The Joomak (已結業)

Joomak位於海港城商埸內，以韓式做買點。兩年前曾幫襯過覺得這裏的食物質數好，而餐廳能望維多利亞港；一面享用美食之餘又可以欣賞詠彩 幻香江，確實唔錯的選擇。人參春雞濃湯餐廳是用了無激素西班牙走地雞， 配上韓國人參紅棗杞子；養顏又滋補，最宜今天漸涼的天氣。人蔘甘甘甜甜，雞肉嫩滑；湯底味道濃郁。韓牛拼盤韓國牛肉比夠小吃，但食落亦很鲜甜牛肉味濃。大大株雪耳成個椰菜花咁好有睇頭，放落濃湯處完全吸收哂人蔘和雞的味道；爽甜又滋味。百頁豆腐豆味香濃的百頁豆腐在湯內烚了一陣把所有的精華鎖上，食得滋味和健康。黃金粟米餃子因韓式關係固餃子除了有粟米和豬肉外，泡菜必是指定材料；咬落甚有口感和惹味。韓國午餐肉Sabu Sabu 午餐肉亦是我喜愛的食物，貪佢烚完後去了些油脂更覺惹味。各類蔬菜如南瓜、羽衣甘藍和冰菜皆很新鮮。泡菜煎餅泡菜混入煎餅中以 fusion 形式 一大片上檯，附上剪刀可隨意剪成心儀份量；吃時蘸一蘸以紅菜頭和醋製成的醬料，開胃之餘亦不覺油膩。韓仙人掌果酒酒內很多果肉，酸酸甜甜；清涼開胃，加埋乾冰效果令整個佈局卽時提升不少。👍

今日是同事last day，決定同佢食最愛的韓國菜歡送佢， 挑選左無論食物、環境都一流的<The Joomak> 餐廳位於海港城內，環境寬落舒適， 最入面位置可以欣賞到維多利亞港的景色以及每晚8點的幻彩夜香江~  食物方面以創意派的韓式料理，會不定時加入新的菜式， 最近天氣開始凍，餐廳亦推出全新火鍋系列， 三款特色湯底包括: 鹹辣蝦汁卜卜蜆、養生人蔘雞、川麻素雞煲 我地都點左“養生人蔘雞”，用左西班牙無激素的走地春雞， 配上人蔘、紅棗、枸杞等配料，健康又養生， 先飲湯，味道鮮甜，飲左碗即時暖晒， 雞肉鮮嫩，入面仲包住糯米，非常豐富~   火鍋配料就點左“龍蝦豐盛拼盤/二人份量” 大大隻新鮮生猛的龍蝦仲會郁，店員會好細心幫客人處理切件， 肉質鮮甜爽彈，正~ 日本生蠔好肥美、泡菜墨魚滑&鯪魚滑爽口彈牙、美國肥牛、豬腩片等， 仲有好多蔬菜如羽衣甘藍、南瓜、紫薯、粟米等，非常豐富~ 我地4個人，除左火鍋亦點左其他的韓式美食， “混醬炸雞”有6款特調醬汁以及配料俾客人DIY調味 有柚子醬、擔擔醬、黑糖梅子醬、菠蘿椰香醬、 青檸蜜糖醬、士多啤梨韓式辣醬等等，配料有蔥、蒜

本身打算食Chesse Cake Factory，點知做緊優惠大排長龍 仲截埋龍😭 逼於無奈下就轉場睇食評話都唔錯 見又唔洗等位 膽粗粗就試下，點知⋯⋯泡菜煎餅 $88好油 壓到好扁 成塊餅 粉嘅比例8/10 泡菜嘅比例2/10 黑蒜炸雞 $168不過不失 雖則叫黑蒜，但一啲都唔惹味，冇乜蒜味，仲愈食愈唔想食吉列牛肋骨 $189牛是ok的，但圍住嘅炸粉有點厚，好油膩重點係 唔知點解要送上肥膏比客人食？牛肋骨係咁嫁咩？定佢地真心相信會有人食？仲有，一入餐廳時，我問侍應呀姐可唔可以坐sofa位，個呀姐話唔拆枱坐，但我一坐低，已經見旁邊有兩位女士坐係sofa位，仲要將袋放係旁邊位，我係米唔應該黎呢間餐廳？順帶一提，餐廳係有供應水的，但侍應唔會主動提供，定唔知佢地太忙

在海港城、海運大廈逛吓逛吓、買吓買吓，有點肚餓，找點什麼吃好呢？上次到 The Joomak 的經驗不錯，一於再幫趁一下啦。這期推廣的食物是青口，這個泡菜蕃茄青口伴炸薯條都幾吸引，一於試試。賣相蠻不錯，一上枱已香氣四溢，急不及待往嘴裡送，泡菜的微辣、蕃茄的微酸、芝士的拉絲、伴隨着青口的鮮味，欲罷不能，美味！美味！薯條炸得很香脆可口之餘亦不失薯條本身的味道。用薯條蘸着青口鍋中的汁液來吃，別有一番風味。一向愛吃韓式年糕，一於試一試。韓式年糕煙煙韌韌的感覺，再加入帶點甜味的韓式辣醬，又辣又甜又煙韌這個簡簡單單的泡菜煎餅，不需太多配料，蘸一蘸特製醬汁，酸酸辣辣，又開胃又好吃。煎餅原個上碟，提供剪刀讓客人自己分配，吃幾多剪幾多，很貼心的服務。這個柚子蜜炸韓蔘，有喜出望外的感覺。脆卜卜的小吃，賣相似幼身的炸魷魚鬚，加入幾粒杞子伴碟，有畫龍點睛的效果。吃起來不失蔘的香氣，蘸些柚子蜜，美味更能提升。杞子除了有伴碟的作用外，味道亦蠻不錯，香香甜甜的，很好吃。這道正氣的小吃紅棗草莓雪沙香甜，沙冰解暑，夏日的良伴，稍嫌味道較淡。潮流興黑蒜，見餐牌上的黑蒜拿鐵幾有趣，一於試試。賣相有點失望，沒有了心心拉花，幸

今次又去尖沙咀搵食. 試韓國野! 首先~ 今次無BOOK枱 , 要等20分鐘 ! 都話尖咀搵食好, 20分鐘一陣就過咗 ... 今次坐位比較開揚, 但面對住個海景, 有D浪漫ge感覺. 哈哈凍冰冰就叫咗個人蔘春雞湯底 (走地雞), 原條人蔘, d雞肉都有濃濃ge人蔘湯味.之後叫咗個, 睇電視話藜麥好有營養, 但本身藜麥無味, 所以好靠配料配搭出黎個味道.  呢個沙侓配咗d蜜桃, 牛油果, 紫椰菜, 沙侓菜. 但配搭甜甜地, 好好食. 仲有配汁可以加入去一齊食. 但我覺得唔加汁岩我口味多d黑蒜雞 都好好味, 但唔鐘意食蒜片ge朋友就唔好叫呢種味. 因為每啖都有濃香蒜味, 仲有黑蒜片. 黑蒜汁充足鐘意食蒜ge朋友仔就岩晒. 韓式烤牛肉 有個煎爐, 但個火係用有阻燃成份ge啫喱. 可能肚餓. 我覺得燒得好慢... 如果可以用明火爐咁就可以快d喇! 以為碟牛肉得好少, 點知食食吓先發現, 原來都有好多架. 薄薄ge牛肉燒完好香, 但邊位燒煨少少仲好食.再加多個, 如果再多d泡菜就仲野味.最後叫咗個野飲, 但係唔記得叫咩名. 哈哈~ 二人份量, 個杯邊仲會秥一d爆炸糖. 飲ge時候會有多一種口感

遲來的生日飯 多謝好友安排呢一餐 個人表示相當滿意 餐廳係LCX個邊終於食到呢間韓國野 講過就記得 係叻嘅兩個人 但叫左勁多野食 飽到上頸叫左佢地嘅主打 韓式冷麵配柚子汁上枱時有乾冰 勁霧煙 的確吸睛冰麵入口彈牙 配上青瓜雪梨嘅爽甜牛肋肉嘅口感 同埋柚子汁嘅酸甜 口感一流泡菜煎餅 無想像中咁脆口 感覺無咁熱氣青檸牛油果醬炸雞 面頭放滿芝士粉 份量不少入口酸酸甜甜 雞肉入口非常嫩滑不過食多兩件就有點滯⋯最後叫左水果柚子茶消消滯 有薄荷葉入口非常清新 淡淡嘅柚子味 幾好飲

今晚約左位素食朋友出黎食飯, 當肉食者遇上素食者既時候, 其實搵一間可以滿足到兩方既餐廳其實唔係一件易事, 特別係食韓國菜。早前係LCX經過呢間韓國餐廳Joomak新出左素食menu, 正正岩哂我倆今晚既相聚dinner。店內裝修跟一般韓國普遍既餐廳唔同, 呢度反而偏向西方格調。雖則今晚係平日晚, 但店內都坐滿九成食客。Menu中除左有部份為素食外, 韓國菜款式亦比較新潮一點, 沒有一盤盤既炸雞, 更沒有烤肉。反而有韓式煎餅, 跟西方cross over既多款美食。令韓式美食更加與別不同! 我地就order左一半素食, 另一半肉食來試試。【馬格利(菠蘿)】 HK$58外表好特別, 個冰球蓋住枝野飲, 完全睇唔出係菠蘿特飲, 野飲Keep到有冰凍效果, 味道方面甜中帶少少酸味, 幾開胃又解渴【紅棗草莓雪沙】 HK$58幼沙冰, 味道唔太濃, 甜甜地, 紅棗同草莓種子都有混入, 不過有d太細粒既種子都係咬唔開 【韓國素肉飯卷】 HK$98對於一個冇肉會死既人去食素肉飯卷, 本身有點抗拒, 但食落其實又比預期既好食得多!反而跟韓國地道食既有點相似, 飯卷中只有瓜類同埋蛋, 配上些少沙律醬,

朋友係素食者，配搭我呢個肉食獸，有時都幾難搵餐廳。一係啲餐廳無素食menu ，一係就全素食滿足唔到我。不過呢間 韓式居酒屋 The Joomak 就解決晒我地嘅疑慮。The Joomak 有部分菜式係以素食為主旨，但因為韓式料理係以甜辣重口味為主，所以即使係素都唔會覺得味道太單一。韓式甜辣素炸雞同素肉卷就係 "扮"肉嘅菜式。說穿了素炸雞嘅口感同味道同真嘅炸雞係有啲距離嘅，但勝在口感實而不乾，加埋上面嘅甜辣汁，飽肚又可口。泡菜煎餅，兩面煎得香但唔係香脆口感，不過不失。我要推介嘅係芝士五重拼盤！拼盤有年糕、翠玉瓜、魷魚圈、炸雞同菇。個芝士真係好香又唔膩，吉住魷魚圈配芝士，一來魷魚圈炸完都唔靭，二來芝士味齒頰留香，真係好好味呀！回味，就係食完美食但你唔想飲水沖走嘅味道～ 盛載住芝士嘅toast 麵包一定要食！鬆軟配埋啲芝士汁～媽呀，如果唔係我要減肥，我真係想食多啲！

Green Monday於本地推行將近5年, 以健康飲食掛帥的這個年頭, 只有週一奉行素食日已不能滿足多菜少肉的大趨勢。而韓國菜系中大多以烤肉炸雞為首, 肉肉肉, 食得肉多食肉獸都感厭倦。 位於LCX的新派江南酒幕 - Joomak, 最近與"Green Monday"合作, 以健康手法配以健康食材烹調出素滋味, 既可一嚐韓國醬料的惹味, 又可食得健康, Green Monday的晚餐就鎖定這家。木條子門面夾雜於商品攤檔之間, 看似不太起眼, 原來內裡佔地十分廣, 大行工業風同時又播放KPOP。 我們被引領到店的盡頭位置, 一排靠玻璃窗的座位, 有無敵中環夜景相伴, 雖然灰濛濛一片, 但當幻彩詠香江上演時仍有一定的可觀性。 新推出的春日韓素系列, 無肉餐單同時標榜只用於素菜的刀具使用, 徹頭徹尾的素食主義。 韓式素肉飯卷 $98紫菜飯卷下包有青瓜絲、 醃蘿蔔和素雞肉, 還有韓式醬料的混入, 而表面灑有大號杏仁片, 紫菜雖受潮而變腍軟, 沒有像日式飯團的紫菜脆口, 亦無損香口程度, 一口一塊吃得痛快。即是沒有肉類的滿足, 味蕾仍是接受這一道清新。 韓式甜辣素炸雞 $118來得"

來到海港城LCX，有很多用餐的好選擇，剛巧大家都想吃韓國菜，而The Joomak看來又不用等太久，我們便決定在此用餐。如果被安排坐在窗旁，還可欣賞維港景致，環境算是不錯呢！座位很寬敞舒適，妥何限制了90分鐘用餐時間，不能慢慢享受。餐廳雖然食客很多，但不至於太嘈吵，一直播著韓國的流行音樂，氣氛算是不錯！餐牌上有很多食物選擇，都是普遍人喜愛的，所以都不難選擇。泡菜煎餅 是我認為當晚最好吃的料理，雖然賣相看起來不算吸引，但煎餅的用料豐富，而且很煙韌，不會太粉狀，也十分飽肚。泡菜牛肉卷和炸紫菜卷　其實也不錯，兩款都很有層次感，色彩繽紛，賣相吸引。泡菜牛肉卷的調味比較充足，但嚐不到泡菜味。炸紫菜卷是香脆的，蔬菜部份比重較多，很清新，但調味不足。接下來的四款食物味道偏甜，雖然很易入口，但減少上甜度會較好。韓式牛肉炒粉絲和韓式牛肉炒飯的用料和調味可以說是一樣的，只是配了粉絲和飯的分別。牛肉的份量也算豐富，很香口。粉絲和飯的口感很煙韌。柚子炸雞　有豐富香甜的柚子醬，加入了香脆的炸雞上，感覺很清新開胃。吃過了卡邦尼年糕　會有點飽膩的感覺，年糕的質感煙韌，有忌廉和芝士的咸味，也帶甜。