漁牧 (已結業)

嘩，超耐冇出去搵食啦，趁住我妹生日就去左漁牧食飯！入到去冇咩人，可能星期一既關係。禁幾好呀，靜靜地，可以傾下。噢，不過30分鐘後黎左枱人嘈到呢…野食方面：叫左個榴槤雞煲($298)，好有榴槤香味，亦都食到幾舊榴槤。不過呢，雞既分量有點兒小…所以食完後，叫侍應哥哥加水再打邊爐，點左牛肉呀、丸呀、薯粉呀個啲火鍋配料，不過都係唔夠食！可能我地一家好大食既關係，再點多個酸辣魚！條魚唔算多骨，有少少辣加多多酸，味道唔錯，怕辣既朋友都可以食到！魚底下有好多薯粉呀，吸收晒湯既精華，超正。終於食飽飽lu…其實野食方面係唔錯既，可惜服務真係麻麻啦！叫侍應哥哥換碟、拎餐具、加水等等，都起碼需要叫5次，而佢又唔係好想理你禁…唉，我都明有時好忙，但服務都好重要架！p.s.呢度飲水都要收錢，都係叫一jar飲品，一齊share抵啲啦。4個人食，平均每人都二百幾，唔係平價菜式！

1星期黎左2次, 呢日特登黎食榴槤雞煲, 訂位時要預先訂埋~~6pm 黎到就大把位, 但限時1.5hrs 就有d 趕~~ 得3個人叫得唔多野, 只叫左3樣都食唔哂~~因為唔係peak hour 黎, 服務比之前星期六黎好好多, 帶位小姐態度亦比較正常, 之後夠1.5hr 都無趕我地走, 到真係有人等檯先趕, 感覺無咁chur~~

摩登中菜近來勢如雨後春筍，如飲茶、点心代表、唐宮小聚、名館等成了城中熱話，說笑道的「中國四大發明」「粥粉麵飯」可以re-define一下。這類中菜餐廳再不是老套地掛著xx聯婚作背景的酒樓格局，而是有如cafe 般的精緻裝潢，以具創意但價錢相宜的菜式作招徠。聖誕前一個星期是聚會時節，三人特地避吃西餐，打算進擊奇樂香辣雞煲。看罷某食友的食評，得知漁牧新出了榴槤雞煲，三人抱著疑惑但好奇的心態，由奇樂轉戰漁牧。知道愛榴槤者不多，我們仨卻是100%臭味相投，肯定不是一個 normal sampling。雖然已是幸福的一群，九成機會可以七時下班，但偏偏這晚卻成了那一成的例外。近八時到達，友人已坐下等著，門口堆滿了等旁邊茶木和漁牧的食客。早前有到過這茶木，只知旁邊的是有火鍋吃的地方，就是現剩下一家店的南燒北鍋。一邊茶木，一邊舊時的南燒北鍋，今時今日的漁牧，好像毫無關係吧，但其實都是太興集團旗下的餐廳。慕名而來的榴槤雞煲成了宣傳重點，但不知道有多少客人是為此而來了。沿用前身南燒北鍋的crossover 路線，由{南方燒味 x 北方火鍋} 變成了 {地 x 海}（

平安夜前夕，我們一行4人預祝聖誕節！ 相約到位於尖沙咀加拿芬廣場的 <漁牧>！這裡比預期大，一點也看不出是食中菜的地方，設計新穎時尚！ 供應新派中菜！ 大家有口福嘞！鮮榨西瓜汁 $68/酌入口冰涼，清甜解渴， 食濃味美食不能缺少的『涼』拌！爽呀！Coronarita $68以一個巨型酒杯盛載， 紫色的果汁，大量的冰塊，倒插一支細啤酒，並以士多啤梨及火龍果作點綴！賣相色彩繽紛， 大家可以開心 share，真是一大樂事！川香鴨舌 $58微辣帶嚼勁，幾開胃的餐前小食！壇子花雕醉雞 $48相信以花雕酒滲雞時間長，雞肉甚為入味！ 卻是雪得太久，完全食緊『冰鮮雞』！榴槤雞煲 $298一送上桌，榴槤飄香！以 gas 爐保溫，用上高質素的榴槤，並非預期的重口味，原來烹調過的榴槤，變得特別香甜，入口香軟滑溜！我們一行四人，每人一件榴槤！實在太少嘞！ 完全不夠喉！雞肉吸收榴槤汁精華，顯得更嫩滑鮮甜，味道真係無得輸！漁牧混豬 (例牌 1/4隻) $128等上也有好一段時間，就算久等也值得！例牌是四份之一隻，一碟八件，每人兩件，豬皮薄而甘香鬆脆，夾雜一點脂肪，豬肉鮮美多肉汁 蘸上三款清怡的茶末

一開始被它的名字吸引。原來「漁牧」是由來自北京、「世代以遊牧為生的」的Freddie和來自四川、「世代以捕魚為生的」的Fiona開的。「漁牧」這名字充分表現出雙方的家世。頭盆先來個風沙雞翼，雞肉炸得不乾，肉質嫩滑而且蒜味濃，不錯！「漁牧混豬」，名字有趣，菜單註明採用一個月大的奶豬，肉質果然很嫩滑，皮也處理得非常鬆脆，比起坊間酒樓的出品出色不少，值得一讚。跟豬有糯米飯和三種不同口味的醬料，各有風味。不過，個人認為原味（不沾醬料）最好食！可惜這次5個人只叫了一份1/4隻，每人一小件，相當不夠喉，點菜的朋友被笑太「慳家」!「榴槤 +雞煲」?這個配搭都頗有新意。端上雞煲，未食已經聞到榴槤濃郁之香，很能引起食慾。除了溶了的榴槤肉外，煲內仍然能見到一顆顆連肉的榴槤果核，真材實料。雞肉件數算多，肉質也很嫩滑，吃起來有一股淡淡的榴槤味，越吃越滋味。不錯！雞煲少不了啤酒，這Coronarita 以賣相取勝，白色碎冰加上夢幻紫色的糖槳，非常吸睛，怪不得座上不論男女都爭相拍照。飯後甜品是這「三色配」，內有豆腐花、涼粉、紅豆，這個組合也頗特別，豆腐花也算滑，不會太甜，清清淡淡，很適合吃完雞煲吃。

下班，約了一班朋友食飯，以中環及尖沙咀等的中間點歸家方便，尖沙咀絕對是「最佳地方」 (沒有之一)。 在網上得知食評不錯的漁牧，友人建議之下，位於加拿芬廣場的漁牧，在茶木隔離，The One附近。(見友人OT之下，還可以去去購物先)本身一心想吃烤魚的我們，來到餐廳時，發現竟然有 榴 槤 ，指的是榴槤雞煲!! 我跟友人都是榴槤的瘋狂發燒愛戴粉絲，當然要點上來吃吃啦!! 以紅身瓦煲登場的榴槤雞煲，一到場，已經聞到一陣的榴槤味 (不算太大陣味，其他檯應該會聞不到)。 發現雞煲的材料十分多，除了有主角 -- 榴槤之外，還有很多雞塊在內。以二人份量來說，十分足夠 (屬意料之外)。整個雞煲是以甜味為主線，雞的肉味十分鮮甜，加上榴槤及椰香味之下，榴槤味下帶出雞的鮮味，很不錯!! 部份配料，包括蟹柳。 蟹柳可以吸收湯底的味道，變成 新 的 「榴槤味蟹柳」，比起其他蟹柳香甜。老北京烤鴨亦是另一個推介。 鴨的本身以薄切，而且烤得十分乾脆，鴨的表面油脂不算多，令整個烤鴨十分可口。餐廳都提供不少的醬料，醬料配上烤鴨下，帶有咸味之下及燒烤的味道，配上自家制的皮。而份量方面，都十分多，所以吃雞煲及烤鴨已經十分足夠。