黑門水產すいさん (Fashion Walk)

营业中

休息中

啤酒唔夠凍不如唔好飲，臭豆腐唔係臭就不如唔好食，魚生唔新鮮不如唔好食，所以食魚生一定要揀一間有信心保證，呢間「黑門水產」就性價比一絕，大概人均消費都係2舊水搞掂，親民之選！👇🏻📌招 牌 推 介 -▪️ 海 膽 蟹 味 噌 甲 羅 燒 -▫️ 黎得呢到第一樣野必試「海膽蟹味噌甲羅燒」，staff等我打返個靚卡再幫我整埋，甲羅燒當中包括蟹肉、海膽、鵪鶉蛋、蟹籽再攪勻黎燒，食落鹹鮮味十足，旁邊連埋塊餅乾一齊食，份外滋味。📌午 市 定 食 -  ▪️ 豚 骨 湯 牛 肉 烏 冬 - $108▫️ 佢地午市定食選擇超多，最後揀左「豚骨湯牛肉烏冬」，烏冬口感爽彈，牛肉腍滑入味，面頭仲有d白菜仔、海苔、櫻花蝦，層次更加豐富；而定食仲包埋一個茶碗蒸，面頭有d三文魚籽、裡面夾雜住牛肝菌、蝦、蟹肉，鮮味十足；配菜仲有個麻醬沙律、腐皮絲同埋菠菜既小食，呢個天氣再整多杯Asahi生啤，29蚊杯真係勁抵飲！

餐廳外面掛住好多燈籠充滿日式風格，而內裡格局以木系裝潢為主。餐廳環境闊落，枱與枱距離充足，好適合一大班朋友飯聚。餐廳坐位有室外同室內供選擇。而座位大致分卡位、吧枱位，同普通餐枱。鱈魚白子¹³⁸鱈魚白子味道鮮甜，入口綿滑。而外層輕輕火炙之後，變得更香口。搭配柚子醋，更添鮮味。磯燒富山灣螢光魷魚⁹⁸螢光魷魚經磯燒後味道鮮甜美味，入口有陣淡淡的海水鮮魚味，如果不是有開車，邊食邊飲清酒，簡直係人生一大享受！極上大漁貝燒¹³⁸極上大漁貝燒分別有帆立貝、生蠔、海老、三文魚籽、海膽。海鮮經炭燒後鮮味十足，鮮甜無比。尤其帆立貝爽口彈牙，湯汁滿溢。海膽蟹味噌甲羅燒¹²⁸味噌甲羅燒有鵪鶉蛋、海膽、蟹肉，還有三文魚籽。上菜果刻已經聞到香濃嘅蟹膏味。而入口鮮味甘甜且有三文魚籽的鹹香，加上梳打餅，層次更加豐富。炭燒明太子雞翼三本⁹⁸明太子雞翼經炭燒後外皮變得金黃香脆，肉質嫩滑，肉汁滿滿。雞翼去骨後可以大大啖咁食，非常滿足！鐵板燒海鮮野菌（鮑魚、海老，魷魚）¹⁸⁸鐵板燒海鮮野菌有爽口的鮑魚、鮮甜的海老、彈牙的魷魚，仲有滿滿牛油同黑椒味的野菌。一上枱熱辣辣香噴噴，佐飯一流！黑門三文魚加州反卷¹³⁸黑門三文魚味道鮮味

今日黎銅鑼灣行街，夜晚唔知食咩好，見到Fashion Walk食街好多高質餐廳咁，就睇吓有咩食見到呢間日本餐廳裝修好吸引，一於入黎試吓。一坐低，店員就會比兩杯綠茶🍵，根住就用QR code落單，網頁都有圖片可以參考，亦有實體menu，唔洗驚唔知叫左d咩👍🏻甲羅燒同貝燒真係比較少餐廳食到，我地決定叫兩個；仲有梗係要叫魚生😋。海膽蟹味噌甲羅燒 $128海膽好有鮮味，撈埋蟹膏送飯一流🫶🏻極上大漁貝燒 $138 （好鮮甜必試）呢個好鮮甜，d海鮮汁可以當湯飲🤣😋磯燒富山灣螢光魷魚 $98赤鬼海老天反卷 $188好有層次，炸得好脆，個sauce都好惹味🤤大阪木津海鮮丼 $268隻蝦係醉蝦黎ga🤣煙燻三文魚活火山 $128 （抵食必叫之選）呢個好特別，勁多塊三文魚圍住砌到成個火山咁，d炸牛蒡好食😋 勁滿足😍🥳黑門角切海鮮沙律 $108 （抵食必叫之選）好多款魚生😍 好fresh好開胃💚燒雞肝 $38店內有幾個包廂，真係好似去左日本咁🤩，同朋友吹水唔洗驚嘈住人啦呢餐真係大滿足，慰勞自己又鍾意食日本野一定要試吓呢間😋🤤

香港人人人都鍾意食日本嘢, 連我都唔例外工作咁忙, 無時間飛去日本, 最岩就係留係香港食日本野😋今次嚟到銅鑼灣揀咗呢一間勁有日本feel嘅餐廳同老公撐枱腳入到去已經比成個裝修吸引住，真係超靚，同埋簡直係覺得自己去咗日本黑門市場咁😂所有點餐都是用QR code落單的, 嚟之前都有做啲功課見到好多人都有叫甲羅燒, 所以我哋就叫咗一個海膽蟹味噌甲羅燒, 另外再點了刺身, 反卷, 串燒同主食....每樣嘢都好好食, 我自己就最鍾意格羅燒，極上大漁貝燒👍👍味道岩岩好, 而且燒得岩岩好, 我同老公都好鍾意至於主食方面, 黑門三文魚加洲反卷份量又足料又正✨另外海膽櫻花蝦海鮮炒飯, 勁多海鮮, 啖啖都食到魷魚同櫻花蝦, 海膽份量都算多不過2個人始終胃口有限, 下次叫埋一大班fd 食就最岩, 可以叫多幾款野食😂整體都好好味, 另外, 店員都好好, 加茶都加得好密, 推介!!!

喺銅鑼灣睇完戲，見時間啱啱好6點零，就去咗食個早飯，之後再去睇戲🤣所以去咗fashion walk燈膽街嗰到搵嘢食！一睇就見到黑門，諗起大阪，於是就入咗去食😍😍一打開menu就比個反卷吸引咗，係赤鬼海路老天反卷。海老即炸，食落熱辣辣，配埋佢特別嘅醬，唔洗點wasabi同豉油都好香好夠味。刺身就嗌咗個鯛魚，配咗蜜柑汁，點埋啲汁酸酸地，好夾，唔點就依然可以食到鯛魚嘅鮮味，魚肉彈口，好新鮮。刺身仲嗌咗三文魚腩，每切都好厚，食落好香三文魚味，加埋少少wasabi，食落口浸味仲出咗，超正。一講大阪就諗起甲羅燒，所以就嗌咗個海膽蟹味噌甲羅燒，拎去燒之前就緊係要打返張卡，見到啲蟹膏勁多，加埋海膽，色好靚。燒完出嚟超重蟹膏味，配埋餅乾食，就可以中和濃蟹味，但我自己就鐘意成啖蟹咁食😍😍呢間嘅鐵火卷特別之處係佢用咗赤飯，即口即握，吞拿魚都好親鮮，又大件。雞心唔係到到都有得食，即叫即燒，好香口。鰻魚飯勁大兜，鰻魚又勁大條，夠2個人食。豚肉湯牛肉稻庭烏冬個湯底非常香，豚味濃，加少少麻油，牛肉半生熟，好嫩口，直頭成碗湯飲咗！

最近大家都去左日本旅行～返黎既時候如果掛住日本當地美食，都不妨發掘多d 香港既日本菜止下癮😋今次黎到人氣高企既黑門水產すいさん，晚市座無虛席～有種置身係日本水產市場既感覺😚北海道秋刀魚刺身 ($238)秋天當造，肉質最肥美既時候，唔可以錯過😚入口感受到魚油脂豐富，肉質彈牙🐟鱈魚白子 ($168)另一道合時令既食材，聽聞非常補身😏口感好柔滑，外層經微微燒香過，配酸甜可口柚子醋來提鮮海膽蟹味噌甲羅燒（$128)必點既燒物，除左海膽，仲有明太子同蟹膏款可選。海膽鮮味好濃，味道同甲羅燒蟹既甘甜味好match, 入口好creamy😚壽喜牛肉鍋（$288)食完暖笠笠，壽喜湯底加入唔同既蔬菜菇類，帶出清甜味，主角牛肉幾綿滑🐮黑門鰻魚玉子燒（$98)有甜絲絲既蛋香味，口感輕柔，鰻魚肉多汁赤鬼海老天反卷 ($188)貌相好吸引，大量爽口蟹籽係外層，飯卷裡仲有香口既炸蝦，啖啖滋味😌係香港都可以食到日本既味道～係開心既～

日本居酒屋開到周圍都係，要稍為特色的確要花唔少心思，而「黑門水產」用最傳統地道例如以日系裝潢，帶出更突出既日式浜燒既風味，反而覺得有種置身於當地一樣，呢種體驗就係最地道最正式。👇🏻📌廚 師 推 介 -▪️ 鱈 魚 白 子 - $168▪️ 北 海 道 蜜 柑 鯛 薄 切 刺 身 - $238▫️ 黎呢到一定要試佢地招牌，第一道「鱈魚白子」亦姐係鱈魚精巢，極高營養價值，日本當地極受歡迎，咬落入口極化，口感極度creamy，配搭酸酸甜甜既醬汁，入口清新；第二道「北海道蜜柑鯛薄切刺身」食落完全無魚腥味，而且帶住淡淡既定蜜柑香氣，配搭店家自家製酸汁，我好鍾意。▪️ 海 膽 蟹 味 噌 甲 羅 燒 - $128▪️ 黑 門 大 阪 燒 - $98 ▫️ 呢個「海膽蟹味噌甲羅燒」又係不得不嗌，面頭滿滿蟹膏，連同蟹肉、蟹籽、海膽、鵪鶉蛋、青蔥，店家會將所有野攪勻再一次過燒，一上枱成個鮮味突出，配上梳打餅一齊食，完全帶出鹹鮮味，好滿足；另外「黑門大阪燒」面頭蓋滿木魚絲，配搭沙律醬，鹹鹹甜甜，用黎送酒真係一流。📌食 事 -▪️ 明 太 子 大 魚 炒 飯 - $188▪️ 豚 肉 湯 牛 肉 稻 庭 烏 冬 - $10

因為老婆太過掛住日本嘅嘢食，今次帶埋佢去銅鑼灣搵吓日本嘅味道。見人哋介紹銅鑼灣fashion walk黑門水產主打日本「浜燒」地道特色小食、時令食材及海鮮，就一於試吓佢。-秋刀魚刺身🐟咁大個仔第一次食秋刀魚刺身，秋天係秋刀魚季。魚肉比其他刺身更加爽口彈牙，除咗日本豉油陪Wasabi之外，亦都可以配薑蓉及蔥花，口味更多變化。食到最尾，店員會提議可以將魚骨炸或煮湯（收費項目），大家可以自行決定。-海膽蟹味噌甲羅燒 🦀（✨黑門水產得意之作）呢個真係好味到炸開😍！師傅將所有野撈埋一齊燒之後，就好似搽牛油咁搽上去塊餅度食，最簡單真接又好味！-黑松露白汁燒帆立貝✨淨係黑松露加埋帆立貝已經冇得輸！加埋小小配料，口水流到停唔到！同甲羅燒一樣，用來做開胃小食一流！-蒲燒鰻魚飯差唔多成塊手板咁大嘅鰻魚飯，鐘意食嘅朋友一定心心眼😍鰻魚入味多汁，蛋絲鋪底紫菜鋪面，足料又好味😋-壽喜燒牛肉鍋🐂🫕好鐘意佢哋牛肉唔會太多肥膏，大大件肉但又唔會嚡十十，食完牛肉個湯底都冇乜油，再加埋粒日本雞蛋做醬，有正在加埋落個湯度煮😍讚👍🏻！記得一定要飲埋個湯底😁-吞拿魚鉄火卷唔係用普通壽司白飯，用有味飯😆好食。Toro都好新鮮無筋

太耐冇出城，發現銅鑼灣Fashion Walk 附近原來多左好多野食～ 今日就行過見到黑門水產，裝修好大同埋好別緻，好似飛左去日本咁，諗都唔諗就決定入去食😆 🔸️北海道秋刀魚見到有秋刀魚刺身，即刻點！ 因為唔係周圍都食到秋刀魚刺身，呢種魚易變壞又難保存，所以未食過一定要試下！秋刀魚刺身肉質細滑，味道鮮甜，淡淡散發出秋刀魚嘅甘味～ 而且師傅擺盤擺到好靚😆 🔸️活赤貝刺身新鮮嘅赤貝真係好鮮甜，無得輸！ 🔸️海膽蟹味噌甲羅燒 識我嘅人都知我超愛食甲羅燒😋配料有海膽，蟹籽，鵪鶉蛋，蔥粒，蟹肉及蟹膏，鮮香美味，仲要配搭梳打餅呢種食法，真係食到哇哇聲！ 🔸️蟹味噌燒帆立貝 出面食多數都係就咁用醬油加牛油燒，食到食到悶～ 見到有蟹味噌燒，不如就試下呢款口味～濃郁嘅蟹味蹭味將鮮甜嘅帆立貝昇華到另一種層次，估唔到可以咁夾！ 🔸️磯燒烏賊原條烏賊大大隻，睇住佢慢慢變熟，好有治癒感！烏賊超爽口，而且店員燒到剛剛好，留有鮮味！ 🔸️極上壽司盛合有12款壽司，我想講赤醋嘅日本珍珠米真係好好食！ 同埋D刺身好新鮮，色香味俱全！ 🔸️鐵火卷 🔸️自家制牛蒡漬 🔸️清酒煮白蛤白蛤鮮甜夠肥美多汁，清酒味道剛好，唔會白蛤嘅鮮味！ 🔸️串燒

環境5分：日本餐廳面積好大，仲有埋室外座，好有地道feel，畀五分。衛生5分：地方乾淨企理，抽氣好，衛生都係滿分。服務5分：服務員爽手唔囉唆，燒野手勢好，自助落單，方便快脆，一樣滿分。味道5分：1)     黑松露白汁燒帆立貝响你面前燒，非常香松露味，松露豐富，帶子又厚又鮮甜，加白汁同松露個組合好夾。2)     海膽蟹味噌甲羅燒都係响你面前燒，非常講究，只能攪兩野，不能多攪因為會出水，想玩都唔得。燒到滾熱辣搽落餅乾上非常重蟹味，又鮮又濃好好食。3)     北海道飛魚刺身原條上，刀功好，新鮮爽甜，酸汁開胃惹味。食完刺身加$38炸埋條魚骨，脆卜卜好香口。4)     燒牛舌心一串三件好juicy，牛味香。5)     燒雞尾好爽脆。6)     燒雞皮好似炸出黎咁卜卜脆同乾身。7)     炸蓮藕片切到超薄，甜甜咸咸，好似薯片咁香脆。8)      豚肉湯牛肉稻庭烏冬份量足，有五塊軟腍嘅牛肉，烏冬煙煙韌韌，有埋小唐菜同昆布。抵食5分：兩個人一千鬆啲，又有日本傳統貝燒，又有串燒刺身，又有專人服侍，抵哂。

之前就已經在尖沙咀試過這間黑門水產，超高人氣，每一晚都爆滿。終於都在銅鑼灣開新分店，地方比尖沙咀分店更大，而且有露天座位，很chill👏🏻👏🏻 餐廳跟尖沙咀設計一樣，以用木系為主調，擺滿日式裝飾，而且很有創意用蠔殼作為吊飾，差點覺得自己在日本的居酒屋。餐廳主打海鮮磯燒，而食材係由日本黑門市場直送香港，用料絕對新鮮上乘。我同朋友每人點了一個甲羅燒，分別是赤鬼明太子甲羅燒，海膽蟹味噌甲羅燒。店員一開始拿過來給我們先拍照，然後拿走去他們的爐那邊燒，燒完就拿回來給我們。赤鬼明太子的有點辣辣，非常適合我們的胃口，混合了鵪鶉蛋、三文魚子及蟹籽，增加了蟹膏的口感，十分過癮。海膽蟹味噌甲羅燒的蟹膏因為混合了海膽，大大增加了蟹膏的鮮味，完全不會覺得鹹，配搭脆脆的餅，非常好吃。極上·壽司盛合這個盛合有齊我最喜歡的壽司，有大拖羅、松葉蟹膏、松葉蟹肉、赤貝、油甘魚、海膽、三文魚，三文魚子、牡丹蝦、帆立貝、深海池魚及金目鯛，這裡共有12款壽司。帆立貝依舊巨型，大拖羅入口即溶，海膽鮮甜，全部都很新鮮，大滿足。明太子赤鬼炒飯朋友說一定要點這個炒飯，原來非常好吃，珍珠米炒到粒粒分明，每粒米都沾上明太子及醬汁，而且非常

唔知係咪個個女仔都鍾意返自己鄉下日本，硬係鍾意食日本野，次次都食平啲既野，今次就下女友啦，於是千挑萬揀之下揀左呢間位於銅鑼灣食街，週邊都係貌似高級地方既食店，由於我地去既時間好早又平日，所以唔駛等位就可以入內，裝修雅致日本風都幾舒服，員工服務態度都認真唔錯，值得一讚，座位坐得又舒服，可以話唔計食物已經看高一線！ 黑門水產類似日本既黑門巿場，材料全部由日本空運到港確保新鮮度!黑門令大漁魚子醬脆脆包$98厚身紮實，魚子醬味道好重，蝦亦好新鮮，足料Size岩岩好可以一啖食哂，女仔個口細啲就要分兩啖喇海膽蟹味噌甲羅燒$128首先會比你睇下啲料，然後即場係你面前開爐照燒，用熱力將海膽、蟹肉、蟹膏、蟹籽葱同鵪鶉蛋撈埋一齊，果種鮮味令你無辦法唔投降，搽上餅乾，嘩，蟹黃同海膽既味道好夾，冇諗過搽上餅乾都咁好味！黑門令、極黑鮑海鮮太卷$18四件份量十足，材料新鮮惹味既卷物，擺盤有心思令食物更加吸引黑門令海鮮菜碗蒸$98本身蒸水蛋配合海新我冇咩期望，但食下食下又覺得幾新鮮WO，之後仲一啖一啖不停唔停口，改變左我既期望!自家製免治雞肉串$78網上見到好似幾吸引就落單試試，肉厚實，味道濃，以蝦乾及蛋黃醬油作調