新泰東南亞餐廳 (太子集團中心) (已結業)

呢間舖係商業大廈嘅樓上舖，坐窗邊有落地玻璃可以望下街景同樓景。午餐時段我哋叫左個星洲蝦喇沙米線嘅lunch set，再以優惠價叫左個炸蝦餅。之後散叫左一個炒金邊粉同埋燒豬頸肉。由於同行友人唔係好食得泰國香料陣味，所以佢都唔太鍾意食泰國野，今次都係就我先食，所以都揀番啲冇咁重香料嘅野俾佢，佢居然好滿意呢一餐喎，仲話覺得自己中意左食泰國野，哈哈。 佢個喇沙米線個湯底辣辣地又好重椰漿香味，令到個湯溫和左好多，口感都好滑，食完哂啲料之後我哋連個湯都飲哂。入面有蝦、魚片同豆卜，當中豆卜吸晒啲湯最好食，一咬落去啲湯爆哂出黎。炸蝦餅雖然係用優惠價加配，但一啲都唔馬虎。佢啲蝦肉整得好彈牙，外層都炸得好脆，仲要足足有四件，叫得套餐嘅人記得一定要加錢食呀！至於佢個燒豬頸肉都食得出有啲香茅味同炭燒味，我個人就中意個種香嘅，但友人就麻麻，佢一定要點個醬一齊食。個醬咸咸地，有啲似叉燒汁嘅味，點完係真係cum過左啲香茅味，各有所好啦。雖然係薄薄嘅一片片，但都食得出佢個肉質好彈牙，肥瘦都均勻。最後係金邊粉，佢用蛋漿整左個網形嘅被舖左喺紅紅嘅金邊粉上面，視覺效果好正，擺盤上都幾有心思。金邊粉入面落少少青檸汁落去酸酸地

我已經係第二次食呢間新泰喇，佢喺尖沙咀已經有兩間分店，非常受歡迎，我去嘅太子集團店舖位好大，坐得好舒適，每張櫈都係梳化櫈嚟，枱與枱之間距離好夠👍🏻🍤 泰式蝦炒金邊粉 （$108）呢個金邊粉擺盤好靚，用一個網狀嘅蛋包住炒金邊粉，仲見到成四五隻蝦😋 食落酸酸甜甜，材料豐富又夠鑊氣，好讚！🦀 麵包焗咖哩軟殼蟹 （$208）軟殼蟹脆脆哋加埋好足料嘅黃咖哩😋 兩樣都好香口，麵包焗到脆邊，外脆內軟，入面位置沾埋超多咖哩食好似融為一體咁，會令人覺得自己唔係食緊包🤤🤤🥬 飛天通菜 （$75）飛天通菜係泰國特色嘅通菜，made with chilli and garlic 🧄 少少辣、多多趣，仲夠晒香👍🏻🐷 燒烤豬頸肉 （$78）豬頸肉好惹味！肉質唔韌，算係半肥瘦☺️🍹 芒果沙冰、菠蘿沙冰 （$38@）食泰國嘢一定要飲沙冰，超級順滑又夠晒香甜。仲見到水吧同事即榨㗎🤩

同朋友睇戲前係尖沙咀附近食好嘢，就揀咗泰國嘢食泰式生蝦 $98生蝦上啲辣椒真係好辣，但辣得有啲過癮，不過唔食得辣嘅最好唔好連埋辣椒一齊食泰式蝦炒金邊粉 $108金邊粉炒得真係好好味，好乾身，而且啲蝦都好大隻，加少少花生碎一齊食，會幾有口感椒鹽軟殼蟹 $78開頭有諗會唔會食到埋咗椒鹽入面個啲軟殼蟹會唔會好鹹，結果又唔會喎，不過就覺得蟹嘅份量有啲少椰青沙冰 $58一上檯個侍應即刻叫我哋快啲飲少少先，因為驚沙冰溶晒出嚟，真係飲到好凍，消暑一流芒果糯米飯 $68一邊黑糯米，一邊白糯米，但上面有椰汁煉奶，令到成個甜品有啲過甜，結果食芒果個時，完全食唔到芒果嘅甜味，有啲失望總結上嘢食速度真係好快，食完收碟嘅速度亦都好快，令到有少少想趕我哋快啲食完快啲走

小妹適逢放假，去tst 閒逛之外，朋友還帶我吃一間備受好評既泰菜！位於isquare旁的太子集團中心8樓，都幾易去！ 一於一探究竟！一出lift就見到好靚既drop in area！內裡環境整齊清潔！空調令人感到舒適，打破一般泰菜店侷促的感覺。幸好小妹比較早到，可以坐到卡位，有落地玻璃看到窗外環境，空間感十足！看看餐牌，整體上菜式選擇豐富吸引！小妹點了數款鍾情的美食，看看和一般店有什麼不同。泰式蝦炒金邊粉賣相好靚！旁邊有青檸和花生碎，可以混和一起吃！令人驚喜是內裡的蝦十分大隻，幾足料！加上豆腐乾等配料，味道不太重，吃多也不怕膩！泰式炸蝦餅是必吃item！蝦餅切半後仍是大大舊，啖啖肉！最令我滿足是蝦餅熱辣辣，外層脆卜卜，好正！少不了配上泰國椰青，好清新！椰青是室溫奉上，幾新鮮。小妹見甜品有原個椰青大菜糕，好吸引！忍不住點了個。果然如我所想，好靚！冰凍透心涼！味道不會過甜，內裡有不少椰青肉，真才實料，好有口感！成個既份量都好多！食完好有滿足感！值得一讚是服務人員的態度都很友善，做事很勤快，見你桌上有飲管膠袋、吃完的碟等，很快主動清理了。另外他們也懂得多國語言，即使身邊有外國食客都能對答流暢

就到月底岀糧，同事話不如岀去食餐好嘅，大家都ok就約咗其中一日放工去食泰國嘢。前菜嗌咗兩款菜式，首先係「越南烤蔗蝦」同「泰式街邊豬肉串」，明明係泰國餐廳，點解會有越南菜式？我都唔知，我淨係知個蔗蝦好食，入口啖啖蝦肉，再加埋啲辣醬仲正。串燒半肥瘦啱啱好，點埋個秘製醬汁另到佢更加好味。我哋每次食泰國嘢都一定會叫個炒花蛤，見餐牌有「泰式炒花蛤」諗都冇諗就嗌咗，另外好似冇菜食差咁啲所以嗌咗個「飛天通菜」。花蛤炒得好香口，對我嚟講都幾辣。咁食泰國嘢點可以唔嗌咖哩同冬蔭公，所以點咗個「泰式青咖哩豬肉」同個細嘅「冬蔭公湯」。咖哩我哋冇叫到飯，反而係叫個蒜蓉包，一樣咁夾，冬蔭公好鮮甜但係對我嚟講好辣。重點介紹最後兩款主菜，分別係「泰式明爐魚」同埋「泰式蝦炒金邊粉」。金邊粉賣相好吸引，而且好足料，有幾隻大蝦仲要蝦肉爽口彈牙。烏頭魚肉好鮮甜，熟得啱啱好，味道酸酸甜甜好開胃。最後要埋個甜品「芒果糯米飯」，糯米有兩種，芒果清甜，加埋啲椰漿食飽好滿足。另外因爲我唔係好食得辣，叫咗杯芒果沙冰解辣。整體而言，新泰可以話係尖沙咀top3泰國餐廳，反正冇得岀境去泰國，就嚟新泰止下痕先。

由於公司搵食兵團其中一位成員要另謀高就，今晚放工就大家一齊食餐飯，希望之後仲有機會周圍食野啦！今日黎到位於尖沙咀北京道商業大廈嘅新泰食泰國菜。食泰國菜最好就係可以叫好多小食可以一齊share，食到好多種類。餐廳環境舒適，燈光暗暗地，枱與枱之間距離唔會太迫，見到幾枱客都係約埋三五知己一定食泰菜傾下計，不亦樂乎～我地一行四人今晚都叫左好野食！============================== 冬蔭功 (小) $78先黎嘅係冬蔭功湯，我地叫左細碗，不過細碗原來大約係二人份，冬蔭功湯有隻大蝦同蜆，配埋其他香料，酸酸辣辣夠哂開胃！  飛天通菜 $75飛天通菜有啲辣椒係面賣相好好，新鮮爽口，唔似坊間炒得好油膩冇左通菜本身該有嘅爽口感，正！越南烤蔗蝦 $78除左泰式小食，連越式小食都有，同事睇餐牌時講左幾次想食蔗蝦，就試試！食落有d似食緊炸蟹鉗嘅蝦肉版，蝦肉夠彈牙泰式青咖哩豬 $88 配蒜蓉包 $32青咖哩擺盤好吸引，味道偏辣，豬肉肥瘦適中配埋啱啱焗好嘅蒜蓉包脆卜卜咁食，一絕泰式蝦炒金邊粉 $108估唔到金邊炒賣相可以咁靚，廚師用蛋網將炒好嘅金邊粉包住，好似個鳥巢咁，金邊粉大蝦新鮮彈牙，金

之前屋企聚會嚟過新泰，大家都覺得性價比幾高，所以今次帶好鍾意食泰國嘢嘅大同再嚟食~二訪質素仍然保持，適合一大班人嚟叫多幾款菜式share🙌🏻 好多店員都係泰國人，有種好正宗嘅感覺，而且服務態度亦唔錯！=========================🐥 泰式青咖喱雞 $88 + 蒜蓉包 $32青咖喱微辣，唔食辣嘅朋友都完全接受到，除咗雞肉，仲有白圓茄、青椒、洋蔥。蒜蓉包牛油味濃郁，烘至外脆內軟，咖喱汁真係太惹味，嗌一份蒜蓉包唔夠喉😋🦐 越南烤蔗蝦 $78蝦餅食得多，今次試吓蔗蝦~外皮香脆，蝦肉肉膠彈牙，不過我覺得同蝦餅差唔多😂🌶 冬陰功 $78叫咗小份因為想留肚嗌多啲餸🤣 店員離遠攞過嚟嘅時候已經聞到好香，酸辣度適中，有大大隻蝦之外，仲有魷魚、雜菌等🐟 泰式明爐魚 $188用個小火爐㷫住，烏頭上檯時已經全熟可以食得，另外會上一碗湯， 食嘅時候可以加多啲湯底唔怕滾乾👌🏼魚肉嫩滑，仲有不少香料，香茅、檸檬葉、芹菜等令到味道更豐富，略嫌湯汁味道唔夠濃郁，酸啲會更突出🤌🏼🍢 泰國街邊豬肉串 $68豬肉串紮實但唔鞋，中間仍然keep到肉汁，旁邊嘅醬汁係重點❗️微辣帶少少甜好惹味，大家用嚟點其他嘢食

較早前看見foodie介紹此餐廳, 見食物賣相吸引, 路經附近, 一於光顧。剛巧2時過後入座, 避開了午市人潮。餐廳傢俬佈置甚具東南亞風味, 座位寬敞舒適。由於顧客不多, 故要求坐近窗邊的4-6人大枱。午市套餐選擇不少, 總有一款合心意。Lunch Set1) 泰式蝦炒金邊粉 $752) 飛天通菜 $283) 龍眼冰 $84) all + 10%飛天通菜炒得爽口, 蒜頭辣椒香口微辣, 甚是開胃。龍眼冰味道濃郁, 內有6大粒龍眼, 味道清甜舒心。泰式蝦炒金邊粉賣相不錯, 金邊粉茄味濃郁偏甜。蝦雖大隻, 但肉質並不爽口, 對比熱騰騰的金邊粉, 感覺蝦有點涼。拌勻花生碎和青檸汁同吃, 整體是可以的, 但沒有驚喜。離開餐廳時正值落場時間, 看見此海報附近坐著員工休息, 除口罩談天, 感覺諷刺。是抗疫意識不足, 還是活在平衡時空?

冇得去旅行但係又想食泰國嘢可以點做?緊係去搵啲高質嘅泰國餐廳食下。趁疫情放緩，一行四人好耐冇見就決定搵個地方坐低慢慢吹下水。新泰東南亞餐廳位於北京道，好近地鐵站，樓上店既好處係，有幸坐在窗邊位置的話是可以飽覽尖沙咀的美麗夜景。餐廳座位非常闊落，座位與座位間有足夠的空間，喺疫情下可以話係食得非常之放心。椒鹽軟殼蟹，香脆可口，不油，份量都幾夠!原隻燒魷魚，肉幾爽，同醬汁好MATCH!豬牛雞串燒，肉質又鮮嫩，醬汁惹味，非常之抵食!cp值好高!小拼盤就有炸蝦餅同炸魚餅，我個人鍾意食炸蝦餅多啲，因為比較爽口，食得出用料十足，魚餅嘅調味就比較濃。馬拉盞炒通菜，夠惹味，唔油!泰式蝦炒金邊粉，好少見到啲餐廳會用一個咁靚嘅蛋網將啲金邊粉包住，淨係視覺上都100分啦!而且用料都好足夠，蝦爽口彈牙，金邊粉炒得條條分明!芒果糯米飯簡係必嗌㗎喇，分量剛剛好，椰汁夠香，糯米飯夠軟熟，雖然係甜品但唔會過甜，芒果食得出新鮮高質!原隻椰青沙冰真的非常少見!份量非常十足，冰凍清甜，沒有過假過甜，非常解渴!特別值得稱讚的是侍應專業的態度，落單非常專業，反應又夠快，將MENU上的所有細項都記得非常清楚，又會自動問甜品需唔需要

喺尖沙咀食晏，朋友介紹呢間樓上嘅泰國餐廳，地方好闊落，環境好舒服，絕對俾你有種抖下氣嘅感覺。午市套餐我揀咗‘泰式蝦炒金邊粉’。賣相好靚，一啲都唔辣，甜甜地，而啲蝦就好爽口。午餐包一杯飲品同一件小椰汁糕。下次一於試吓晚餐。

泰式菠蘿炒飯 原個菠蘿🍍上既炒飯係必叫之一 非常有特色！表面有本人最愛 食落脆卜卜既腰果😙同埋肉鬆一齊炒 加埋菠蘿肉 酸甜開胃之餘飯既軟硬程度唔錯 一粒粒唔會過淋或太生 good😛泰式蝦炒金邊粉 呢個金邊粉一上枱就俾佢外表吸引😳相比平日食既金邊粉 呢個簡直高質 不單止好有心思🥰而且考功夫 表面係用雞蛋整成既蛋網絲交叉相疊 好似一個雀巢咁🕊包住啲金邊粉 粉唔會黏到一團團但又唔會油膩或過度乾身 蝦🦐爽口但略嫌份量太少😵整體非常推薦😗學周星馳話一個字記之曰 心！🤪椒鹽軟殼蟹一聽椒鹽就知有幾惹味 大量乾葱 蒜粒 椒鹽 辣椒🌶️調味既軟殻蟹 炸得唔差 乾身酥脆之餘保持到入面有口感 亦冇炸得差個種一咬成口油既情況😤👍🏻蜜糖燒豬肋骨 Ribs比較細碟 所以份量都好少 大概5 6舊😹唔係咁抵食蜜糖可以再多啲 但整體烤得唔差 食落唔會乾身 尚算juicy 一咬啲肉質好有質感🤓青咖哩雞配印度薄餅雞肉鮮嫩滑溜 唔會煮得過老過鞋 青咖哩既椰漿味好香濃 本人表示泰式咖哩一啲都唔辣😬而食任何咖哩都一定要配印度個種薄餅先可食到最正既感覺🥴 熱辣辣香噴噴既香酥薄餅 點咖哩 簡直perfect😽芒果糯米飯甜品本來係最期待

12月25日相約了6位朋友飯局同影燈飾，就揀了附近這間泰式餐廳，環境都可以，坐位也很舒適，就点了蒜茸越南牛油雞翼、串燒(雞、牛、豬)、串燒羊肉、泰式蝦炒金邊粉、泰式菠蘿炒飯、冰鎮翡翠螺、蒜茸炒貴妃苗、但最特別係麵包焗咖哩軟殻蟹麵包點上咖哩汁放進入口，又食到軟殻蟹味道，加埋杯冰凍茫果沙冰，簡直正到冇得頂，但重點要比個讚👍，因為我朋友不小心倒了大半杯茫果汁在地上，不知點算好，服務員立刻上前清理乾淨，還給我們纸巾，最後還補回一杯茫果沙冰給我朋友，當時我們開心都來不及反應

今日約左閨蜜交換手信，她推薦食泰國餐，原本唸住訂位，可惜這餐廳規定要兩人以上才能訂位，我地唯有walk in了！六點多便上到去，餐廳已座無虛席了，好彩我地等左大約半個鐘便有位了，還以為要等－個鐘呢！不過有用餐時限1.5小時，所以要落單快，但估不到上餐速度都好快！可以比美茶餐廳值得讚賞是碟碟餸都係熱辣辣上枱的。我地叫左:泰式生蝦其實對生蝦有些顧忌，但閨蜜喜歡食，所以就點吧！賣相不錯，生蝦新鮮，配以泰式酸辣汁，超惹味！啖啖爽脆蝦肉，再加上檸檬片－起食，感覺好清新！超好食有沖動想叫多碟呢！蜜糖燒肋骨燒得好香，肋骨有蜜糖甜香味，不會太乾身，蒜蓉炒貴妃苗蒜蓉味炒得好香，貴妃苗炒得爽口嫰身，不會太油過火泰式蝦炒金邊粉賣相吸引，餡料豐富！蝦大粒爽口，金邊粉炒得不會太乾身，也不會過於濃味，好食芒果糯米飯芒果雖甜，但黑白糯米飯過於太淋身，味道一般龍眼冰有好多龍眼肉，不過甜，好飲當我地食緊甜品時，便要迫埋單開始趕人走了！我地離開時，門口還有好多人等位呢！怪不得不容許他人閒聊！

大病初癒，之前吃得太多西藥，口寡寡也沒甚麼食慾 >.< 想起了開胃又下飯的泰國菜，不過九龍城實在太遙遠，交通又不方便，所以就來到尖沙咀的新泰東南亞餐廳~門口的木系裝飾散發泰式的異國韻味。自然原始的木雕品，帶來點點禪意，讓客人感受古樸的民俗風情。座位寬敞舒適，環境衛生潔淨，昏黃的燈光配上木系裝潢頗有格調。還可俯瞰尖沙咀的鬧市街景，感覺開揚。幸好這天早來了，weekday 晚上都全場滿座，到我七時半離開時，已經要等位入座，所以最好事先book 定枱。餐牌都有很多款式，看得人三心兩意 *v* 蜜糖燒肋骨 $88表面的蜜糖醬汁帶點微甜，十分惹味，甜美外層添上焦意香氣。豬肋骨肉質鬆軟，不會過韌，入口半帶脂肪卻沒有肥膩的感覺，只要輕輕一咬便骨肉分離。泰式蝦炒金邊粉 $98每次吃泰菜我最想點的都是Pad Thai XD 蛋網賣相極盡精緻誘人，製成薄皮裹著金邊粉，實在讓人不忍心撕破啊 吃之前先滴上青檸汁，口感會更清爽也能消除油膩，一切開裡面份量十足，金邊粉幼滑爽口，不會黏成一團，味道酸酸甜甜好醒胃。蝦肉夠新鮮爽口，不過一碟只有約五六隻，數量就似乎少了點。奄列海鮮炒飯 $85擺碟賣相色彩

上次到訪尖沙咀太子集團中心，留意到8樓有一間叫新泰的東南亞餐廳，窩夫與蝦子餅一向喜歡吃東南亞菜，早前在尖沙咀找地方吃晚飯便去試試看。餐廳的裝飾和擺設以木為主，很有泰國特色，環境給人舒適的感覺。窗旁設有四至六人的卡位，亦有幾張大圓桌，適合一大班親朋戚友相約聚餐。餐牌上有兩款標記供食客點餐時參考，分別是廚師推介的大拇指標記，以及2016年最具人氣食品的筷子標記。很久沒有喝過椰青($42)，這個椰青不會雪得太凍，正合窩夫的心意，椰青肉白白滑滑，椰青水味道清甜，消暑解渴一流。小拼盤($98)有蝦餅和魚餅各兩個，每個一開二共8件。蝦餅爽口彈牙，略嫌外層炸得稍為硬了一點。窩夫近年愈來愈愛吃泰式魚餅，喜歡那些香茅和檸檬葉的香味，新泰的魚餅做得不錯，不會很辣。除了泰國菜，新泰還提供多款其他東南亞國家的菜式，如新加坡的叻沙和馬來西亞的肉骨茶等，窩夫與蝦子餅則點了來自越南的蒜蓉牛油雞翼($68)。跟平日吃的蒜蓉牛油雞翼有點不同，雞翼用大量蒜蓉和洋蔥炒過，上桌時香氣撲鼻，鑊氣十足。泰式蝦炒金邊粉($98)用蛋網包著，賣相吸引，個人認為味道偏淡，可以濃味一點。壓軸的是芒果糯米飯($62)，黑白糯米飯都很好吃，