Cafe 103

营业中

休息中

年三十晚團年飯🐲食中餐食得多，今年反其道而行之，選擇了The Ritz-Carlton Cafe 103的🧧新春限定晚市自助餐✨.· · · · · · · · · Cafe 103 自助晚餐（快閃78折）- HKD789（連服務費）/每位.餐廳位於酒店第103層，從海拔490米臨下的夜晚絢麗而讓人震撼🎆 食物普遍高質💖菜式選擇繁多，匯聚傳統中餐🇨🇳、賀年節慶食品🥟、經典歐陸菜🥩、日印特色美食🍣、精緻法式甜品🍰等，更貼心贈送美好寓意的「撈起」🥢.【🦞海鮮】冰鎮海鮮質量上乘，🦞龍蝦彈牙，鮑魚爽口鹹鮮，雪蟹腳鮮美，🦀帝王蟹腳貼心剖好易入口。🧀芝士焗生蠔🦪半生熟，對於不能接受生蠔的人來說，個頭小的蠔全熟後變得甘甜👌，但個別厚身肥美的蠔在半夾生的狀態下腥味較重，味道見仁見智😔.【🥗冷盤】共試了3款蟹鉗配芥末沙律醬有少腥海膽豆腐可以一試但個別海膽有腥味梅子冷面正常🍜沙律菜爽口.【🍲熟食】炸腐皮蝦卷熱辣滾燙♨️好吃😋新鮮出爐mini和牛漢堡🍔好味多汁威靈頓三文魚有點腥不推薦🥲炸雞塊、薯條和火炙三文魚🍣還可以.【🇨🇳節慶食品】每檯特別贈送一份「撈起」，夠喜慶🧧～恭祝大家五福臨門，風生水起🥢此外，亦提供

Ritz Carlton的高空海景餐廳cafe103久仰大名，這次略微有點失望😞午餐沒有生蠔，壽司飯也很硬一點也不好吃，海鮮也一般吧蝦不算很新鮮，熟食選擇不算多。但芝士松露意粉芝士很濃郁，蘑菇湯也很好喝，甜品件件都很漂亮和好吃，我用甜品把我的胃塞飽了。午餐人均600，晚餐800，性價比不算高。酒店聖誕樹好漂亮很有氛圍感，家庭同事聚餐的不錯選擇！

在尖沙咀的自助餐餐廳，搭港鐵便可以到達，非常方便。位置在ICC的樓頂，來這裏順便還能參觀天際100！這裏能看到維港景色，裝飾豪華，衛生十分乾淨，服務也非常不錯。我極度推薦這裏的甜品，無論桂花糕、芒果布甸、蛋糕都很好吃！！！可惜的是，費用昂貴，食物也一般，食物選擇也不多，就只是甜品比較美味。總括而言，這裏吃自助餐也不划算，不過，偶而吃一下，也算來這裏長長見識吧！

朋友生日，想同佢去食自助餐，諗住食好小小，就揀了呢間，卜了8:00,場好細，野食只有靠牆那2個長位，生蠔開定晒係雪櫃拿出黎。感覺不新鮮，顏色仲變了。刺身得4款，仲要更普通的。熱食蒸點心，仲要放2層，咁熱，地方又細，如何一個人拿起上面個層既籠，仲有手夾下面既點心呢仲有碗仔翅牛雜仲要硬到待應把刀都切到撻Q,心知不妙湯只有南瓜湯，炸魚柳，印度咖喱+飯。全場野食10只手指都數得晒俾成8百幾食啲咁既野。。。。連湯麵都無，突然好想食個套餐米線。所有野食都極普通。只有甜品係最滿意成晚

上次係Ritz Carlton食過一次lunch buffet之後，（雖然佢少選擇，但樣樣都好食）都覺得唔錯，今次又見佢Flash Sales做平日夜晚自助餐，就買咗coupon（$600連埋加一）同個friend試吓佢同個lunch嘅分別。去到餐廳，我哋被安排咗係近窗邊嘅位置，以為諗住有靚靚夜景伴住一齊食啦，但好景不常，今日天氣麻麻，好大霧，雲層又低，望出去完全望唔到景，有個正位都enjoy唔到。好啦！出去拎嘢食啦！佢個buffet位其實唔大，分左中右3 part，左邊係熱食，中間係甜品，右邊係凍嘢，3邊都好平均。由於我坐係左邊嘅關係，一出去就會攞熱嘢先！首先就俾佢個live station吸引，平時嗰啲自助餐嘅live station都係碌下粉麵或者意粉之類嘅嘢，但佢今日係成盆花膠咁放咗喺度，即場整個花膠扣鮑魚菇俾你！雖然啲花膠係有啲硬，但個味幾好！同埋唔知係咪呢排做緊花膠節，佢除咗呢個花膠扣鮑魚菇之外，連個中湯都係花膠湯，仲有一個栗子雞煲炆花膠，反而呢2個花膠又好滑好好食，又有d厚度，絕對唔係啲垃圾膠！骨膠原滿分！食咗勁多！到凍海鮮啦，佢夜晚buffet係多咗生蠔、龍蝦同長蟹腳嘅

今日放學已經19:00，即刻坐的士去cafe103,去到大約19:30喇。之前去已經覺得佢好正，今日水準依舊一去到就飲佢個蘑菇湯，唔會太咸，味道溫和，蘑菇味幾濃，幾好飲之後就食下熱食喇，熱食選擇都幾多，而且質素都好好，個牛肉燒賣特別出色，非常推薦之後係甜品，甜品質素高，尤其是拿破倫同朱古力蛋糕，真心正，五星好評生日仲會準備蛋糕比你，好細心，當然要提前order佢環境好靜，燈光柔和好舒服，服務都非常好，啲人好好笑容好nice,想食個悠閒舒適嘅晚餐呢度係個好選擇Cafe103係我去過最正嘅buffet,食物，環境，服務都五星好評

難得與美女共慶強國誕，決定大解慳囊，選址麗思卡爾酒店頂樓自助餐，完全豁出去吧 ﹗坐的士飛奔到達酒店，跳入高速升降機，不花半分鐘就停定在 103 樓了 ﹗可能係最後一次見面，要好好珍惜。訂位時要求坐近玻璃，真的安排到呢，感激萬分。坐在最遠處的角落，更加有私人空間，可以舒舒服服悠閒地撐檯腳喇。長條形的餐廳，每個角落都可以望到維港境色，只是跟窗門有多遠罷了 ﹗間中還有陽光滲進來，心情都特別暢快啊﹗稍休片克，係時候出去巡視一下到底有什麼美食，這裡的自助餐價值不非，食景觀？食服務？還是真的食物有質素呢？芝士、火腿、巴馬火腿、刺生、壽司、海鮮冷盤、迷你漢堡、炒粉麵飯、中西湯、甜品、雪糕、蛋糕、中菜、西餐、東南亞、 等等等等，都幾應有盡有。首輪先取大量海鮮，坐定定預備開動，殺呀 ﹗生蠔，不知名生蠔，奀滋滋喎，食開大野真的有點唔習慣呢。蠔味清新散發鮮蠔味道，海水咸味不太重，金屬味亦不太顯注，質爽微甜可口，不夠肥美，平凡的合格，沒驚喜。胡麻醬沙律，平凡生蠔後再來普通希臘生菜粟米沙律，滾上胡麻醬香香甜甜，生菜爽而充滿水份，中規中矩。烚到廿十成熟的凍龍蝦，幸好還有蝦味，還有少許蝦汁，還剩下微弱的彈性。用叉一

平時我比較少食酒店自助餐，因為好怕自助餐重量不重質，搞到好似食貴價放題咁😑😑今次第一次試Cafe 103自助晚餐印象不錯，食物種類不算特別多，但味道、質素絕對有水準👏🏻👏🏻冷盤有人人都為之瘋狂的任食生蠔、龍蝦、刺身🍣熱食亦有各款精緻的多國菜，其中比較欣賞中式小炒，味道有驚喜👍🏻至於甜品更是好有誠意，不同的手工甜品、朱古力、蛋糕等等放滿了四個甜品櫃，特別推介大家要試下Tiramisu同Macaron！當然，Ritz Carlton Cafe 103其中一個賣點就係居高臨下的用餐環境，坐在窗邊位置俯瞰維港夜景食自助餐的確加分!

今天是妹妹的生日，打算嘗試下Cafe 103Cafe 103的食物種類比較少，可是本人認為比較起其他酒店Cafe103只是景觀好，並不是食物好吃和美味。我吃不到的東西不要太多，其中最好食的是麵，配料也有很多例如：蝦、帶子等

皇太后生日。當然要揀一間有翻咁上下既餐廳啦。媽媽鐘意自助餐，我就揀左呢間The Ritz-Carlton既cafe 103，行緊去果時因為要轉幾條電梯。媽媽已經媽媽聲話行好遠，但一上到去搭𨋢，聽到上103樓。已經變為嘩嘩聲。一去到服務好好勁好笑容們waitress 已經問你飲咩。原來紅白酒香檳可樂橙汁等飲料都係任飲同free既。我叫左杯白酒。一飲就知係Sauvignon Blanc，不過唔知年份。但係好易入口好好飲好勒。出去搵食。基本上冷盤就間間buffet 都咁上下。龍蝦，生蠔，蝦等都有齊既。比較想贊係整開左既龍蝦鉗同肥美鮮甜既生蠔跟住就羊扒同牛扒都好出色。牛好嫩。羊唔算酥。我試左個和牛鵝肝burger,包皮好脆鵝肝剪得好和牛夠大舊。BBQ Port Rib係waitress 推薦，我拎左一舊但覺得甜得滯而且唔夠嫩。話哂呢間出名係甜品。甜品係完全唔令人失望的。種類多不在話下。而且基本上樣樣都好特別。仲特別好食。有機會下次嚟食Tea先！

今日係我的牛一之後果日，我的最愛為我準備咗一個好驚喜的生日飯，就係係103食個好high class 的自助餐。哈哈，呢到唔止有好野食仲有一個好靚的海景。先介紹下啲好野食，呢到有好上等的parma ham，你可以見到佢係即場切出來，所以保正新鮮；跟住仲有其他類型的ham。講到沙拉，佢的沙拉吧有好多款式，仲有好多款汁醬，包有一款啱你心水。冷盆當然唔少得生蠔，隻隻都好新鮮，好肥美；仲有就係龍蝦，好大隻仲有好多膏，好好食。佢地仲每人送一個頭盆係凍鮑魚，好脆口，好鮮甜。最好味係佢地有即叫即整的risotto，師傅製作過程盡收眼底，整的時候已經好香，有黑松露的香味，食落口感好香軟。跟住就係重頭戲....燈。燈。燈。櫈。有請甜品出場；佢地大部份的甜品都係用朱古力做的，真係好啱我呢個鍾意食朱古力的人，佢地仲好貼心咁用個凍柜雪住啲蛋糕，所以唔會有溶化的情況出現，啲朱古力甜品仲係有濃度分，所以適合唔同口味的人食。佢地仲會有一啲特色的中式甜品，同jelly，高貴得來又大眾化，讚！！最讚的係，自助餐都會為客人準備生日蛋糕，我有一個特別而窩心的朱古力蛋糕呀，仲要係唔同出面的甜品架。多謝你呀！！

今日係我親愛既表弟大日子. 再一次恭喜Boris & Kata 新婚快樂一早包左呢度食Dinner Buffet, 佢仲為左大家開心, 加左錢, 所以雪糕同埋紅酒白酒果汁汽水任飲好早之前已經好想黎架啦. 天際100咁高, 而家仲要103樓添 不過夜境好難影相呢.... 呢度地方唔錯, 好多SOFA位, 仲好舒服, 唔會迫夾. 黎之前已經睇過食評, 知道呢度前身係Chocolate Library, 已經對甜品好期待刺身, 海鮮: 好失望 D海鮮無鮮味, 大蝦, 龍蝦實肉又無味. 幾款海鮮入面, 最好食係無殼蝦, 爽口好味. 其他真係麻麻地>.< 不過明明Dinner Buffet有蟹腳, 唔知點解今次無, 仲失望 熟食: 其實款唔多, 但樣樣都好好味青椒炒牛柳: 勁好食, 又夠淋又有牛肉味. 正 焗法式蛋: 好味呀. 好似蛋撻咁. 但勁香脆炆羊肉: 好淋. 好入味煎蘆荀: 好爽口好味道扇貝: 比較乾身, 一般沙律吧: 好多款沙律料, 配料新鮮^^風乾火腿: 有成4款, 味道由淡至咸... 我還是比較愛吃咸既Pama Ham有兩款湯, 兩款湯都好正XDD 蟹肉粟米羹, 好

我男朋友11月22號生日,cafe103系三個月前可以book定位makesure 要window seat~8月等到依家啦~我地book左6:30我地早到左10分鐘系佢個lobby到行左個圈,之後個receptionist叫我地入去一入到去就食冷盆蟹腳,螺,青口,有殼大蝦同無殼蝦都有個人最仲意就系蟹腳同去左殼個個蝦去左殼個個蝦勁爽口,我一個人都食左10隻蟹腳無蟹咩味,但都有少少海水味,咸咸地,好正~d蟹肉仲可以成條起左出黎~好方便!!!^^到自選salad bar有好多菜簡...我都吾識分啦~個煙三文都好好味, 由大廚自己用蘋果木燻製 yummi !!之後仲食左d熱食,燒火雞,德國肉腸,炒飯......到到重頭戲就系甜品chocolate library化身既cafe 103點可以吾試試佢d甜品大部份甜品都用朱古力做我呢個朱古力迷就岩曬!!最後order 埋個set drink~佢就上左個生日蛋糕比我bb佢見到之後都好surprise~^^~食到10點都差吾多last order~我地真系由頭食到尾~成餐飯我都好滿意~酒店buffet 一般都系$500/人呢度都差吾多~但系有咁既服務