火鍋頭

营业中

休息中

A姐一聽到「寒冷天氣警告現正生效」，我就知道佢會話今晚去打邊爐，無他嘅滾下滾下，有幾暖粒粒㗎！今晚決定去九龍城火鍋頭，聽講佢個招牌豆腐木棉魚燉湯好正㗎！火鍋頭招牌豆腐木棉魚燉湯湯底永遠都係打邊爐嘅靈魂所在，招牌豆腐木棉魚湯底一啲都無令人失望。個湯底煲到乳白色，仲有陣陣好香嘅魚香味。寶物沉歸底，除咗粟米同雜菇之外，裏面原來仲有原條木棉魚，真材實料，一啲都唔馬虎。打邊爐前，飲返碗湯先，鮮味十足，配埋木棉魚食，無得彈！墨魚油炸鬼啲料未嚟到嘅時候，最啱食啲小食。墨魚油炸鬼新鮮炸起，一啲都唔油膩，墨魚膠鮮味彈牙，點埋泰式辣醬，好惹味！甜蜜麻辣雞翼雞翼表面有一層口口嘅蜜糖，甜得來又有一陣麻辣味，出奇咁夾，味道豐富，正！手切頂級安格斯牛小排安格斯牛小撬厚薄適中，雪花分佈平均，口感柔軟，牛味濃郁。海鮮拼盤哇呢個海鮮拼盤賣相非常吸引，有游水鮮甜花竹蝦、沙插活帶子、北海道野生元貝、游水瀨尿蝦同游水青龍蝦。全部海鮮都非常新鮮，花竹蝦嚟到嘅時候非常生猛，仲識郁㗎，所以肉質鮮甜美味。另外，瀨尿蝦都充滿驚喜，肉質結實。鮮蝦丸 + 梅菜王豬肉丸餐廳有10多款自家製火鍋料，我哋揀咗鮮蝦丸同梅菜王豬肉丸。鮮蝦丸非常彈牙

秋風一起個心真係特別想打邊爐，今次帶老竇去食，佢就出名腌尖挑剔，所以就要揀間好食嘅俾佢食啦！我哋好鬼肚餓叫咗個頭盤食住先，唔好睇佢簡簡單單一個皮蛋咁，其實佢係香港製造㗎，每一粒都有流心蛋黃咁，真係唔係度度都食到咁嘅質素！湯底老闆推介招牌冬陰公湯，我想講真係非常入味，入邊仲有超大隻大頭蝦，真係要俾個讚佢！海鮮拼盤一邊有一條即劏游水魚，鮮味梗係冇得頂啦，仲有聖子鮑魚等等，每一樣都非常新鮮，所以好抵食呢！自己和牛睇相都覺得脂肪分佈非常完美，每一口非常肥美，好食到返唔到轉頭！你間火鍋店你真係會搵到啲好矜貴嘅食材，價錢亦都相當合理，有機會嚟九龍城食好西不妨去試吓啦！

之前聼我伯伯講，呢間火鍋D肉同海鮮都好正，而禁啱我爸爸生日，又鍾意食海鮮，所以就帶左佢同媽咪一齊慶祝啦！火鍋頭有兩層，不過位都唔係好多，如果周末去，可能要等位。冷氣都好夠凍，唔會食到成身汗同成身味。九宮格醬料兜，任你自己點溝點混都得！我就揀左麻醬、蔥、蒜末、乾蒜同辣椒粉。因為屋企人唔食辣，所以湯底叫左比較少有同特別嘅香甜椰子雞湯。呢個湯頭真係真材實料，裡面好多椰子同海底椰，仲有半隻雞。本身重以為無雞肉或得D雞肉碎。腐皮、竹笙同水晶粉份量都好多。呢幾樣食材都好吸湯頭，吸曬椰子雞湯D精華，超正！豆腐係我地屋企打邊爐必備食材，所以一定要叫。火鍋頭重非常出名佢地嘅手打丸同餃、比較想食唔同種類嘅我地就叫左雙拼、爆漿芝士牛丸同韭菜豬肉水餃。爆漿芝士牛丸味道比較特別，好似加左少少藥材同藥膳嘅味道，芝士非常爆漿同熱，所以食嘅時候都要小心D。韭菜水餃咸淡適中、非常鮮味！但係唔係手打丸（姐係交黎嗰D）就遜色少少啦，貢丸係好食嘅、不過魚皮餃就一般啦，比較咸，同皮比較厚。就算簡單不過嘅娃娃菜都好新鮮、而且好鮮甜，因為之前試過有D店舖食到比較唔新鮮，帶黑點嘅娃娃菜。鍾意食牛肉嘅我地就叫左兩款唔同嘅。上圖係特級手

肥仔上星期同朋友去咗九龍城嘅'火鍋頭'，食咗個龍蝦鍋。之後就好想食多獲嘅關係，今晚放工就再同太太再續前緣!呢道嘅混醬盒，發現咗一種喺出面少見嘅嘢!就係青檸，食海鮮加少少青檸辣椒，醒胃又消滯。有17種唔同嘅湯底揀，但係我決心食多次咗個蕃茄花甲龍蝦湯底!海鮮又唔貴，2斤蟹都係2百零蚊有隻，不過今日有龍蝦就叫住啲貝類先。啲海鮮都好新鮮，啲聖子同貴紀蚌肉顏色非常通透(唔新鮮嗰啲會見到啲海鮮變曬白白嘅實色)搵快子篤吓啲海鮮，全部都識郁。馬刀貝都係我最近好鍾意食嘅，因為多肉又冇沙。湯底終於到啦，見到有全隻波士頓龍蝦，馬刀貝，洋蔥，秀珍菇，栗米，2百零蚊就食到。淨係個湯底已經咁多鮮甜嘅材料，咁緊要飲咗個湯先啦。蕃茄味帶甜，唔太酸，有陣陣嘅龍蝦香味。脆肉腩又係我呢排打邊爐必食嘅餸。魚腩油脂分佈較重，尾段仲有少少脂肪，食落又爽口，又有油香，呢間嘢嘅水產係勁正!黑豚肉厚度切到啱啱好，淥一淥就已經食得，(因為太厚要淥得耐會變到鞋口)。黑豚肉嘅脂肪比較輕，食落唔會感覺到肥膩。手打墨丸，彈牙就必定嘅事，佢特別嘅地方係入面真係有墨魚粒，彈牙又有咬口。最後要推介埋呢個竹蔗茅根水，飲完唔會成口酸晒，有時出去飲都感覺到

愛吃火鍋嘅悠游，慢慢煮、慢慢食，三五知己圍住個爐，傾下食下真係好享受。火鍋頭格調高，座位舒適。伴着美食是悅耳嘅輕歌，感覺絕對非一般，食材質素之高，簡直重燃我對火鍋嘅愛🔥。火鍋頭招牌豆腐木棉魚湯係每日限量，大大條「大眼雞」魚，想食都未必日日有，熟悉街市行情的，一定知道係高成本製作⭐️⭐️⭐️⭐️⭐️原條淆製魚湯鮮甜無比，配合鮮菇同豆腐，真材實料，是家的味道，未食火鍋淨係飲湯已經感覺好幸福喔💕海鮮拼盤時令新鮮，選料上乘，鮑魚瀬尿蝦都大大隻，貴妃蚌、帶子、聖子都係加大碼，隻隻肥美新鮮，而且處理得非常乾淨，真係食得開心又放心😍😍😍藥膳醉雞製作認真，藥膳濃郁，酒香樸鼻，店員特別為我們解構醃雞汁料，可以隨個人喜好加入火鍋湯底，我們全數通過，一致好評👍👍👍手切肥牛紋理均勻，厚薄適中，打邊爐最重要的就是食材新鮮，這碟手切肥牛肉完美展示，入口絕對是頂級響鈴新鮮即炸、甘香鬆化，口感爽脆乾身，不會感覺油淋淋👍蟹子虾滑、陳皮鮮牛肉滑都係高於水平，彈牙新鮮手工打做，特別好味香港人愛打邊爐，貪其款式多樣化，各有喜好又可共冶一爐，火鍋頭提供嘅火鍋料應有盡有，每樣都心思盡出，就是普通的如雲吞水餃，都配上特定醬料，而且用心挑選，

住九龍城都幾方便, 一落樓就有好多食肆, 唔同既菜色選擇。放假就去左九龍城探望剛剛生左BB既朋友, 傾到入夜時份, 朋友就建議落樓一齊食埋飯先走。佢就帶左我去一間格局幾high-class既餐廳---火鍋頭。當然入黎就更係食火鍋啦!餐廳內有一小魚缸, 放了幾種海產, 原來呢度打邊爐都有得食埋海鮮火鍋! 唔係收海鮮價, 而係一個價錢就食到幾款海鮮既海鮮拼盤, 難得有興致就order試試! 打邊爐當然要先混醬, 醬油每位HK$18至於湯底款式都幾多, 大部份以滋補養顏湯底為主。見最近天氣乾燥, 所以就Order左一款潤喉湯底【滋潤木瓜雪耳燉湯】HK$128湯底色水幾清, 有唔少雪耳, 幾件木瓜同埋粟米, 幾足料。未正式打邊爐前可以先飲下個湯, 非常清甜, 整晚打邊爐都唔會係狂飲水果種, 所以唔似係味精湯。【海鮮拼盤】HK$498拼盤以冰墊底, 包括有蟶子皇、波士頓龍蝦仔、帶子、特大賴尿蝦同埋貴妃蚌。上檯時, 賴尿蝦既腳仲郁下郁下, 好生猛!  賴尿蝦好大隻, 幾厚肉! 鮮味十足!雖然餐廳將波士頓龍蝦仔轉了本地龍蝦, 反而幾欣賞餐廳既老實! 而且龍蝦肉質係鮮甜彈牙, 係新鮮唔係死龍蝦! 同埋

自從我哋一班死佬唔搞食火鍋之後，身邊喜歡食火鍋嘅人真喺少之又少，數一數，近幾年真喺無光顧過火鍋食肆。如果日式嘅涮涮窩都計算在內，已經喺成年前嘅身，否則，對上一次食中式火鍋，已經喺兩年了。今晚應友人之邀，投其所好，真喺專誠走入嚟九龍城龍崗道嘅「火鍋頭」食火鍋。店內裝修如大多新派火鍋店，講求時尚、簡約，水泥地、仿磚牆、別緻吊燈就算喺形容晒整個環境。配上柔和嘅燈光，高樓底，算喺一個舒適用餐嘅環境。知道仲有上一層，因為無上，就不多提。碗碟、餐具都用料精緻，有黑白公筷、私筷，又有鋼夾，基本配套做足。每枱枱側都擺放一個托架，喺用作稍後擺食物之用，不過，此刻就放咗「九宮格」醬料盤，而醬料收費每位收$18。攞完醬料後，基本上店員會攞走個醬料盤，以騰出空間，不過，唔使擔心啲醬料取用喺一次性，之後有需要加添可以再問問店員。除一小兜混上自己幾款偏好嘅醬料外，如沙嗲醬、金蒜、蔥花……等，另外，見醬料盤內有青檸，就試嚟唧落豉油度，用嚟沾海鮮效果唔錯喎，更提鮮呀！食火鍋湯底就梗喺好重要啦，「火鍋頭」嘅湯底真喺有幾多選擇，一系列招牌湯底頗幾有心思，另一系列精選湯底又可以選擇雙拼（以價高者另加多$25）。而有啲咩食，