LeeLaksa

营业中

休息中

餐廳：LeeLaksa地點：上環皇后大道中菜式：新加坡馬拉菜式餐牌：茶餐14選一，有多款飯粉麵，仲有多士同沙律小食，配冷熱飲品8選一。另收加一。海南雞飯 $68 另加一海南雞有十幾件，有雞脾，雞胸同雞翼，肉質好嫩滑，雞皮有彈性，點甜豉油最好食，另外仲有辣醬同薑蓉。配好多片爽口青瓜。油飯好香，暖暖地上枱，都大大碗。跟有一碗冬瓜湯，飲落鹹鹹哋，都好清，仲有一舊冬瓜食。新加坡喇沙 $62 另加一新加坡喇沙有去殼凍蝦兩隻開邊，炸魚蛋2粒，彈牙炸魚蛋絲幾條，吸汁豆卜4件，半隻糖心蛋，好多爽口芽菜同通菜，面頭灑上洋葱絲同脆脆，材料豐富。個喇沙湯好香滑，辣度剛好，梛汁又夠，好惹味。白色麵條滑溜煙韌都吸湯，唔錯。另上青檸一粒同參峇醬比你自己調味。串燒拼盤 $68 另加一今日冇魷魚鬚，所以雞肉同大蝦各3串，擺盤唔錯。串燒熱辣辣燒起，蝦已去殼，肉質好爽脆，連蝦殼都勁脆。雞肉串咖哩味濃，係香辣黃咖哩味。辣醬另上，點埋味道更惹味。伴有青瓜粒，紫洋蔥同車厘茄可以減減膩。呢個小食都跟飲品。香茅青檸荔枝梳打（跟餐）跟餐飲品都有幾款揀。香茅青檸荔枝梳打真係有大大枝香茅，味道完全唔甜，似梳打水，解渴得黎又唔會太肥，荔枝

餐廳：LeeLaksa地點：上環皇后大道中菜式：新加坡馬拉菜式餐牌：茶餐14選一，有多款飯粉麵，仲有多士同沙律小食，配冷熱飲品8選一。另收加一。海南雞飯 $68 另加一海南雞有十幾件，有雞脾，雞胸同雞翼，肉質好嫩滑，雞皮有彈性，點甜豉油最好食，另外仲有辣醬同薑蓉。配片爽口青瓜。油飯好香，暖暖地上枱，都大大碗。跟有一碗冬瓜湯，飲落鹹鹹哋，都好清，仲有一舊冬瓜食。新加坡喇沙 $62 另加一新加坡喇沙有去殼蝦兩隻幾開邊，炸魚蛋3粒，彈牙炸魚蛋絲幾條，吸汁豆卜4件，半隻糖心蛋，好多爽口芽菜同通菜，面頭灑上洋葱絲同脆脆，材料豐富。個喇沙湯好香滑，辣度剛好，梛汁又夠，好惹味。白色麵條滑溜煙韌都吸湯，唔錯。另上青檸一粒同參峇醬比你自己調味。參峇醬燒豬頸肉 $65 另加一參峇醬燒豬頸肉一客10片左右，半肥瘦所以食落爽口兼啖啖肉。個參峇醬少少辣，好惹味。伴有青瓜粒，洋葱絲同半粒車厘茄可解膩。呢個小食都跟飲品。大蝦青木瓜沙律 $68 另加一大蝦青木瓜沙律有去殼蝦三隻開邊，下底係青木瓜絲，青瓜絲，紅蘿蔔絲，少量青豆角加紫梛菜絲，伴有兩粒車厘茄。面頭加上花生碎同脆脆，仲有薄荷葉。味道完全少少辣，酸酸甜甜好開胃

呢間星馬餐廳非常之顯眼 就喺正馬路口 大大個招牌寫住餐廳名 呢日就同同事嚟咗食個lunch🍴海南雞飯拼新加坡喇沙米線由於真係太想試晒佢出名嘅海南雞同埋喇沙 所以見到呢個餐真係毫不猶豫咁樣揀咗😙 招牌菜果然冇令人失望 海南雞非常嫩滑 雞皮部份仲要係好爽口 令人忍唔住食晒 海南雞仲配上招牌油飯 油飯嘅比例啱啱好 唔會食完覺得太油膩🍚 去到喇沙嘅部份 呢一小碗湯底椰奶味道豐富 配菜方面仲有啲魚蛋 蝦仁 溏心蛋同埋豆卜 最令我驚喜嘅係佢嘅米線幾彈牙🍜 下次會想食一碗大嘅喇沙🫢馬來炒貴刁落單嘅時候 店員有細心提醒呢份炒貴刁會有少少辣😮 不過對我嚟講絕對冇問題呀 因為我都幾鍾意食辣 炒米啲嘅主食部份有河粉 油麵做底 而配菜方面有蝦仁 魷魚 臘腸 紫洋蔥 芽菜 側邊仲有花生碎 青瓜粒 同埋辣椒粉 撈埋一齊食就更加惹味同埋香口☺️飲品Corona 冇諗過呢個晏晝都可以食得咁chill😝 我哋嘆住啤酒再食喇沙 真係人生一大樂事 另外加咗錢飲椰青 椰青水清甜 入面仲有好多椰肉👍🏻呢餐lunch真係好開心 真係chill得嚟又有星馬風味 餐廳仲有好多單人座位 一個人嚟食lunch都唔會尷尬啊☺️

今日一支公去上環食lunch，食久違既新加坡菜，地點係好耐之前都幫襯過既LeeLaksa。原來兩點已經有茶餐，價錢非常經濟，唔怪之得仲係滿座。茶餐有多款飯粉麵，仲有多士同薄餅，配冷熱飲品，另外仲有沙律同小食。另收加一。海南雞飯 $68 另加一先叫一個主食，清清哋就叫海南雞飯，好快就有得食啦。海南雞有十幾件，有雞脾，雞胸同雞翼，肉質好嫩滑，雞皮有彈性，雞皮下底有一層脂肪啫喱，點甜豉油最好食，另外仲有辣醬同薑蓉。配4片爽口青瓜。油飯好香，暖暖地上枱，都大大碗。跟有一碗冬瓜湯，飲落鹹鹹哋，都好清，仲有一舊冬瓜食。香茅青檸荔枝梳打（跟餐）跟餐飲品都有幾款揀。香茅青檸荔枝梳打真係有大大枝香茅，味道完全唔甜，似梳打水，解渴得黎又唔會太肥。另外叫左一款小食。串燒拼盤 $68 另加一今日冇魷魚鬚，所以雞肉同大蝦各3串，擺盤唔錯。串燒熱辣辣燒起，蝦已去殼，肉質好爽脆，連蝦殼都勁脆，我食埋。雞肉串咖哩味濃，係香辣黃咖哩味。辣醬另上，點埋味道更惹味。伴有青瓜粒，紫洋蔥同車厘茄可以減減膩。總括而言，茶餐價錢真係抵食。

回娘家，帶兩老食下午茶，選了新加坡Lee Laksa。坐得舒服，服務殷勤，選擇又多。我們3個人叫了4個茶餐，加一後只是二百多元，下午茶餐份量不少，送飲品，相當抵食。新加坡喇沙（$62）喇沙湯底用新鮮椰汁及香料熬製，濃郁惹味。搭配新加坡魚片條和魚蛋、醣心蛋、豆卜、蝦片和很多炸乾蔥，口感豐富。米線粗身帶少許煙韌，加點酸桔仔汁及辣醬更美味。海南雞飯（$68）海南雞份量不少，雞肉嫩滑，油飯有淡淡的薑黃味，最重要是入口唔會好油。巴東牛肉配米飯（$56）牛肉燉得軟爛入味，香濃滋味，旁邊的魚乾和花生也很可口，這個配搭是名副其實的白飯殺手。牛油果五色米紙卷（$56）牛油果、紫椰菜、紅蘿蔔、青瓜，純素之選，清新健康，色彩繽紛。蘸芒果汁更加開胃。我媽媽特別喜歡這個菜。四個餐就有四杯飲品，我們重覆點了馬來拉茶和桔仔話梅水兩款。拉茶雖不見起泡但都幾有茶味；桔仔話梅水夠濃夠味，飲完加清水飲多杯也可以。

成日行過QRC都見到呢間新加坡餐廳～呢日到咗下午茶時間趁唔駛等位就入咗去試🤤🍜新加坡喇沙 Singapore Laksa ($62)喇沙好大碗，而且都幾足料！湯底creamy不太辣，當中帶點甜味，有淡淡嘅椰香味🤤食麵時加少少湯一齊食都好正～🐓海南雞飯 Hainanese Chicken w/ Rice ($68)海南雞不肥偏瘦，口感嫩滑，但份量較少～油飯份量好足夠，而湯嘅味道都好清甜🙌🏻🥒牛油果五色米紙卷 Rice Paper Rolls ($56)呢個素米紙卷好正！內有青瓜、椰菜、蘿蔔等～魚露同米紙卷都好夾，味道酸甜，好開胃🙌🏻🧋馬來拉茶 Teh Tarik拉茶奶香味濃郁，飲落味道較甜又唔會漏～☕️南洋咖啡 Nanyang Coffee咖啡苦中帶點甜，口感細緻滑順🤤飲得多普通咖啡，飲下南洋咖啡都唔錯～

.📍LeeLaksa 📍香港上環皇后大道中302號地舖李派海南雞飯(88hkd)雞肉很嫩滑，份量也很足，油飯做到粒粒分明，但不會太油膩，雞湯也不會過咸，雞香味濃👍🏻新加坡喇沙米線(82hkd)這碗料很多🙈有蝦、豆卜、流心蛋、魚蛋和肉丸，喇沙湯底的奶香味明顯，微辣微辣很惹味，豆卜吸滿湯汁很療癒🙈🥰街頭雞串燒(68hkd)串燒我每次都最喜歡點雞肉，肉質很嫩，吃到香料香茅的味道，配上沙嗲醬很剛好，Cp值很高👍🏻香茅青檸荔枝梳打(+0hkd)用了梳打水做基底而不是7up，所以整體不會過甜，荔枝起了提香的作用，香茅味不太明顯，怕香茅的朋友也不防一試🥰#foodiblum東南亞

#上環今日去咗附近呢間食新加坡嘅喇沙嘅專門店，坐位比較多，以食新咖坡喇沙嘅餐廳嚟講，呢間感覺算幾企理乾淨，想坐得舒服慢慢同人傾多幾句都啱去。整體味道好普通，而且佢價錢偏貴，一上菜同食落感覺都唔太值，又未去到唔好食，但呢個價錢做唔到「好好食啊」嘅感覺，就真係未必再回頭食多次喇首先講吓「老街咖喱鴨絲摻摻」，勝在咖喱味夠濃，摻摻好吸味，第一啖食落好開胃，不過配料好唔算好多，睇落同食落都唔太豐富，賣相爭啲，整體性價比感覺唔算好高，不過味道算最突出Lunch Set 竟然有得配支青檸啤酒，好似好高級咁，呢個係少少驚喜，飲落唔苦而且加咗啲青檸汁幾清新街頭雞絲鴨絲湯金邊粉 $75其實簡單啲講就係清湯，但大家感覺又雞又鴨咁好似幾特別有少少 FAKE咗，重點係大家見到嘅雞絲同鴨絲擺得幾求其，又唔算好多料咁，要$75碗感覺真係唔係幾值。檳城蝦麵摻摻嘅湯底似係加咗浸蝦油，但飲落蝦味又唔係好出，叫做淨係有個蝦油香，蝦都唔係太多，而且都幾細隻，我自己覺得 $86蚊都係好唔抵，係觀𡐓街市真係 50蚊食到碗足料好味嘅。海南雞肉質唔算食過最滑，味道偏淡口，主要都要靠醬汁調味，覺得普通咗啲。

食過幾次叻沙和咖哩湯麵都好滿意，發覺每次都有好多中外客人點海南雞飯，所以今日決定暫時放棄湯麵，一於食飯。海南雞飯一上桌已覺得賣相討好，雞皮金黃無肥膏，入口順滑，平日唔食雞皮的我也「快吞轟」。雞肉共有兩層，上層是髀肉，下層是胸肉，髀肉軟滑，胸肉鬆化。雞味雖不是好濃，但蘸醬就啱啱好。三色醬齊備，各有風味，無論單點還是混醬都好味。我較喜歡用紅色辣醬蘸雞，然後用薑蓉撈飯。雞油飯有香茅香，而且粒粒分別，偏硬的口感很好吃，無餸都可以食曬一碗。此餐廳的下午茶最抵鮆食，份量和正餐一樣但價錢平好多。下午茶還有飲品。外賣不用加一。

朋友話呢度的tea 好抵食，今日專程早少少收工，趕係1800前食佢的至抵食tea set, 佢呢度的Tea set 有14個選擇，由至抵食的$46 「街頭雞絲湯粉」到至吸引的$78 「馬來炒貴刁」😍😍，還包特色飲品🥳🥳**馬拉無骨海南雞飯**今次我地叫左馳名的馬拉「海南雞飯」🐔🐔，除左我地，我們周圍三枱客人都不約而同地order 左「海南雞飯」，可想而知佢的搶手程度🤩🤩** 素牛油果五色米紙卷**🥑🥑持素者，嚟到呢間餐廳，也不愁冇野食😉😉五色米紙卷用了「青瓜、紅蘿蔔、牛油果、蘿蔔、紫椰菜」五種營養豐富的蔬菜作餡料，能夠滿足素食者均衡飲食的需要，認真抵讚👍🏻👍🏻** 香茅青檸荔枝梳打**遠處已聞到濃濃既荔枝香🍹🍹入口有濃濃既青檸，再配以微微既香茅同薄荷，飲完即刻精神百倍🥳🥳為辛苦工作一整天的自己充充電💪🏻💪🏻**半熟蛋配咖央多士**將半熟蛋及甜醬油塗上多士表面，蛋與甜醬油溝埋一齊，同多士一齊食，更加滋味滿滿😋😋