幸屋

营业中

休息中

今日去灣仔做野借機搵下有咩新野試試搵到呢間好多正評既幸屋佢係機利臣街地鋪間鋪其實都有啲難搵不過入到去都坐得舒服既同埋service 幾好喎！似乎係家庭經營既小店個呀姨好nice 好熱情Waiter 全程都好有禮貌之後我地食完走左好耐, 發現漏左野要返去搵但麵店應該閘左門打電話返去時佢好緊張咁叫我地照返去拎，會等埋我地好好人！ 😭😋😋😋食物方面就只係👌 試左呢個胡麻王 （$78）面頭勁多胡椒同芝麻個湯都ok 濃但唔算好好味🙈個麵軟硬度適中，唔錯既仲要可以揀叉燒/豚角煮/ mix 都得但叉燒就好普通， 豚角煮會好食啲👌 另一個係玄武王（$78） 係沾麵來的個湯都幾好味配料夠多質素都係屬於中位 呢個跟餐加$20既蒜香雞粒呢個好濃味炸得唔錯，送酒一流👍🏻Overall 黎講食物未見太出色但服務令人覺得好親切好warm 環境都可以，係乾淨同舒服既夜媽媽唔知食咩好可以試試

近來與朋友愛上食拉麵，試過多間不同既日式拉麵店。今日就趁來星街探朋友，先來灣仔試一下幸屋拉麵。有別於一般小店，店面很大、座位舒適、充滿和風感覺，到處放滿日式小擺設，裝潢別有心思。我們點了一份「胡麻王」、「玄武王」冷沾麵、豆腐沙律及明太子雞翼。這裡主打超濃豬骨湯底。果然是招牌湯底，湯底濃稠，以豬骨熬製十多個小時出來，才有那麼香濃而不油膩。「胡麻王」~ 濃湯配大量黑芝麻，更能突出豚骨湯的香濃味道，溏心蛋醬油浸到很入味，叉燒薄薄的，肥瘦均勻，入口軟綿，肉質嫩滑。「玄武王」冷沾麵 ~配料很足量，紫菜、肉醬、木耳絲、明太子、溏心蛋，配上豚角煮。而沾面既湯係凍的，帶點酸甜味，好開胃，非常適合現在熱辣辣既天氣。豆腐沙律 ~ 蔬菜新鮮，配上胡麻沙律醬，非常清新。明太子雞翼 ~ 個人特別鍾情明太子，香香辣辣，無得輸。

呢個週末做完gym同朋友喺灣仔附近搵野食，行咗陣小街見到呢間拉麵店下午茶時間3點幾都咁多人，就決定入去試試！拉麵店面積唔算大，但周圍既佈置好簡單好舒服，1入到去就有店員招呼我地!我同朋友1人叫咗個拉麵同小食，拉麵既麵條、硬度、湯同配料都可以自己決定。等咗大約10分鐘到朋友叫既拉麵-黑武士 就煮好雖然係黑蒜湯底，但食落1d都唔油膩，岩晒我口味之後我叫既-玄武王亦都上枱拉麵配料10足，另外最正既係個湯既味道，少少鮮少少酸味搭得好開胃，將凍冰冰嘅冷麵浸落啲熱辣辣既湯，再配埋佢地既厚肉「御屋mix」真係無敵！最後上枱既係聽到廚房「炸炸」聲即叫即炸既炸雞件同埋炸多春魚！兩款小食炸到出黎都咁多汁脆口，十分滿意

早收工去灣仔接個b放工，好肚餓，問佢附近有咩好食，佢話呢間拉麵晏晝lunch好多人，成日想試都無機會，咁好啦，一於食呢間啦。7pm去到，傻b話未見過唔洗排隊，好開心！餐廳有面壁位同普通沙發位，我地梗係揀沙發位啦。店員招呼誠懇，悉心介紹餐廳不同的湯底和小食。聽取店員介紹，吃了冷沾麵、餃子、炸雞、胡麻拉麵。好豐富的玄武王冷沾麵！一聽個名就知勁首先汁同麵都係凍嘅，我仲特登叫了粗麵和比較硬的硬度，確保拉麵煙韌！湯汁因為係凍嘅，所以無平時一浸油係面，無咁膩，味道有dd似冷麵汁，帶酸，好惹味同開胃架！碗麵仲有好多材料：足一隻溫泉蛋，香！一大塊紫菜、一大堆黑木耳絲兩大舊豚角煮，腩肉肥肥香，令人難以忘懷！仲有一堆肉碎，總之每啖麵都好豐富！店長話仲有傳統熱的沾麵汁，下次再試！餃子煎得好靚，有薄脆脆！汁醬係自家調製，難怪特別好味，同大阪王將有得揮！面上仲有大量蔥花、木魚絲和沙律醬！口味極之豐富！炸雞都唔錯，熱辣辣，襯bb沙律醬一流，跟拉麵加$20就有，點可以唔叫！b仔食胡麻王！湯底有d擔擔麵feel，估唔到同拉麵咁夾！同沾麵一樣有一整隻溫泉蛋、紫菜、叉燒、黑木耳絲同椰菜絲，撈埋食口感極豐富！餐廳仲有好多唔

由於朋友在附近工作所以很熟路，不是她介紹也不會知道原來這條充滿茶記的街道藏了一間拉麵店，而且食物充滿驚喜呢門口不大，很容易錯過了，旁邊是一間機舖。進去是一間小店，但樓底十分高，感覺很空曠，相比平常的小拉麵店沒有壓逼感和焗促感。選擇不少，最大路的豬骨湯，較少見的黑蒜油，湯麵沾麵都有。跟坊間一樣，可自選軟硬度和配料。其實這裡不只做拉麵，連丼都有較特別是它連居酒屋的串燒部份都涉獵叫了巨峰提子，入邊有提子肉，好喝金武士其實是原味豚骨湯。我選了淡味但於我來說都覺得足夠濃味，證明湯底絕不欺場呢。湯內亦有芝麻增加口感。糖心蛋尚算流心。豬肉很夠味但未算出色。麵條我選了最硬，不算太硬，掛湯能力不錯。朋友選的沾麵比較出色是冷沾麵，十分特別！麵上有明太子，店員特意提醒先搞云才吃。配料甚豐富，有肉碎亦有整隻糖心蛋。叫了數條串燒。點了茄子串燒，汁燒豬頸肉，豚肉秋葵和牛肩肉串燒。茄子還以為是原條燒那款，原來是這款茄子，無妨。都頗甜幾多汁。豚肉秋葵的豚肉肥瘦均稱，但秋葵略嫌太淋身，沒了秋葵獨有的爽脆口感。串燒總體來說有點太油膩。埋單每人百多元，很飽肚，拉麵值得一試，還有很多其他食物是其特出的地方，而且比起普通拉麵店

今日同老友約左收工去灣仔睇玩具同電腦, 6點半係灣仔地鐵站集合, 可能因為美食節關係, 超級多人。因為我地係即興約, 所以冇諗過食咩, 時間尚早又未算太肚餓, 所以上Openrice睇睇附近有咩拉麵好食而又未食過, 結果搵到呢間網上好評如潮的幸屋。幸屋係機利臣街, 門面裝修好富有日式風格, 掛滿紅紅的燈籠, 係呢條舊街當中好突出。門面有塊牌推介緊拉麵套餐, $88自選拉麵+炸雞/餃子+汽水, 價錢都好吸引。 我同老友分別點左一碗玄武王同金武士, 小食揀左炸雞, 一人一杯汽水, 我另點左一串牛舌。我碗玄武王其實係黑蒜王沾麵, 麵質好彈牙, 我揀左軟身麵配濃湯, 湯汁帶微微酸味好醒胃, 肉的份量好多, 肉質軟腍好入味, 配上溫泉蛋, Very Good.👍幼麵掛上沾麵汁好惹味, 而且我揀左多蔥, 超香。老友點的金武士係原味豚骨湯, 我試左啖湯, 好濃郁豚骨味好膠口, 老友話個麵都好好食。😋拉麵套餐即係拉麵價加$10就有炸雞同汽水, 抵食。我另外點的串燒牛舌, 牛舌夠入味而且爽口。幸屋的服務都幾貼心, 每位客人入座店員都好親切咁問客人要熱水定熱茶。😄拉麵餐牌

以前係灣仔返工幾乎食搵勻該區嘅拉麵，見呢間新開又評價唔差就走去試下🤣地方唔顯眼係一條小街市，附近舖頭關哂，唔係因為有目標唔會走入嗰條街揾食😵不過走入舖頭完全另外一個風格，格局令人唸起深宵食堂，工業風嘅裝修，樓底好高空間感重，小店經營2個侍應。菜單配搭頗多，每樣細節都可以有要求😳例如麵條嘅柔軟度、湯嘅濃度、油嘅份量都可以控制，完全啱晒腌尖麻煩嘅我，因為選擇困難，所以揀咗廚師推介。胡麻王係由黑芝麻同白芝麻磨蓉溝埋豬骨湯底，聞落似芝麻糊，唔飲落好香芝麻味，仍飲得出有豬骨味，都幾有趣，芝麻糊陣氣味會提你佢係甜既，但呢碗湯底飲落係咸既，每次飲湯底都會提醒我佢唔係芝麻糊🤣成個配搭新鮮感幾重，配料亦出色，值得一試！不得不提佢嘅叉燒幾鬆軟，唔似其他食落鞋口啃唔爛👍🏻沾麵就同認知嘅好唔同，一直識開嘅沾面係熱嘅，配上濃厚嘅湯汁俾你掛得到麵，食完麵再會用木魚湯溝浠湯汁再飲。幸屋既沾麵係凍上，啲麵係經過冷制，麵汁係比較稀釋，食落去係酸酸甜甜咁同食開既咸味有分別，突然覺得好似食緊越式撈檬咁（當然上面既配料唔同）食前做定功課會易d接受。叫咗鰻魚同茄子2款串燒，口味偏甜，細小份量可以過下口癮。員工嘅服務態度熱情，感

與朋友閒聊時，知道灣仔開了一間新拉麵店，便提議到餐廳午餐。和一般拉麵店一樣，都是可以選擇拉麵的軟硬度，湯的濃度等。我選擇玄武王：黑蒜油冷沾麵。我喜歡較硬的麵質和大量的香蔥。沾麵的湯與其他大型沾麵店不一樣，這個是冷的甜醬油汁，裡面根據我選擇，加入大量青蔥，而其他店則會提供超濃郁的熱湯。個人認為兩款各有特式，夏天吃冷麵會比較舒服。拉麵的配料不少，有糖心蛋、笋干、木耳、肉碎、兩片豚肉還有明太子。配料令拉麵味道更有層次，視覺層面更富色彩。另外，桌上還有不同調味料，例如蒜蓉，辣大豆芽和味粉，我全部都加進碗內。大豆芽、木耳和笋干都很爽口，少辣的明太子令拉麵更惹味。但整碗麵精粹在於新鮮蒜蓉，味道提升不少，愛吃蒜的人一定要加。此外，餐廳毫不吝嗇，給我們原隻的糖心蛋，雞蛋的蛋黃味道很甘香，令我吃得十分滿足。兩片豚肉炆得很入味，肥瘦均勻，肥膏融在口中，而瘦肉部份亦不會太硬。但我覺得肉碎比豚肉更配合拉麵，肉碎份量很多，所以每一口都吃到肉碎，令拉麵不單調，拉麵煮得夠彈牙，口感適中。價錢與一般拉麵店差不多，但是這家配料多元化，吃完又不會覺得口乾或者太油膩，值得再試。

友人屋企樓下就係「幸屋」 咁方便當然去試吓... 由於門外有啲流動攤檔和帳篷遮住 喺大馬路行過都唔容易發覺一坐低 店員即刻奉上熱水 如果想飲茶 會另外給你一個茶包檯面乜都有齊 下單紙、筷子、牙籤、調味料、豉油碟.... 黑色盒裡面有埋紙巾！另外有本彩色menu 會詳細少少介紹食物 又有彩色照片先來飲品友人嘅丼餐包埋沙律 有啲甜甜酸酸嘅豉油啫喱 幾開胃！友人嘅「蒲燒鰻魚丼」色澤好靚我要咗「玄武王」 係咁多款之中唯一一款沾麵 雖然唔係正宗 但勝在多料和味道好（湯應該熱啲）除了基本嘅紫菜、溏心蛋、筍和豚肉 還有(超多)肉碎、木耳絲、芝麻和... 明太子！！！真係落重本！！！連溏心蛋都有成隻（好多得半隻）！豚肉有四分一係膏 份量啱啱好檯面有枝拉麵胡椒 同普通胡椒類近 但無咁攻鼻而且鹹少少 落埋仲正最後點咗客「鹽燒雞皮」串燒 非常香脆 連雞皮入面嘅脂肪都烤成空心 好似食薯片咁

今晚約左愛吃拉麵沾麵嘅表哥所以約左食呢間係灣仔小巷嘅拉麵舖🍜門面非常日式有去左日本食拉麵嘅感覺😍令我更加期待呢碗拉麵向店員詢問今日嘅限定王先知已經售罄😭好想試真係 唯有下次再早d黎😣最後經店員介紹表哥揀左胡麻王 貪個湯底唔係周圍食到我就揀左玄武王 好似好特別 一陣再介紹😙另外我地仲嗌左d小食share胡麻王 ($78)芝麻湯底真係好特別 表哥都話從來未係出面食過😂而且芝麻唔會覆蓋左濃濃豚骨湯底反而令到成個口感更加豐富🤤玄武王 ($78)店員介紹呢個係冷沾麵 規定左係幼麵同埋豚角煮😍聽到咁新鮮令選擇困難症嘅我即刻拍板終於黎到喇 上面有好多明太子😍係我嘅最愛💕而另外附有一碗湯仔好似蕎麥面咁食個麵係凍凍嘅 夏天食好岩雖然無平時沾麵嘅掛湯 因為湯都比較清但意外地幾好味😚個豚角煮更加係錦上添花💕💕💕燒得香香嘅豚肉真係令人垂涎三尺超香超好味 半肥瘦嘅肉唔會太膩 大愛呀🤤汁燒牛舌 ($15)牛舌唔會好似出面咁燒得太乾咬落去仲juicy 同埋醃得好入味👍🏿👍🏿表哥大讚😂🙈自家製餃子 ($30)餃子煎得剛好 皮係薄同脆 肉都keep到肉汁💓表哥都話呢間拉麵唔錯 幾滿意有機會真係好想再黎試下佢限定王😭👉🏿