軟橋米苔目餐廳 (已搬遷) 新店位置

睇雜誌見到台灣米苔目，類似香港嘅銀針粉但口感更煙韌軟糯，仲要係全人手製作，更健康，今日終於有機會黎試下。湯米苔目系列，好似車仔麵，湯底 面 送 任你配搭。不過要留意返 特別推介嗰幾款粉麵係冇得轉米苔目架【鴨肉拼韭菜水餃米苔目】揀左方魚湯底，有芹菜同蔥（唔鍾意嘅記得叫走青）湯底鮮美，韭菜餃皮薄多汁。米苔目非常軟糯，真係好煙韌，就住湯食就唔會口乾，有米香味，好大碗，幾特別。另外叫左個【豬手飯】，原來唔係鹵水豬手，係湯上嘅。呢個真係好味，豬手煮得好林好惹味，一啲都唔腥，又唔會覺得肥膩，啲皮都清得好乾淨，肉質好軟糯，原來清湯豬手可以咁好食。老闆話，黎晏啲就冇喇，真係好受歡迎。【花雕醉香豬雙脆】其實係豬耳+豬唎。好大陣酒香味，但食落有香油味，係醉香但不醉人。豬耳爽口，亦都唔油膩。好值得一試【香煎脆肉餅】好似係脆炸豬肉腸，個皮真係煎得好脆，好香，熱辣辣，睇落都流晒口水。【蒜蓉白肉】中辣，同川菜嘅蒜泥白肉唔同，呢個多啲好似韓式辣醬嗰種酸辣味，好大份，五花肉薄切，肥瘦相間，仲有粉絲打底，索晒啲汁，送飯一流！飲品叫左【烏梅仙草冰】同【百香果仙草冰】，散叫就$20一杯，跟餐$15，酸酸甜甜，解辣都好。估唔

本來以為深水埗鴨記一般淨係人地去搵下電子零件尋寶的地方，但原來收埋佐間台式野。今日就係朋友介紹之下黎尋一尋寶，講緊既係呢間軟橋米苔目餐廳餐廳無華麗既裝修，反而更加有親切感，而且望一望餐牌，價錢真係好親民，平過而家旺區越開越多既華麗台式店我地兩個人點佐三個小食加兩個黎到必試既米苔目，我其實未食過都唔知咩黎的，所以都幾期待另外再叫佐兩杯特飲，跟餐十零蚊杯，梗係咩都試下佢啦先黎就係三個小食啦，呢份Q彈豆腐都幾得意，佢又唔係一般煎豆腐咁既口感，應該有小小似魚蛋既感覺，幾有新鮮感，都煎得好香口呢份醋茄，點既時候其實都十五十六，但黎到試一試又真係幾唔錯，唔會好重醋味，反而個感覺好清新，好開胃，岩曬夏天做開胃前菜，而且蕃茄好新鮮，又唔會散曬咁，可能因為醋既原因。而我最鐘意就係呢個花雕醉雞豬雙脆啦，真係唔黎都唔知咩係豬雙脆，原來係豬耳加埋豬脷凍食，好滑，花雕味好香，好入味﹗呢個無得頂跟住就黎戲玉，米苔目啦豬腩肉札肉米苔目，估唔到咁足料，我點佐冬蔭公湯底，個味好濃，估唔到配埋落去又幾得意，唔會夾夾不入咁，而最有趣就係個米苔目啦，入口好有米香，口感無狗仔粉咁結實，爽爽地咁，配埋個冬蔭公湯底真係幾正，夠曬惹

近日要去日本專登去深水埗買數據卡， 本身打算黃金商場附近食麻辣薯粉，但咁啱經過間細長型嘅台式麵店， 就入去幫襯下新野。餐廳內張貼的雜誌有好多米苔目嘅介紹，原來老闆亦即係大廚，有台灣親戚傳授佢米苔目嘅做法，所以佢每天都堅持用人手搓製米苔目。 腸米苔目之外老闆娘 亦都介紹 豬潤鴨肉係佢哋最拿手嘅配菜。我就叫咗個 沙嗲湯底 豬潤墨魚丸韭菜餃米苔目 兒童行嘅朋友就叫做鴨肉海帶豬腩肉台灣板條。豬潤厚身爽滑， 韭菜餃皮薄餡靚，墨魚丸中上，最重要係濃香沙爹湯底並非每一間食店都， 煙韌彈牙的米苔目充分吸收咗湯底，非常美味。 大大碗咁多餸都係46蚊。朋友嘅麻辣湯底都好味，鴨肉及豬腩肉果然很不錯最重要係海帶剪開成一條條條狀， 份量挺大。我哋另外再嗌咗三個小食嗰啲小食雖然選擇唔多但每樣都相當不錯。最正個係麻辣牛肉，份量大， 香辣可口， 面有香蔥底有粉絲。花雕醉香豬雙脆係豬耳同豬脷， 花雕醉雞翼就食得多，豬雙脆比較少有， 爽脆口感作為冷盤一絕。 香煎脆皮肉餅食落似炸春卷腐皮內包扎肉，好香口。

深水埗太多野食🤤 好多都食茶餐廳或者車仔面 今次一入鴨寮街見到間比較特別既台式湯面餐廳就試左😋米苔目真係第一次聽 一入餐廳見到四周圍唔同報道既圖片先知米苔目係咩黎 餐廳設計幾得意 好長好長好長😂 餐牌有三個 分米苔目餐，小食，特惠粉面 同朋友一行兩人 一人叫左個米苔目加飲品同其他小食🍢先黎左個台式飲品🍸 芭樂仙草冰同百香果冰 飲落感覺似台灣夜市嘅特色飲品 唔太甜 好重生果味🍎 跟餐加＄15先上咗個小食 花雕醉香雙脆豬🐷 有豬耳同埋豬脷🐽 食落有少少酒味唔太濃 啱啱好 又有啲芝麻係上面 好清新🌿之後有我叫嘅米苔目餐 兩餸只係＄35！所以叫咗貢丸同豬腩肉 豬骨湯底🍜 湯麵都算好大碗仲有椰菜絲係上面 唔似平時得一兩條梅菜係頂🥦 湯底好清冇味精味 米苔目都好特別有啲似銀針粉嘅形狀但係狗仔粉嘅質地🤓 貢丸好有豬肉味 豬腩肉係薄切唔會話好油膩👍🏽但我覺得我朋友個碗比我個碗仲好味😍 加左＄7叫多咗個餸有 墨魚丸 韭菜餃 鴨肉🐦 再加多＄3轉左方魚湯底🐟 超值得一題係墨魚丸非常非常彈牙 仲好食過長洲嗰啲 另外見推介鴨肉就試咗 味道啱啱好 肉質嫩滑 韭菜餃都正正常常 重點係個湯底！以為魚湯會有少少腫 點

之前其實黎過呢間餐廳食嘢，今日又來到深水埗，第一時間我就諗到要再嚟呢度啦！呢一間餐廳以手作米苔目為主打，係全港唯一。講真，係其他地方真係未聽過米苔目，因為上一次黎食米苔目，覺得個面好爽口、好彈牙，所以今日就再嚟食啦。因為上一次已經食過米苔目，所以見到餐牌上寫着有一個叫做台灣客家粄條，所以就試吓呢一樣野。呢個就係台灣客家粄條啦，外型有啲似河粉，但食落比河粉大塊，而且爽、滑！餸菜方面我就叫咗豬潤、鴨肉同埋雲吞。成碗麵好大碗，餸菜都好足！首先要講下個鴨肉先，唔好以為得兩三塊，成碗入邊至少有五、六塊。鴨肉好林，但係又好爽口，應該淹過嚟，有少少味，但一啲都唔咸。好味！豬潤超爽！係超爽！一啲都唔腥，好鮮甜！呢個大家黎到一定要食！小食方面:花雕醉香豬雙脆雙脆就係豬耳同豬脷。花雕味唔算好重，淡淡地，有少少芝麻香。豬耳同豬脷就真係好脆，好爽，做小食一流！烏梅仙草本身以為得餐牌上既飲品，原來牆上都貼左好多。我就揀左呢杯啦。烏梅好香，飲落酸酸地、甜甜地。仙草都幾多，每一啖都飲到！跟粉麵嗌只需加$15呢度野食價格平，味道好，好多都係手作食物，用心製作，值得再黎！

睇店內有介紹老闆去過台灣學廚，睇睇夠唔夠地道先！蒜蓉白肉 $38無咁多油感覺健康少少，辣味唔算重。蒜香就幾濃，係清新版嘅蒜蓉白肉。秘製豬大腸 $28大腸清得幾乾淨，入晒滷水汁味，加菜係底吸晒味，所以塊菜都好好味。蔥花量多，配大腸一齊食更惹味！鴨肉鮮冬菇豬骨湯米苔目 $35台灣叫米苔目其實即係銀針粉，或叫老鼠粉。自家製米香較重，鴨肉就有台灣風味！湯底夠濃，35蚊算係幾抵！蟹肉碗仔翅 $19面頭有少量蟹肉加啲鮮味，都算幾多料！花雕醉香豬雙脆 $22豬耳豬脷都好爽口脆身！加埋少少酒香，如果有酒就一流啦！菠蘿波子汽水 $12櫻花汽水 $19兩支汽水味道像真度都幾高，算係懷愐吓童年啦！

之前係介紹美食的facebook page見到這家主打台灣風味小吃米苔目—「軟橋米苔目餐廳」（下稱「軟橋米苔目」）好評甚多，便一直想試試看，😏 咁啱去深水埗鴨寮街買sim卡，機會黎啦！😎 「軟橋米苔目」裝修簡潔樸素， 店內貼滿雜誌嘅介紹， 原來老闆曾到過台灣拜師學藝， 明顯是走實力派路線呢！😏 米苔目是一種台式粉麵， 在台灣食米苔目的配搭主要是用清湯配內臟。 而「軟橋米苔目」為迎合大眾口味，將車仔麵元素融入米苔目中， 餸菜和湯底可自由配搭，選擇都算多， 有20多款餸， 湯底有9款之多：豬骨、酸辣/麻辣、沙嗲、冬陰公、泡菜、鮮茄、方魚肉碎和喇沙。😲 見不少網上評論都推介喇沙湯底， 我當然不可錯過啦！☺️ 喇沙湯底微辣惹味， 沒有泛起任何油脂，味道相當不錯， 而且湯底本身已附上豆卜和金菇菜， 兩款都是最吸湯的配料， 吸了湯的豆卜最好味，值得一試！😋 米苔目雪白晶瑩， 短小條狀的模樣跟銀針粉有點相似， 但比銀針粉幼長點， 口感煙韌Q嫩，很新鮮有趣的口感。 至於餸菜方面， 我選擇了招牌菜豬潤和韭菜餃， 豬潤爽得黎又夠嫩滑， 完全沒有多餘的腥味， 愛吃豬潤的不可錯過！😏

週末當然要去啲隱世小舖試下啦，真係不枉我大熱天時由街尾行到街頭先搵到呢度！因為門面唔大，所以好易錯過，流咗不小汗水，但一切都係值得的！係老闆娘(應該係老闆娘吧) 細心親切的推介下，簡咗鴨記米粉 及 香煎脆皮肉餅而自己一心想試米苔目，所以自選咗豬腩肉雲吞米苔目 (方魚肉碎湯底)，再後加咗個花雕醉香豬雙脆及凍薑蜜先上鴨記米粉，鴨肉好多，感覺真係好扺食，而且鴨肉好淋好入味！第二樣上的反而係後叫的花雕醉香豬雙脆，要咗多豬耳小豬脷，其實我都知係一早整好一碟碟雪的，但佢地好熱心咁話可以安排，所以我覺得佢地真係好親切，即使上來的是否多豬耳小豬脷都已經唔重要了！花雕味唔算重，加咗小小麻油芝麻，凍凍地，好適合夏天食，值得推介！再黎的係豬腩肉雲吞米苔目 (方魚肉碎湯底)，豬腩肉好好味，雲吞食得出住家味 (印象中好似有寫係自家制的)，米苔目有小小似銀針粉，但又比銀針粉吸味，所以唔使連湯食都好夠味了！係湯底喊咗小小咁囉！整體係唔錯的~最後到的是最早叫的香煎脆皮肉餅，因為知我地等咗好耐，所以老闆娘中途都有主動安撫我地，話要煎得脆要點時間！我地唔趕時間，所以都無咩所謂！趕時間的人，就最好叫其他嘢食會好點了！食落又

這天下午經過深水埗鴨寮街的「軟橋米苔目餐廳」，從外面看似一般粉麵舖，不過以下午茶時間來說裡面的客人蠻多的，看到舖外的簡介說是主打台灣「米苔目」，於是抱著好奇心決定進去試試！看著餐牌，毫無頭緒的我們決定問問店員姐姐有什麼推介，她很詳細地跟我們解釋，原來米苔目是來自台灣的米製粉，外型口感跟銀針粉相似，每日在店內以人手製作，主要配以清湯和內臟，不過餐廳為配合香港人口味加了許多其他湯底、餸和麵類給客人選擇。想也不用想，我們二人都決定要選米苔目來試！小女子選了鴨肉+豬腩肉米苔目，配上蕃茄湯底。首先當然要試吃米苔目，的確有點像銀針粉，不過比銀針粉更彈口，口感頗特別！蕃茄湯底非常鮮甜，飲得出真是用了蕃茄而非茄醬來煲，用匙吃可以一次過吃到大量米苔目和大啖蕃茄湯，感覺十分幸福～另外，鴨肉和豬腩肉的肉質幼嫩，而且都醃得很入味！友人選了豬展+雞肉+絲瓜米苔目，配上豬骨湯底。豬骨湯清得來不會淡，很有住家豬骨湯的感覺。餸方面，雞肉嫩滑，絲瓜也很鮮甜，豬展更是令人驚艷！它並不會像一般餐廳的煮得過久而變得粗嚡，反而是又爽又滑，能夠保留豬展本身的香味，本人跟友人都強列推介點這個，一定不會失望！！「花雕醉香豬雙脆」是用

話說，今日有朋友whatsapp我，約我哋今晚去食米苔目，仲話好好味添！好似我A姐呢啲見多識廣嘅竟然唔識係咩嚟，一於Google下先得！From 維基百科：米篩目源於廣東梅州大埔一帶，因為兩端尖，形似老鼠，客家人慣稱粉為「粄」，因此稱為老鼠粄。後來傳至台灣及馬來西亞，當地客家人稱為米篩目，是指製造時把粉團經過篩子般的擦板，從洞眼中搓出粉條。由於閩南語「篩」近似「台」，在台灣坊間又常作米苔目。於馬來西亞稱老鼠粉，也作米台目。老鼠粄也傳至香港，因「老鼠」之名不雅，當地人以粉條兩端尖，狀似銀針，稱為銀針粉。哦！原來米苔目即係銀針粉。好啦！嘅然講到咁好味，一於去試試先！位於深水埗鴨寮街，兩旁都係賣緊電子零件，門面細細嘅餐廳，如果一吓唔留神，真係行過咗都唔知。不過餐廳內部面積又唔細，空間感仲十足添。店內貼滿雜誌嘅介紹，原來老闆曾經去過台灣學師，難怪店鋪都有地道嘅台式風格，夠哂簡單樸實！蒜泥白肉分為大辣、中辣同小辣，我哋叫咗中辣，每一塊嘅白肉都充滿蒜味同辣味，但同一般嘅蒜泥白肉唔同，口味唔算好濃，食飽再kiss kiss都無問題。香煎家鄉脆皮肉餅兩面都煎到金黃色嘅肉餅，煎得好脆，仲有好香豬肉味，但