古琴雅苑 (太子集團中心)

营业中

休息中

之前去過古琴雅苑喺灣仔同銅鑼灣嘅分店今次過到嚟尖沙咀呢間分店，啲位有啲迫，冇灣仔同銅鑼灣分店咁寬敞🥲我哋七個人叫咗四人套餐，再加兩籠小籠包本身以為有機會唔夠食，但原來嗰四人餐份量超級多我哋最後都食唔晒，可能八個人都夠食🤣因為所有食物都係full size，即係變相我哋四個人食咗2籠小籠包+八個餸+1個粗炒🤣份量真係非常之多🤣🤣小籠包保持到水準，上枱嗰陣熱辣辣，咬落亦都好多湯汁🤤👍🏻北京填鴨係皮連肉一齊上嘅，如果淨係鍾意食皮嘅朋友，可能會有啲失望但係可以放心，啲鴨嘅肉唔會好韌食落去都幾嫩滑，再加埋啲配料，絕對唔會無味或者食到口淡淡😉今次嚟主要係為咗食松子魚，但反而覺得個京醬斑球仲好食松子魚個醬太酸，除咗酸之外就冇乜其他味，搞到魚肚嗰啲位有少少腥味但外皮都一如以往咁炸得好脆，亦都起晒啲骨，可以放心食用😂京醬斑球好驚喜，個汁鹹鹹甜甜咁而且外皮炸得好脆，肉質亦都好結實，食得出個魚都幾新鮮👍🏻另外要講嘅係，花雕醉雞同埋津白雲吞湯好咸😖如果唔係個餐配埋，應該都唔會考慮再叫呢2道菜😅味道：🤤🤤🤤🤤/5性價比：🤤🤤🤤🤤/5菜式：南翔小籠包：$824人餐：$1398- 花雕醉雞- 蔥油海蜇拌黃瓜- 松花

以銅鑼灣分店相比，同樣在地點上佔優勢。若多人聚餐，如6-8人以上，比較建議港島區。卡位雅座較多，座位設計上更合理。 (1)花雕醉雞 醉香慢慢滲透入口腔，味道愈吃愈濃。 (2)南翔小籠包 粉皮略續厚實，但尚有Q彈口感，湯汁亦不算太多。 (3)風味松子魚 用菠蘿、彩椒、洋蔥絲調製成甜酸醬汁，淋上炸得金黃的魚身，再灑上炒香的松子。魚肉起骨，連皮油炸，貌似金黃色的松子仁。既保留精緻賣相，在分菜時亦不失優雅。 (4) 金腿濃湯津白 在進食濃厚風味的北京菜，點一個較為清淡的小菜總沒有錯。 (5)烤北京填鴨 與分店一樣，能夠保持到同樣水準。 因餐桌位置有限，只能夠緩緩地上菜，在短時間品嚐同樣的菜式，很是平淡乏味。另外，不知是否沒有社交距離限制後，座位上的安排都感到擠擁。於有預訂位置的情況下，安排到圓桌及摺疊式椅子，會感到有點荒謬。在反映後，女員工也迅速地安排較為寬敞的位置。不過，雅興早已掃光。

一齊發掘香港嘅美食 😋.今日同兩位朋友食飯，由於佢地異口同聲話好耐冇食過中餐，我就立即book咗呢間喺屋企附近專食北京填鴨嘅餐廳試試 🤣. 古琴酒糟北京填鴨（半隻）$199 -古琴酒糟口味，其實係將酒糟、薑同葱等材料塞入鴨腔，令烤完之後嘅鴨肉更有酒香。片皮鴨上檯嘅時候除咗配上自家製嘅薄餅皮，仲有六款配料（包括：青瓜、京蔥、甜面醬、哈蜜瓜、蜂蜜黃梅醬同砂糖），可以任意配搭。-餐廳片出嚟嘅鴨片厚薄一致，盡顯師傅嘅功架。-不得不提嘅係隻鴨嘅鴨皮，新鮮熱辣之餘，仲烤得好鬆化、完全冇多餘嘅油脂。食入口外脆內嫩，好幸福。🥰-個人嚟講最鍾意嘅食法係將鴨片配埋蜂蜜黃梅醬咁食，食落口同出面食到嘅北京填鴨味道好唔同，感覺酸酸甜甜之餘，仲好清新，可以中和一下油膩感。🙈 另外將鴨卷餅包住青瓜、京蔥同哈蜜瓜、再沾上少少砂糖嘅食法都好好味。-鴨肉份量充足。我同朋友一行三人，半隻北京填鴨嘅話每人都分到4-5件。.花雕醉雞（例牌） $85 -上檯嘅時候空氣就彌漫住陣陣嘅花雕酒香氣，酒香撲鼻但唔會話好「攻鼻」。-🐓 食入口有陣陣清淡的酒肉餘香，但唔會太重。除此之外，仲食得出有少少玫瑰露酒嘅香味。-雞肉非常爽嫩，冇太多

同事知我月頭食了片皮鴨，聽見後垂涎欲滴，叫我再陪她一起吃，而她就選了這家古琴雅苑。預早book了6:30pm，店內幾乎滿座。因為之後會有第二輪用餐時段，所以用餐有時限。食物上桌速度好快，而上菜次序亦見恰當，先上冷盤，後上熱葷。熱葷的溫度都夠熱～先上冷盤，蔥油海蜇拌黃瓜，海蜇粗身又彈牙，青瓜爽脆，蔥油味香而不油膩，是清爽的開胃前菜。透過Open Rice訂座享用優惠：3-4位贈花雕醉雞。雖是免費贈送，但份量也不少！雞件皮爽脆肉嫩滑，帶淡淡的酒香，美味可口！緊接是熱葷，風味松子魚，原條上桌，店員隨後會在客人面前將松子魚切開一份份，方便食用。松子魚炸得香脆，完全無魚骨，炸漿厚薄適中。雖不太嚐到魚味，但澆上加入松子仁的酸酸甜甜醬汁，惹味開胃！！烤北京填鴨 (半隻)，賣相精緻，送上一小碟的烤鴨皮，鴨皮又薄又酥脆！片皮鴨的配料除了常見的青瓜﹑京蔥與甜麵醬外，還有少見的哈蜜瓜與砂糖及秘製蜂蜜黃梅醬，可任意配搭。片皮鴨肥瘦均勻，皮脆肉嫩，將片皮鴨及配料捲起來吃，餅皮厚薄適中又軟熟，鴨皮的油香加上鴨肉肉香，哈蜜瓜的香甜略略增添了味道的層次，好吃又不覺膩！蟹粉扒小棠菜，小棠菜的份量不算多，面層澆上滿滿的蟹

慶生飯🥳5個人揀咗個4人餐，再加多兩味餸另外本身Openrice優惠又送兩樣嘢，好豐富呀🤤#花雕醉雞 🐓★★★★ (餐一份 Openrice 優惠一份)#雞絲粉皮 🐓★★★★#風味松子魚 🐟★★★#津白雲吞湯 🥟★★★#紅燒獅子頭 🦁★★★ (另外order)#烤北京填鴨 🦆★★★★#乾煸四季豆 🥬★★#黃金明蝦球 🦐★★★#古琴鹹肉菜炒飯 🍚★★★#古琴香辣鍋 🌶★★★ (另外order)#杞子桂花糕 🌼★★★#腰果露 🥜★★★★ (Openrice 優惠)好滿足嘅一餐最有驚喜係個腰果露，超好味誤會咗個辣鍋係辣干鍋，不過都ok

開Openrice Apps 見到古琴雅苑買外賣有68折，本來冇諗過買都想試吓買外賣返屋企食。用Apps 訂咗我地兩個最鍾意嘅花雕醉雞同上海炒年糕。餐廳準時預備好我哋嘅外賣，一去到就拎得。職員有禮貌地把外賣遞給我地!特別喜愛呢度既花雕醉雞❤️! 花雕酒香特別香濃，每件雞都好入味。至於份量方面唔會少，價錢本身合理，依家用Openrice Apps 買仲有優惠，真係好抵食！會再用Apps 買。要求上海炒年糕少油，餐廳一樣辦妥，抵讚👍🏼！年糕份量都幾大，足以給兩個人份量。年糕煙韌，就算拎到返屋企都仲好煙韌。呢餐又滿足又抵食。疫情下，會繼續用Openrice apps 買好多餐廳嘅外賣！❤️

網上介紹古琴雅苑的烤北京填鴨好吃，上網睇到有五度菜吸引我，酒糟烤北京填鴨(半隻)$185、荷葉杭州雞(半隻)$158、意大利黑醋骨$103、花雕醉雞$80、無錫脆鱔$88。外賣自取做緊68折優惠。見冇人寫過呢度酒糟烤北京填鴨的食評，咁就由我試下呢度菜啦，打電話到店舖詢問烤北京填鴨及酒糟烤北京填鴨的分別，她說基本味道差不多，而酒糟烤北京填鴨就多出一陣酒香。酒糟烤北京填鴨真係好好味，鴨肉好香，用鴨卷皮加埋甜醬、蔬菜，真係好正好正，但係一點丁點兒酒味都品嘗不到有機會嘅話，我一定會再食古琴雅苑嘅烤北京填鴨。Encore 荷葉杭州雞味道不錯，肉質太過軟林林啦，完全唔使咬，我就唔鍾意咁淋嘅質地，不過就非常適合老人家及小朋友，簡直係雞肉版嘅老少平安意大利黑醋骨肉質又乾又硬又鞋又柴，味道又唔夠酸又唔夠甜，好差，唔得呀！花雕醉雞花雕味好香，都唔錯食得過。無錫脆鱔雖然返到屋企仲係熱嘅，但係佢唔夠脆本身都係覺得佢炸得唔夠，味道都係一般般，我喺元朗家上海食過三次外賣蜜汁脆鱔，都係相隔一個多小時才進食，人哋真係好味好多好多。另外提醒各位，呢道菜一定要堂食，要即做即食，外賣自取完全唔建議，因為佢本身炸得唔夠，加

今次想講下我呢個星期最後嘅堂食午餐～ 係我想食左好耐嘅北京填鴨🤩 已經成一年無食啦🥺～ 今次就book左古琴雅苑 同屋企人好好歎下佢個午市套餐😋⠀⠀👨‍👩‍👧‍👦午市全包宴-四人套餐A $668⠀⠀🌸桂花烏龍🍵⠀本身店員問我開咩茶嘅時候，淨係聽到好多花茶、玫瑰花茶同烏龍茶，無屋企人平時飲茶飲開嘅普洱，所以就求其叫左烏龍😂 佢黎到真係勁有驚喜🤩 桂花味勁清香又濃郁，而且無諗過同濃味嘅烏龍都好夾，不但無蓋過烏龍本身嘅香味，而且又令到個烏龍茶清新左好多，令人心曠神怡💗⠀⠀🍶花雕醉雞🐔⠀本人認為呢個係比較遜色嘅一個菜色～作為頭盤，雖然雞肉都好嫩滑，又夠瘦，無多餘嘅脂肪同肥膏～而雞皮都好薄身，又唔會有多餘嘅油脂🥰 不過我嫌佢花雕味唔夠重，食左第二啖同要睇一睇返menu先知佢原來係花雕醉雞～我覺得可以重返少少花雕酒味，咁會更加惹味😋⠀⠀💦蔥油海蜇拌黃瓜🥒⠀呢個係另一個頭盤，海蜇同青瓜佢都整得好爽口，青瓜更係爽脆😍 用左蔥油同埋芝麻令到成個冷盤香同惹味更多，而且亦無過油過鹹～非常醒胃🤩食完令人食慾大開，準備再戰main dish💗😋🍴⠀⠀🦆一口酥👅⠀食北京填鴨之前，佢就提供埋一口酥比我地食🙏🏻～佢其

有朋自遠方來, 當然又係食好西嘅時間。難得帶完大小朋友們逛完鐘樓、星光大道, 又去完 isquare 嘅playhouse玩, 我地就決定近近地係尖咀食埋LUNCH先再繼續行程!今次我地一行10個大人再加幾位小朋友就揀左去咗食片皮鴨！我地叫咗一個套餐,再額外散叫咗一啲小菜,除返開大人每位都係百零蚊一個左右, 以尖沙咀區而言,價錢尚算OKAY。仲要小朋友原來有個免費嘅兒童餐添! (只限4歲式以下小朋友)其實8人餐都多野食, 不過份量唔夠我地八個食肉獸食, 所以再加餸。8人餐包括有:松花皮蛋拌豆腐花雕醉雞雞絲粉皮 烤北京填鴨宋嫂鮮魚羹金銀炒鱔糊醬爆肉絲和菜戴帽古琴鴨肉炒飯而我就會特別推介以下幾款係8人餐內嘅餸菜:1.) 雞絲粉皮 爽口彈牙, 而且層次豐富. 有青瓜絲子雞絲伴隨, 食落口感更佳2.) 烤北京填鴨當然唔少得鴨個份啦!原來呢度會有埋師傅現身出來切鴨添架, 睇住師父一刀刀咁片隻鴨都幾治癒, 因為師傅真係切得好均勻。師父話呢碟係鴨胸皮，又叫一口酥。最啱就係配埋沙糖或秘製蜂蜜黃梅醬酸梅醬來食。入口鬆脆唔油膩。而呢碟就係戲肉 - 片皮鴨!我家小JM唔覺唔覺都食咗兩件添！同平時食嘅程序都一

表姐個細女7歲生日，一家人又有個藉口食餐好嘅😂 原來11月亦咁啱係呢間餐廳anniversary，所以送左呢隻公仔比12歲以下嘅壽星女，幾有心思！😍 12歲以上好似係送鮑魚同帶子，都幾划算😋講番野食，呢晚所有菜式我都幾中意。前菜嘅花雕醉雞好入味，雞肉好滑。蔥油海蜇拌黃瓜啲瓜好爽脆，味道亦調得唔錯。砂鍋雲吞雞做得都幾好，湯夠清甜，雲吞皮好滑，亦好足餡。講番今晚主角——北京填鴨。全隻都係$338，其實真係好抵！師傅喺我地面前慢慢片隻鴨，片得好薄，盡顯功架👍🏻 松子魚好夠睇頭，酸酸甜甜都好味嘅。重點係唔會好多骨，連怕麻煩嘅我都食左唔少！我地貪得意叫左呢個木桶飯。睇落細細桶，但其實份量好大！個飯入面有火腿同蔥等，帶咸鮮口味，比食白飯過癮👍🏻呢度個津白用濃湯煮，食落冇奶油咁漏，亦都健康啲。最後，大家其實都好飽，但都叫左幾款甜品share黎試。高力豆沙有香蕉同豆沙做餡，甜得黎唔漏，而且熱辣辣食落好正。兩碗糖水當中，我中意腰果露多啲。一黎腰果露好似冇咁常見，另外佢真係好香腰果味，亦有好多腰果碎喺糖水入面，口感豐富。桂花糕就清甜嘅，有3大舊嘅份量。