十下火鍋

ᴀᴛᴜᴍ旗下的餐廳品牌很多，大多以主題式的靚裝作賣點，食物質素水準亦有保證。.以舊香港懷舊風作主打的火鍋店 – 十下火鍋，店名取粵語火鍋「烚下烚下」之諧音簡單直接易記。.餐廳的記憶點不少，第一必數是其特色落足心思的小裝潢擺設，懷舊的傢俱、屋村牆磚、霓虹燈、牆身手寫的字句，仿佛回到六、七十年代的舊香港一樣。人流很多熱鬧非常，平日晚上到訪全場爆滿，想到訪的食客建議要先訂位。另外餐廳的價錢貼地，很難得地有提供二人火鍋套餐，方便三兩知己食客。套餐鴛鴦湯底也不需額外加錢，每位最便宜 💲328起，食物款式很多絕不欺場，性價滿滿。.➿十下二人套餐 (每位 💲328）湯底選一或鴛鴦✿ 養生豆乳白鍋✿ 十下麻辣鍋.➿火鍋配輝✿ 大刀手切本地牛肉✿ 花雕雞嫩肉✿ 十下三寶滑✿ 鳳城水餃✿ 麻辣鴨血✿ 三星蔥爆貢丸✿ 懷舊果皮魚蛋✿ 蔬菜拼盤✿ 脆炸響鈴❀ 竹蔗茅根 +💲15.✿ 新鮮象拔蚌仔 $138.以二人份的火鍋來說，火鍋料的款式可說是一應俱全，除了打邊爐必備的靚牛肉外，手打滑、丸、餃、炸物、素菜類等大熱必選款式齊備。.牛肉不欺場地提供了本地手切牛頸脊，油脂感不算高牛味濃郁。三款滑分別是蝦滑、墨魚滑，

好像是第一次在銅鑼灣區打邊爐，獻給了這家富有舊香港情懷的「十下」。餐廳裡面一枱一凳都有充滿懷舊感，背景音樂更播放著八九十年代繪炙人口的廣東歌。彷彿踏入餐廳一刻，就一下子由千禧年代回到過去。點餐後便調配個人口味的火鍋醬。和友人點了一個二人套餐享用，食材頗多的。湯底方面選擇了鴛鴦鍋。養生豆乳白鍋：藥材味較濃，湯底材料有鴨血、百頁豆腐、紅棗等等。胡椒豬肚湯：惹味非常的一款湯底，有大量酸菜、豬肚。越熬越重胡椒味，胡辣感會更重，正好合愛吃辣筆者的口味。職員非常留意鍋內的湯量，不時主動加湯。牛肉頗為厚身，有別於以往打邊爐時吃過的薄切牛肉，難怪命為大刀手切。牛肉肉質也頗為嫩滑，而厚度也不會過分影響到淥熟時間。雞肉伴了杞子，感覺層次高了一級。雞肉果真是一塊嫩肉，因為筆者一開始便把整碟倒進鍋裡，到了快完場時，把餘下的雞肉吃掉時，肉質依然鮮嫩。三滑以小圓球造型放在碟上，賣相可愛。職員也會主動詢問是否需要幫忙，但筆者其實好喜歡自己切放下鍋。墨魚滑跟蝦滑都非常彈牙，而牛肉滑比較少有，蠻特別的。平日掃街至愛的果皮魚蛋，想不到可以在「十下」找到！魚蛋彈牙，帶有陳皮香；小小的一粒，不住往嘴裡送。流心粟米丸：咬開是芝

前排天氣突然又轉涼 所以就特登拉左男朋友黎呢度打邊爐 一入到去已經好有懷舊feel 啲枱枱櫈櫈 餐具同牆上面嘅揮春都好有味道Menu見到個二人套餐每位288 啲配料都幾啱食同埋價錢可以接受 所以就直接叫左湯底可以揀單款或者鴛鴦 我哋今次就揀咗個養生豆乳白鍋加埋胡椒豬肚湯 order完之後 侍應就好快手咁拎左一枱醬料過黎俾我哋慢慢揀圖中既上半鍋就係養生豆乳白鍋 一舊舊既蜂巢豆腐浸係湯底入面 藥材味稍濃 而下半鍋就係胡椒豬肚湯 胡椒味超級重 陣陣香味湧過嚟 豬肚既份量好多 大刀手切本地牛肉牛肉夠新鮮 味道濃郁 份量都唔少花雕雞嫩肉落左鍋之後食唔出有花雕味 不過食落好嫩就係真既十下三寶滑有三大舊滑 分別有牛 鯪魚同蝦滑 超級足料好好食 呢碟野令我覺得成個二人餐真係好抵 另外職員又幫我哋片d滑落鍋 等我地唔使手忙腳亂懷舊果皮魚蛋流心粟米丸 三星蔥醬爆貢丸鳳城水餃脆炸響鈴蔬菜拼盤寬冬粉講真其實我都係第一次食呢隻粉 因為平時有得選擇既話 我都會揀其他 今次試過寬冬粉感覺又幾夾 不過我就要煮好耐煮冧左先食到總括而言 呢個普通既二人餐都已經好豐富 性價比高 我地2個人最後都食唔晒 不得不提既係服務態

.話說👦🏻👧🏻有日去咗銅鑼灣打邊爐，一行入餐廳，差啲以為自己搭時光機返咗七、八十年代。餐廳入面行懷舊風，四周圍都有舊式擺設：玩具、收音機📻，甚至未見過嘅雪櫃都有！估唔到食餐飯都可以大開眼界 👁 仲有懷舊金曲無間斷咁播，味覺、聽覺同視覺都有一番享受！.打邊爐最重要係咩？除咗個爐之外就係要強勁嘅冷氣❄咁就四季都可以打得！.我地叫左二人套餐，揀左胡椒豬肚湯同麻辣大紅鍋做湯底。胡椒味夠勁，都有好多豬肚食，而麻辣湯冇得揀辣度，香辣得嚟條👅都會麻痺，平時食開小至中辣嘅我哋好滿意！.套餐包嘅火鍋配料都多，就重點推薦幾樣野食啦👍🏻！.大刀手切牛 • 牛味幾足，厚薄適中，食落一啲都唔韌。.花雕雞嫩肉 • 酒味好香，煮完之後香氣更加提升，而且煮極都仲好嫩滑👅.三寶滑 （臘腸鯪魚滑、鹹蛋黃蝦滑、馬蹄牛筋滑）• 本身係我哋自己刮落去湯到。不過到最尾店員姐姐見我哋整到lea咁hea就主動幫咗我哋，好好服務！.流心粟米丸 • 坊間好少見嘅一款丸。咬落幾醬爆💦而且粟米味好出，有少少似飲緊粟米湯 🌽 。.如果去厭咗酒樓烚下烚下，都不妨考慮吓去十下過返個懷舊金曲夜😆.餐名：十下二人套餐價錢：每位288評分：8.5/10

呢排天氣真係好熱，最岩就係打邊爐啦🙈正如冬天食雪糕，同樣都係咁正🤣.今次就黎到呢間位於銅鑼灣登龍街以懷舊為主題嘅「十下」🙆‍♀️.甫進餐廳，裝潢以復古格調為主，一張張大圓木枱，一個個木凳摺凳，仲有舊式杯杯碟碟紙巾筒，牆上貼上不規則嘅階磚，各式各樣嘅紅色紙燈籠🏮揮春等等，如置身於六七十年代中，像真度極高😍再配上舊式經典歌曲，懷舊氣氛濃郁呢🥰.我地揀左二人邊爐套餐，每人$288 (未加一）已經包含左一個湯底，11款配菜同兩杯飲品。.識食緊係揀鴛鴦鍋啦，一湯兩味，多層味道🙈係五種湯底入面，我地揀左係十下麻辣鍋同滋潤本瓜蕃茄鮮魚湯。.十下麻辣鍋用左十幾種香料熬煮而成麻辣辛香鍋，夠香，夠辣，夠麻👍入面仲有蜂巢豆腐同鴨血，吸盡麻辣鍋嘅精華。蜂巢豆腐吸湯力強，輕輕一啫，麻辣湯汁就流哂出黎，綿綿口感，充滿咀嚼感，而鴨血入口爽滑～.滋潤本瓜蕃茄鮮魚湯呢個湯底都吾可以睇少🤣 足足用左一條鯇魚尾去熬製，再加入本瓜，蕃茄等，湯頭鮮甜。 煲滾一陣後，店員會將魚尾撈起，跟住我地就可以食到嫩滑鮮魚肉啦😍.醬汁方面有莞茜，蒜蓉，辣椒碎，醬油，香醋，麻油，沙茶醬，麻醬同炸蔥～.大刀手切本地牛肉肉質嫩滑軟腍，肉味濃郁而富有

呢間火鍋店想黎好耐啦，今日相約了朋友下午在港島區見面，朋友話好耐冇打過邊爐，所以就同佢黎到呢間充滿懷舊味道的火鍋店試試。這間火鍋店是以六、七十年代的居住環境作主題，朋友見到從前舊式的雪櫃很雀躍，而且還播著這個年代的廣東歌，整個環境都有令我回到這個年代的感覺一樣，很特色!這裡有套餐可以點或是可以散叫，我們決定點了二人餐($288/位)，看上去以為這個二人餐並不會太多，但食食下就發現原來都會食到好飽。胡椒豬肚湯拼木瓜蕃茄鮮魚湯，這裡的湯底非常有味而且足料，胡椒豬肚湯胡椒味超濃，內裡咸菜和豬肚都不少!木瓜蕃茄鮮魚湯，冇諗過真係有成條魚尾係湯入面，蕃茄味濃但也飲到魚的味道。湯X後店員還會幫忙拎起魚，方便打邊爐和就咁食!手切本地牛肉，牛肉味濃，唔會太肥!花雕雞嫩肉，雖然切得有點細粒，但係肉質嫩滑，而且真係食到有花雕酒味!十下三寶滑，相信這個三寶滑是包括了墨魚滑、鯪魚滑發蝦滑，其中墨魚滑食到墨魚粒的爽口，口感不錯!果皮魚蛋，原來果皮魚蛋打邊爐味道都唔錯，而且這裡的果皮魚蛋真係有果皮味!流心粟米丸和三星蔥醬爆貢丸，粟米丸有種飲粟米忌廉湯的感覺，而貢丸的三星蔥味濃!鳳城水餃，內裡有蝦，蝦爽口彈牙，餡料

本來打算去登龍街食拉麵，點知臨時轉軚，走咗嚟呢間十下到烚吓烚吓😆一入門口就傳嚟舊啲嘅歌，連美少女主題曲都有，好有情懷，店內裝潢同碗碗碟碟都係走懷舊路線，好似時光倒流咗咁～我同友人懶得逐樣食材散叫，索性就揀十下二人套餐 每位$288，呢個價錢包咗醬料費，同埋兩罐飲品，如果想轉飲冬瓜茶、酸梅湯等等，就可以加$15有一瓶👍🏻我同友人揀咗鴛鴦鍋：養生豆乳白鍋 & 滋潤本瓜蕃茄鮮魚湯，不得不提，白鍋好重藥饍味，好足料，鍾意藥饍湯底嘅朋友必點！另外嘅蕃茄魚湯，煲滾咗之後店員就主動嚟幫我哋撈起條魚，魚肉好滑，個湯係好似屋企煲嘅湯咁，好有家的感覺🤤💕落完單無耐，食材就hum hum聲送到，好快手，食物種類同份量都對得住個價錢，特別係丸類，每款嘅份量都唔少！大刀手切本地牛肉肥瘦適宜，友人唔食牛，我一個人完全食唔哂🤤花雕雞嫩肉真係無改錯名，花雕味好出，雞肉嫩滑無骨，啱哂我呢啲懶人食，最重要嘅係佢同白鍋嘅藥饍味好match㗎！十下三寶滑有成三大團，份量真係幾多下，每款煮完都好有鮮味、好彈牙啊～懷舊果皮魚蛋嘅果皮味好重，對我嚟講都幾新鮮，魚蛋細細粒，好彈牙，帶有果皮嘅甘甜，係懷舊嘅味道啊～流心粟米丸口感好特別

終於有機會來到十下火鍋，一出𨋢就俾懷舊格仔磚牆吸引住，牆面掛著"十下火鍋二樓"，字體同襯色突顯本土特色。走到店內，八十年代家居陳設、大排檔圓枱、摺凳、地磚，充滿陳舊感。走到最入面，牆壁正中間的霓虹燈最吸晴。檯上的餐具、萬壽無疆碟、塑膠紙巾筒， 貫徹老香港的味道。未食已經先被這裡的裝潢深深吸引住。今日一行兩人，叫咗個「十下二人套餐」每位$288。當火鍋和配料放滿全枱，這個畫面，絕對係相機食先。鴛鴦湯底 （胡椒豬肚湯+清燉山藥菌菇湯 ）湯底用料十足，胡椒豬肚湯入面有好多豬肚和咸菜，唯胡椒味略欠突出。清燉山藥菌菇湯入面包含多種菇菌，冬菇、雞脾菇、猴頭菇等，還有淮山、蟲草花、杞子和紅棗，感覺很滋補, 啱晒愛吃又愛靚嘅女生們。大刀手切本地牛肉鮮紅的牛肉，涮兩涮就食得，肉食落很鮮，牛味頗重。花雕雞嫩肉名副其實只有嫩肉！ 而且全部雞肉已預先起骨，入口滑溜軟綿。十下三寶滑馬蹄牛根滑、臘腸魚滑、咸蛋蝦滑，饀料配搭 有特色。食落新鮮彈牙，很有嚼勁。懷舊果皮魚蛋眾多款魚蛋中，果皮魚蛋魚鮮味最明顯，係街頭小食的味道。流心粟米丸芝心中加入粟米粒，增加口感。三星蔥醬爆貢丸台灣的三星蔥，蔥味濃郁，包在貢丸中，增加香