古早牛肉麵 (已結業)

我甚少喺深水埗區活動，果日咁啱要去電腦商場買野，買完差不多食晏時間，於是決定搵餐廳醫肚。喺Openrice 見到附近就有呢間古早牛肉麵，勁多讚，所以就入去試下。小小一間食店，感覺非常乾淨企理，唔會好擠迫。一坐低就即刻被牆上嘅食物招牌所吸引，牛肉麵、魯肉飯、三杯鴨舌、蚵仔麵線.... 全部都係台灣嘅美食，即刻就讓我回憶起果陣去台灣夜市掃街嘅情景，真係諗起都不得了。都係果句：好想飛呀🤣！除此之外，佢周圍仲掛滿左40年代嘅漫畫，同埋不同店舖嘅懷舊招牌，感覺去咗博物館咁，好有特色。如果唔係咁多食客，真係好想一一去欣賞果啲漫畫同埋打卡😕。店員姐姐送上餐牌，睇到好多款台式美食，樣樣都好想試呀！可惜我同朋友只有兩個人，怕叫得太多食唔晒，所以最後只叫左招牌半筋半肉湯麵，同埋鹽酥大雞排湯麵。飲品就叫左百香果雪梨茶，同埋茉香珍珠奶綠。首先講下佢個牛肉麵，一夾起舊牛筋，見到佢已經炆到半透明，就知道師傅一定炆得夠火喉。食落去，有咬口得黎卻又非常容易咬開，感覺充滿骨膠元。牛肉亦都不相伯仲，炆得非常林滑，厚切令佢食起上黎更有口感。麵條不粗不幼，食落彈牙又唔會太削，配上濃郁嘅湯底同埋清甜嘅白蘿蔔，簡直係一絕🤩！之後

呢間台灣餐廳想試好耐，今日終於食到！餐廳環境算大坐得都好舒服！招牌半筋半肉湯麵 - 偷偷地望到隔離枱個碗麵好大，所以我同朋友只叫咗一碗，打算再叫小食！牛肉麵個湯好濃，好香，好足料，唯獨是係舊蘿蔔唔夠入味！滷蛋豆腐干 - 不論豆腐乾定係蛋都好唔夠味！宜蘭迷你蔥肉餅 - 其實係有四舊，不過朋友忍唔住即刻食咗一舊，咬開嘅時候要小心，入邊啲肉汁多到彈出嚟，外脆內軟！招牌珍珠奶茶，芝士岩鹽奶蓋綠茶 - 兩杯嘢飲不過不失，不過要讚一讚嘅就係可以揀甜度！總括我最推介嘅係招牌半筋半肉湯麵，我絕對會為咗碗湯麵再去食多幾次

去深水埗買野通常都食文x車仔面，維x果啲，今次試下食其他野，行落少少就見到尼間台灣面，睇埋左右兩間，完全冇興趣!就你啦!鋪頭裝修簡潔，有大量舊式掛畫裝飾， 感覺良好。落左柯打冇幾耐就上到。飲一啖湯頭先，味道乾淨夠濃，只有好少藥材味，非常好我中意!👍🏻牛筋好入味，牛肉都係我中意嘅，口感軟熟有少筋留有少少牛騷味，麵有咬口，唔韌唔痴口，good呀!舊白蘿蔔居然係淋嘅添!真係唔中意唔得😍飲品就普通啦，我冇加錢轉其他台式飲品，只叫左鳳梨多多試下。香港台灣牛肉麵有好多間，尼間絕對係好食之一，會再黎

上次食得太匆忙，而且點咗自己麻麻地鍾意嘅牛雜，今次再嚟幫襯，難得可以慢慢食，一定ORDER返啱自己胃口嘅食物~ 今次坐另外一邊，可以影到另一角度嘅裝修近距離影到富有台灣特色嘅招牌及圖畫餐單都仲係雙面一張過，一面食物一面飲品呢次點返半筋半肉牛肉麵，飲品就要蜂蜜蘆薈烏龍茶，少冰主菜比想像中快上枱第一時間飲啖湯底先飲得出好有層次嘅濃郁湯底，有唔少香料味，仲有微微辣，好正，自己好少可出街食麵會飲湯底，都飲咗半碗牛筋牛肉都好淋，幾乎唔需要用力咬，份量足，比例半均，而且超入味！以前出面食過牛筋，好多都有一種唔識形容嘅怪味 (腥？羶？)，總之就令我對牛筋無咩好感，不過呢次呢個牛筋完全無呢個問題，煮到同個湯底一樣咁深色，但夾起又見到有啲晶瑩通透感，睇見就知炆足火喉，食落口感仲好似超淋軟骨，大件又好食，勁LIKE！牛肉吸咗唔少湯底嘅味道，但完全無搶走牛肉原味，食落既有湯底味又有牛肉味，欣賞！個人覺得麵底幾特別，扁身，索到湯底味，但麵身唔會淋，反而食到尾仲保持到爽滑，好神奇！整體覺得成碗麵超美味！不愧係招牌菜~ 飲品方面，今次賭中咗！先講賣相，自然而成嘅漸層效果，配合烏龍茶原有嘅琥珀色，靚靚果然真係純粹落

岩岩肚餓，喺深水埗發現左呢間古早牛肉麵😍😍因為呢間叫「古早牛肉麵」，相信牛肉麵係呢到最有名的，所以今日叫左一碗招牌半筋半肉湯麵🍜、炸花枝丸、再配多杯台式奶茶🥤呢到裝潢別緻，好有懷舊感🥰牛肉煙韌又軟身、牛筋軟淋淋又黏黏的，口感好正👍👍炸花枝丸好有台灣味道😋😋😋呢餐令我諗起台灣旅行的日子😆😆😆😆😆每次去台灣都會週圍搵好食嘅牛肉麵，今日喺深水埗食到呢間咁好味嘅牛肉麵，以後唔洗等去台灣啦！香港都有得食啦🤩🤩🤩

深水埗餐廳林立，美食種類豐富，有見近日多位友人暢遊台灣，吃盡地道美食，今天一於吃台灣菜！店內裝修偏懷舊水泥風，牆壁上掛滿有趣插畫，感覺企理舒服。點了一客半筋半肉湯麵，湯底香濃帶微酸；麵條軟硬適中，口感煙韌彈牙，微曲麵條掛湯能力佳，本人大愛！👍🏻；配料方面也十分大方，牛筋有最少四大件，厚身亦不會太淋，略嫌味道偏鹹。牛𦟌厚切，帶肉香，蘿蔔無渣。可惜未有酸菜提供。加配$16 有三件宜蘭迷你蔥肉餡餅，外皮酥脆，餡料多汁，一口一件無難度。飲品方面選了輕芝士岩鹽奶蓋冬瓜茶，另加胚芽，芝士不膩配冬瓜茶感覺清新。

同大家講個小小小秘密🤫因小肥媽係台灣人☺️👩🏻而且小肥小時候喺台灣生活過五年🤪所以其實小肥算係半個台灣人🤪🙌🏻仲記得細個喺高雄左營果貿住既時候樓下有間煮出香噴噴麵食既地道麵館☺️雖然唔太出名做街坊生意但卻煮出童年到宜家都仲記得既回味記憶🍜☺️💭回到香港之後想搵到一間具風味既台灣牛肉麵已經好難🤥想食返童年回味記憶更難上加難🙊適逢今日假期黎深水埗閒逛買野經過見到呢間位於福榮街既古早牛肉麵以簡約既門面示人但店內卻有充滿無限台灣風味既內涵😆黑松招牌 夜市攤檔大水牌 仿木桌木櫈仔以至裝潢格局設計都仿如進入台灣某角落食店☺️如果喺牆上標埋各款野食同價格就更地道了😆抅起小肥無盡童年喺台灣既回憶🙇🏻‍♂️☺️帶出無限台風內涵的風味食店☺️亦煮出具台灣風味既食材☺️🍜🇹🇼而午餐套餐除左基本主食之外🍜🍛可折價加配小食及飲品更為經濟實惠☺️招牌半筋半肉湯麵兒時食牛肉麵好鍾意叫多啲牛筋😆🙌🏻個人比較喜好牛筋軟滑既口感☺️所以呢間小店有半筋半肉做招牌麵亦十分驚喜😆而小店亦採用牛展部位更加爽口🤤牛展牛筋同樣地煮得嫩腍夠哂入味😋吸盡肉汁精華之餘☺️麵條亦煮得夠爽口彈牙🍜😋配合帶有微微藥材及鹹香既濃郁牛骨湯底😋煮出一碗能抅起小肥兒時回味記

夏日炎炎，冇乜胃口，簡簡單單食碗麵最好😋上次夜晚5個人去食要等30分鐘左右，今次2個人去食等一陣就有位。牛筋同牛肉燜得好稔好入味，一啲渣都冇，扁麵好彈牙，而且份量十足🤤湯底濃郁，微微微辣，食嗰陣唔覺得好鹹，但夜啲有啲口渴😐生菜掛住湯汁好好味，相比之下蘿蔔顯得遜色，唔入味之餘仲有啲苦😢大杯檸檬愛玉原價$22，跟麵配飲品可以減$4。小店冇得同主打檸檬嘅連鎖店比，愛玉份量偏少，就係一杯普通嘅檸檬汁加一粒粒嘅愛玉。揀咗微糖，好在口感都幾清爽。食完麵飲都幾舒服。

之前都已經經過古早牛肉麵好多次，所以今日lunch time決定試一試 好full，但係我地得兩個人，所以唔使等位 鹽酥雞排麻辣乾拌麵：雞排即炸，唔會太乾，雞肉都算嫩。麻辣醬味道正常，麵條質感唔錯。招牌半筋半肉湯麵：牛筋同牛肉都好稔，湯底味道濃郁，份量都算大。凍蜂蜜烏龍茶  &  熱紅棗桂圓茶：蜂蜜烏龍茶嗌左微冰，但係都幾多冰。紅棗桂圓茶味道較淡。總括嚟講食物質素OK，不過價錢略貴。

上年同熊先生去完台灣之後, 一直對台式牛肉麵念念不忘, 今日就嚟試下呢間喺深水埗站附近嘅 - 古早牛肉麵。雖然牛肉麵係呢度嘅招牌菜, 不過餐牌上仲有好多選擇, 唔會獨沽一味。呢個麵就有齊我想食嘅牛肉同牛筋。台式牛肉麵一般都會用上牛腩或牛展, 今次呢個就選用咗厚切牛展, 肉質腍得嚟有嚼勁。牛筋煮到半透明, 仲非常入味, 質感柔嫩腍滑, 膠質豐富。湯頭味濃而不油膩, 帶微微藥材香味。扁身麵條富有彈性, 吸收曬湯底精華。細細件嘅一口餡餅, 一咬落去, 湯汁就爆曬出嚟小心燙口呀！餡餅外層煎至乾身微焦, 無畀湯汁浸腍, 咬落半硬半軟, 口感唔錯。餡料唔算多, 但勝在蔥香皮脆, 如果多啲肉就當然更美味啦。飲品可按個人喜好選擇甜度 & 冰度, 仲有唔同size俾你揀。

話說上星期好趕快咁食左一次，覺得不錯，所以一星期後帶母親大人再試多次其他菜式丸，沒有什麼特別，貢丸比較好食湯，雖然好像清清地，但超級的甜！今次試半筋半肉，牛筋不算太稔，色水很深，但都好入味，而牛肉和上次一樣的好吃！味道比較淡，還好不太油和飯一樣的肉燥，菜都很新鮮

陪老公到深水埗買手機配件，放工揸車到福榮街等候咪錶，剛好停泊在古早牛肉麵店門口，七點幾已經開始有人潮，羊群心理底下我都跟住排先因為老公午餐吃得太飽，就叫我揀自己想食咩～眼闊肚窄嘅我就先揀咗我最愛嘅半筋半腩湯麵，佢唔肚餓就揀一碗蚵仔麵線啦，食台灣菜點少得小食，叫咗一份牛肉香蔥手抓餅同蘆筍雞肉捲，飲品就叫咗輕芝士岩鹽奶蓋紅茶。招牌半筋半肉湯麵 - 湯頭膠質豐富，飲落有少許黏口，牛筋牛腩都非常軟滑，肉味香濃蚵仔麵線 - 望落白雪雪既麵線，同台灣所見完全唔同，食落反而相當驚喜，湯味鮮甜牛肉香蔥手抓餅 - 手抓餅煎得香脆，包著椰菜絲及滷牛，加上少許辣醬調味蘆筍雞肉捲 - 雞中奕去骨中間釀入蘆筍同紅蘿蔔，一粒一口，健康有營 輕芝士岩鹽奶蓋紅茶 - 輕芝士幼滑，紅茶香醇，除選擇糖份，亦可選擇去冰，非常適合戒凍飲既女士們