肉餅哥小炒料理 (已結業)

今天和朋友山長水遠來到這裡，吃的竟然是肉餅飯！坦白說，肉餅對我來說一直都是媽媽住家飯才會吃的菜，在外吃飯，基本上我都不會點，但今次在朋友的千排萬選下，來到這家肉餅專門店，讓我嘗試一下傳統以外的肉餅。這裡的肉餅大致可分為傳統和創意肉餅兩款，款式很多元化，有蒸的也有煎的，材料配搭也很創新，龍蝦和臘腸都可以做肉餅，而我一場來到，當然是要點有特式的煎肉餅，點了個墨汁魷魚煎肉餅和流沙咸蛋煎肉餅(確實的名字忘記了)。侍應哥哥很好，點餐時已先為你送上例湯，因為是即叫即煎的，所以點餐後要等大約十分鐘。不過這個時刻喝個老火湯是很適合約，因為湯送上時非常夠熱，是紅蘿蔔冬瓜湯，完全不油膩，連不喜歡喝湯的我都全碗喝光。喝完湯，肉餅飯便送到，賣相很吸引，我兩款肉餅都有食過，完全沒有媽媽飯的感覺，但本人覺得流沙蛋黃較好味，有香濃的咸蛋黃味，流沙汁更可拌飯吃，而肉餅外微脆內軟，所以整體來說很讚！至於墨汁魷魚其實也很不錯，但可能是用鮮魷，所以沒有很香的，如改用土魷或或會不錯。整體份量很足，男生也很夠食，加凍飲兩杯，二人合共$131，算很花算，希望將來港島區都有分店吧！

究竟一味普通的家常小菜 - 肉餅，可以有多少種口味變化? 肉餅哥告訴你，只要肯花心思，平凡的肉餅也能搖身一變成驚喜菜式!店舖位於荃灣仁聯街，在大窩口與荃灣交界，從地鐵站步行需約10分鐘，不熟悉荃灣複雜街道的人可能會感困惑，地理位置不太方便。餐牌上有數十款肉餅款式，令人眼花撩亂傳統口味如土魷蒸肉餅、鹹魚蒸肉餅; 創新口味如特色果醬煎肉餅、台式柚子煎肉餅、咖啡煉奶煎肉餅、泰式冬陰公汁煎肉餅，老闆誓要將甜酸苦辣融入肉餅當中。與朋友均點了鎮店精選。先捧來老火湯暖暖胃，味道雖較清淡，但不是味精湯。足三兩花膠煎肉餅 $99下單後不消數分鐘便奉上廚房非常有效率。表面鋪滿花膠有4-5大塊，茨汁略稠，味道口感還不錯，這個價錢也不期望吃到酒店級花膠吧。下面是香煎肉餅，味濃香口，豬肉肥瘦比例適中，配飯一流朋友的是金沙蛋黃煎肉餅 $69十分邪惡，蛋黃鹹香與肉餅很合襯，是成功的mix and match難怪能登上鎮店之選。芥香木耳 $22吃不到芥末味，像是浙醋涼拌小菜般的酸味，挺開胃的。之前在網絡上看過有關肉餅哥的訪問，知道年輕老闆創業的辛酸，希望肉餅哥在逆境中也能保持熱誠、堅持品質，一定會繼續得到食客們支持

肉餅  〰 一塊平平無奇、家常料理的普通肉餅可以變化出三十多種口味，有鹹有甜，你想得到的當然有，而一些「古怪配方」更加令我配服得五體投地。可以說是你夠膽試，他就夠膽做！其中不同國家口味的肉餅當然有，例如：泰式冬陰公、台式柚子、日式芥末沙律、星州咖喱、韓式辣醤等等。但説到特別，這些甜的肉餅，可算當之無愧，例如：「咖啡煉奶肉餅」、「桂花蜜糖肉餅」、「特色果醬肉餅」等，這樣創新的口味，最適合喜歡挑戰自己味蕾的朋友。店外掛有一個最受歡迎排行榜，分別有最受男士歡迎、最受女士歡迎、最受老友記歡迎和最受小朋友歡迎的肉餅，可以看得出這𥚃的肉餅受到老、中、少的歡迎！足三両花膠煎肉餅（$99）👍👍👍👍這個足三両花膠煎肉餅，在最受女士歡迎排行榜中名列首位，當然要叫。根據餐牌提示，花膠用上一日時間浸發，再飛水五分鐘，然後封冰令其入口爽身。加入薑蔥、蠔油、紅燒汁慢火炆四十五分鐘才放上肉餅。製作工序繁複，當然値得一試。花膠有兩大塊，每塊都有七八吋長，花膠入口軟滑，雙唇立時被豐富的膠質「漿」着，可以感受到大量骨膠原吃入口內，可説是女士恩物。花膠下還有一大片煎肉餅。鮮味蟹粉煎肉餅（$99）👍👍👍👍根據「肉餅解説」，蟹

晨早流流就入去荃灣行街啦,亦都決定左午餐要黎食肉餅哥之前睇開飯熱店,見到一間整肉餅既食店可以得獎都有啲驚訝第一個反應係肉餅咁普通都拎到獎!?後尾發覺又真係抵佢拎到獎既總共有36種唔同口味既肉餅飯普通平價59去到特別貴價99都有呢種做法可以吸引回頭客返黎再試其他一坐低就有碗老火湯飲啦,味道唔錯,開飯前飲黎開下胃就最岩啦唔想要白飯咁單調,所以叫左菜飯,有幾條菜食下會好啲啲菜都唔少,可以見到好多綠色佔既比例不過碗飯就細左啲囉PS.另外仲有油飯,白粥,米粉可供選擇,正所謂有得揀,你先係老闆流心芝士肉餅 $59登登登登!第一次就叫個中價既流心芝士肉餅肉餅可以揀煎或蒸,又係一個吸引回頭客既地方我就揀左煎既,香口啲,下次先試清啖啲既蒸啦一黎到,個賣相已經好吸引,新鮮煎起,好香吃第一啖已經覺得不得了,真係好正芝士足料,堅流心,肉餅入味~用黎送飯真係完美配搭美中不足既都係碗飯太少啦加碗飯都要$10,貴左啲囉雪梨茶 +$2就有啦本身想飲果汁但無貨喎...整體黎講係好好食既,一定會返黎再試其他

今天約了友人晚飯, 一向是”食肉獸”的他無肉不歡, 一早鎖定一定要試在荃灣頗有人氣的”肉餅哥小炒料理”,在Facebook也曾見過很多人上傳肉餅照, 也真的蠻吸引的, 所以都很期待! 我們怕等候人龍太長, 所以很早大約6時半去到,不用等候便能入座, 慶幸早來, 內裹已經差不多滿座。 媽媽在家也會經常煮肉餅給我吃, 從來以為肉餅只有梅菜或鹹魚兩款, 一看他的menu,沒想到竟然有那麼多款的肉餅供選擇, 如有流心芝士肉餅, XO海皇醬帶子肉餅, 煙三文魚肉餅, 芥末沙律醬肉餅等等, 各具特色! 真的很難取捨! 最後我們決定選了足三兩花膠肉餅和墨汁魷魚肉餅。食客可按個人口味挑選肉餅的烹調方法，可蒸可煎; 可選白粥和米粉，或加錢改配油飯、菜飯、出前一丁或辛辣麵, 任君選擇。而套餐包一碗老火湯, 很美味!足三両花膠肉餅: 選了蒸肉餅和油飯。花膠份量十分足料!可真是足三両! 花膠鋪滿在砂鍋上, 炆得剛好, 口感滑溜軟腍,肉餅也蒸得很香滑Juicy! 與油飯很相配對味! 墨汁魷魚肉餅: 選了煎肉餅和菜飯。黑色的外型顯出型格XD, 魷魚粒的份量也很足, 啖啖肉餅也能吃到彈牙的魷魚粒, 煎肉餅比蒸肉餅更

朋友帶路去了一間肉餅飯的食店，超多肉餅口味，好似配咩都得，配咩都有，十分有創意，也很新奇。等了一陣就入得，比想像中快。一坐底就有老火湯送，有紅蘿蔔同冬瓜，個湯都幾好飲。叫個小食開胃一下，芥香木耳$22，幾大碟，食食下先影相，木耳好脆口，薄身木耳充滿蒜香味，有芥末的辣，幾惹味。我加$5要可樂，呢度飲品價都算抵，不過飲汽水會好飽，下次都食叫果汁。朋友加$12要西柚汁，最後一支，睇黎果汁都好受歡迎。朋友的足三兩花膠肉餅$98，用砂窩上菜，蒸肉餅幾夾花膠，夠濕潤夠嫩滑感，份量十足好抵食。花膠超大塊，可以大口大口食花膠，感覺好豐貴，而且還有三塊，緊係叫朋友俾塊我食啦。個汁好夠味好濃，令肉餅同花膠更夾，又滑又彈質感豐富，好有創意的肉餅。我就點左 鮮味蟹粉肉餅$98，呢個肉餅選擇煎香，的確香口很多，也很搭蟹粉的濃厚味道。蟹膏味唔算好突出，反而有種香味，令肉餅較惹味。肉餅肥瘦平均，彈牙又爽口，不是很厚身，但都做到肉感很豐富，食完有點膩。個飯轉成菜飯，要讚個菜飯不油而清爽，幾健康。

見客要到荃灣, 路過見到肉餅哥,肉餅哥大名就聽得耐,搵黎搵去 終於俾我撞到!!! 即刻坐低叫左個肉餅飯今日叫左個芝心肉餅, 岩曬我呢個芝士王!!整個肉餅滿滿的 填入了芝士 入口香甜 芝味滿腔 口中全是芝士的味道, 濃郁的,又不會太濃。 送既老火湯 火候十足 絕不欺場。

肉餅——一道普通不過的家常小菜。從小到大，我對肉餅都沒有太大特別喜好，不論是家中還是餐廳所品嚐過的肉餅款式來去如是，萬變不離其宗，不是土魷蒸肉餅就是鹹蛋蒸肉餅，而且質地總是較為粗糙和乾身，老是給予人一種一成不變的厭惡印象。哥哥卻對肉餅情有獨鍾，平時在家他總是抱怨菜式不合胃口，不喜歡吃飯，假如有肉餅作菜他才會多吃數口飯；之前從網上得知荃灣這間肉餅專門店後，他早已嚷著一定要到訪一嚐，也稱得上是個名乎其實的「肉餅哥」吧。因為正值假期，擔心客人太多需要排隊等位，我們便決定吃過午飯後約二時多才到肉餅哥作下午茶，起初到達時餐廳內仍有不少人在享用午餐，碰巧剛剛有位可以即時入座，慢慢人潮減退便坐得更加舒適了。餐廳內格局簡約，以黑白為主調，牆上的照片滲透出陣陣懷舊風情，就是單純一個舒適的食堂。餐牌中得肉餅飯選擇簡直多如恆河沙數，足足有三十三款，雖然以創新肉餅為招徠，但仍然少不得傳統一點的鹹魚肉餅及土魷肉餅等，不論是想嘗鮮還是忠於傳統，口味都一一迎合。肉餅價格分為$58、$68及$98，連同老火湯一碗，午市時間光顧更送港式飲品一杯。附送的老火湯味道不會過鹹，裡面更有大大件的冬瓜，為食客消消暑。  原隻龍蝦

一直都話荃青區係我環頭，見到有新開嘅餐廳，就緊係要試下啦~本來心諗肉餅有咩咁把閉啊，都係啲中式野，好似土魷肉餅咁，點知上開飯呢到一睇，原來係有原隻龍蝦係上面嘅肉餅，睇落非常有霸氣!!其他仲有啲黑松露帆立貝肉餅同鵝肝肉餅咁，咁特別嘅肉餅，價錢都算幾合理~可惜嘅係…...是日係無龍蝦肉餅，心情即刻跌到落谷底 !!不過黎到呢到又無理由轉場嘅，所以唯有試下啲無咁氣嘅肉餅啦….落完單之後，就有中式嘅老火湯飲，唔知係咩湯黎，淨係知好足料姐，因為我嗰碗有隻無骨雞腳，好有屋企煲嘅味道上到枱先知，凍飲原來係咁大杯嫁，我同朋友就叫咗凍好立克同凍阿華田，不過唔知係咪因為大杯嘅問題，定係啲沖劑嘅份量問題，啲味道有啲淡..火焰鵝肝肉餅搶先登場，其實可以揀要蒸定煎嘅煮法，不過相機行先，一定係煎嘅肉餅顏色靚啲~肉餅上面擺咗幾塊鵝肝，正所謂食肉餅都要食得豪氣啲，塊肉餅係幾有彈性嘅，唔知係咪自家用人手剁嘅肉餅黎，因為比起機剁成嘅肉餅，人手整嘅肉餅口感更加好。而且配嘅唔係白飯咁簡單，有好多選擇可以揀，呢個鵝肝肉餅就配油飯，黃色嘅油飯睇落似係咖喱飯多啲lol (注意，原本係用碗上嫁，係我同朋友自己反轉倒啲飯落隻碟到~)