Saravanaa Bhavan (已搬遷) 新店位置

香脆印度煎餅人在尖沙咀咀總覺得要食異國菜，今日跟住個印度朋友去食佢家鄉菜。通過小門進入後發現係一個寬闊舒服嘅空間。由廚師，侍應生至客人都是印度人，我有如跟朋友返鄉下。朋友見我未認真食過印度菜，就同我點套餐，各種都可以試一下。先來當店特製套餐，10小碗內由湯汁，紅菜頭至酸咖哩，豆醬，到甜品一應俱全。不單止米飯，仲有兩片麥餅。非常豐富各樣小碗味道不同，清新嘅酸奶，小辣嘅咖喱，香濃嘅豆醬，配合不同蔬菜，非常過癮。朋友嘅北印度套餐有雜菜黃飯，瑪沙拉作調味，鷹嘴豆為主題，香脆印度煎餅，及有咬勁嘅烤餅。兩套餐各有特色，好適合初體驗又貪心嘅我

作為香港人, 食黎食去都係日本野, 泰國野, 越南野, 你都咪話唔悶。結果今日朋友帶左我去尖沙咀食印度野, 話要比D新的衝激味蕾。餐廳係尖沙咀亞士厘道, 都幾易搵。餐廳佔晒成層, 都幾大, 坐得幾舒服, 亦都可以揀outdoor 的地方。而且黎食印度野的人都幾多, 仲唔分國藉tim! 朋友果然無揀錯。特製薩拉維亞套餐食印度野諗起鄭秀文好多年前果套戲, gam 就叫左一份特製薩拉維亞套餐，貪佢咩都有齊, 可以一次過試晒唔同味道的甜酸辣, 例如有酸辣湯, 雜菜扁豆醬, 印度酸咖哩, 辣豆, 牛油奶, 乳酪, 甜品, 仲會配上兩款餅同一款印度飯。唯印度飯質地比相像中削, 另外印度薄煎餅、炸餅、麥餅點醬都幾好食。Mango lassi: 用新鮮芒果加乳酸打成汁，酸酸甜甜，好開胃, 清新好飲

平日去尖沙咀見到有好多印度餐廳，今日去開九龍公園游水，就搵間試下餐廳嘅裝修以簡約為主，擺放左一些中式嘅擺設，主要嘅顧客都係真正印度人，連印度人都幫襯得嘅，菜式口味應該都會正宗我同朋友睇餐牌發覺有好多選擇，又有北印度又有南印度等等，因為比較少食印度菜，我地就揀們拼盤試下，希望一次過試多幾款我地叫左一份特製薩拉維亞套餐，有酸辣湯、辣豆、雜菜扁豆醬、印度酸咖哩、乳酪、牛油奶、印度薄煎餅、炸餅、麥餅、酸瓜、甜品及米飯等等，種類實在太多，可以試晒印度唔同口味嘅醬料對於我地香港人嚟講，其實唔太識得分辨，食落係酸辣及比較濃味，但一世人梗要試下不同嘅事物，了解當地嘅飲食文化。我地發覺印度嘅米飯係比較易碎，而且有唔同款式嘅薄餅，仲可以點乳酪嚟食，真係又脆又好有趣！而甜品就好似甜甜嘅糯米飯，好特別因為呢間餐廳係只提供素食，我地另外叫左蔬菜咖哩，其實係牛油汁煮雜菜、茅屋芝士、蘑菇、菠菜同青椒，呢個咖哩口味會比較容易接受，香辣得嚟又健康，原來就算素菜都可以煮得咁惹味食到辣辣地，梗係要叫杯凍飲嚟中和下，我點左杯甜拉昔，飲落好似酸乳酪，好幼滑又解辣朋友就叫左杯青檸梳打，夠解渴同清新呢餐令我對印度美食多左認識，平時

作為一個專業吃貨，對於每一個國家嘅食物都會接受。最近特別鍾情於印度菜，佢哋嘅菜式味道普遍比較濃烈，甚至有啲辣，就係唔知幾時漸漸愛上左呢種咁偏激嘅味道。由於真係好想食印度菜，於是上網搜尋之下，搵到呢一間餐廳係香港嘅印度菜排行榜上名列前茅，而且評價都唔錯。所以就訂咗枱，星期六下晝帶埋屋企人嚟午餐。呢間餐廳喺亞士厘道樓上，唔算難搵，地下大堂都有標示佢嘅招牌，上到去，佢哋並唔係開放式餐廳，先要拉開一道木門先入到去。環境比感覺上乾淨光亮，大約一點左右上到去，已經坐滿左¾嘅客人，當中有接近一半係印度籍，其餘嘅有外國遊客同埋本港市民。餐牌選擇非常多，淨係咖喱都分為北印度同南印度。雜菜千層煎餅 $75睇個名會幻想好似千層麵嘅菜色，其實佢嘅意思係將千層煎餅切一條條絲，然後撈埋落咖喱雜菜裏面， 所以呢個菜式都幾飽肚，因為都有碳水化合物。唔算好辣，配買洋蔥乳酪醬，可以Max埋一齊中和返，而且個乳酪酸酸地，食落口會更加Fresh。特製薩拉維亞套餐 $90有10款細嘅醬汁食物，中間有米飯，仲配上印度炸餅。呢一個套餐睇落唔算多，但係四個人分享，每人試小小，其實好足夠！👉🏻10款醬汁食物大概有：酸辣湯、辣豆、配菜、

咁啱閒日放假夾下女友放飯時間適逢早前有個好好既印度鄰居介紹呢間印度素食還掂時間鬆動啲就黎食下啦呢度環境裝修簡約光顧既主要為印度人到午飯時間都比較少本地香港人餐牌都有中英對照都夠哂體貼經店員介紹最後叫左芝士煎餅, 蔬菜咖哩角同埋特製薩拉維亞套餐芝士煎餅意想不到的大塊！煎餅有濃香芝士味另外配上酸辣醬一齊食亦具有風味蔬菜咖哩角炸得剛剛好唔會話太燶內餡有濃香的黃咖哩薯仔微辣幾開胃特製薩拉維亞套餐份量亦好豐富除左米飯同3款餅類之外亦有多款配菜大班人黎食必點！

一入到去見到佔地都幾大，而且乾淨整潔，我地揀左係露台出面坐。然後我地點左四樣野食。第一個上既係一個印度套餐，配有好多不同既醬汁，中間係一碗飯，附有一塊印度麥餅和炸餅。飯既口感比較乾、鬆散，但加上醬汁之後十分有口感，唔會即刻"林"曬。用鹹同辣醬汁撈飯比較夾，甜既醬汁似係三種唔同濃度既乳酪，用黎沾麥餅同炸餅唔錯。因為麥餅本身係甜，我覺得配鹹醬汁都唔錯，麥餅配乳酪真係一流。另外叫左個雜菜咖喱，用黎撈飯都好正，微辣但好野味，少少鹹。跟住又叫左一個蔬菜pancake，質地同薄餅好似，有d蔬菜餡，但唔算好出蔬菜既味道，麵粉味較重。配有四種醬汁，白色既係椰子味，黃色係一種草青味，紅色系雞汁口味，仲有一碗微辣既比較稀。一開始我覺得pancake沾雞汁口味最夾，但食耐左又覺得草青味醬汁好清新，而椰子汁既太甜。最驚喜既最後既甜品印度乳酪牛奶餃子，本身以為真係有皮包住菜餡既餃子，點知原來係類似牛奶布甸餃子形狀既甜品。清甜唔膩，上面有一的堅果碎，係好新穎既組合配搭。臨走個陣，見到有師傅整緊印度班戟添，勁。

位於商業大廈既1間正宗印度素咖哩餐廳，入門口見到有東南亞藉既廚師整既印度班戟。有2大排枱，寬闊環境，左右2邊都有露天座位，選擇坐出面free d。餐牌有超級多選擇，每個category 都有至少8款味道。叫左特製薩拉維亞套餐($90)，蔬菜咖哩($70)，蔬菜班戟($65)，乳酪芝士餃子($40)。套餐有1塊印度麥餅，1塊炸餅，1塊米餅(白色)，有碗飯，上面有一個小碟(侍應話係辣and酸)，有10款醬料配搭，有選擇困難既最岩揀尼個地道套餐，試哂所以印度香料。由鐘方向順時針起，依次既味道: 咖哩雜菜(唔辣，就咁食/配飯唔錯，味道1st)，乳酪(淡味，炸餅配乳酪，帶出炸餅鹹味)，咖哩(重香料味)，黃咖哩(有薯仔，就好似平時食既咖哩，不過甜甜地，味道2nd)，辣咖哩(侍應講明辣，比其他醬料辣，但接受到)，乳酪(有d蔬菜(?)係入面，食落乳酪味濃過之前個款)，其餘既同之前差唔多，味道就重香料。第1次食，無從入手，侍應就話你鍾意落咩料就加入飯到。醬料配飯and印度餅出奇好食，如果就咁食醬，怪怪地，不過乳酪就咁食，味道good。原來真正既食法係，將d飯倒落個大盤到，加入你鍾意既醬，用手拌既，用手食

好想同男朋友去旅行，但假期有限，邊去得咁多地方呢🤷🏻‍♀️🤷🏻‍♂️。所以呢我地鍾意去搵唔同國家既菜式👫 。今晚我地搭🚆黎左印度 🇮🇳我地揀左依間印度素菜餐廳，上網睇覺得幾特別，價錢又唔貴，心思思一於黎試下。係地鐵九龍公園出口，大約行5-10分鐘就到餐廳。-餐廳都頗大間，可以選擇坐室外七點半黎到，都已經full左一大半好多外國人同印度人黎食感覺猶如去了異地，職員好親切餐牌選擇好多😳花多撩亂🤯我地叫左三款菜式，餐廳好high tech 個個用 I pad 落單😳-🌟特製薩拉維亞套餐好豐富既拼盤職員好細心咁講解每樣係d 咩「酸辣湯、特製鷹嘴豆酸奶 」可以就咁飲用「辣豆 」加埋印度香料特製 味道既香又爽口「特式印度酸咖哩,雜茶扁豆醬」都頗辣🌶但用來點薄餅/送飯係唔錯，味道一流。如果覺得太辣，可加「特製鷹嘴豆酸奶,乳酪」去中和。🔥奶類本身是油性的，所以吃辣時喝牛奶可以降低辣（油溶性）所造成的刺激。❣️印度薄煎餅,印度麥餅 香脆酥口的印度煎餅搭配辛辣香濃咖喱汁是完美組合， 帶來美味的味蕾享受。佢既甜品，口感特別但偏甜-🌟瑪沙拉洋蔥粗粒米煎餅小麥米煎餅釀入薯蓉、洋蔥碎份量好大呀😌一上台已帶甜味及咖哩香的