沙田18

营业中

休息中

好味指數😋😋😋回頭指數 ⭐️⭐️開心指數🤗🤗🤗朋友話呢間嘅片皮鴨勁出名，好想嚟食，仲要好難訂位，一個月前就要訂，隻鴨唔訂亦都冇得食，講到好誇張咁，有幸朋友已經安排好晒！🍴傳統北京烤填鴨（$938/一隻三食）本身一隻鴨一食係$688，二食（生菜片鴨鬆 +$178），三食（紹菜豆腐鴨骨湯，每位 +$65），以佢呢個價格設定，應該 either 叫一食，或者直接叫三食，應該唔會叫二食啦！一食包括1️⃣鴨胸皮 2️⃣鴨胸肉 3️⃣連皮鴨腿肉，每樣有一碟，份量都算幾多，連兩籠薄餅。1️⃣鴨胸皮一丁點肉同肥膏都冇，刀功唔錯，只沾白砂糖食，一入口非常酥脆，鴨味好香，成件事都幾邪惡，但又忍唔住想食多幾片，呢個真心好食！2️⃣鴨胸肉係純肉，都幾厚肉，唔算太乾，個人覺得唔沾醬食就冇咩味3️⃣連皮鴨腿會肥美少少，兩樣都係加埋大蒜、青瓜、黃麵醬用薄餅夾住食。二食係生菜片鴨鬆，佢用咗切細粒嘅大豆芽菜一齊炒，令鴨鬆嘅口感更加豐富，呢個都唔錯！三食係紹菜豆腐鴨骨湯，honestly 如果呢碗湯收$65 一位，我就真心想投訴！雖然叫得三食其實預咗二 ＆ 三食都係整好裝俾你，裝到咩俾你係講運氣，因為每檯都會叫鴨食，然而我覺得5星級酒店入面嘅中餐廳

朋友話呢間片皮鴨係香港數一數二, 今次一行四人就叫咗半隻片皮鴨, 再叫咗好多小菜同甜品四喜烤麮 - 雖然未係友人心目中傳統味道, 但屬正常水準傳統北京烤填鴨 - 我地淨係叫咗二食, 冇要到湯, 先嚟係將用鴨胸皮沾白砂糖, 充滿鴨油香又鬆脆; 跟住就係連同煙靭軟熟嘅薄餅皮包上juicy鴨肉、青瓜、京蔥和黃麵醬, 傳統食法; 最尾就生菜片鴨鬆, 生菜清爽解膩明爐烤蜜汁叉燒 - 食完鴨開始上主菜, 但我地仲未食叉燒喎, 一問原來係漏單, 不過有得食就好, 尚算軟糯入味肉鮮彩椒鳳梨咕嚕肉 - 用新鮮菠蘿都比較酸, 咕嚕肉皮脆肉嫩, 醬汁唔會過多過濃, 幾好孜然紅蔥炒羊肉 - 小辣香口, 羊肉唔羶, 羊肉迷可能會有少少失望窩蛋牛鬆焗菠菜 - 煲仔上熱騰騰已經好吸引, 搞開窩蛋撈埋落菠菜, 索哂牛肉味同蛋嘅香滑食過咁多道菜係時候用甜品round up, 估唔到佢地甜唔品都有咁多選擇, 今次揀咗3款花雕話梅雪葩 - 清爽話梅, 花雕味唔算好濃但夠香五糧液朱古力 - 呢到除咗片皮鴨, 另一個signuture就係佢,  估唔到五糧液加朱古力效果咁好, 加埋面頭塊焦糖脆片錦上添花焗鳳梨山楂酥 - 山楂味

上個月嚟食過晚飯之後，覺得食物好有水準，對午市嘅點心都好有興趣，所以即刻喺openrice訂位weekend嚟飲茶。原隻鮑魚燒雞酥定價比較進取，但一共有三粒，都算合理。燒雞酥撻皮酥脆，內餡雞肉都幾多。原隻鮑魚有嚼勁唔會過份軟腍，鮑魚味濃郁平時飲茶必點蝦餃，但見到有龍躉水晶餃覺得好吸引。水晶餃皮晶凝剔透，上面有魚子醬，賣相好靚餃皮薄而煙韌，龍躉肉份量多好有鮮味，加咗XO醬更惹味蟹籽燒賣好大粒，顏色鮮艷賣相吸引口感爽口彈牙，食得出好多蝦肉。炸春卷落咗香茅，有一種食泰國菜嘅感覺，味道特別得嚟同蝦好夾春卷非常脆，炸得乾爽唔油膩。潮州蒸粉果層皮超煙韌，餡料味道好而且唔會太多肥豬肉，調味都剛剛好，食得出蝦米、甜菜脯、花生同芫茜嘅香味。陳皮蒸牛肉球同燒賣相比之下顯得比較細粒，食落陳皮香味明顯，牛肉味濃唔會太多肥肉，口感滑得嚟帶點彈性聽講蜜汁叉燒係招牌菜，所以蒸腸粉揀咗叉燒腸。腸粉皮厚薄適中，內餡叉燒夠腍，有少少蜜汁味，果然係好好味食完點心仲要留肚食甜品，上次嚟已經試過腐乳芝士蛋糕、酥皮湯圓、五糧液朱古力雪糕同泰奶雪糕，所以今次嗌其他試下。楊枝甘露布甸表面鋪滿芒果粒同金柚，中間仲有蘆薈同椰果，口感豐富

補食父親節飯，一個月前已經訂檯，只有2個時段，分別係5:30 同7:30 選擇，我揀咗早輪5:30。當日一行7人，5:15左右到達，要先登記，準時5:30會安排已登記客人入座。安排坐喺窗邊位置，太陽仲未落山，光猛開揚。訂檯時順便預留一隻北京填鴨，選擇三食。第一食，填鴨都唔洗等好耐就上菜，目測填鴨皮似漏咗氣，唔太夠脹卜卜。師傅練熟咁手起刀落片鴨，第一碟只有鴨皮，服務員建議沾糖食，都唔算薄嘅鴨皮食落好乾、比較實、冇鴨油香，加咗糖食嘅話，可能因為冇咩鴨油嘅關係，真係同預期落差甚大。第二碟係只有鴨肉片，鴨肉嫩滑，不過毫無肉汁，而且鴨味唔濃，又再失望。第三碟係鴨肉連皮，其實綜合咗以上鴨皮同鴨肉嘅食感，配上厚薄適中嘅薄餅、青瓜、蔥白、蒜泥同甜味恰到好處嘅甜麵醬，靠咗啲醬同配料，鴨肉味其實已經唔濃，感覺配菜先係主角。第二食嘅生菜鴨崧喺啱啱切好晒第一食就上菜，咁即係唔係同一隻鴨同埋可能係一堆炒定。可能炒定分配上碟關係，鴨崧份量少，用上啲細size嘅大豆芽炒，調味一般，唯一可以讚吓啲生菜新鮮甜脆。三食係鴨湯，唔係一煲上，又係應該煲定一大煲，一碗碗送上，望落湯色濃白，內有津白同豆腐，飲落淡如水，一啲味道都

不止一次聽過朋友盛讚沙田18的片皮鴨和甜點, 今日恰恰有機會, 就和朋友來到這裡一試晚餐, 圓心願也。即日打電話過來訂位也沒有問題, 但只能吃到五點半至七點半的首輪, 晚餐時間稍稍嫌早。只好安慰自己, 片皮鴨這種肥滋滋的美食, 還是這種時間吃, 感覺上比較健康吧?雖然餐廳的名字叫「沙田18」, 但其所在的酒店沙田凱悅酒店其實位處在東鐵大學站旁邊。有意到訪的人士就不要似筆者一般大頭蝦地搞錯了啦。來到餐廳的時候時間尚早, 雖然天氣不佳天色暗沉, 但一列的落地大玻璃還是把大量的天然光引入了餐廳之內, 感覺很是舒服。窗外就是中文大學的建築群散落在山上的景致, 高高低低的特別又漂亮。若是中大舊生, 更可能別有一番感觸呢。醃蘿蔔片與花生朋友未到, 先沏了壺普洱茶, 吃著小菜研究手上的菜單。洋洋灑灑的十數頁, 花樣之多實在叫我眼花繚亂難以取捨。慢慢一頁頁看下去, 不經不覺那碟醃蘿蔔片已經給我吃了大半。個人來說會喜歡更酸鮮開胃的蘿蔔片, 不過此間的出品無渣而清甜, 也是可口。切成長片狀貌甚似荀片, 真是有趣的樣子。麻醬拌新鮮菠菜主食點了不少的肉, 總要叫碟菜平衡一下。只是淥菜嫌悶, 炒菜又不見有新意,

這夜我們又來到港鐵大學站旁的沙田凱悅酒店中菜廳「沙田18」。剛好這段時間Hyatt集團旗下的君悅酒店(Grand Hyatt)和凱悅酒店(Hyatt Regency)中菜廳正與「怡園酒莊」一齊推出的wine pairing menu，3間餐廳「港灣壹號」、「凱悅軒」和「沙田18」的菜式會稍有不同，而「沙田18」的品酒菜譜有招牌烤鴨、叉燒和小菜、主食等，配3款怡園紅、白餐酒，4位用＄2480。不過亦可以如我們般散點菜式，再另選餐酒。其實之前已經多次聽過「怡園酒莊」這家中國酒莊的大名，趁著這夜大好機會終於可以一試，真期待！先點來一瓶「怡園酒莊」的Tasya's Reserve Chardonnay 2011 。Chardonnay的果香不錯，酒身清爽輕盈，很易入口的一款白酒。沙田18的「明爐烤蜜汁叉燒」 ($165)，厚切叉燒肥瘦比例適中，肉質香甜軟腍肉汁豐富，啖啖大滿足。「鮮竹豆腐濃魚湯」 ($115/位)，奶白色的魚湯入口熱辣辣，魚鮮濃郁突出而一點不會腥，相當鮮甜。接著就到了「沙田18」的招牌菜「北京烤填鴨」 ($570)出場啦，在枱邊都聞得到香噴噴的烤鴨香。師傅用純熟手勢將烤鴨分別片

小妮子8月初的時候問我可有興趣到沙田18吃北京填鴨，說她很想去試試，但如訂位在週日晚上要等幾個星期，她同時查問了其他人後，就訂好了在8月的最後一天晚上來吃鴨。從家裡出發到沙田，雖然這天一直間斷地下著雨，交通可還算暢順，約半小時就到達大學站，酒店就在火車站旁邊，即使不開車來，坐火車亦十分方便。飯店在酒店的四樓，門打開，這樓層只有兩間餐廳，在中菜廳(即沙田18)隔鄰的就是一間酒吧。中餐廳的裝潢很雅致，高高的樓底予人諾大的空間感，大門口放著一個看似古裝劇裡客棧的大茶櫃，還放置了一個很大的銅製茶壺，旁邊的玻璃凍櫃裡展示著這裡各款特色的甜品，客人可以參觀後才選定喜歡的甜品。我們被安排坐於一張大圓枱，背後是大片的落地玻璃，可以眺望大學火車站，透視的感覺很舒坦，只是餐廳裡用的射燈火力有點強，空調略嫌不足。侍應生先把2個小食送上，分別是油鹽花生及醃蘿蔔片。花生香脆惹味，蘿蔔片味道清甜。小妮子早在預訂座位時已經把填鴨訂好，她亦同時做好了些資料搜集，記下了那些菜式是各食評人推介的，這提醒了我在以後撰寫每篇食評時要更客觀，為愛吃人士提供正面的意見。小妮子這晚擔當了點菜的重任，先在前菜裡選了個，再決定來個"