心鉄板燒

营业中

休息中

這間位於尖沙咀的日本餐廳主打日式鐵板燒，提供高質素的日本和牛及新鮮海鮮，能欣賞到尖沙咀一帶的高樓美景。午市時段設有一人套餐及二人套餐，性價比好高，適合慶祝或約會。鐵板燒自選套餐 - $398季節沙律鮮嫩翠綠的沙律菜拌以芝麻醬，多汁的車厘茄及蟹柳棒，還有爽滑味美的日式味付螺肉。北海道帶子大大粒雪白肉厚的帶子肉質細密，濃郁鮮甜，有一粒粒爽脆多汁的三文魚籽，配微辛的明太子醬突顯鮮味。或比目魚肉質綿密且帶有滑順的油脂感，薄薄的魚皮好香脆，配酸甜的他他醬和意大利蕃茄乾解膩。A4伊藤和牛厚燒 +$150高質素的日本和牛肉質細緻柔嫩，一粒粒牛柳肉筋及肥肉非常少，卻軟嫩多汁，肉味香甜濃郁。或神戶黑豚薄燒肥瘦相間的神戶黑豚肉脂肪分布勻稱，肉質好鮮甜，卷著爽辣的泡菜，還有自家製蘋果蓉解膩。炒飯粒粒分明的日本產珍珠米均勻上色及蛋花，充滿鑊氣，爽脆的櫻花蝦散發濃郁香氣，冬菜略添口感，鹹香甘甜。漬物酸爽的日式漬物開胃解膩。大蜆麵豉湯鹹香的麵豉湯富豆香，大粒蜆肉好鮮味，還有豆腐粒和昆布等。炒什菜日式炒什菜充滿鑊氣，有芽菜、椰菜絲和蘿蔔絲。甜品開心果雪糕多款口味的日本雪糕，開心果味濃郁芳香，帶奶香，更有一粒粒開心果

有一段日子沒吃過鐵板燒了，今日中午終於有機會吃鐵板燒。餐廳剛好望到對岸會展中心一帶的景色，餐廳裝潢簡單得體，所有顧客坐在板前，與廚師交流，欣賞廚師的手藝。午市有不少套餐，價錢由$300多到$500都有。商務午市套餐二人前$988⭐️季節沙律分別有三文魚鼻軟骨和蟹柳沙律。三文魚鼻軟骨經過醃漬後入口酸酸甜甜的，很開胃。蟹柳沙律入口清新開胃。⭐️銀鱈魚他他醬和番茄乾配上銀鱈魚，入口魚肉柔嫩。⭐️清酒煮蜆廚師把盤子放在鐵板上，加入火，讓蜆煮熟。入口沒有砂石，蜆有大有小，整體清甜。⭐️神戶黑豚薄燒我最喜歡這道菜，豬肉薄薄一片，廚師把豬肉放在鐵板上，三兩下功夫反覆翻來翻去，再加入泡菜煎熟。入口味道很夠，泡菜的酸辣配上豬肉，味道很香呢！⭐️炒飯、漬物、麵豉湯這道炒飯很精彩，廚師把飯倒在鐵板上，翻來翻去，再加入榨菜、洋蔥、蛋、沙律醬和蔥花等攪拌，顏色很吸引呢！有黃有綠，米飯粒粒分明。入口味道很香，味道很豐富。⭐️甜品之後是海鹽雪糕，淡藍色，入口是淡淡的鹽味，不過很難把淺藍色聯想成鹽味，哈哈！

雖然不是經常吃鐵板燒，但卻對這情有獨鍾 - 坐在吧檯前吃廚師新鮮弄好的食物，互相交流飲食心得，機會真的難得。這間日式鐵板餐廳位於尖沙咀亞士厘道的樓上舖，地點尚算方便，而且私隱度高。趁著今天是星期六時間不是很趕，特意叫了鐵板燒自選套餐，來一個慢活星期六。1) 蟹肉季節沙律配日式醬汁(⭐⭐⭐⭐💢):沙律不是很大份。蟹棒和雜菜配上甜甜酸酸的芝麻醬，雖然簡單，但卻十分醒胃，令人食慾大增。2) 深海大蝦(⭐⭐⭐⭐⭐):海蝦一向是鐵板燒的經典菜式。師傅三兩下手勢便把海蝦起肉拆件，光是看這表演便值回票價。蝦肉結實彈牙，簡單的牛油和胡椒粉便能大蝦的鮮味帶出來。3) 黑豚薄燒(⭐⭐⭐⭐⭐):薄薄的豬肉包著韓式泡菜。一入口先是感受到黑豚肉的鬆軟和油脂感，然後是吃到酸酸辣辣的韓式泡菜，層次感十分豐富。泡菜的酸辣中和了豚肉的脂肪，吃起來完全不覺得有油膩。伴碟的白蘿蔔是廚師特製用柚子醃製，吃完令人食慾大增。4) 季節野菜(⭐⭐⭐⭐💢):野菜的分量挺多，主要有芽菜，蘿蔔絲和椰菜。比較大蝦和黑豚肉，這道菜的調味比較清淡，能夠吃得出野菜的鮮嫩。5) 炒飯(⭐⭐⭐⭐💢):這炒飯是用日本珍珠米，裏面加海帶，白飯魚和雞蛋炒

位於阿士厘道的心鉄板燒，餐廳座位不多，午市都比較多人，幾乎滿座。午餐有平有貴，全部都差不多由百多元起。環境開揚光猛，望住個景食飯都開心點。季節沙律：沙律菜新鮮爽脆，加些車厘茄配搭，清新開胃。大蝦：非常新鮮，肉質結實彈牙，有些蝦膏而且非常鮮甜。銀鱈魚：外皮煎很香脆，鱈魚雪白，肉質嫩滑鮮甜。芝士春卷：煎得香脆，芝士味濃郁。野菜：翠玉瓜及茄子煎得軟腍，不過茄子比較油膩。炒飯：每粒飯粒都沾滿蛋醬，飯粒軟硬適中，非常爽口。炒什菜：有些芽菜等炒成，味道清爽不油膩。麵豉湯：濃淡適宜，有些昆布。漬物：酸酸甜甜，非常開胃。雪糕：自家制綠茶雪糕，比較硬但不會太甜。總結：食材新鮮而且即叫即做，但份量比較少，女士就會剛剛好，不過質素不俗，價錢中等。

今日老公安排左一晝行程，首先去尖咀睇我偶像Johnny Depp套新戲，跟住就帶我去品嚐久違了嘅鐵板燒😍呢間鐵板燒位於大廈18樓全層，可飽覽尖沙咀多角度景色，除此之外我最期待嘅當然係師父烹調食時嘅表演啦😄坐喺師父前面睇住佢將食材變成食物嘅過程真係會令人食慾倍增。午市套餐嘅價錢比較親民，menu有我最愛嘅銀雪魚同豚肉SET，正當我苦惱緊點揀之際老公話不如叫晒兩樣😘我地叫左: 大虎蝦, 銀鱈魚配芝士春卷($188) 及 日本神戶黑豚薄燒配梅飯團($208)，LUNCH SET 包: 沙律~炒飯~炒什菜~餐湯~雪糕/咖啡。麻醬沙律麻醬和沙律菜好夾，又爽甜又新鮮，呢道前菜可以清新味蕾。師父開始烹調我地點的銀雪魚~大虎蝦~芝士春卷，見師父用熟練手勢把蝦輕易去殼，又把春卷半煎炸熟，一邊欣賞一邊聞到陣陣的香味真係令人流口水!芝士春卷非常香脆，又熱又脆的春卷皮包住芝士在中間，一咬就感受到外脆內軟，芝士味道不會太濃也不會膩。銀雪魚銀雪魚的魚油豐富，肉質嫩滑，甘香的魚油滲滿口腔，配以酸酸甜甜的他他醬吃會感到一份清新感覺。在旁的蕃茄乾略領帶微酸很醒胃。大虎蝦蝦肉爽口彈牙，濃郁的蝦味在鐵板上已經聞到，點了辣蕃

尖沙咀食一餐高級鐵板燒, 閒閒地都要過$1000一位, 不過既可以食即製食物又可以邊欣賞師傅功架, 老婆同我都好鍾意食。係尖沙咀朋友介紹之下, 我地知道尖沙咀亞士厘道呢間心鉄板燒係星期六都有鐵板燒set lunch, 而且價錢都相當貼地, 所以今日我地預好時間係I square睇完早場就過黎嘆個靚靚鐵板Lunch。😋心鉄板燒位於大廈的18樓, 餐廳非常開揚, 享有煙花海景, 除左可直望維多利亞港外, 另一邊仲可以望到去九龍公園方向, 老婆非常滿意餐廳嘅環境。👍我地入座時師傅剛剛煮緊Lunch Set嘅和牛, 超吸引, 可惜老婆唔食牛, 我地揀左另外兩款Lunch Set, 大虎蝦, 銀鱈魚配芝士春卷($188) 同 日本神戶黑豚薄燒配梅飯團($208) Lunch Set除左有主食外, 仲有沙律炒飯炒什菜餐湯同埋雪糕/咖啡, 份量超多。😆食鐵板燒前我地先食左個芝麻汁沙律, 沙律新鮮爽脆, 芝麻汁味道清新醒胃, 邊食邊睇師傅開始預備我地嘅食物, 好正。😁芝士春卷都係用鐵板燒, 師傅細心將每一面都煎得好香脆, 芝士餡料豐富, 芝士味濃, 外脆內軟。老婆唔太食脆口野都食左一條, 我自己食兩條

收到好消息， 想食豪少少，就揀咗鐵板燒。樓上舖餐廳，環境清幽，對住個靚view。餐廳分左右兩邊，右邊有兩張大鐵板燒枱，每張枱大概有六個座位，另外有兩張二人枱。 左邊私隱度頗高，一張大鐵板燒枱加兩張四人枱，八人飯局剛剛好。坐低時應先奉上熱茶，濕毛巾同圍裙。set lunch由$128起。 我揀咗個大蝦，銀鱈魚配芝士春卷。 set lunch還配上季節沙律， 炒飯，炒雜菜，是日餐湯，漬物同雪糕。先上季節沙律，新鮮，加上麻醬Show time開始， 廚師先煎大蝦，銀鱈魚。 見佢手起刀落，先切開蝦頭，然後開蝦嘅側邊，挑腸。再煎銀鱈魚，煎煎下見佢挑起塊魚皮繼續煎，再煎芝士春卷。芝士春卷先上，新鮮煎起，外皮脆卜卜， 裏面啲芝士少少溶， 好味道唔停到口😋跟住上銀雪魚，原來剛才廚師挑起嗰塊魚皮，係會插返塊魚嘅上面， 好精緻，仲配上紅椒，翠玉瓜，意大利瓜，蕃茄乾， 色彩繽紛。 銀鱈魚塊皮煎得好脆，裡面還相當嫩滑我喺度慢慢歎住食，廚師等你食完個銀鱈魚 先會上大蝦，上之前還微微再煎，還細心切開幾件。大蝦彈牙，配上番茄微辣汁，更加鮮味跟住廚師忙住炒飯，炒飯粒粒分明，好香口，仲有炒什菜是日餐湯係枝豆忌廉湯，好

心情納悶嘅十月尾，就自己去尖沙咀食個鐵板燒開心吓！環境唔大不過舒適，望住大廚喺我面前鐵板燒，幾納悶嘅心都變得開朗啦日本真蠔一塊麵包、一隻蠔及櫻花蝦排排企，之後就將隻蠔拎出嚟燒，清脆嘅沙沙聲幾咁吸引！再加啲洋蔥汁、黑椒及櫻花蝦就上菜了。隻蠔燒得啱啱好，外脆內軟，又冇縮水，蠔味勁香濃，配合櫻花蝦一齊食，徘徊在似脆又綿之間，口感極好！黑毛A4伊藤和牛原來塊麵包係用來墊住啲和牛㗎！切成粒嘅牛肉外脆，一咬開啲肉汁就爆發出嚟，中間夾雜好多脂肪，真係好邪惡，但又真係好軟腍好好味；盡吸和牛油嘅麵包太好味喇.... 食食吓突然醒起，點解冇蒜片嘅，即刻同師傅講返聲，多蒜吖唔該！但佢哋話，呢度嘅鐵板燒係比較fusion啲，當外面嘅鐵板燒俾幾式醬你點、樣樣加蒜片加大量醬汁嘅時候，佢哋係比較反傳統，牛肉係棄用蒜片，反而以岩鹽及wasabi吊味。第一次食冇蒜片嘅牛肉粒，反而更能食得出牛肉嘅鮮味！季節野菜有紅椒、翠玉瓜、冬菇及茄子，燒得爽脆炒飯喺荷包蛋上面灑滿飯粒，之後加入黃瓜、蔥粒、小女子..... 心諗乜嘢係小女子？！原來係用昆布及醬汁煮幾個鐘嘅白飯魚仔啊！太得意喇！整個炒飯因為有黃瓜而口感提升、因為有小女子而