張公館

营业中

休息中

餐廳：張公館地點：銅鑼灣登龍街菜式：粵菜餐牌：頭盤，湯類，鮑翅燕窩，燒味，海鮮，小菜，四川風味，蔬菜，飯麵類，甜品飲品等等。一坐低就已經有前菜兩碟，分別係炸花生魚仔同酸堯頭，好香口開胃。每小碟$20。茶位每位$20，茶壺用蠟燭暖住。大蝦柚子沙律 每份$58 另加一大蝦柚子沙律用高身啫喱杯上，好多香甜柚子肉上面有兩片大蝦，加上適量千島醬，伴有一粒車厘茄。味道口感都非常好，甜甜地好開胃清新。脆焗鮮鳳尾蝦多士 每件$68 另加一叫左兩件脆焗鮮鳳尾蝦多士，大大件，炸得脆皮入面蝦肉好彈牙既大大件多士，伴有香甜黑醋沙律菜同另上沙律醬可解膩。果然係招牌菜式，大件夾好味道。百合鳳梨咕嚕肉 $268 另加一百合鳳梨咕嚕肉賣相唔錯，大大個新鮮菠蘿，放左好多舊咕嚕肉，炸得皮非常薄脆，酸咪咪，味道醒神，入面肉量就唔多，唔會太飽膩。菠蘿底層有百合，新鮮菠蘿，青椒，紅椒同洋蔥。上湯金銀蛋浸莧菜 $188 另加一上湯金銀蛋浸莧菜熱辣辣上枱，好多鮮嫩莧菜加上鹹蛋同皮蛋，仲有蒜子，鹹度剛好，令d菜好夠味，健康味道好既一道菜式。豬仔出浴奶凍 $58 另加一豬仔出浴奶凍賣相一流，係豬仔造型芒果布丁放係一個浴缸造型兜上面，加

同朋友聚會，選擇了呢間中餐。覺得人隨年齡增長，就會想揾一個舒適既地方，一張圓檯，圍埋，enjoy晚餐之餘可以暢談！我哋一行5個女仔，野食叫得唔算多，但in general 都好味！脆焗蝦多士 $138好味道！配沙律醬，好肥仔。炸得好脆。 蝦膠釀係脆卜卜的多士，彈牙鮮味！百合鳳梨咕嚕肉$228咕嚕肉炒得好脆囗，唔多粉，甜酸度適中！脆皮燒腩仔 $138呢個燒腩仔就有少少失望。皮係脆，但唔係特別出息。。。者者生菜煲$158呢個煲都幾野味！好香。xo醬黃金淮山麵 $168雖然唔係好知淮山麵係suppose 點樣，但覺得淮山應該係健康野，同埋佢唔係好油，炒得好香，XO醬味道一流！椒鹽九肚魚 $138炸的好正！好野味，好香，好脆口！紅棗糕 $48好清甜，質感QQ！桂花五色糕 $58好特別，五層，有生果肉增加口感，非常有果香！好味！

今日同屋企人聚餐， 都係揀中餐比較合適。 呢間張公館同事話唔錯，食物味道細膩，話老人家一定鐘意，而且唔似酒樓咁嘈吵，比較高一級。所以我一早訂好位，當晚去到，環境果然唔錯。大廳大概10張大小枱，待應招呼都好周到。有介紹下特色菜式，令點菜既我輕鬆不少。鐵板蜜汁叉燒比想像中得意，係用黑毛豬製成，肉眼見唔到肥膩既地方，但口感好鬆化，而且每一片都好一致，唔會食到一舊好肥一舊又好瘦，蜜味均勻，食多2舊都唔會覺得太膩。伴碟既黃豆口感都特別好，最後我地係成個鐵板清哂，一粒豆都無放過。鯊魚骨花膠湯一個小鍋夠2碗，價格比較高，但真係非常、非常、非常濃，奶白色既湯好香好鮮。 大捲既花膠又厚又爽配鮑魚汁，鮮、鮮、鮮! 脆皮鹽香雞個皮燒到極脆，無論一上枱既時候定食到最後既一刻，雞皮仍然保持脆度，沒有一塊是燒過龍，雞肉非常嫩! 咸味得宜。 更難得係連雞什都做埋伴碟，意想不到，而且好好食! 百合鳳梨咕嚕肉好夠酸，開胃之選最鐘意佢炸漿一點都不厚，而且肉質沒有太肥膩，不錯上湯千層浸時蔬最後都有點個菜味道清清地，但個豆腐造型既物體其實係腐皮層層疊，咬落口明顯一層一層，夾雜湯汁好鮮味。 其實每道菜味道都好出衆令人回味，非常

囝囡長大了，各有各精彩。兩老要懂得如何將生活變得更有色彩，閒時拍拍拖，遊歷出界，尋找美食...人生就多姿多采了。今晚兩口子去了間高級中莱餐廳享受一頓豐富晚餐。先來一道花雕蛋白蒸蝦球，好掂。火喉控制得好，蛋白滑溜又散發出酒香。蝦球爽脆帶有鮮味。百合鳳梨咕嚕肉不是平平無奇的菜式。咕嚕肉外層有點脆口，肉質軟熟夠入味。配料加入了百合的原素，有新鮮感。龍蝦湯泡飯是值得推介的。當炸米放湯的時候，那鮮味爆發出來了。湯底好濃好鮮，飯粒盡是鮮甜味，食不停口。即磨蛋白杏仁茶幼滑細緻，杏香飄飄，有質素。

今天與外國回來的親戚吃飯,第一次來到V Point,餐廳是落地玻璃,望到維港景色,下了幾天雨,今日終於停雨,夜晚的維港夜景特別美麗鐵板西班牙黑毛豬叉燒叉燒是半肥瘦,外皮燒得很香口,有點燶很香脆,用鐵板上菜特別熱辣辣,香噴噴,流哂口水,紅燒乳鴿是廣東菜必食,乳鴿皮不肥膩,肉汁很juicy,伴菜是咸蛋,紅燒潮州翅有好多翅,粗的,很濃,味道相當有口感,親戚吃得很開心,百合鳳梨咕嚕肉的炸粉唔厚,配飯最好味,白合很甜,菠蘿很開胃,在夏天吃很好,龍蝦湯泡飯是金黃色,每一口也有龍蝦肉,四個人一人碗剛剛好

又到月尾家庭聚餐時間，當然要揀返間咁上下嘅餐廳盡顯一下「孝子」嘅表現啦。問過身邊朋友話呢度維港個景無得輸，所以早就約定媽子係今晚黎食。點知打錯算盤，估唔到七點咁早都咁多人無得安排坐落地玻璃窗嗰邊，唔可以一邊嘆靚景一邊食飯。可惜可惜。但呢度食物質素都好好，成功挽回孝子嘅分數。甫坐低無耐，六宮格即刻送上。六格分別係：冰菜温室蕃茄，蜜汁叉燒，麻醬無花果，酥炸白鴿蛋，香煎墨魚餅，同埋百花秋葵。蜜汁叉燒肥瘦適中，蜜汁味香濃又有少少燶邊加上蜜汁豆又腍又入味。秋葵入口滑溜溜，一下就吞左落肚了。炸鴿蛋個皮好薄，蛋味都香但略微唔夠味。而墨魚餅香口彈牙，配上泰式酸辣醬，零舍醒胃。而冰菜真係第一次食，覺得好爽脆不過無咩味但同酸甜蕃茄仔啱啱好夾。麻醬無花果軟腍清甜，帶上麻醬嘅酸香，覺得係六樣入面最出色的。之後係燉花膠響螺雞腳湯，材料非常豐而且香氣十足，入口每一啖都鮮甜回甘。加上佢燉嘅時間好足，花膠同雞腳嘅骨膠原出晒黎，所以飲落黏口。除左變鞋口嘅瘦肉之外，其他湯渣都一掃而空。飲完甘甜嘅湯後黎個酸酸甜甜嘅咕嚕肉刺激下味蕾，同埋荷葉飯醫肚。咕嚕肉酸甜度啱啱好，而且炸得皮脆肉嫩咬開仲見肉汁。用嘅菠蘿香甜得黎帶少少果酸

一直以來我對食物是有一份的堅持度，特別用心的餐廳會令我念念不忘。是夜此間餐廳確實是我本月之最，完全可以用氣派不凡來形容。坐落於登龍街的V Point，自從V Ponit進駐這條小街道後不只是拉麵王國那麼簡單。現在V Point高居林立，性價比高小妹曾經到訪此座的其他餐館都是好評如潮。是夜相約一班好友前來【張公館】，確實沒有令我失望而且更令我念念不忘。 一行10人我們被安排細房的位置，你要知道能夠看到維港的醉人美景，價格定必較高，我們都想要有一份私隱度吧！小房間的確有最低的收費的$5000也是基本需要吧，如果想知道餐廳是否用心我會看它的細膩度為先:打開細小的房門，金光閃閃的餐具完全察覺出店主是有挑選過來的！中菜都會有小食及茗茶奉上，【張公館】有我喜愛的菊花茶真的太好吧！人還未到齊，倒不如吃一點花生及青豆為先亦可以與友傾談近況也是一個好的時間。我對食物是有所要求，大家都已經知道；朋友深明這個道理，第一道菜已經相當有驚喜，我想究竟到訪中菜店或是日本店呢？ 金牌九宮格 $298頭盤已經有一種皇帝級的禮待，你會想得到好像日本的懷石料理的配搭但引入中菜的元素，非常特別亦意味著店主的精心。能夠利用九

每次一大班人約出黎食飯，選擇餐廳的重任顥總落在我的身上，只因我為食，愛吃，總能找到一間大家都滿意既餐廳。但係其實，人總有技窮的一刻，要就唔同既朋友group選擇唔同層次既餐廳，但係又唔可以重複，再要合乎大家既budget，選出性價比最高既餐廳。。。這的確比公司assign比我既project更加艱鉅，更加困難。今次約佐一班大學既同學出黎Re-union，大家既口味，我最清楚，喜歡吃中菜，環境張舒適，所以這夜，我選擇了「張公館」。張公館位於銅鑼灣登龍街，都係幾新既「餐廳商場」vpoint，接受頂樓既location （頂樓係31層，張公館位於29樓），相信大家也沒有異議了吧。升降機大門開起，步進張公館的大門，醉人的維港夜景立刻呈現眼前，我們所幻想到的，都是燦爛既煙花，在我們面前盛放。遺憾地，今日不是甚麼國慶聖誕除夕夜，煙花，這夜看不到，但看著那維港夜景，已夠我們動心。餐廳的餐具很classic，高貴得黎也算低調。茶壺會用燭台暖著保溫，除了一般的普洱香片，這裡也有菊花可以選擇，這也是我們今夜的best pick。餐前小食有兩款，花生和青豆，這是未齊人，等人時間既最佳良伴。打開餐牌，名貴的菜