天機棧扒房 (已結業)

平時經過旺角呢條街 淨係會留意到天仁茗茶 估唔到原來有間西式扒房係樓上上次排天仁個陣咁岩見到 於是當晚就去試試佢見佢有個set包哂所有野小食頭盤餐湯主菜飲品甜品 $188 其實都幾抵幾吸引吖我地一行4人 頭盤緊係咩都試啲芥末蜜糖薯仔沙律 細細地 幾開胃 本身仲怕薯仔會飽添 反而又幾fresh咁香煎法國鵝肝 上菜時已香噴噴 口感入口即溶海鹽脆香軟殼蟹好開胃 熱辣辣 唔會太多炸粉得黎 又新鮮 正!主菜來了炭燒美國西冷扒我地點左五成熟 真係五成熟架 平時其他鋪硬係會overcooked...塊牛幾軟身 又幾多汁 啲伴菜都唔會好油膩 岩哂我呀炭燒西班牙黑毛豬配蘋果茸係呀你無睇錯呀係配蘋果茸呀 黑毛豬dip黎食又幾盞鬼我個人中意黑毛豬多過牛扒 呢個煮得岩岩好 平時食豬最怕硬咬極都未咬完石斑魚柳配原隻南瓜芝士意大利飯淨係食肉唔夠 我一定要有飯落肚呢個真係岩哂我 好濃郁既芝士同南瓜味配上有口感既意大利飯 呀 好幸福甜品 我揀左心太軟好完美既ending 朱古力啲醬係岩岩好溫度 平時最怕入面係凍又唔流出黎呢個有哂視覺效果添呀總括黎講 $188 包哂小食頭盤餐湯主菜飲品甜品仲要多選擇 我仲有咩怨言呢回頭

家樂坊H&M係MK起步地標，步行街更加是越夜越精彩。唔知幾時開始，旺角俾人簡稱M K ,比喻一啲較為平價但係又響應潮流的意思，其實我覺得平價又好，貴價又好，佢能夠有一班fans就證明佢地有獨特吸引之處。天機棧扒房亦係，你唔能夠將佢同酒店扒房相比，但係佢由前菜至甜品，菜單設計都係主流嘅西餐，價錢更加係非常貼地親民，絕對係MK收費。熟悉旺角的，一講好景商業大廈就知喺邊，行前啲煙廠街口有個街市仔，天機棧扒房就正正係corner位，專用電梯直達，非常方便。電梯門一開，西餐廳嘅寧靜，微黃嘅燈光、悅耳的英文歌曲，頓時令你走進第二個國度。我們選了$188.- 的set dinner , 細看餐牌，每個項目都有很多選擇，開胃小吃除了沙律，可以選法式蝸牛，前菜有軟殼蟹、鵝肝或者海鮮拼盤。先來龍蝦濃湯，湯是夠濃厚，但龍蝦味欠奉，不過配上熱辣辣的蒜蓉包，海鮮味濃湯絕對是不錯的了。海鹽軟殼蟹，脆脆嘅外層炸得甘香鬆化，咬落軟心雙重口感。海鮮拼盤生蠔大大隻，在沒有太高要求的心理下，新鮮程度令我大為驚喜、生蠔賺了，海蝦、蟹柳棒就係bonus五成熟美國炭燒牛扒，比我預期高分，或許餐廳對自己的食材頗有信心，肉味香濃，根

早前與友人係太子旺角一帶行街, 行完後, 便順便係附近食飯, 最後我地選了天機棧扒房. 由於行完街, 比較肚餓, 我地為了方便, 就直接選了晚餐. 晚餐相當豐, 當中包括小食，頭盤，湯，主菜，甜品和飲品，只需要$188，非常抵食，9點後入座全單仲75折。 小食選了巴黎汁扒大蝦. 蝦肉幾彈牙, 味道調教不錯. 頭盤選了巴黎汁田螺焗薯蓉. 細細一份, 薯蓉幾幼滑, 田螺時間控制剛好. 湯係龍蝦海鮮湯. 對於我來講, 湯最基本要夠熱, 這個湯做到, 唯獨個湯質地偏向稀一點, 杰身一點, 更有口感. 主菜我選了玫瑰岩鹽燒石斑魚柳配原隻南瓜芝士意大利飯. 上枱時已經被佢的賣相所吸引, 因為用上原隻南瓜. 石斑魚柳肉質尚算不錯. 意大利飯軟硬適中, 啱我口味, 而且入口有淡淡的芝士香味, 雙重口感. 甜品選了我最愛的朱古力心太軟. 一切開心太軟, 也見到朱古力流出, 時間控制不錯. 朱古力味尚算濃郁, 甜度適中. 飲品選了熱咖啡. 這一餐相當豐富, 最重要價錢相宜.

媽媽呢日放假去完街約左我食晚飯，早已知道佢喜歡一些扒房既地方😊不過估唔到佢會提議呢間位於煙廠街既一間扒房!!見佢興致勃勃咁就一於捨命陪淑女啦😃⋯⋯當晚途中去的時候已離遠見到大大的招牌海報掛在牆上...不怕找不到😇餐廳位於煙廠街的街市門口旁邊,小路則搭電梯一上就到了!一開電梯門,大大店牌掛上!轉去左邊便是餐廳環境紛紛暗暗正正是扒房的情調⋯我和媽媽坐下後,店員不忘送上水💁🏻‍♀餐牌有很多款式可以選擇但是有一個套餐價錢適中亦有齊「餐湯、前菜、頭盤、主菜、甜品、飲品」所以便選擇了它😊可能我們是吃六時多這一段的時間所以餐廳內不是有很多人但是我們愈坐愈耐的時候客人亦漸漸來到！過一會餐湯到了⋯🥣龍蝦海鮮湯配脆多士, 湯的質感不算很厚但又未至於算是稀稀的！中等但飲到龍蝦獨有香味! 配上麵包食嘅話會額外加分✌🏻前菜一份點了蜜糖芥茉薯仔沙律另一份是巴黎汁田螺焗薯蓉,有隻田螺於焗薯蓉上, 味道唔錯嘅但淡了點!🙂但薯蓉很滑頭盤點了巴黎汁扒大蝦巴黎汁！賣相不錯！味道濃濃的有點芝士及咸咸的巴黎汁配隻彈牙大蝦是不錯令一份點了香煎法國鵝肝多士！值得一讚嘅係鵝肝煎得香口，有理冇理膽固醇是吃罷了😙可能份量則好的關係不覺膩

現今生活物價指數甚高, 2個人隨便出去食餐都要幾百蚊埋單, 今晚去食嘅呢間西餐廳, 竟然推出每位$188就有生蠔/鵝肝/牛扒食, 係真唔係呀?!入到店內見到呢個餐牌, 大大個$188字, 由頭盤, 沙律, 餐湯, 主菜食到落甜品, 仲有餐飲, 唔係卦?!要選擇嘅應該係邊款頭盤/主菜/甜品, 落單後就等食啦喂...............先黎呢個巴黎汁扒大蝦講真唔係好知咩係巴黎汁, 味道咸咸地, 配埋隻爽口大蝦係好味嘅同時生蠔海鮮拼盤 (太平洋生蠔1隻, 鮮蝦3隻, 松葉蟹棒3條)一齊送上, 呢個擺低時有哇一聲感覺, 隻太平洋生蠔好大隻呀, 食落鮮甜, 而蝦及松葉蟹棒夠凍都唔錯, 配埋個醬汁食好爽呀!經典凱撒沙律, 份量適中, 食多點菜點都有益D嘅!巴黎汁田螺焗薯蓉, 有1隻田螺於焗薯蓉上, 味道唔錯嘅!餐湯有龍蝦海鮮湯, 配脆多士, 湯濃度唔算太杰, 飲到龍蝦獨有香味!主菜出場啦...........呢客玫瑰岩鹽燒石班魚柳配原隻南瓜芝士意大利飯, 望見原隻南瓜忽然好有萬聖節感覺燒香左嘅石班魚柳放於南瓜芝士意大利飯, 口感皮脆肉幾嫩又唔太乾身, 幾有魚香味!"畢"出飯粒就見到有拉絲畫面,

同朋友兩個人睇完戲之後都差不多十點，就去了附近的餐廳食飯，這間餐廳在9點後入座全單會有75折，性價比高。海鮮拼盤因為生蠔沽清，所以只有蝦及蟹柳，蝦肉新鮮爽彈，蟹柳不會太腍。芥末蜜糖薯仔沙律薯仔沙律細細份，煮得好腍，帶點芥末甜味。巴黎汁田螺焗薯蓉田螺既腍有咬口，薯蓉很幼滑。龍蝦海鮮濃湯蝦湯香味十足而且很濃稠，但味道則較淡。炭燒美國西冷扒西冷扒表面燒至焦香，切開裏面帶點粉紅，約為七成熟，肉質嫩腍有肉汁，牛肉有淡淡炭燒香味，薯蓉幼滑。炭燒西班牙黑毛豬肉眼扒配蘋果蓉黑毛豬已切開一片片，豬肉不油膩，肉質結實且爽口，點上蘋果蓉中和油膩感。朱古力心太軟表面微暖，切開後有流心效果，朱古力比較苦，啱剩仲意黑朱古力的我，而且甜度較低。法式焦糖燉蛋焦糖薄薄一層，非常香脆，燉蛋有蛋及奶香味，質感幼滑。整體質素不錯，而且打折後人頭都是百多元，非常抵食。

在繁鬧的旺角市區，有間花園街樓上舖的＂天機棧扒房＂有卡位坐得幾舒服，燈光暗暗地有氣氛，套餐抵食除了主食還有前菜，沙律，餐湯，甜品和飲品👏🏻生蠔海鮮拼盤（太平洋生蠔，鮮蝦，松葉蟹棒)拼盤一上枱嚇一跳，生蠔超級大隻，差不多有我手掌那麼大🤣套餐也有這質素真不錯，生蠔肉頭新鮮肥美鮮甜，是海水味較淡的一種。鮮蝦彈牙👌🏻巴黎汁扒大蝦鮮蝦大大隻，彈牙新鮮又入味巴黎汁田螺焗薯蓉細細兜的焗田螺，薯蓉香軟軟滑龍蝦海鮮濃湯龍蝦湯味較淡，是薄薄的那種炭燒美國西冷扒西冷扒要了七成熟，煎得生熟程度剛好，外層微微煎香鎖住牛扒肉汁，味道香濃。炭燒西班牙黑毛豬肉眼扒配蘋果茸黑毛豬肉眼扒肥瘦得宜，有少少筋位煙煙韌韌，豬肉眼扒味濃郁，配上蘋果茸不但可減膩還有甜絲絲的感覺朱古力心太軟心太軟外層皮厚了少少，不過還是有溜朱古力醬出來😆👍🏻

今晚我們行過旺角豉油街有位派傳單嘅阿姨同我們介紹話他們公司「天機棧扒房」而家做緊優惠套餐好抵食，當時我們仲未諗到想食咩晚餐，所以我們就決定去食晚餐！我們叫咗今期推介嘅2月晚市$98優惠套餐：蜜桃醬燒西班牙豬肋骨嘅表面燒得都幾香，肉質都幾鬆化，但味道就比較淡！另外我們再叫咗兩個套餐：黑椒燒德國豬手嘅外皮燒得都幾香脆，但食落嘅質感就比較「韌」同「硬實」，但肉質都幾鬆軟嫩滑，而且相當大隻，真係幾抵食！炭燒紐西蘭一級西冷扒燒嘅火候控制得恰到好處，肉質非常鮮嫩多汁，食落除咗有濃郁嘅肉味之外，仲有炭燒嘅芳香味！頭盤：薯蓉焗田螺嘅薯蓉都幾軟滑，田螺都算鮮味！鷄胸凱撒沙律嘅沙律菜相當新鮮清甜，鷄胸嘅肉質好乾身，但唔算好「嚡」！鱈場蟹棒胡麻醬沙律嘅味道都幾鮮味！餐湯：意大利雜菜湯嘅湯底味道好鮮味濃郁，湯料亦好足料！蒜蓉包相當酥脆惹味！甜品：茉莉花釀果凍嘅味道非常清淡！朱古力心太軟一切開一半就有極之香濃軟滑，而且係暖笠笠嘅朱古力漿流出嚟，外層亦好鬆軟，真係超正呀！法式焦糖燉蛋嘅面層有一層香脆嘅焦糖，底層嘅燉蛋相當滑溜！