瀧宴日本料理

营业中

休息中

今晚Happy friday 約左男朋友兩個人食飯，一齊食左呢個鐵板燒omakase 🥰 呢個set 優惠價$880 （原價$1380） 🤣 有新鮮龍蝦🦞！ 一坐埋檯就有今晚食材睇下，見到個龍蝦好大隻，睇落啖啖肉😍 自家製醬汁煮南非鮑魚 鮑魚肉質彈牙，而且煮到好入味，一啖食落下面舊蘿蔔就知道軟腍腍醬汁完全吸晒入去，應該係煮左好耐好入味😋 季節刺身三款食法跟魚嘅淡到濃味，應該先食右邊嘅白身魚— 伊佐木（上面配上薑蓉）、之後係左邊嘅池魚（配上柚子胡椒）、最後就食燒咗一燒嘅吞拿魚～ 個人就最鍾意左邊嘅池魚😍 吞拿魚米餅 呢個難忘好味，佢個底花型嘅係米餅，要成個放入口，面上白色一片片係鹽，但係唔會太鹹，成個配搭味道好夾😋 一啖食哂好幸福☺️ 新鮮蜆肉湯 中間嚟一個清甜嘅蜆肉湯，味道鮮甜😚 茶碗蒸 雞蛋非常黃，應該係日本嘅高雞蛋，雞蛋好滑溜，而且我好鍾意面上嘅芡汁，味道濃郁！野生生猛龍蝦 🦞睇住師傅純熟嘅功架，好厲害可以起晒成隻龍蝦啲肉，蝦殼完好無缺，龍蝦用蝦膏同埋牛油汁煮成，成個醬汁好原汁原味，龍蝦唔係煮到全熟，內裏煮得剛剛好，保留龍蝦鮮嫩嘅感覺！ 龍蝦肉質都好彈牙😚 係今晚嘅signature

維多利亞港的天際線是最能代表香港的景色，位於銅鑼灣的Sugar+可以飽覽維多利亞公園景色及維港開揚海景，今次就來到位於26樓的瀧宴日本料理。內裡環境寬敞，樓底夠高感覺開揚不侷促，相當有空間感，入夜後璀燦迷人夜景盡入眼簾，感受香港的城市氣息。落地玻璃窗飽覽海天一色的壯麗維港夜景，還可選擇坐在吧檯，親眼見證師傅精湛的廚藝，跟師傅直接交流。今次就選擇以時令歐陸食材入饌的瀧宴 歐陸美食晚餐，共11道菜，原價每位$1380，優惠價只需每位$880，優惠只限週一至週五及週日。套餐集刺身、壽司及鐵板燒於一身，匯聚和食精粹。店內設有缸水清澈的大魚缸，保証吃到新鮮生猛的海產。開餐前可以先吃點漬物，喚醒沉睡的味蕾，提起食慾。自家製醬汁煮南非鮑魚鮑魚經日式醬汁以慢火炆煮，令醬汁的甘甜滲入肉質柔嫩的鮑魚中，兩旁附有海苔粉及七味粉，別有風味。南非鮑魚是鮮鮑界中的皇者，口感緊緻彈牙，同時又不失軟滑，鮑魚味特別濃郁且鮮味明顯。海鮮茶碗蒸熱騰騰的茶碗蒸蛋軟軟嫩嫩，猶如豆腐花般彷彿吹彈而破。裡面還混合了絲絲蟹肉，即時讓蒸蛋的鮮味再度昇華。西班牙白松露鯛魚薄切擺盤姿態典雅，貫徹和風料理的精髓，讓人提起食慾，品嚐海洋最純粹

📍銅鑼灣週年紀念日，男朋友book咗呢間餐廳同我食🥰。位置都好方便，地鐵站大概行5分鐘左右就到。呢度所有嘅廚師甚至乎係侍應都係四季酒店出身🤗。裝修精緻，熱情嘅服務，優美景色，真係好啱情侶拍拖。師傅會喺你面前烹調，味覺以及視覺嘅雙重享受 。瀧宴 歐陸美食晚餐 Euro Food Dinner Tasting MenuOriginal Price $1380 (每位)，Promotion Price $880(每位)，加一按原價計算。🦪 自家製醬汁煮南非鮑魚鮑魚都有手掌咁大隻，自家製醬汁非常惹味，鮑魚整得啱啱好，有口感之餘又唔會咬唔到。鮑魚上邊嘅係日本辣椒絲，冇辣味，但可以突出鮑魚嘅味道。另外仲有七味粉，可以比重口味嘅人士食。🫕海鮮茶碗蒸茶碗蒸，非常嫩滑。有蟹肉，鮮味。清清地，感覺耳目一新，但又唔會冇味。🐠 西班牙白松露鯛魚薄切 Spain Seabream Thinly Slice with White Truffle 呢個係今日印象深刻嘅一道菜。鯛魚薄切，每一片都好晶瑩剔透。有用米粉特別製造嘅鹽，師傅話溶咗之後，配埋個魚食啱啱好啱啱好。另外仲有白松露，松露味非常濃郁，第一次食到呢個菜式