CHEF STAGE de Eddy Chu (已結業)

其實早早經以吃過銅鑼灣分店，感覺不錯。這次光臨尖沙咀的分店，是由於在尖沙咀區番工，很多餐廳都吃過…也就再度幫襯，反正友人未有來過試～由於不是太餓的原故，兩個女仔最後點了一個Set Dinner，再加上單點了乳鴨和一客菠蘿雪芭。餐廳的環境較暗，很合適談天，不過坐位與坐位之間的空間較少。冷凍日本磯煮鮑魚配凍鮮蝦這個冷凍的頭盤很值得推介，雖就是跟晚餐的，可是也不馬虎，日本磯煮鮑魚很入味，爽口彈牙，而凍鮮蝦也同樣很爽甜，好吃！燒牛脷配日本蜜糖芥辣這個牛脷跟上次一樣同樣的厚厚分量，雖就是厚厚尺寸的一件，可是一點也不“鞋口”，吃起來還是軟軟的，有點像是午餐肉味道，沾以蜜糖芥辣一起吃，挺特別。蟹肉蘑茹日本年糕以白汁來烹調這個年糕，吃起來很不錯，年糕的軟硬度適中，入味得來不會太過heavy。艾迪BB鴨 HK＄88這是一個每日限定來的，同時也是餐廳獲獎菜來，BB鴨真的很推薦大家點來吃！外脆內軟，肉質嫩滑多汁，跟平日酒樓吃到的完全不一樣，雖說是BB鴨，但不是小小的沒有肉，真的很錯～菠蘿雪芭 HK＄78雪芭很別緻，以一個小巧的日本菠蘿盛上，每一口的雪芭都充斥著菠蘿的香甜味道，內裡還有少量菠蘿果肉，作為這頓晚

朋友介紹之下 同男朋友去左呢間西餐廳到食飯呢到最特別既地方就係可以高處睇到「海景」入夜後景色更加浪漫!餐牌第一頁就係6-course tasting set dinner menu (HKD498)如果唔鐘意煩既朋友 我都好推薦叫呢個dinner set 只係main course要自己簡 其他都set好冷食日本磯煮鮑魚配凍鮮蝦 Braised Japanese Abalone and Cold Prawn第一道菜已經好有驚喜 鮑魚比想像中大隻 而且好厚肉 真係啖啖肉架!鮮蝦亦都好鮮甜黑松露蘑菇湯 Mushroom and Black Truffle Soup呢個湯比一般既湯稀身但黑松露既味道仍然香濃再加上餐廳將蘑菇切碎 令個湯好有口感蟹肉蘑菇日本年糕 Sauteed Rice Cake in Crab Meat & Mushroom Cream Sauce 呢間餐廳既fusion菜都幾出色同有創意日本年糕好有咬口 再配上蟹肉蘑菇忌廉汁 味道好夾!燒牛脷配日本蜜糖芥辣 Grilled OX-Tongue, Wasabi and Honey Sauce最鐘意道係呢道菜!燒牛脷相當惹味 而

今日同朋友慶祝生日，搵左間餐廳，係尖沙咀亞士厘道既19樓餐廳，高d有得睇景，又唔會太嘈，環境唔錯既餐廳慶祝！Book左枱6:00到，果時個天未黑，趁未開始多人食dinner就影左個景，好正之後我地睇下menu,叫左個6 course set dinner，我地主菜選擇左香燒澳洲羊鞍然後叫多個seafood srew,同beef linguini!兩個人食夠哂佢地服務都好細心，唔洗講會幫你加水，食完每一道菜都會幫你換新既碟同餐具，衣家好少餐廳都咁貼心，或者可能要你叫佢先會幫你換，呢到真係加分

看似有兩邊廳，我呢面個view 真係幾唔錯，景觀開揚，望到維港。燭光之下，餐廳帶著醉人o既格調。Set dinner ($498) 頭盤「冷食日本磯煮鮑魚配凍鮮蝦」，隻鮑魚仔ok 大隻結實，蝦係熟蝦。餐湯「黑松露蘑菇湯」無乜特別。「蟹肉蘑菇日本年糕」個汁濃郁入味，但d 年糕我覺得有d 粉(即係佢磨個粉漿唔夠fine)。「燒牛脷配日本蜜糖芥辣」，呢個真係好好食，一客有兩件，兩件係唔同texture o架，其中一件較煙韌，另一件較油滑甘香，入口即溶。仲有個蜜糖芥辣醬點綴，非常之唔錯。可能有人會覺得牛脷本身係d 核突o既食物，但真係一試難忘。Main dish 係三揀一，叫o左「懷舊薯蓉海鮮大會」，帶子算幾大隻，燒茄子幾好食，但overall speaking 其實覺得無乜特別，亦都因為呢個係標榜「6-course」o既set din，分薄o左所以作為main dish o黎講份量偏細。另外是日甜品為藍莓cake。Main dish 仲有燒羊鞍同肉眼扒選擇，臨走見到人地檯塊扒好似好吸引，好大塊，唔知都係set 定散叫……

有日男友帶我來到位於尖沙咀區的 Chef Stage 食浪漫的晚飯.Chef Stage裝修走現代風,環境又寬闊舒適.店有大大窗戶可眺望維港景色.首先點了6 Course Tasting Set Dinner $499 , 另外加1個主菜及飲品.*飲品【白酒及甜熱帶雜果酒(白)】House White Wine & Spanish Sangria男友選了帶甜而易入口白酒,而我飲甜熱帶雜果酒,帶甜味的酒,十分岩女士飲.**【冷食日本磯煮鮑配凍鮮蝦】Braised Japamese Abalane and Cold Prawn這款是冷盤,用冰墊底,保持新鮮度, 磯煮鮑魚肉質柔嫩細滑,而蝦鮮嫩彈牙,兩者都是鮮甜可口.*【黑松露蘑菇湯】Mushroom & Black Truffle Soup很濃郁蘑菇湯,有粒粒口感,喝起來非常的原味,搭配黑松露,非常配合好飲呢!*【蟹肉蘑菇日本年糕】Sauteed Rice Cake in Crab Meat & Mushroom Cream Sauce年糕有煙韌口感,掛上香濃黑松蘑菇露忌廉汁,雖蟹肉不多,但味道不錯, 我連汁也不放過也食掉.*【燒牛脷配日本

好少機會可以同chicken去西餐廳据扒，一黎唔係餐餐豪得起，都係特別日子先會去食～今次佢竟然話要帶我去食好野，唔通中左六合彩xd? 佢帶左我黎依間CHEF STAGE de Eddy Chu，入到去個氣氛好唔同，先知道原來係高級餐廳～係門口已經見到唔少報章雜誌報導過，睇黎係一間好有份量既餐廳。 餐廳內有兩側，餐廳有一塊好大既玻璃，可以見到室外既環境～而且可以見到對面海，環境氣氛真係好有feel呀@_@haha然後全程都係chicken負責點菜，我就負責點頭xd 冷食日本磯煮鮑魚配凍鮮蝦，套餐既頭盤係海鮮，睇落已經覺得好吸引，鮑魚好鮮甜，肉厚彈牙，而凍鮮蝦都幾多肉，可以點豉油增加味道層次～ 黑松露蘑菇湯，香濃既黑松露，內裡有一粒粒既蘑菇碎，飲落去非常有口感，佢個質地唔會太杰身，份量適中。 蟹肉蘑菇日本年糕，依個年糕小菜好吸引，松露汁配上日本年糕，年糕口感煙韌，每咬一下都有果種黏笠感，配上個醬汁極之香口，蟹肉份量唔算多，可以加以調味，味道好豐富，實在非常愛食！紐西蘭聖子扁意粉，用材好新鮮，扁意粉口感彈牙，聖子既份量唔多，雖然整體黎講都唔錯，但比起其他菜式就較為普通，唔算太突出。 燒黑毛

近期在IG上看到不少Chef Stage 的相片, 坦白說, 誰不知道IG大部分的相都加入大量"味精"? 所以單看Chef Stage的食物相並不能令我慕名而來, 反而是它的名字令我有一點點的好奇, 究竟一個大廚的舞台是怎麼樣的? 每個人都希望有自己的舞台, 去分享自己最善長做的事, 那份滿足感並不是金錢可以代替的, 我相信這位名叫Eddy Chu的大廚對烹飪的熱情, 對自己廚藝的那份信心, 能夠從這個餐廳的名字略為感受到。而且位於尖沙咀最旺的地段, 提供高質素食材而且價錢又相宜, 實在是很難得, 於是我跟朋友一行四人於星期五晚上來到亞士厘道最高的一座大廈, 試試這家近期火紅的餐廳。一進餐廳就被那窗邊的枱吸引住, 在19樓高的餐廳看到的尖沙咀夜景果然醉人。可惜, 是晚我們沒有被安排坐窗邊位呢, 也難怪的, 現在預約需要提早2星期前啦, 要求特別位置可能需要更早預約了 。其實一入餐廳門口就已經看到用透明玻璃作牆身的廚房, 餐廳的名字已經告訴你, 這裡就是他的舞台了, 好吧, 來看看他的表演!急不及待要看看這位大廚的餐牌, 他們都有提供Set dinner 的, 價錢是$498一位, 而

朋友生日, 所以預早兩星期Book了CHEF STAGE de Eddy Chu, 見到名已好期待廚師如何在舞台大展廚藝呢? 一到餐廳貼滿雜誌報章佈導已確定實至名歸, 看見餐牌, 係FUSION菜色, 大多係名貴食材, 好多選擇, 先來一杯餐前酒, 係西班牙的SANGRIA 甜白酒，以往只喝過紅酒配以碎生果粒的Sangria , 冇諗過响呢度飲到一杯咁清甜的white sangria, 而且仲配了一支新鮮生果串， 賣相好特別, 而且好甜好易入口。前菜有迷你海鮮拼盤, 陣容好鼎盛, 我最愛的生蠔、好鮮甜, 好黏口, 有海水味。另外還有日本帶子刺身放在Shooter杯浸住蜜糖麵豉汁, 非常創新的配搭, 好別出心裁, 原來點多啲汁會更帶出帶子的鮮甜味道。還有已醃製好醬汁的鮑魚, 好爽口, 原來鮑魚凍食也會咁鮮甜, 還有鮮蝦同蟶子刺身, 也好脆口清甜, 其實這盤併盤一啲都唔迷你, 一次過滿足了好多願望。之後上了48個月黑毛豬，waiter介紹黑毛豬係食橡果大, 而且食法有次序, 可先食菠蘿同羅勒葉, 令口腔充滿甜味, 再食一片晶瑩通透的薄薄黑毛豬 , 帶出陣陣的肉香味, 沒有一般的脂肪層油味及

為八月生日的朋友慶祝生日，好友提議到尖沙咀的CHEF STAGE。一行六人共點了十款食物，埋單共1,650元。分類介紹，先來頭盤類的焗法國連殼食田螺($128)，連殼食的田螺非常特別，其實殼是用麵粉做的，不得不讚賞廚師的心思。海鮮類的代表有懷舊薯蓉海鮮大會($238)，海鮮有鮑魚、帶子、鮮蝦和魚柳，這裡的薯蓉用的是紫薯，比普通薯蓉多了一份甜味。肉類選了三款，先來的是燒牛脷配日本蜜糖芥辣($98)， 牛脷切成粗條狀較少見，燒得外脆內軟，非常好吃。燒黑毛豬肋條肉($158)也非常好吃，配菠蘿可減輕油膩的感覺。香燒澳洲羊鞍($368)很有水準，做得到七成熟的要求。意粉類選了兩款，這是獲獎必食推介的松露煮日本年糕($98)，松露很香，日本年糕煮得很軟滑，好吃但不算有很大的驚喜，只是將平日較常吃的松露意粉或意大利飯換上了年糕。另一款意粉是紐西蘭蟶子扁意粉($168)，簡單鮮味。餐牌上有五款甜品，本來點了其中四款，可惜日本原隻菠蘿雪葩缺貨，最後只點了三款。因為雪糕快溶，先吃美國熱脆薄餅卷配雪糕($88)，這款甜品很特別，在其他餐廳較少見，大家都很喜歡。個人認為美國焦糖芝士蛋糕($88)的味道偏甜，

自從上次朋友帶路來這裡食過一餐後，至今仍念念不忘，但之後都一直未有時間再到附近，終於這天因為工作之便順道再來來尋味一下美食，真羡慕朋友在尖沙咀工作可以經常來用饍 跟喜愛品酒的朋友相聚，一來到當然要以酒相待「甜熱帶雜果白酒」甜甜的，酒精濃度不算太高，很適合女生飲用特別喜歡浸在酒裡的雜果，令白酒的果味更突出，而浸透白酒的雜果食落更加香甜頭盤照樣選了「黑松露蘑菇湯」，與之前相比水準仍是很高濃郁的黑松露味，配上打至爛茸的蘑菇，每吃一口都是啖啖的蘑菇，非常享受令人念念不忘的「香港豬扒飽」當然也是encore必然之選黑毛豬柳條仍是那麽肥厚多汁，配上烤得香脆的麵包，簡直就是絕配再加上菠蘿和香草中和一下，仍然是絕配只是叫豬扒飽不夠過癮，再叫上一碟「黑毛豬肋條肉」，可以細意品嚐黑毛豬的香濃滋味，同樣附上菠蘿和香草，超級滋味海鮮大會包括多種海產：鮑魚, 帶子, 鮮蝦, 魚柳一道料理就可以試盡各式海鮮，真的非常劃算薯蓉不是好像糊仔的那樣口感，仍能吃出粒粒的薯仔，雖然如此但仍非常入味，而且吸盡海鮮的鮮甜味，簡直就是此道菜的精華所在另外值得一提，整道菜雖然是海鮮，但完全無須費時處理海鮮的外殼，雖然蝦仍保留蝦頭

Honey好友介紹，話最近去過一間人氣超旺o既高層西餐廳，雖自稱為「西餐大排檔」，但食物質素卻比大排檔高，暗藏驚喜，有時間一定要帶XO仔過海試一試，評一評 。食店以大廚兼老闆Eddy Chu先生起名為「CHEF STAGE de Eddy Chu」，位於大廈十九樓全層。步出升降機，已見不停轉色o既霓紅燈將視線引導往左手邊o既入口，照出「CHEF STAGE」及廚師o既大舞台 。正門左旁o既玻璃架上擺放有多個奬狀同奬座。右邊o既玻璃門則貼滿訪問及報導，其中幾編都講述到大廚Eddy雖只有小五學歷，卻屢創佳積，曾於名酒店當過總廚，現更闖出成功路，榮升為食肆老闆 ，值得一眾後輩學習。餐廳左右兩邊餐室由中央o既開放式廚房分隔，睇黎一晚可以搞兩個私人飯局。店子樓底唔算高，但居高臨下，近窗位置有靚景睇，相信入夜後景致會更加怡人 。二人比訂枱時間早到咗成半個鐘，但餐室六點正亦已準備就緒 ，真係好期待「最佳廚師」喺舞台上o既演出！樓面主要由Jeff 哥哥同Stephen（或者係Steven?）哥哥負責招呼食客。兩位雖然比較年長，但仍魄力十足，見我地第一次黎幫襯，不忘推介鎮店菜式之餘，仲免費送贈