4口

营业中

休息中

近年掀起吃鰻熱潮，秋天可謂吃鰻魚的好季節，鰻魚為冬天準備儲存脂肪，油脂感比較厚重兼肉質肥美，「4口」貴為主打季節菜既餐廳，趕上吃鰻熱潮，是季主打 — 鰻魚。最初比「蒲燒鰻魚飯」套餐吸引，不過注意返午市2:30pm前先可以享用，$168 Set lunch包左主食、小食、燉湯/飲品，係IFC嚟講性價比之選！「蒲燒鰻魚飯」用左經典燒汁烹煮，以合適的味醂、醬油、糖調配，鰻魚皮焦脆可口，配上一碗軟綿米飯，立即事半功倍！「鐵板焗鰻魚」 唔係我哋嘅first choice，原本想食黑蒜鰻魚可惜已經沽清🥲但係意外地幾好味，熱辣辣嘅鐵板，用上蔥頭、蒜、姜鋪底，一碟有三大件鰻魚肉，可以用三組形容詞形容：厚身、爽、鰻魚扒🤞🏻「鮮活白玉鰻魚湯」、「姬松茸竹笙排骨湯」，兩者都係湯品～兩種截然唔同嘅風格，我比較喜歡前者，用豆腐、芫荽、姜片，同埋細切鰻魚肉熬湯，如果要我挑剔，就係湯唔夠喉～如果多啲湯就好啦🤙🏻點左三款前菜，「冰梅小蕃茄」、「涼拌萵筍絲」、「松子薑蓉菠菜」，唯獨「冰梅小蕃茄」安放在季節菜單上😀呢個係餐廳好巧妙嘅安排～鰻魚油脂感比較重，好值得order一個小蕃茄，作為解膩之用。食嘅時候又唔覺得特別飽，

呢日又去到我哋中環嘅愛店4口度食晏😍~點咗我喜歡嘅佛跳牆套餐~另外,而家限時仲有同Naked Finn合作嘅窩蛋黃花魚銀針粉添😍~前菜我哋都係點咗松子薑蓉菠菜🌱~好清新爽嘅涼拌菜,又有松子嘅油香味👍~而呢個期間限定嘅合作幾吸引,個窩蛋仲會流蛋漿出嚟🍳~配埋煎香咗嘅黃花魚🐟,上面仲有啲昆布之類嘅嘢~銀針粉味道好香,估唔到咁樣炒嘅效果幾好👍~而我喜歡嘅佛跳牆依然咁足料,又有鮑魚🦪,海參,又有魚肚~不過個湯無之前食咁香濃🤏~套餐仲有個小菜可以選,我哋揀咗鹹香酥炸黃花魚~成條魚炸到脆卜卜,連啲幼骨都食得🦴~佢哋嘅黑蒜香煎帶子好鮮嫩😋~仲有好香嘅黑蒜同埋百合🧄,啲汁仲好食到要用啲麵嚟撈埋~甜品每次嚟都必點呢個椰奶銀耳燉桃膠🍑~桃膠彈牙,加埋好香濃嘅椰奶味🥥,養顏又好食~今次試埋呢個白茶流心丸🍡~雖然唔係好食得出茶味,但佢新鮮炸起好脆~入面仲有鹹蛋黃流心🥚,鹹鹹甜甜又幾夾~4口真不愧係愛店💗,每次嚟都好好食~而且有時推出新菜式都好吸引~

去中環IFC食飯一定係貴價？最近喺IFC發現一間新派福建菜，按季節打造最合時宜同滿足各種口味嘅優質菜式🍲🔸福建金湯佛跳牆（套餐） $268✨咸香酥炸黃花魚✨桂圓檸檬烏龍茶佛跳牆湯底濃稠，味道夠哂香濃。仲好足料，有鮑魚、海參、竹笙、瑤柱，配埋麵線一樣咁好食🥰黃花魚魚皮香脆，魚肉咸香味濃。烏龍茶底味道香濃，加上桂圓嘅清甜，甜度剛好，又香又甜。✨松子薑蓉菠菜 $38✨拌萵苣絲 $38兩個都係冷盤前菜，清新開胃。菠菜帶淡淡薑汁味，再配埋松子升級不少😆 萵苣絲爽脆清甜😊✨鐵板鹽焗蟶子 $128鹽焗哩個方法可以保留海鮮嘅鮮味，打開外殼就可以品嚐到蟶子嘅原味，粒粒肥美嘅蟶子都好新鮮甜美又彈牙😋✨勝瓜燴海蟶 $128蟶子夠鮮味，而且肥美又彈牙，勝瓜夠嫩又腍滑。✨野生紅菇海鮮麵 $148麵線彈牙有咬口，湯底配埋野生紅菇味道更香濃，配鮮甜蝦肉同沙蜆，再加入少量五花肉，整體帶點咸香味，豆腐卜吸哂濃郁湯汁，味道更豐富。✨黑蒜香煎帶子 $178黑蒜夠哂健康，帶子好腍滑，配醬汁食帶出清甜味，再加埋少許百合，口感豐富。✨椰奶銀耳燉桃膠 $58本人今次最喜歡嘅甜品😆椰香味超濃郁，甜度剛剛好，配埋爽脆嘅銀耳同埋軟Q嘅桃

五月天黎左香港開演唱會，開場前同朋友喺附近IFC覓食，呢間舖頭，好耐之前同屋企人食過，今次就一於帶朋友試吓😆店員稱，每年四月中至七月左右，為蟶子季節，會有一系列菜式，推薦我哋試吓，我哋揀咗「薑蔥炒蟶子」、「滋補野生紅菇蟶湯」兩款季節菜。我哋都係抱住好奇既心google下，究竟乜嘢係紅菇，原來野生紅菇「係一種比較稀少的野生真菌，多生長於深山野林中濕潤高温的腐質層中。每年端午節前後紅菇就開始生長了，每次生長期都不是很長，大約一個月不到。」經過咁樣一查，先發現佢嘅珍貴之處，「滋補野生紅菇蟶湯」 湯品呈粉紅色，營養價值豐富，紅菇誘發蟶子鮮甜味道，兩者一起烹煮相當益彰！相比之下「薑蔥炒蟶子」，中規中矩，用上香口薑蔥蒜爆炒，熱辣辣送上枱，並無任何失分之處。「刴椒黃花魚」以砂煲炮製，制作時間需時，上枱時把煲蓋打開，湯汁聲還在噗通、噗通。刴椒烹調令辣味滲入魚中，辣味不會很重，反而香味更甚，砂煲令黃花魚受熱均勻，魚肉滑嫰鮮味，恰到好處👍「鮮果荔枝蝦球」，店家採用新鮮菠蘿、無花果伴碟，色彩鮮艷豐富，原來荔枝蝦球並非荔枝味，是店家以麵包糠包裹蝦肉，製成荔枝模樣，幾可亂真😜夏日炎炎，最後一道甜品，以冰凍「椰奶

趁週末過海行下⛵️,又嚟食我同另一半都好喜歡嘅四口👄👄👄👄~今次嚟食午市,佢啲午市套餐都幾抵,仲有金湯佛跳牆好正😋~呢個午市套餐可以選一款主菜,價錢各有不同~佢就揀返上次食嘅高湯燜炒純米粉🍜~再配個松子薑蓉菠菜同黑蒜粒燉排骨湯🥣~個米粉炒得好乾爽,又有少少焦~而佢哋嘅燉湯真係好好味,黑蒜味道好出🧄,好香濃~而我就想食福建金湯佛跳牆🧱~佢配嘅麵線本身已經好夠味,亦可以撈埋佛跳牆一齊食~佛跳牆好足料,又有鮑魚🦪,海參,又有花膠,竹笙~個湯好鮮甜,回味無窮😋😋~小食就配咗個脆卜卜嘅鹹香酥炸黃花魚🐟~連骨都炸到脆🦴,可以一齊食埋~另外,仲有飲品桂圓檸檬烏龍茶~個茶底好香,我無篤檸檬🍋,覺得就咁烏龍茶加桂圓香味已經好夾~個小菜叫咗松子薑蓉菠菜覺得唔夠食🥬,所以叫多咗個小食份量~佢薑味唔係好覺,但松子配埋冷盤菠菜幾清新🌱~季節menu有呢個黑蒜香煎帶子~佢個黑蒜汁好香👍,同個燉湯一樣,有濃濃嘅黑蒜味~啲帶子煎得好嫩,同埋啲菇類都好吸收黑蒜醬汁嘅味道🍄~最後食埋個甜品🍨,係好滋潤嘅椰奶銀耳燉桃膠~佢嘅椰汁味好出,而且甜品煮到好起膠~配埋銀耳同桃膠,唔會好甜,但好潤,如果可以選擇熱食更好♨️~呢間店真係我