Urban Coffee Roaster (碧仙桃路)

营业中

休息中

呢到食嘢重點唔係啲嘢食，係呢到嘅咖啡 ☕Mocha 好好飲，一啲都唔苦。朱古力同咖啡比例岩岩好 👍 (朱古力味偏重，不過我鍾意)拉花都拉得好靚架。 唔怪得之個個都話必飲!另外一杯Dirty 就有啲比下去啦…下次都應該唔會再叫啦雖然呢到出名咖啡，不過啲嘢食都唔差。黑松露薯條炸得好好，黑松露同沙律醬比例都唔錯，唔會搶咗味 🍟另外個雞肉都好嫩滑，可以試吓肉丸意大利粉賣相幾特別，不過食落都係咁啦，唔係好夠汁。個烤龍蝦意大利飯比較少肉，不過個飯就夠哂味

尖沙咀有唔同嘅食肆林立，我同朋友今日就去咗一間小店，打算食西餐。佢嘅門口都好型格架入到去，光線暗暗的，都幾有格調。坐位有cushion等等，坐得舒服，同朋友傾計都好寫意我哋頭盤叫咗慢煮雞胸肉牛油果藜麥沙律，其他仲有烤龍蝦意大利飯，煎三文魚柳，薯條配黑松露醬，同埋甜品豆乳芝士杯▫️▫️▫️▫️▫️▫️▫️▫️▫️▫️▫️▫️▫️🔸慢煮雞胸肉牛油果藜麥沙律一嚟到見到，勁大碟！佢嘅藜麥都有好多！慢煮雞肉果然同其他白烚雞肉唔同，肉嫩好多，唔會鞋sap sap牛油果配埋藜麥，質感好夾，因為牛油果好香好淋，配埋藜麥嘅咬口，入口好有層次。🔸薯條配黑松露醬薯條熱辣辣，炸得好脆。佢嘅黑松露醬好香，作為前菜小食，真係食唔停口。🔸烤龍蝦意大利飯好足料！龍蝦好大隻！都幾多肉架！意大利飯都煮得適中，唔會好淋或者太硬意大利飯有少少番茄係入面，酸酸地，好開胃！🔸煎三文魚柳其實似係三文魚扒！佢好厚，三文魚嘅皮煎得好脆，好好味雖然佢好厚，但係都煎得好好，熟嘅程度係外面同裏面都幾平均！加埋有少少芒果茸，令到煎三文魚添上左一啲特色👍🏻🔸豆乳芝士杯雖然叫左多道餸，其實我同朋友已經食得好飽，但係食甜品係第二個胃呀嘛！呢個豆乳芝士杯，唔太甜幾好咼！而一入

有咩開心得過上完全日堂，同朋友喺間咖啡小店閑談整個晚上💕專登有理大廈20幾分鐘嚟到，就係為咗一嚐呢間OpenRice最優秀咖啡店☕️七點鐘到，入邊已經坐左好多人了。好肚餓，立即點了一個沙律，雖然價錢唔平，但係份量質素全部到位，兩個人分享就最啱。朋友同我都係牛油果米，見到有咁多牛油果，仲有咁多大大件雞件，真係好興奮。一放入口就知道咩叫慢煮雞肉，質感真係好滑，冇咩調味，勝在食到雞肉嘅真鮮美，食材的質素可見一番🤩再夾埋酸酸甜甜嘅柚子醬汁，感覺好清新，好fresh，覺得自己吸收緊營養😆熱辣辣嘅烤龍蝦意大利飯上枱啦，芝士龍蝦味好吸引～龍蝦長過一隻手掌，而且好多肉，沿著背部位置竟然全部都係膏，甘香肥美，同意大利飯嘅醬汁好襯，而且龍蝦肉烤焗嘅時間剛剛好，保留鮮甜嘅肉汁。再叫多一個主菜，三文魚柳💕💕第一次食茴香西洋菜，西洋菜蜜飲得多，三色西洋菜真係第一次，冇估到咁爽口清甜，入口滲出陣陣西洋菜香，配合少少意大利陳醋，整體感覺好有層次。三文魚剛剛煎好，外皮仲係脆卜卜，好香口！食咗咁多嘢我哋兩個都好飽，但點都要有甜品嘅😍叫咗個雪糕泡芙，特別嘅地方係泡芙上有菠蘿包般的脆皮，帶輕微牛油香，整個泡芙都焗好鬆脆，夾埋

因為想念所以再次光顧😌這是真的⋯⋯記起今年初，我在K11工作的日子，有時候我會到這裡吃簡單的午餐。我對這裡的Matcha Latte $39 及Chai Latte $54 念念不忘。因為Matcha Latte 很香抹茶味而不甜，而Chai Latte淡淡的甜味而且味道很特別。愛吃沙律的我點了慢煮雞胸牛油果藜麥沙律配紅酒油醋汁$108 😋軟殼蟹生菜包配咖哩蛋黃醬$98 炸漿薄薄的，十分鬆脆，美味可口😋烤龍蝦意大利飯$168賣相很好喔另外，這裡的店員很有禮貌，真的值得一讚。

Cafe 已經成為香港年輕人想hea必去的地方，但係由最初一張梳化的cafe，演變成今日座位有如茶餐廳的輕快餐點。變化都頗大，不過最重要都係個杯咖啡要有水準就好似茶餐廳既奶茶咁重要。今日黎左哩間係尖沙咀k11對出既cafe，食物都幾多選擇，雖然地方細小，但係今晚目標係食物。烤雞翼配腐乳醬 雞翼烤得皮脆肉嫩，最重要係個腐乳醬，好味到要keep住點其他野食慢煮雞胸牛油果配紅酒油醋汁沙津份量都好多，慢煮雞胸幾嫩滑，配搭牛油果，非常健康既藜麥是清爽的前菜烤龍蝦意大利飯這個意大利飯的水準頗高，軟稔度適中不過龍蝦就唔係新鮮的，下次叫個普通意大利飯就夠了。香煎三文魚柳配芒果沙沙香熱的三文魚配涼快的芒果沙沙是經典選擇，火喉控制和擺碟都見功架Chai Latte夜晚唔敢飲咖啡，叫左個印度奶茶。味道幾特別，茶底係紅茶加印度香料、蜜糖、豆奶而成，有濃濃既香味！菠蘿泡芙配雪糕作為結尾的甜品就最滿足泡芺裏是結實的雪榚，食完飽到上心口！

星期一放工去了尖沙咀這一間地鋪cafe, 在K11附近, 地點算方便成間cafe的感覺以柔和, 黃色燈光為主慢煮雞胸牛油果藜麥沙律配紅酒油醋汁很健康的沙律, 滿滿的藜麥配上雞胸肉,  配上醋汁就夠晒味道軟殼蟹生菜包配咖哩蛋黃醬軟殼蟹挺大的, 炸得外脆內軟, 非常好吃, 生菜也很新鮮, 一齊吃就減底油膩感烤龍蝦意大利飯意大利飯軟硬適中, 龍蝦肉新鮮彈牙濃縮咖啡安格斯肉眼扒牛扒四周好像用了咖啡渣包圍, 我一般般咖啡豆渣跟食物一起, 有點像煎燶了>< 不過牛扒也是大大的一塊朋友生日當然要點一下蛋糕上層即芝士蛋糕, 中間是mixed berries芝士, 最下面是餅底有香濃芝士味, 口感也算細滑最後也有點了餐廳的signature drink這杯有double espresso 再加其他飲料, 很香的咖啡味, 但沒有苦澀味另一杯signature看起來像cocktail主要是不同的juice混合soda, 有點像  fruit punch

朋友仔帶我來佢最愛既Cafe作為偽民青既我當然唔會托手肘一直Cafe比我既印象都係華而不實今次反而令我改觀！色香味美俱全牙～！More than Expected !店家主要用歐式工廠風去打造依間小鋪去到門口已經滿滿既打卡點白框既玻璃門配搭柔和既黃光格調十足～入左鋪頭後灰色既牆身搭配深木色既餐枱牆上掛左唔少特色既工廠用具而角落係一個Coffee Bar 好有氣氛～❤掛住享受餐廳既裝修同時當然要醫下肚仔～都十分重要！今次叫左慢煮雞胸牛油果藜麥沙律配紅酒油醋汁 $108雞胸比好多人既印象都好鞋口同又啖啖肉又嫩口既雞脾肉成好大反比所以成為左冷落既對象但自從慢煮既興起簡直為雞胸爭番口氣！慢煮鎖左雞胸肉既水份令佢保持鮮嫩加上雞胸既味道係甘多個部份最濃郁煮得好食既雞胸絕對贏雞脾肉多多聲再加埋紅酒油醋汁既微酸味同蔬菜既清脆感 同藜麥既顆粒感層次好豐富～味道清新帶微酸微甜係好好既開胃菜！軟殻蟹生菜包 配 咖哩蛋黃醬 $98軟殻蟹比一層薄薄既脆粉漿包裹住肉質依然鮮嫩同埋火喉剛好薄身脆口～唔會太油膩配搭埋生菜～更有助去膩淋少少咖哩蛋黃醬就更有風味！烤龍蝦意大利飯 $168龍蝦本身已經係無得輸既野食再加埋用

平時同朋友兩個女仔出街，最鍾意就係去cafe坐底食戰野傾下計！咁先係見朋友最重要既事！果日行完k11，就係附近見到呢間細細地，但又有戰工業味既cafe!就試下啦！估唔到佢比到個驚喜我啵！🤗🤗慢煮雞胸牛油果藜麥沙律（$80）💚呢個沙律好驚喜！好新鮮好好味！佢個雞胸肉好出色，好嫩滑！又彈牙！好清意！軟殼蟹生菜包（$98）烤得唔錯！幾好食！但又未至於必試！烤龍蝦意大利飯（$168）💚呢個飯底好好食！有龍蝦味又唔會太濃！都唔會太鹹！真係唔錯！個飯又唔會太硬，煮得岩岩好！🌟但係隻龍蝦就一般，唔夠鮮（我諗係冰鮮既） 但呢個價錢都正常！仲要好細心！個夾係剥好左殼！大讚🤗🤗

已經係第二次食Urban Coffee Roaster！個人認為係食過性價比算數一數二嘅cafe! 而且係尖沙咀黎講，呢個價位食物質素真係好好🤤💕.今次帶埋爸爸黎食，預早慶祝佢生日！😌前菜我地叫左個沙律🥗無花果風乾火腿西洋菜沙律 配 柚子蜜糖汁 ($98)有我最愛嘅無花果所以果斷叫左😗😗巧妙地用左柚子蜜糖去中和西洋菜嘅青澀感覺食落好開胃！😍😍.白酒煮白蜆 ($118)之後叫左一個小食一齊share食～～白酒汁淡淡咁透出牛油香 每一隻白蜆都比個汁包裹住食落好香 而且蜆肉亦比外面多好多🤣好似食極都仲有咁👍👍👍.之後我地叫左一個飯一個主菜～～烤龍蝦意大利飯 ($168)飯叫左網上好多人推介嘅烤龍蝦意大利飯鍾意佢意大利飯煮得帶微微煙韌感！係al dente嘅質感～～而且汁亦好濃郁 龍蝦鮮香味好重！龍蝦肉亦爽甜 168絕對係超值🤤🤤🤝.香煎英國豬扒 配 燒新薯、洋蔥汁 ($178)豬扒略嫌唔夠軟腍 不過配上洋蔥汁呢個配搭唔錯！去卻唔少膩度～啲薯仔亦炒得幾香。.菠蘿泡芙 配 雪糕 ($58)最後叫左呢個甜品！泡芙切開左一半中間夾左雪糕鍾意佢泡芙有微微烘熱 加埋冰凍嘅雪糕食落有冰火嘅感覺💕推介～

K11行完街隨意入左間cafe，好工業風簡單既裝修令人好舒服，估唔到尖沙咀隱藏住間咁正環境既cafe慢煮雞胸牛油果藜麥沙律 配紅酒油醋汁🥗$108慢煮雞胸係我食過最好食的，非常冧滑幼嫩🧡絕無不｢鞋口」，牛油果好新鮮， 熟既口感岩岩好，好似真既牛油咁香🥑仲配以超級多三色藜麥同沙律菜， 單食呢個都夠飽軟殼蟹生菜包 配 咖哩蛋黃醬$98軟殼蟹新鮮炸起🦀 皮薄餡靚，雖然醬較少， 但仍僅夠作調味之用；生菜好甜又爽口， 平時生菜包肉就食得多，第一次咁食法夠哂特別😋烤龍蝦意大利飯$168半隻烤龍蝦放係意大利飯上面， 龍蝦鉗更已剝好殼超細心，飯唔會太冧醬汁夠creamy, 如果龍蝦味更强烈會更吸引香煎英國豬扒 配燒新薯、洋蔥汁$178好食💛 真係好好食💕豬扒超級juicy，咁厚既豬扒都可以做到爽口Q 彈肉質粉嫩100 分😋 💯✔️✔️菠蘿泡芙伴曲奇雪糕$58好驚喜，菠蘿包形既泡芙，咬落去非常酥脆，如果係微微熱就更好食加埋雪糕裡有一粒粒曲奇，真係多重口感Matcha Latte$39🍵由帥哥親自沖泡，更係上面做出不同圖案既拉花，綠茶味濃郁又香又滑

平時行尖沙咀都好少行呢邊 今日發現呢間咁好味既西式餐廳 一定要開心share!!! 勁岩同班姊妹gathering 一定會再黎!!燈光暗暗地好有feel好chill☺️其實食風乾火腿 就會知間餐廳質素去到邊 而呢間餐廳既風乾火腿十分好味！薄切唔會厚到火腿咁食唔到👍🏻肉質都係易咬 唔會超多根！醬汁係柚子汁黎 甜甜地食到停唔到🤣第一次食無花果 味道清甜 原來都不錯！雞翼香脆 最特別係配腐乳醬 原來咁食法又幾好味👍🏻即刻變到同平時千篇一律既雞翼好唔同！龍蝦烤得剛剛好 肉汁鎖住食落好juicy😋肉質都十分爽口 令我有啲諗起係英國食burger and lobster 呢到既龍蝦都不遜色！飯粒粒分明唔會變到一pat pat 十分好👍🏻英國豬扒 拍得住牛扒🤣同樣係肉質鮮嫩 唔會有根 配些少脂肪食更軟熟🤤飲品 唔記得咩名 但類似fruitpunch 無酒精 不錯！甜品叫左mixed berry cheese cake!十分好味 平時食芝士蛋糕最怕係食一兩啖已經好溜 呢款cheese cake有兩款口感既cheese 上面個層感覺較軟 食落一次過有唔同口感同唔同味 食飽飯再食都唔會食唔落🤣👍🏻下次同班姊

這間位於K11後面的Urban Coffee Roaster，餐廳外觀較懷舊，食物主要以西式為主，沙律、小食、扒類、意粉或飯及甜品，其次當然必試咖啡。慢煮雞胸牛油果藜麥沙律配紅酒油醋汁雞胸肉質嫩滑，而且份量很多，沙律菜新鮮爽脆，加上非常健康的藜麥及牛油果，整體清新。黑松露薯條粗薯炸得香脆，但黑松露味就唔多覺，不過勝在夠大份，夠3-4人分享。烤龍蝦意大利飯意大利飯煮得較腍，有些番茄仔做配菜，龍蝦仔烤至微焦，蝦肉爽彈。香煎三文魚柳配芒果沙沙、茴香西洋菜沙律三文魚外皮煎得香脆，有魚油香味，加上甜甜的芒果沙沙，中和油膩感，西洋菜湯就飲得多，做沙律都是第一次見，有濃郁的菜香，又幾特別而且爽脆。Matcha Latte & Mocha前者綠茶及奶味濃郁，後者朱古力味香，兩者都不會太甜。

陪朋友到中間道一間電訊公司辦些事情，之後帶我到碧仙桃路晚餐。餐廳門外可以說沒有裝修，就像東南亞一些小商店般，門口是用鐵框玻璃門窗，說實在話，若非朋友帶我來，我也不會走進去。但是，一內進又是另一番光景。原來古樸的裝潢是餐廳的主題，連餐牌也像是懷舊的，燈光柔和，裝飾精緻。內裡有廿多個座位，我們進入時已經差不多坐滿了。餐廳原來大有來頭，剛榮獲「優秀開飯熱點大賞2018」咖啡店類別的獎項，真是有眼不識泰山。餐廳共有幾間分店，據說尖沙咀店的食品款式較多。餐廳以精品咖啡及烤肉為主打，食物絕對不是小店的貨色，價錢算是中等。咖啡則選用巴拿馬咖啡豆，經自家烘焙，連餐牌上也標明產地來源及年份。我們就點了五道菜色的晚餐，包括慢煮雞胸牛油果藜麥沙律配紅酒油醋汁($108)、軟殼蟹生菜包配咖哩蛋黃醬($98)、烤龍蝦意大利飯($168)、香煎英國豬扒配燒新薯洋蔥汁($178)及甜品的咖啡煮啤梨($78)，另外飲品就要了Fizzy Summer($48)及Double Macchiato($34)。雖然慢煮雞胸牛油果藜麥沙律配紅酒油醋汁要$108，但份量絕對不少，下面是大碟的紅生菜、小蕃茄等沙律菜，並加了些黑椒。

這間cafe 一直都在我的to-try list內，今晚幫好姐妹慶生，便與兩位姐妹來這裡試試和談談情吧! xp食物款式不算很多，但也省於選擇，最重要還是食物質素! 無花果風乾火腿西洋菜沙律配柚子蜜糖汁 ($98)賣相討好，面層舖上風乾火腿，被覆蓋的是滿滿西洋菜沙律。原以為西洋菜的味道會較重，但柚子蜜糖汁剛好中和了沙律菜的苦味，反而因醬汁下手太重而偏甜了一點；平時很少吃無花果，淺嚐一下其酸酸甜甜的味道也不錯。薯條配黑松露醬 ($68)是其中一款小食，份量相當大方。薯條即叫即炸熱辣辣，切得粗身，更連薯皮一起炸，香口脆身，薯味十足! 加上濃郁的黑松露醬，是誘人的滋味!軟殼蟹生菜包配咖哩蛋黃醬 ($98)一碟四隻，軟殼蟹同樣炸得香口，以生菜包著吃增加口感；然而咖哩蛋黃醬的咖哩味不夠突出，感覺亦有點膩滯；而且要趁熱吃呢，否則放久了會變得腍身。主食點來了烤龍蝦意大利飯($168)，飯上的半隻龍蝦顯得霸氣!半隻龍蝦肉不多，肉質爽彈，燒得入味，龍蝦迷的我表示滿意! 意大利飯是屬於軟身的，不是有嚼頭的口感，醬汁creamy，包覆著每一顆飯粒，令人滿足。香煎三文魚柳配芒果沙沙 ($198)三文魚皮煎得相當