名館 (已結業)

今日中午同同事去銅鑼灣食野， 即唸起去hysan 到食。之前來過記得好抵食，所以今次又來睇睇。今次中午竟然唔使等位，重有好多位選因為午市套餐太抵，所以我地最後叫左3個午市套餐，一個單點炒飯第一個係蜜汁叉燒皇套餐， 跟手拍青瓜同灼時菜同竹筒飯野飲，盛惠68蚊另外叫左兩個點心套餐- 68蚊一個餐， 兩款點心加飲品點心的選擇比較少， 主要係糕點類為主但係係銅鑼灣可以食到兩個點心加野飲， 價錢算抵食另外我地再單點左一份石鍋鮑魚雞粒炒飯，呢個熱拉拉上菜， 好香好好食， 雖然有點小貴108, 但數過都有4粒鮑魚仔埋單連茶價同加一每人93蚊， 銅鑼灣食飯差唔多啦總結：🥰Lunch 套餐價錢抵食飽肚，位置方便，衛生滿分🤔點心種類唔夠多，糕點比較乾， 上菜唔夠熱

*劣評係比佢地個服務！食物係好評！星期日希慎好多餐廳都爆，名館反而用餐人數寥寥無幾，大概只有5枱客。我地對呢度d野食都好滿意，菜式創新，色香味俱全，略嫌份量較少。呢日食飯，樓面員工人數非常少，我地當中都有人做緊服務性行業，絕對明白員工少又多客時，被客人問多一兩句都會嫌煩，但呢日食飯客人吾多，我地卻遭受到一位男性員工非常差的服務第一：佢送菜時，我地咁岩夾咁餸，我地冇9秒9即時幫佢係枱面滕出一個位置比佢放菜，佢就話：你比我送低碟野先啦第二：我地漏剔一道菜，追單時係我地吾岩，冇講到碟菜全名，淨係講漏左碟魚未黎，佢竟然串我地：自己叫左d乜都吾知咖？第三：佢特登攞返兩張點菜紙黎同我地對堂：嗱，兩張紙，你地係冇剔到碟魚咖。 Ok,我地都冇好似潑婦死口話自己一定冇剔漏單，剔漏又如何，我可以再剔過，你吾洗咁嘅語氣嘛第四：碟魚黎啦，佢呢下好似茶記咁跣碟魚比我地。以上我地係針對某一位男性員工評論，但當日其他樓面員工實際上都吾係好好服務。我地真心覺得呢間餐廳味道係好食嘅，都想再黎試其他點心小菜，但員工態度質數必需改善餐碟好可愛蕎麥茶好好飲，好香茶味，又解膩，一行五人不斷續杯金銀蒜銀魚蒸娃娃菜娃娃菜非常入味，

朋友住港島區就相約朋友在銅鑼灣吃飯，因今日落雨就選擇在希慎廣場吃晚飯，知道商場里面有好多食肆，又可以舒舒服服坐下傾下計。五仁無骨口水雞，口水雞雞肉嫩滑，又夠入味又不會太辣，辣味適中。鮮肉一口小籠包，一籠五個小籠包皮薄餡多內里又多肉汁，又啖啖肉好新鮮美味可口。鮮蝦野菜春卷，春卷炸得好香口美味，春卷外層脆卜卜，內里包住啖啖蝦肉，蝦肉爽口彈牙。蜂蜜柚子蝦球，蝦子炸完再沾上蜂蜜柚子好香味可口，又有柚子肉蝦又大大隻好彈牙。石窩鮑魚雞粒炒飯，飯炒到粒粒分明，又有細細粒鮑魚又煙韌，又有雞粒炒到好香又夠味。欖角肉崧蒸秋葵，清淡的秋葵配上濃厚的欖角，非常好味道。好味醬秋葵炒海螺片炒到好香好入味。

爹哋腳力不好，約他吃飯只能近近地在銅鑼灣，他一向喜歡希慎廣場內的食肆，因為環境舒適，尢其是名館，價錢親民，而且燉湯出色，是我們家常便飯的好去處之一。我點算的黃金組合， 一家三口，點心、小吃、主菜及飯各一。胡麻醬鮮淮山 差不多每次必點算，先吃健腸胃的淮山，我認為用胡麻醬調味是最簡單亦是最佳之選，酸香爽口，醒胃。大良鮮奶脆網卷 我們是順德人，趁機會回味一下大良鮮奶，不過原來是改良版，網卷包着鮮奶再炸，比起一般的大良炒鮮奶添加酥脆，鮮奶入口即溶，網卷香脆無比，口感非常好。糖心黒蒜燉響螺 ，姬松茸燉花膠主角出場，中式茶壺湯形式是個好主意，每口細細碗，要喝先倒出來，可以保持溫度。清甜足料，各有風味，黑蒜色澤較深，黑蒜依然甜甜地幾好食，松茸花膠湯較淺色，裏面有一件花膠可以吃，還有雞腳及瘦肉的材料。蜜糖豆安格斯牛肉粒 鬆軟肥美的牛肉粒，腍嫩無筋味道豐富，配合蜜糖豆十分合拍。石鍋鮑魚雞粒炒飯 最後的主食是石鍋飯，熱辣辣香氣四溢，超迷你鮑魚仔柔韌入味。平日晚上繁忙時間都要排隊等位，記得要訂位。

特登過銅鑼灣飲菜，諗住試下佢個麻雀十三么椰汁糕，點知張點心單原來冇，可能晚市先有掛。叫左個午餐大澳蝦乾豚肉竹筒飯配點心黑糖馬拉糕加杯野飲，70幾蚊，但馬拉糕好實，唔鬆軟，同便利店啲馬拉糕一樣難食，而且冇黑糖味，唔掂但蒸飯就一般啦，但啲豬肉都爽口嘅。鵪鶉蛋燒賣，42蚊原來得兩粒，普通野，山竹牛肉球30蚊，係大粒啲，但又係普通菠菜鍋貼唔夠脆，小籠包竟然穿哂冇哂啲湯汁。流沙包造型核突之外，一啲都唔流心，個包實的的，又唔夠餡。黑椒安格斯牛粒，有“那“粉，用大量黑椒汁諗住遮左陣味，不過唔掂豬手個汁唔好味，炆得唔夠林，而且搵啲豬腸粉墊底，好唔夾。天鵝酥係幾靚，但紫薯餡，唔係太好食，覺得好似啲豆沙餡咁。石鍋鮑魚雞粒炒飯係比較好食啲唯一一樣好食啲嘅野:不過杯茶好飲過平日茶樓，喬麥茶，8蚊茶位。全餐都冇野好食:點心唔出色，大把創意點心好食盅，唔會再黎好

坊間要找到好味的中菜館不難，但要環境企理加上味道出色的，目前名館是我的心水之一。一年前曾光臨，今天再度蒞臨回味。餐館的座位放置於館外和館內，其中有部分可望街景，尤其館內有大型梳化對正窗口，望住個景享受食物，一定很爽。平日人客也相當多，是晚和好友被安排梳化附近座位，可望到部分點心廚房。餐牌幾乎有大部份的菜色相片，不過正式落單還是要用上點菜紙，上面會有標示價錢。點好菜後，茶剛温了，先喝一口高原野生蕎麥茶，賣相就麻麻架啦，不過沒想到味道很吸引，淡淡蕎麥味微微甘香，喝起來很香醇順口，令人回味。蕎麥茶具有維生素和礦物質等，可「降血脂、降血糖、降尿糖」，難得愛喝，當然要喝多幾杯，同時可中和菜餚的油膩感。不過要留意，脾胃虛寒和過敏人士未必適宜多喝呀。不久，菜式隆續送到，起筷！麥冬雪梨燉鷓鴣 ($56)燉湯眼看已非常足料，湯料都不會燉到爛掉，一爐火燉制而成，味道確實相當清甜，非常滋陰生津。厚切叉燒皇 ($68)名副其實的厚切！肥瘦適中，而且蜜汁相當之甜，豐腴叉燒很入味不鞋口，啖啖肉，香口得很。自製菌皇醬蒸鐵棍淮山 ($52）淮山相當可口，口感綿密帶沙，微爽，甜甜香香的，而自家製醬味道很濃郁，鹹鹹的，同

今日和老公到銅鑼灣行街拍拖拖，行到希慎時又到晚餐時間要醫肚，即刻上OpenRice seach下發現14/F的<名館>分數幾好，於是便上去一試搶眼的招牌，簡單又sharp醒店內光亮簡潔，很開朗的感覺先來一個餐前小食，<陳醋珊瑚紅海蜇頭~$58>。雪至涼涼的一碟小點，爽爽的珊瑚紅海蜇頭及底層新鮮爽脆的青瓜伴著微酸的陳醋，陳醋獨有的酸香味開胃又醒神，食過後反而食慾大增接著來一個燉湯，<亞馬遜椰子川貝燉鱷魚~$58>，這個湯椰子味很香，很清甜，淳厚得來卻很滋潤的感覺。湯料很足，真正的貨真價實渴過湯後，便到我們最期待的<鮮肉一口小籠包~$56>。嘩~~~不得了，薄薄的皮包著香香的小肉團，還有濃濃的肉湯汁，小肉團彈牙香嫩，真係多多籠都不夠糟了，有5個，最後一個難道要打架決定結果輸了包煎揼的我只能眼巴巴的看著老公把最後一粒夾走。哎喲，打鬧得太久了，外皮開始黏著底紙。當老公夾著小籠包不上不下之時，我伸出援助之筷我！！！夾歪左！！！一野就篤穿左層皮，大約半羹的湯汁一瀉而下對不起喔！我真是無心的，點知個皮薄成咁喎打鬧過後<鮮蝦馬鈴薯

平時行銅鑼灣很小會在大型商場找吃的，一來相對較貴、二來感覺食物的質素不會太高。在誠品打書釘後，基於外面的氣溫（33度），決定還是在希慎裡面找吃的，最後決定上去14樓的名館吃好西。一上14樓，很容易就見到，以綠色的大窗戶作裝飾間隔，非常鮮明顯眼。餐廳內部環境整潔，空間感足夠，不會感覺窄狹。餐廳有提供餐牌及下單紙供客人點菜下單使用。二人同行的我就點了：話梅車厘茄($48)、花膠姬松茸燉烏雞($58)、鮮蝦馬鈴薯薄餅($38)、鮮藍梅一口骨($68)、石鍋鮑魚雞粒炒飯＋蛋($103)、香芒軟枕($32)。話梅車厘茄第一次食，味道特別，吃車厘茄的時候滲出淡淡的話梅味。而車厘茄的表皮已去掉，吃起來冰涼多汁，清新開胃，以一個冷盤小食來說，真的不錯。唯一挑剔的是個人感覺甜了一點，如果甜度低少許，增加一點的酸相信會更佳。花膠姬松茸燉烏雞非常足料，而且燉湯的油份不多感覺更健康養生。味道方面先聞到有濃郁的菇菌香氣，湯色清澈呈淺褐色，喝一口湯味清甜，湯中帶膠質，因為嘴唇會有種黏稠的感覺。鮮蝦馬鈴薯薄餅相當出色，薄餅底部煎得香脆，馬鈴薯又不會過腍有咬口，而蝦肉亦鮮甜彈牙。薄餅一碟４件，份量不大。兩人食用剛剛好

約了一班好姊妹dinner date! 一收工心情興奮黎到銅鑼灣，來到希慎十四樓新開的"名館"。只聽名字，感覺好像有點"Leung Leung"中國味的，不過入到餐廳裝修又帶點小清新，放眼一片的青蔥色。幾個好姊妹一見面就雞啄唔斷，有大多的想講。邊傾邊聊要吃什麼，好一陣先落單。 我們每人選了一盎湯飲，只有"泰國芫茜皇燉鵪鶉"未有人揀，其餘四款黑蒜燉海螺($48)，金石斛花燉烏雞($48)，天山雪蓮果燉海星($42)，野生天麻燉魚頭($42)都有各自的捧場客。湯一下子就到，我選了黑蒜燉海螺，果真黑黑的湯。單看好像有點油，有一層薄薄的油浮在湯面。味道較濃，其他三款的口感較清，這款則較厚身。裡面很足料，有很多的雞肉有一隻雞腳，還有些菇什麼的，總之就滿滿的一盅食個飽。 除了湯，我們還點了一些小菜:- - 鮮茄泡田園蔬（$50）這道菜很像平時家中煮的，淡淡的沒什麼味道，朋友很讚賞覺得這很健康沒有落味精。我就覺得很普通自己煮也是這味道。 - 海南皇子雞半隻($78) 這雞有驚喜，因為那雞肉真是很嫩很嫩口，肉質鮮軟，加上那醬料特別，甜甜的更好吃。- 蜜糖芝麻雞中翼四隻($42) 雞翼