點心廊 (已結業)

每次出街諗要食咩都係大挑戰，其他野食到悶所以兩個人走左去飲茶食點心。坐落第一印象係茶壺同餐具好靚！款式同質感都深得我心(女人去到邊都會開啟購物Mode) 點心好精緻，而且份量比想像中大。 蝦肉爽口菜苗幼嫩，水晶皮煙韌又唔黏牙，食完男朋友即講今次試新野冇中伏芋角一向係我最愛，呢度嘅內餡芋蓉比平時食嘅更幼滑，外脆內軟好味！不過帶子的存在感就唔算好高。 將鵪鶉蛋釀入燒賣仲做到流心效果，點心師傅技術真係一流！唔講流心單係燒賣本身都好味，爽口彈牙，加埋蛋黃口感更柔軟。 呢味小炒重點應該係微辣嘅沙茶醬，好惹味。墨魚爽份量好足，食極都有 是日最愛足足食左三碗飯！鮑汁加上花膠同瑤柱令醬汁好鮮甜又唔會死咸，配飯真係一流，仲要每啖都食到花膠，食得好滿足。 影埋餐牌大家可以參考一下，有新派菜都有傳統點心 總括黎講價錢一定比普通茶樓貴少少，勝在環境好食得舒服，員工都好有禮貌。菜式花過心思設計，用料好味道都好，可以再encore！

去享受一下高級茶樓，話明係高級，侍應服務當然係達致高級水平，茶具亦有氣派。創作六式拼盤($198)，靚靚既器皿，加上精美既食物，一定要比相機食先，我覺得食用既次序應該係由粉紅色蒸籠內食物開始，再由雪梨順序向後逐款吃。海膽鳳眼餃，海膽滑流鮮甜冇苦澀味，餡料有濃郁既西芹味。金箔墨汁蟹粉鮮蝦餃，漏左幫佢影一個大特寫，蟹粉餡料好多，而且墨汁皮唔會太厚太簿，岩岩好。黃金啤梨鹹水角，賣相已經好吸引，外皮脆得黎帶點煙韌口感。原隻鮑魚雞粒酥，鮑魚爽口入味，酥皮香鬆軟。一口燕窩蛋撻，燕窩晶瑩剔透，好滑，而且份量有蛋撻咁高，好滿足，下層蛋撻同樣香酥脆。黑白芝麻流心煎堆仔，外層帶有芝麻香味，內裏有湯丸，餡料係流心黑芝麻，好軟滑。流心鵪鶉蛋燒賣($48)，鵪鶉蛋燒賣相信好多人都食過，但係流心鵪鶉蛋真係第一次品嚐，隻蛋藏左入燒賣裏面，因為咬開左之後，蛋汁可以流到外層燒賣，令肉質提升口感層次。富士竹炭叉燒飽($38)，鬆軟既麵包，加上熱辣辣既叉燒，同埋個糖霜能帶出少少甜味，成個配搭都好完美。

最近雅蘭中心開了間潮派點心店, 又忍不住要約幾個好友試試。環境雅緻,  燈光柔和, 不像一般茶館的嘈雜  !  飲品方面, 除了吃點心不可或缺的香茶,  這菜館提供不同冷熱飲品選擇 ! 美麗是你的字 !  一向喜歡玫瑰的花香, 濃郁清幽，像蜜糖又像花, 能平复情绪, 解我憂思 !再加水蜜桃和士多啤梨的果香,  和青檸汁的點綴,   使杯中更亮麗 !這杯黑漆漆的是熱可樂加陳皮加蜜糖 。  平常感冒可喝可樂加薑 , 因薑可驅寒。  但薑比較熱,  没想到可用比較温的陳皮代替,  回家也可一試 ! 這湯濃郁,  層次豐富,  濃濃的魚鮮加芫茜獨特香味,  清甜。  再加一點爽口花膠條, 增加口感 !不像一般酒楼把原隻鮮蝦裹於澄粉內, 這蝦餃的特別是鮮蝦跟筍尖剁為一體,  外面的澄粉晶瑩軟滑, 內裹帶著筍香的鮮蝦肉弹牙 !  很久沒見了的豬肉燒賣 !  近年燒賣不斷改變,  有魚肉燒賣, 蝦肉燒賣,  險些把燒賣弄得像蝦餃一样。  這家餐廳保傳傳統的鵪鶉蛋燒賣, 值得一贊  !  抵食,  $58便可吃到肥厚的墨魚, 及爽口的 黃瓜  !  海胆新鮮  !  春卷脆 !  喜歡香口的人最愛 !

相約一班由台灣旅遊相識的新知舊友食飯，大家都選在旺角，因為上次父親節飯局的愉快經驗，知道他們在雅蘭中心亦開了一間新的餐廳，主打點心及特式菜，所以叫朋友一齊試吓。呢間餐廳此餐廳裝修十分富有中國水墨畫的特色，後來才知道全部的畫都是總廚親自畫，真是佩服此總廚的文采。先點了2個小食：去骨沙薑豬手和沙茶墨魚鬚，他們用沙薑切成小粒而不是沙薑蓉去調味，第一次食到沙薑的原味，同滷水豬手好好夾，感覺不會太肥膩;沙茶墨魚鬚的沙茶比較淡味，我最欣賞係他們用了一種十分肥美的墨魚，又肥又短，好得意好有咬口。晶瑩筍尖鮮蝦餃內將鮮蝦及筍尖混合，完全跟足懷舊蝦餃的做法及味道，與其他餐廳用完隻蝦的食法不同，唔止淨係食到蝦嘅鮮味同埋爽，多咗一份清甜。流心鵪鶉蛋燒賣：一般嘅鵪鶉蛋燒賣都係全熟嘅鵪鶉蛋旦，而佢哋一個蒸燒賣中間嘅鵪鶉蛋都可以做到留心嘅效果，蒸籠嘅溫度同埋時間都要控制得啱啱好，真係一絕。千層牛角酥聽個名仲以為係法式嘅牛角酥，其實係蘿蔔絲酥卷嘅整法不過中間就係黑椒汁西冷牛肉粒，牛肉好香好有趙口，加上脆皮一啖。係我最欣賞嘅菜式之一。黃金海膽春卷個賣相好吸引好似我之前土耳其嘅奇石林風景區一樣，呢個Fusion 菜外型設

今日系旺角雅蘭中心果邊行下，行行下發覺呢度原來都有好多食肆，見到有間新開的點心廊就去試下。餐廳怖置豪華。又有卡位，圓枱都坐得好舒適，燈光柔和。店員問我地飲咩茶我選玫瑰荔枝茶，淡淡荔枝味又有清香玫瑰味道幾特別，茶壺又幾精緻。大紅袍九肚魚有一點點辣，魚肉嫩滑又幾香又入味。流心鵪鶉蛋燒賣，真是第一次食一按蛋黃真是流出來，幾特別的鵪鶉蛋燒賣，鵪鶉蛋燒賣真是好好味，因肉質又不鞋肥瘦均勻。千層牛角蘇外層好鬆脆，咬落啖啖肉粒又香口。黃金啤梨鹹水角造型好精緻拎起真是啤梨形狀，鹹水角好煙韌又香內里又啖啖肉粒美味可口。金瑤柱脆皮蘿蔔絲腸粉，腸粉皮好彈牙又不會太厚，內里有一層脆卜卜在加蘿蔔絲上面又有炸的金瑤柱配埋一起吃口感幾特別又好好食。

尋日同個friend行旺角，經過呢間新開嘅點心廊，決定試一試佢。第一印象覺得裝修同埋餐具都好靚，坐得亦都舒服。我哋叫咗幾樣野，蝦餃丶爆口叉燒包丶流心鵪鶉蛋燒賣丶黃金啤梨鹹水角同埋一口燕窩蛋撻。點心嘅賣相精緻，味道亦好。個點心籠嘅顏色相當特別，係粉紅色。連墊住蝦餃下便嗰塊甘筍片都染到有啲粉紅色，有D驚，即刻搵經理嘅問問，先知道原來師傅用咗紅菜頭嘅水浸過D點心籠，攞佢隻色。再同個經理吹水，先知道原來大廚陳小麒師傅大有來頭，曾經係喜來登酒店天寶閣嘅總廚，莫怪啲嘢咁有水準。個黃金啤梨鹹水角同埋一口燕窩蛋撻直頭係影相點，睇得又食得。埋單兩條友三舊水有找，物超所值，下次同埋爹哋媽咪過嚟先