頭啖湯

营业中

休息中

天氣凍到咁，口痕想打返個邊爐，係openrice睇黎睇去，最後決定試呢間頭啖湯。鋪頭位於天后呢個靜中帶旺既地方，附近橫街入夜後泊車相當方便，門口仲有門士站，交通唔洗擔心。入到去，一睇就知佢定位係一間火鍋專門店，鋪仔細細，但所有枱都每4個人有一站尚明堂電陶爐，都幾揼本！我地兩個人，叫左一個相當有特色既椰子雞湯底，見在場都有唔少人叫佢！椰香傳遍整個場！正呀！基本上淨係個湯底已經好多野食，加上排到咁樣靚一靚，真係加好多分！火鍋配料方面都有唔少選擇，都新鮮同大路，如果要我推薦，首先一定要試呢個美國安格斯雪花牛肉，老豆教落，人一世物一世，食既唔好哂，雖然價錢真心唔平，但呢幾塊牛入口即溶，完全無渣，牛味勁香，配上椰子雞湯既清香，真係回味無窮！另外一個要推介既係呢個雙拼手打墨魚丸，本身諗住早d叫丸掉落去烚住先，點知叫左勁耐都未黎，差d想追佢單時，就見waiter遞上呢8粒咁精緻既墨丸，睇得出係岩岩打起，粒粒大小形狀不一，絕對對得住"手打"呢個朵！無芝士既墨丸已經鮮味十足，除左彈牙之餘，入面應該加左墨魚軟骨，勁爽口！至於有芝士既就重口味同漏d，女友鐘意多d！最後我地2個人飲埋野都係600蚊左右落樓，其

呢幾日天氣涼涼地，又想去打邊爐朋友響呢頭番工，openrice下呢區美食又俾我搵到間正野兩個人撐枱腳，都安排咗張大卡位黎，坐得非常舒適醬料盤有我最愛嘅芫茜，基本上就唔洗落其他料滋潤椰子雞煲(半隻)老闆話呢度招牌火鍋就係椰子雞，梗係要試試佢兩個人叫半隻夠曬，啲雞已經多度夾極都仲有仲有菇， 大蔥，紅棗，雲耳之類，超足料一擺低個煲就勁香椰子香味，流曬口水唐生菜墨魚滑爽口，彈牙，嗰陣墨魚香係我加咗好多芫茜之後再食都係蓋唔住嘅真材食料一定要叫!!響鈴卷打邊爐必點之一，放落個煲度兩秒拎番上黎好似咁，然後唔洗點豉油，索曬啲椰子雞煲汁咁食就係最令人感動嘅食法芋絲份量都幾多，入口彈牙，簡單野但都係打邊爐必點美國安格斯雪花牛肉(小)兩個人雖然食嘅野好有限，但都總要叫番碟牛呢碟安格斯牛雪花分佈幾靚，入口有牛香味有咬口得黎又唔會似擦子膠咁難咬而家睇番啲相都想快啲再去幫襯一次飲品就叫咗檸蜜同柚子蜜高質散叫嘅打邊爐舖絕對值得支持用料新鮮環境又好忍唔住手要打番個正皮

之前一直有朋友推介話頭啖湯值得一試，今日去開天后所以決定試下因為我哋六點幾就去到，所以係第一張枱。餐廳格局闊落光猛。火鍋既主要配料餐廳都有提供，好想試埋佢地既麵包蟹鮮茄鍋，不過第一次去都係決定試左椰子雞煲先。雞煲泥之前餐廳會提供調味料俾客人先混醬。佢哋嘅豉油真係好值得一讚！豉油係熱嘅，而且個味同一般豉油好唔同，唔會太鹹同太濃，所以溝埋落其他配料度，其他配料嘅味道先會出到，亦唔會蓋過食物嘅鮮味！從一啲細節睇得出餐廳係一間好有心經營嘅食店！滋補椰子雞煲：湯底足料鮮甜，椰子味濃。雞肉嫩滑，新鮮，一啲雪藏味都冇！美國安格斯雪花牛肉：食落口感同味道都💯！牛肩胛：肉味較安格斯牛肉濃，肉質亦較安格斯牛肉實。其實兩款都好味，各有各好，不過我地都係鍾意安格斯牛肉多啲墨魚滑：食落好爽口，感覺好厚實，仲要有兩條，抵食！羽衣甘藍：同火鍋好夾嘅菜，好少地方有得食！份量多，亦好新鮮！已經榮升為我最喜愛嘅火鍋菜巨蜂乳酸梳打特飲  &  檸檬柚子特飲：正，飲到最尾都仲係好夠味！總括嚟講，頭啖湯價錢合理，食物好味，服務一流

雖然已經踏入夏天, 但打邊爐顆心仲係咁旺盛, 早排聽同事講, 話天后同炮台山交界有間好食到連湯底都飲埋既火鍋店, 即刻心思思想去試。今晚即約朋友放工去試試....餐廳面積不大, 設有部分卡位, 湯底方面主sell四款特式湯底, 而我地就揀左【滋潤椰子雞煲】HK$128/半隻個湯底非常足料, 半隻雞既份量都幾多, 其實都夠3-4人食, 避免雞件煮大耐, 否則錯過雞件嫩滑口感。先試一啖湯底, 真係好飲到嘩左一聲!! 超超超清甜, 椰香味很突出, 當中仲有竹笙、雲耳、秀珍菇、香蔥等配料, 果然豐富!!! 我地飲完一碗再一碗, 然後待應再幫我地加湯打邊爐, 無錯!! 唔係加水, 亦唔係加清湯, 而係加入對應既原湯底, 令我地可以繼續品嚐美味湯底!【美國安格斯雪花牛肉】HK$128/細雪花分佈平均, 入口鮮嫩, 牛味濃, 牛脂幾乎達至入口即溶, 食得出不是雪藏貨。【黑椒牛根丸】HK$38牛根丸未至於很彈牙, 但味道還是甜甜的, 配上當中既黑椒, 幾惹味~【脆鯇片】HK$38肉質不會太林, 近魚皮位置仲幾爽口【魚皮餃】HK$48雖然不是即包貨式, 但味道亦不輸蝕, 略帶鮮甜地, 不過皮稍為厚左少少

雖然天后又係一達隱世美食天堂，我就較少過黎，但朋友住開依頭，話新開左間以靚湯為主打既餐館，黎探佢就順便跟佢黎試下食過就覺得真係很不錯店舖唔算大，大約坐到四十多人左右，有卡位，仲有兩部電視，可以一路食嘢一路睇電視餐廳有濃湯泡飯、米線同燉湯供應亦有火鍋同雞煲供應，實行將佢地既濃湯製作出多款菜式最後我地揀左食雞煲火鍋揀左滋潤椰子雞煲飲品餐牌首先登場既係皇牌滋潤椰子雞煲（半隻）起初覺得個煲等左好一陣都未上枱有啲出奇，點知原來慢功出細貨堆砌得好靚既椰子雞煲出場用料十足，味道香濃，湯清得黎唔覺油膩，入面既雞件又滑又入味，係好食食火鍋一定要食牛安格斯雪花牛油脂同肉既比例均衡，入口咬一兩下就溶，牛味豐富配堆個湯底食味道更有層次如果可以俾多幾塊就好啦我本身較少以美國桶蠔黎打邊爐，好奇之下試一次真係好大隻啊差不多成隻手掌咁大隻，合共五至六隻，而且都幾鮮甜，不錯不錯依碟係桂花蚌比起一般的粗身多肉，味道不錯，爽口鮮甜不過有時就需要多點牙力先咬得開脆鯇片好靚薄薄的一片魚味都已突出不過就比平時食開既脆鯇魚腩多骨魚皮餃雖然唔係自家包的，不過我鐘意食配埋佢椰子雞煲湯一齊食別有風味重點推介既係依碟西班牙黑豚肉片真係好好