鮨本

营业中

休息中

第二次到訪鮨本 見到佢哋咁啱上新 秋季限定嘅肥美秋刀魚 梗係第一時間訂位 不容錯過秋刀魚嘅美味啦～ 訂位嘅時候已經一早同店員講咗 另外預訂秋刀魚”直升機” 所以呢件係extra order~ 整體嘅全部壽司 用料 上每一件嘅間距 節奏 每件魚料上枱嘅鋪排 都無可挑剔 特別欣賞抽刀與直升機嘅設法令到口感上特別肥美 厚身 可以慢慢感受秋刀魚嘅油潤喺口中慢慢化開午市埋單人均$800 個人覺得係物超所值嘅價位 預約困難店未等到 但又想食omakase嘅時候我係一個非常安心嘅選擇!

🥰 “美女實習生” 即將留學瑞士進修, 臨別秋波請食飯, 選址 “鮨本”, 原來係佢第一次食 “廚師發板”. 🥢 餐廳設一張正L形十六人壽司吧枱, 大路嘅木系裝修, 天花用上鈄面木板修飾, 座位闊落, 空間感十足. 今晚點咗晚餐 $1,680+10%, 包括刺身或酒肴六品, 壽司十二貫, 玉子燒, 湯, 甜品. Hugo 師傅一打八.🥰 刺身及酒肴北海道黑北寄貝鮟鱇魚肝子持香魚秋刀魚勢子蟹 焗飯肝醬炒鮑魚🍣 壽司天草縣石垣鯛黑鯥魚中拖羅半生熟花竹蝦沙甸魚三文魚籽鯖魚鰤魚魚腩鹿兒島大蜆海膽大拖羅太卷🍮 玉子燒🥣 蜆湯🍈 蜜瓜🐚 北海道黑北寄貝. “漆黑之煌星”, 呢個朵十分架勢, 產地為日本噴火灣, 鮮甜爽口.🥰 慢煮鮟鱇魚肝. 份量少就特別好食, 我鍾意配芥茉, 魚肝入口溶化, 十個讚!🐟 子持香魚, 芋泥, 銀杏. 子持香魚 即係含卵嘅 香魚, 包住芋泥, 不俗嘅一體感.📖 翻查資料: “香魚” 嘅背脊有條香脂腺, 會帶來淡淡的瓜果香氣, 所以又叫 “胡瓜魚”.🐟 秋刀魚, 磯邊卷. 初試 磯邊卷, 哈哈, 秋刀魚 當造, 超級肥美.🍣 天草縣石垣鯛. 穩陣過關.🍣 黑鯥魚. 嘩,

Omakase，係社交平台睇朋友就食得多，今次終於到我食好西啦因為同朋友慶生，所以獻出左人生第一個Omakase比『鮨本』！環境燈光明亮，充滿日式餐廳氣息。今次仲好好彩食到期間限定menu，呢個menu只做到4月尾，包括刺身或酒肴5品、壽司10貫、玉子燒、湯同甜品，非常期待！5品包括有螢光魷魚天婦羅(左上)、馬友魚一夜干(左中)、鮟康魚肝(左下)、鹽燒平貝(右上)、北海道帆立貝(右下)。螢光魷魚天婦羅：口感微脆，夠鮮，帶少少鹹香令呢道菜更加好食。馬友魚一夜干：可以落青檸汁，魚皮酥脆，肉質富油香感，口感軟嫩。鮟康魚肝：入口即溶，軟綿綿口感，帶有濃郁香味。鹽燒平貝：肉質厚實，貝味比較淡。北海道帆立貝：最有驚喜，帶子肉質鮮嫩，可以清楚感受到鮮甜味。上面嘅肝醬令味道更豐富，我仲加咗啲Wasabi，令味道更出色。漬物有生薑、柚子蘿蔔同苦瓜三款。薑爽口微辣，柚子蘿蔔清脆爽口，帶有酸甜清香，而苦瓜則入口酸酸澀澀，爽口，尾韻帶有甘香。石川縣手釣池魚(上)，口感豐富，魚肉鮮嫩。虎山灣小白蝦昆布漬(下)，食落去好黏貼，又好鮮甜濃郁。北寄貝，海水味好出，口感非常爽口。松葉蟹，兩個字，鮮甜！鳥貝，鮮甜又爽口。

位於銅鑼灣的鮨本，可說是性價比高的廚師發板日本餐廳，雖然只有兩款套餐可以選擇，但係得食廚師發板，當然就是要食餐廳中最新鮮的食材和廚師的巧手廚藝！而鮨本就兩樣都十分出色！首先是螢光墨魚茶碗蒸，墨魚仔爽口鮮甜蒸蛋嫩滑，跟着來的十款壽司包括石垣鯛壽司、松葉蟹生菜卷、手釣池魚壽司、北海道甜蝦昆布漬壽司、天然深海池魚壽司、梭子魚壽司、平貝壽司、沙甸魚壽司、BB吞拿魚醬油漬壽司和馬糞海膽壽司。當然最出色就是最後的馬糞海膽壽司，兩層的馬糞海膽厚厚的放在軍艦壽司上！馬糞海膽入口即溶，使口腔充滿海膽的香味，完全沒有任何一啲腥味！加上紫菜香脆令人指甲留香回味無窮！然而最後的魚湯，再加上自家製的玉子燒，簡直天衣無縫！而甜品我選擇麥茶雪糕！淡淡的麥茶味溶入香滑的雪糕中，為這餐畫上完美句號！

識得食omakase一定係揀晏晝時段過嚟，價錢經濟又實惠。餐廳係由朋友介紹，佢特別推介玉子燒，反而唔係壽司，所以令我非常難忘，所以就決定品嚐呢一間餐廳。-一入到餐廳，餐廳內大約有20個位以內，感覺私隱度極高。而且侍應亦都非常主動幫忙，好熱情。師傅第一道俾我哋睇嘅係玉子燒，外型似足古早味蛋糕，非常可愛。$750嘅餐單裏面包含了兩個酒肴菜式，分別係生蠔及鮟鱇魚肝，魚肝質素非常高，香甜可口，比起我之前食過嘅苦澀味完全冇喎！-首個頭盤就係茶碗蒸，茶碗蒸上面嘅用料充足，特別鍾意佢嘅蟹柳，蛋亦都好滑身。鍾意食拖羅嘅朋友，一定唔可以錯過， 10款壽司裏面有兩款係拖羅，分別係野生大拖羅及中拖羅壽司。而我特別推介係赤中海老壽司，蝦身好厚，而且肉質亦都好實，每咬一啖蝦肉汁就會喺口中慢慢消逝，非常可口。-另外壽司有幾款亦都經過昆布醃製及用稻草燒過，味道更加豐富，係口中徘徊嘅時間更加耐，令到我需要飲幾啖茶先至品嚐下一道壽司。-最後玉子燒放置最後，可能師傅都覺得好似甜品，佢嘅質感非常似蛋糕，要做到咁多層次嘅玉子燒，一定好考師傅嘅功夫！最最最後有湯及甜品雪糕，雪糕我揀咗開心果雪糕，味道非常特別，清新可口！