Chatterbox Café (K11 Musea)

营业中

休息中

每次到訪新加坡必會前往文華酒店內的餐廳品嘗地道的招牌海南雞飯，自從此過江龍進駐香港後便毋須特意坐飛機覓食位於尖沙咀的分店，主調為深綠色，以城市花園為主題，用上大量木系及植物的飾品佈置裝修極具東南亞風格，充滿園林色彩，別緻優雅，時尚又有型格店內設有吧枱座位，不介意的話可以快一點入座。不同形狀的瓷磚和富大自然色彩的大型壁牆相當吸睛文華海南雞飯以走地雞入饌，油潤飽滿、肉質結實，脂肪低、雞味濃油飯用的是泰國舊米，因吸水力高所以粒粒分明、口感軟熟招牌大蝦喇沙鮮度爆燈，一點油膩感也沒有材料豐富，有雞蛋、豆卜、魚片、及三隻連著不少蝦膏的大蝦 小食特色鹹蛋雞翼咸蛋黃醬汁均勻的掛在每一隻雞翼上雞翼大小適中，炸得剛好，肉汁仍然鎖在雞翼內國民飲料美祿恐龍在冰凍美祿上撒美祿粉及脆脆美祿波波，好玩又好味

唸起新加坡嘅美食辣椒炒蟹、喇沙、肉骨茶…令人垂涎三尺。疫情期間去唔到新加坡唸住可以系香港解下渴。招牌海南雞飯（雞油飯一碗，醬料三小碟辣椒、薑蓉、醬油，菜湯一碗）➕10蚊轉雞俾肉雞肉算嫩滑多汁，但無鮮甜味。可以將冰鮮雞整成新鮮雞咁，師傅廚藝了得，但係廚藝幾好都掩蓋唔到食物本身嘅質素。招牌大蝦喇沙新加坡喇沙出名好味，湯底咖喱味濃郁，還有濃郁嘅椰奶香氣。平嘅三十幾蚊就有一碗。好味到連湯都可以飲完。點菜時都唸好唔好叫大蝦，果然中招。大蝦有少少腥味，肉算爽口，應該有少少唔新鮮。哩個招牌喇沙湯底無椰香，連咖喱味都唔特出。面頭浮住好厚層油，連d麵線都變油膩。以後學乖d，唔係食海鮮嘅餐廳，唔好叫海鮮，次次都賴嘢。特色鹹蛋雞翼炸雞翼出面包鹹蛋粉。幾野味，但稍鹹。鹹蛋粉同我之前新加坡超級市場買嘅包裝鹹蛋粉一模一樣。斑斕咖啡就係普通冰咖啡一杯，喝唔出斑斕味…..最後，唯一要讚下嘅係短頭髮收銀機隔離嘅果位女職員，服務5🌟好醒目好nice，筷子跌落地，唔曬講即刻拿新嘅來，菜一上，唔曬叫，細碗即刻來，甜品上前，餐具又主動set好……笑容甜美🧡🧡🧡🧡🧡

早兩天喺尖沙咀放工經過K11 musea ，見滂沱大雨，便在這裏食晚飯先返屋企，見到有間餐廳裝修非常別緻，餐牌招牌菜-海南雞飯非常吸引，於是便和同事一起入內吃晚飯。去骨文華海南雞 $118雖然不是雞髀肉，但係肉質卻非常嫩滑！怪不得稱為招牌菜！至於香炒河粉燴牛肉 $108，個汁濕濕地，又黑蚊蚊，以為好重豉油味，其實食落很有鑊氣，又唔會太咸，而且牛肉亦都很鮮味嫩滑。另外叫了一個小食，特色鹹蛋雞翼 $78有六隻。金黃香口，非常惹味！雞翼剛剛熟，肉質非常嫩。芒果菠蘿梳打 $38，酸酸甜甜透心涼，夏天特飲之選！荔枝沙冰雪糕 $58，味道非常清甜，下次可以encore！

呢間係Musea嘅餐廳係新加坡文華酒店Chatterbox嘅分店，佢嘅文華海南雞飯、喇沙同咸蛋雞翼都好出名😆。其實平時見佢晚市都幾旺場，要排隊，咁啱今日兩點到唔使排隊就入去食啦😚文華海南雞飯 $128之前食過太古分店，雖然musea價錢唔同，但海南雞嘅分店都相對多咗🤓 海南雞保持嫰滑，被醬油麻油汁浸透，淨食都有好香嘅麻油味。醬汁有三款，黑醬油濃厚適中，唔會太鹹；薑蓉薑味重；辣醬就幾香辣椒味，唔會太辣。油飯夠香，佢唔太過肥膩。雞清湯配豆腐同椰菜絲。白胡椒肉骨茶飯 $118一般嘅肉骨茶都係用藥材為主，chatterbox 就用咗白胡椒湯底。湯底望落清清哋，但佢好濃郁，胡椒味重而唔會太辣👍🏻。肉骨茶有四大件一字骨，肥瘦適中，煮到冧晒，另外仲有豆卜(索晒啲湯😍)、金菇、蒜頭。肉骨茶仲會配油炸鬼，好脆身，浸湯好正。食晒成set肉骨茶都幾飽，細食嘅不妨可以叫少飯。特色鹹蛋雞翼 $78/6重口味之選😋 呢個鹹蛋黃醬汁好香，幾似金X魚皮嘅鹹蛋黃味。鹹蛋黃醬汁好濃味，有沙沙哋質感，加上香草就更香。雖然我放耐咗先食，但雞翼keep到暖身，無變硬。檸檬薏米水 +$10薏米水足料，你可以見到好多薏米，薏米食落

今日在商場逛街，商場的餐廳很多，這家餐廳位置比較方便，位於B1層，非常方便。下午時分，有不少人排隊等候，餐廳主要走東南亞風，黑白幾何地磚配上牆上畫作，佈置了不少仿真盆栽，加上高桌椅，有熱帶風情的感覺。午市套餐包括一杯飲品，見到不少客人都點海南雞飯。⭐️海南雞飯$128我們點了兩份海南雞飯，份量適中，奉送湯。湯入口香淡。雞肉表面油光閃閃，雞肉入口嫩滑，雞皮有彈性，雞肉也很嫩滑，配上油飯吃很開胃。一共有三種醬汁，我較喜歡醬油，因為味道較鮮而不鹹，配上醬汁味道更加好，將雞肉的鮮味提出來。⭐️特色鹹蛋雞翼$78一共有六隻雞翼，表面裹滿鹹香的鹹蛋黃醬，入口沙沙的口感很棒！咬開外皮，雞肉出奇地嫩，肉汁都鎖在雞肉內，出色！⭐️椰子雪糕$28最後來兩球椰子雪糕，入口冰凍，一掃口腔的膩感。

三年前去新加坡旅行嘅時候，就揀咗住喺文華東方酒店，點知日日玩到醉生夢死，飲飽食醉先返酒店，所以根本都冇機會試吓酒店最出名嘅海南雞飯。難得佢喺香港開業，今日終於的起心肝約咗個friend嚟試吓佢嘅海南雞飯，一雪前恥。餐牌製作精美，有啲仲圖文並茂。首先叫咗啲小食，新加坡近年最興乜嘢都加鹹蛋，什麼鹹蛋魚皮、鹹蛋薯片都大受歡迎，嚟到呢度見到有鹹蛋菜式，就試吓呢個鹹蛋雞翼。六隻鹹蛋雞全翼承惠$78，鹹蛋分布平均，啖啖充滿鹹蛋香味。呢度嘅串燒沙嗲只有雞肉，雞肉非常鮮嫩，仲搽咗蜜糖，甜甜地幾好味。跟住就輪到主角海南雞飯出場，套餐配咗湯、油飯、同埋三款特色醬料，包括有薑蓉、辣椒醬同埋黑豉油。雞肉嫩滑，油飯帶有雞油香。最後仲食咗甜品，揀咗個帶有港式風味嘅紅豆涼粉刨冰，雪糕係雲呢拿味，食完透心涼。雖然味道唔錯，但我仍然渴望可以搭飛機飛去新加坡，試吓正宗嘅海南雞飯，同埋享受真正五星級酒店嘅服務。

好幾年前去星加坡旅行，去過當地文華酒店chatterbox，對於佢個海南雞飯我嘅印象唔深刻，反而好鍾意食佢個喇沙。今日行經K11 Musea，本來想食間牛油果餐廳行嚟行去都搵唔到，見到佢又唔使排隊，所以就入咗去食，回味下星加坡嘅味道。兩份豆漿味都唔錯，唔會太甜，幾有特色，而且豆漿同涼粉嘅味道算好夾。諗諗吓自己都可以係屋企整相比起海南雞飯，我自己比較喜歡Chatterbox嘅喇沙，雖然美中不足係佢嘅喇沙冇落螄蚶，但味道濃郁，極度足料。有三隻帶子，起碼係日本帶子最少3S大小，帶子生熟剛好，但鮮味不足。湯底好味到我全部都飲晒。之前響新加坡都冇食過佢哋嘅鹹蛋雞翼， $78一碟雞翼聽落有啲貴，但佢足足有六隻，仲要size一啲都唔細，其實唔係貴過快餐廳好多，而且調味都做得幾好。佢嘅座位都相對舒適，價錢有少少貴啦，不過行開嚟呢頭都可以試吓。