美食。有見這幾個星期工作沒有那麼繁忙，趁著週日來吃這間台灣餐廳，好讓我解一解對台灣的思念。這間餐廳位於金巴利道，尖沙咀地鐵站大約走五分鐘便到，地點十分方便。經過The One後轉左，走上斜路，便看到這餐廳大大的招牌。這裏的午餐選擇十分多，除了台灣菜，還有港式點心。我們一行二人點了以下食物。1) 皮蛋肉鬆豆腐(⭐⭐⭐⭐💢):豆腐十分嫩滑，而且冰涼。配上微酸的醬汁和蔥花，吃起來令人食慾大增。除此以外，皮蛋的份量也很多，有足足一隻，吃起來十分彈牙。2) 懷舊水晶鮮蝦餃(⭐⭐⭐⭐💢):一個籠五件的鮮蝦餃真的是第一次見。蝦餃的質素也是令人驚喜的，皮薄而餡靚，每一粒也包著大大的蝦肉，十分彈牙，配上竹筍粒口感更佳。3) 台式小籠包(⭐⭐⭐⭐💢):這小籠包一籠四件，跟上海小籠包感覺相似。小籠包的外皮十分薄，一咬下來流出啖啖肉汁。餡料的調味也做得不錯，不會覺得太鹹。4) 紅油抄手(⭐⭐⭐⭐💢):這抄手的份量挺多，大約有七至八隻，而且吃起來不會太辣。唯一

之前去相熟醫生朋友的診所做了例行檢查，今日相約出來午飯順便睇報告，幸好一切正常，可以如常到處找好野食了。多年前曾到台北圓山飯店飲喜酒，今次悉逢醫生朋友的診所就在尖沙咀，見這圓山台灣料理，就上去試試，因為十二點左右已經去到，自然無需等位。這間菜館我們倒還是第一次光顧，見餐牌上有個2人點心餐$178，價錢算是十分相宜，於是就選了這個餐，四個點心就選了懷舊水晶鮮蝦餃、雲南野生菌素餃、鮮菇魚肚扎及招牌極品溜沙包，套餐還包了兩位足料老火靚湯及肉燥飯或擔仔麵兩位，我們就每樣要一個。再加了冰鎮南非鮮鮑魚($88)兩隻及台灣花雕醉鴿($65)一隻。多年老朋友相聚，一於食豪些，亦作為慶祝身體健康，報告合格吧。先來的足料老火靚湯是蓮藕蠔豉煲豬肉及豬脷，果然是足料，蓮藕及蠔豉味濃，不過湯太燙，所以還是先食湯渣，慢慢才飲湯，不過這個湯應該是廣東湯吧。之後點心陸續上來，懷舊水晶鮮蝦餃有五粒之多，比較少見，蝦餃皮薄而晶瑩剔透，蝦肉爽脆，味道很好，相當稱心。雲南野生菌素餃也是皮薄餡靚，菇味芳香，餃皮透明可以清楚見到裡面的饀料。而鮮菇魚肚扎是用鮮腐皮包著魚肚，配以蠔汁及鮮草菇，魚肚煮得很腍，蠔汁令清淡的鮮腐皮加添味道

對食物有執著的人，可以為了一碗拉麵、一款刺身、一客清酒而飛去日本，也聽過朋友為了鴨舌、柯仔煎等小食飛台灣一轉。為的只是食物夠正宗、正派，而唔係為左遷就香港人而轉變成「港口味」。在香港，珍珠奶茶、台式小食店成行成市，但正宗的台灣料理卻不多，今天就黎尖沙咀圓山台灣料理一嘗正宗台灣菜。圓山台灣料理喺尖沙咀金巴利道，即美利華商場隔離，星期六日都比較多人，但好在餐廳地方夠大，黎到都唔駛排隊。午市選擇真多，有套餐、即蒸點心、精美小菜、涼菜小食、炒粉麵飯等等。Order左一窩椰子雞湯，椰子味道清香，又夠滋潤。這個湯窩看似不大，但卻又分到5-6碗，份量驚人。上茶樓食點心我最喜歡揀呢個安蝦咸水角，一客3件?!咦，點解少左件？原來我影緊個湯嘅時候，已經比阿媽夾左一件了。餡料有冬菇、豬肉碎、韭菜、蝦米等非常豐富，炸得夠香，口感一流。食點心又點可以無蝦餃呢？薄薄嘅水晶皮包裹住大大隻嘅鮮蝦，真係做到皮薄饀靚，而且一客5件，認真抵食。其實而家唔係好多地方有牛柏葉供應，見到點心紙有即刻剔左先。牛柏葉煮得幾爽口，薑蔥又夠入味。腸粉包著香脆油炸鬼，配上香濃花生醬或甜醬，就似我地平日食嘅係炸兩啦。黎到食台灣料理，梗係要試

姑姐姑丈復活節由加拿大過黎香港旅遊，我地當然要一儘地主之誼同佢地好好遊覽一下香港啦。星期日，我地大概10點半係酒店接左姑姐姑丈就直接去行程嘅第一站: 尖沙咀圓山台灣料理飲茶食台粵點心。金巴利道呢間圓山台灣料理已經開業超過20年，由於呢度嘅點心好好食，所以我同老婆好多時都會係假日中午過黎飲茶食點心，今日我地到餐廳時剛好11點，餐廳剛剛開門，客人仲未係好多，不過12點之後就好多人。餐廳裝修簡潔企理，而且座位寬闊，坐得好舒服。😙午市除左有多款點心選擇之外，另外仲有商務套餐，4人餐$428已經好豐富，不過難得同姑姐姑丈過黎食，我地今日就冇揀套餐，點左好多款我地覺得比較出色嘅點心俾佢地品嚐下。😊台式胡椒餅 $36胡椒餅好有台灣特色，外層鬆脆，雖然餡料有香濃胡椒味，不過唔會太辣，鮮嫩多汁。😍冰鎮南非鮑 $88隻呢款南非鮑我地第一次點，鮑魚好軟腍入味，而且富有彈性，每隻都已經切開4片，4個人share都好滿足。😍懷舊水晶鮮蝦餃 $40圓山嘅蝦餃一籠係有5隻，蝦餃皮彈牙，中間啖啖爽口鮮蝦，超正。😋招牌極品溜沙包 $36我地每一次黎都會點呢款溜沙包，麵包非常鬆軟，奶皇餡超流心，咸蛋王味濃，超惹味👍台式小

又到星期日的家庭茶聚，我同老公都好鍾意周圍去打探新食店，今次朋友介紹尖沙咀有間20年歷史的台式料理店有茶市，咁當然要帶兩位長老去試下啦，餐廳11點開始營業，我地就準時11點去品茖喇~門口好特別，以端正的字體配以白色底，好有懷舊風格。樓梯以兩盞中式的燈籠作點綴，好靚。由於我地係第一枱食客，可以揀個靚位慢慢嘆。店內有兩層，座位非常闊落，而且裝俢新蔟，光潔明亮，媽咪好滿意。除了散叫點心外還可選擇套餐，食物種類太多，我地好多台式點心都想試，最後決定散叫點心。冰鎮南非鮑(2隻)鮑魚係大碼鮑魚，肉質軟腍彈牙，入口有鮑魚的鮮味及醬料的酸味，好夾好好食。懷舊水晶鮮蝦餃一籠有5粒蝦餃，體積比一般細小小，但餡料好豐富，填滿了爽口彈牙的蝦肉，還有陣陣麻油香味，讚!台式胡椒餅形狀和平時食過的不同，鬆化的酥皮包著豬肉和其他配料，餡料結實不鬆散口感好好，胡椒味香而不辣，岩晒怕辣既我。春風香脆百花腸粉一上枱我地都異口同聲咁~嘩~出來，份量好足料呀，平日食開都係中間好多空間，而今次春卷裡填滿蝦膠，入口外軟內脆，最後係彈牙蝦膠，口感好豐富。秘製酒香豬潤燒賣豬潤好厚好大塊，爽口一點都無臊味，媽咪大讚好味。豉汁欖角蒸魚雲大

草根中意飲茶真係係人都知，一直都有人推介我地去呢一間台式酒樓*圓山台灣料理*，講左好耐終於成行。除左台式料理，其實仲有唔少粵式點心可以選擇。2:00有下午餐，更加抵食呀~點心紙有好多選擇，仲有套餐。不過今次就冇叫套餐啦，叫左幾款點心share🍴招牌極品溜沙飽一撕開溜沙飽，奶黃即時湧出，流心程度滿分🍴春風香脆百花腸粉百花腸粉咬落又脆又鮮，滿口蝦肉，口感不錯!🍴黃金蒜香蝦春捲春捲條條都非常飽滿，第一次食到啖啖蝦肉既春捲，蝦肉爽口彈牙，蒜香味十足，春捲外面炸至金黃色，賣相好吸引🍴台式胡椒餅胡椒餅一客有3件，充滿胡椒香，外層厚酥皮夠鬆脆，好不錯🍴鳳梨酥台式酒樓竟然有鳳梨酥🤩，一客3件，廚師即時靠翻熱，鳳梨酥外皮酥脆，但味道只甜不酸，有點失望，如果中間既餡料可以再多少少果肉同酸少少就好了🍴懷舊水晶鮮蝦餃一客5年，鮮蝦餃粒粒都大大粒蝦，蝦肉新鮮爽口，同傅統酒樓比較呢到既蝦餃更健康，油份較少，而且用真材實料既蝦，質素高! 可以推介俾各位喔🙆🏻‍♀️🍴招牌雪影叉燒飽一客3個，外層做得香脆，包身鬆軟，叉燒內餡又香又多🐷，果然真係招牌菜式，值得一試~🍴即撞木桶豆腐花（$68）豆腐花滑就夠滑啦，不過食落有豆渣

窩夫與蝦子餅日前光顧永年士多的尖沙咀新店，留意到附近已開業多年的圓山台灣料理，便找到去試試看。點了一客午市商務二人套餐($248)，另外再加了一些點心。套餐其中可選點心兩款或涼菜小食一款，窩夫選了涼菜蛋黃小卷。蛋黃小卷看似烚蛋切片，但其實「蛋白」部分是魷魚圈，「蛋黃」部分則由鹹蛋黃、火腿和青豆做成，味道沒有預期中鹹和濃，蘸點沙律醬來吃又會帶出不同層次的味道。套餐的足料老火靚湯是木瓜雪耳雞腳湯，煲得很濃很夠火喉，一點也不肥膩，感覺很滋潤。套餐裡的台南擔仔麵，比窩夫與蝦子餅在台北吃的簡單，麵上只有肉燥和幾條芽菜，肉燥充滿鹹香，拌麵一流。另一台灣菜必吃的還有肉燥飯，這裡的肉燥肥肉比例較少，吃後罪惡感較少。套餐可選兩款精美小菜，三杯雞是其中一個選擇。三杯雞一上桌便香氣撲鼻，尤其九層塔的味道香濃，非常惹味好吃。蚵仔煎是另一款精美小菜，蚵仔粒粒炸過，再加蔥粒蛋漿煎香，蛋黃顔色偏黃，蛋味濃郁。接下來是點心時間，先來招牌雪影叉燒包(大點$36)，包皮厚薄適中，叉燒餡不會太鹹，水準之作。點台式胡椒餅(大點$36)是要懷緬一下當日窩夫與蝦子餅同遊台北饒河街夜市的時光。懷舊水晶鮮蝦餃(特點$40)一籠有五隻