韓珍 (寶勒巷)

营业中

休息中

都有一排冇食韓國嘢，今次去到尖沙咀「韓珍」直譯即韓國真正的味道，專營乾式熟成牛肉，一般熟成只能做到30-60日，但這裡專業的團隊與韓國梨花女子大學合作研發獨有酵素技術，能把牛肉熟成至90日，稀少珍貴韓珍位於尖沙咀寶勒巷，地點都幾方便易搵，環境都幾大，坐得舒適，冷氣夠✨前菜蝦乾｜泡菜 ｜芽菜｜章魚｜酸蘿蔔韓國菜當然會有餐前小菜，但除咗基本有嘅泡菜、芽菜、酸蘿蔔之外，呢度仲有比較少有蝦乾和章魚，兩樣都好好味✨韓牛橫隔膜1++韓珍所使用的牛是韓牛最頂級的1++級別，油花靚呈大理石紋，吃起來油脂比較甘香，肉味特別濃郁✨濟洲黑毛豬前上肩肉濟州黑毛豬在天然無污染的環境下飼養，運動量大，肌肉之間脂肪含量高，口感充滿彈性，肉質細緻吃起來較有嚼勁✨調味特級牛肋骨牛肋骨配上特調醬汁，輕輕一燒已經香味四溢，牛肋骨口感非常軟腍，經過香濃嘅醬汁調味，不用再點醬汁都已經好夠味✨ 葛根水冷麵 有牛鍵，雞蛋、蘋果、白蘿蔔、青瓜、車厘茄等配料，炎熱嘅天氣，食返碗冰涼嘅葛根水冷麵就最適合，水冷麵條咬起來比較有嚼勁，可依個人喜好再沾點芥末醬或醋，我個人覺得不用點醬汁已經好好味✨朱古力旋風沙冰✨絲絨草莓沙冰面層有香滑嘅忌廉，

🇰🇷又喺香港發現一間正宗韓國燒烤，餐廳有最高級別1++韓牛，亦有韓式熟成牛供應。最近醬油蟹仲升級60%加大版！韓國直送勁多膏大滿足😍💭落完order之後，送上勁多韓式小碟前菜😆最欣賞係佢嘅醃洋蔥，食好多肉嘅時候超解油膩😍另外最common嘅生菜同蒜片都有提供俾你包燒肉食😋 🐮二人韓牛套餐 $1080✰韓牛肉眼扒1++（300g）✰雪花牛肉✰調味特級牛肋條✰釀冬菇伴柚子沙律✰炸蛋疏乎厘✰泡菜炒飯▫️第一次食最高級別嘅韓牛肉眼扒1++，油脂分布好平均，牛味好濃郁，口感亦都好軟熟！▫️雪花牛肉嘅油花超靚，而且入口好軟嫩😍▫️調味特級牛肋條非常惹味🤤▫️柚子沙律好清新開胃，冬菇釀咗海鮮墨魚滑都幾特別。▫️炸蛋疏乎厘好鬆軟，蛋味香濃。▫️泡菜炒飯可以打卡😆店員即席炒飯，用料好足芝士拉絲極邪惡！▫️呢個套餐兩個人非常夠食好豐富！🦀醬油蟹 $348▫️餐廳推廣加大版醬油蟹！比之前大咗60%！全部韓國新鮮直送超多蟹膏😍▫️醬油蟹奉送紫菜牛油飯，本身個飯撈埋蛋黃已經好好食，加埋蟹膏簡直一流，食到停唔到口。🍜葛根水冷麵 $88▫️清新甜甜地嘅水冷麵，食完咁多燒肉同埋醬油蟹，食返個清新嘅水冷麵解膩好重要。🍧芒果益力多刨冰 $9

最近天氣真係太熱～！夏天淨係想食Ｄ清爽既野！一於去食水冷麵！朋友介紹左呢間係寶勒巷既韓國菜，Lunch 都係$68 起，星期一至五每日都有6款定食選擇，亦都可以加少少錢有甜品同小食！🌟 $68 燒肉 + 葛根辣拌冷麵仲連埋前菜同梳打飲品，不過俾錯左水冷麵我😅時間關係就唔再換了，食品質素OK的！呢個價錢既午餐真係無可挑剔了～！餐廳空間頗寛敞，裝修都幾靚！係同一層分為兩間餐廳，隔離應該係同一集團既半西半韓式餐廳，睇價錢應該係高級版🤣臨走時仲俾左張Lunch 集點卡我，食夠10次可以有1次Free Lunch ❣🏠店名：韓珍 (寶勒巷) Hancham Korean Meathouse🚘地址：尖沙咀寶勒巷6-8A號盈豐商業大廈1樓

為於尖沙咀寶勒巷嘅韓珍，地點超方便，暗黑風裝修，座位寬敞，石面枱面有高級感而且好乾淨，呢間仲要係正宗嘅韓珍有2人/3-4人套餐，大致分豬/豬+韓牛/韓牛。我地覺得套餐份量有點多，所以揀左散叫🐮特級牛肋骨 $280一大卷牛肋骨賣相好吸引，無調味嘅牛肋骨牛味香濃，脂肪比例比較低，食完唔會覺得好油膩🐮雪花牛肉 150g $240油脂分布平衡，紋理清晰，輕輕燒至3-4成熟，保留肉嘅鮮味。🐷蜂窩五花腩 170g $180韓燒一定要食一d豬先覺得爽，五花腩兩面燒至微焦，滿口油香，邪惡度爆燈。燒五花腩時會有不少油，食完五花腩店員會幫手用厚方包吸走d油，服務很甜心🧊葛根水冷麵 $88麵質爽彈牙，冷麵汁酸酸甜甜好解油膩，好清新。仲可以自己調教酸度🍧紅豆麻糬刨冰 $108燒肉尾聲當然要食個清新嘅甜品，牛奶冰底嘅刨冰細膩綿厚，紅豆蓉綿綿，麻糬煙韌q軟，加埋黃豆粉同杏仁片更加增加左刨冰口感，最後係刨冰面淋上煉乳。🧉椰子薄荷沙冰 $38沙冰好綿滑，椰子味香濃帶微微薄荷，甜度自然 ，推薦

呢間高檔韓燒餐廳係由GD父母嘅深交開設 GD都有大駕光臨架‼️作為前粉絲嘅我 忍唔住要嚟朝聖打卡📸️.📌EXPERIENCE MENU (2pax)最近出左全新燒肉套餐 肉類高質 而且有超多野食 兩個人綽綽有餘 抵食呀👭🏻.🔎韓式前菜 $free超豐富 竟然有十款咁多: 偏鹹辣嘅泡菜,純香辣嘅特製泡菜,麻醬沙律,韓國腸仔,麻油菠菜,菜乾,涼拌章魚,麻油大豆芽,醋拌洋蔥,香醋漬葉 款款各有特色 仲可以refill架♾️️.🔎APPETIZER1️⃣宮廷九節板-傳統嘅宮廷料理 好精緻✨兩塊軟熟蕎麥餅 配上牛肉碎,翠肉瓜絲,青瓜絲,大豆芽,紅蘿蔔絲,冬菇片,雞蛋絲同紅棗乾 沾上松子醬汁 口感味道好有層次🫓2️⃣炸蛋梳乎厘-原鍋焗雞蛋 切開有蜂巢紋 幾特別🥚雞蛋上枱嗰陣中間半流心 但用熱鍋裝住 慢慢變到好老同乾身 邊邊同底都燶晒🔥味道較普通 似平時爐邊蛋咁 不過多左片鹹香芝士同少少蔬菜粒🧀️3️⃣韓式涼拌青瓜-青瓜夾住蘑菇片,雞蛋絲,甜椒同柚子醬 酸酸甜甜 幾清新🥒.🔎C Pork $6801️⃣調味豬排骨-最鍾意呢款 口感好正 似係梅花肉 瘦肉中帶油花 油脂分布均勻 加埋甜甜鹹鹹嘅醬油 好惹味2️⃣蜂窩五花腩-切成一格格

韓式豬手賣相：🐧🐧🐧🐧🐧味道：🐧🐧🐧🐧豬手非常大份，塊塊都既軟腍又彈牙，每啖都充滿骨膠原精華。加搭提供的配料一齊食用，有辣有酸滋味絕佳。韓式蔥和海鮮煎餅賣相：🐧🐧🐧🐧🐧味道：🐧🐧🐧🐧🐧煎餅超級巨型，用料十足，內餡包含大量海鮮類，例如青口、章魚、蝦等，以及香氣十足的蔥條，咬口幾好，飽肚感一流。甜酸炸雞賣相：🐧🐧🐧🐧🐧味道：🐧🐧🐧🐧🐧炸雞外皮酥脆可口，內裡雞肉新鮮嫩滑，每粒都沾滿濃郁的甜酸醬汁，酸辣帶甘的滋味令人回味，高水準之作👍葛根水冷麵賣相：🐧🐧🐧🐧🐧味道：🐧🐧🐧🐧🐧水冷麵冰冰涼涼十分清新，口感煙煙韌韌，味道酸酸地好開胃😋消暑又解滯，夏日必食👍跟冷麵會附上額外的調味料，可按自己喜好額外加添，超正❤️炸蛋梳乎厘賣相：🐧🐧🐧🐧🐧味道：🐧🐧🐧🐧🐧菜式類似韓國料理常有的爐邊烤雞蛋，但這款採用熱鍋燉調，頂端佈滿超多的拉絲芝士，入口質感既蓬鬆又軟熟，蛋味十足，夾雜著的蘿蔔粒令整體口感更佳，值得一試👍韓式手作雪糕🌟益力多味🌟豆腐味賣相：🐧🐧🐧🐧🐧味道：🐧🐧🐧🐧🐧雪糕味道十分出眾，豆腐味又香又濃，益力多味酸香清新，口感幼滑細膩，甜而不漏，為美味的一餐劃上完美的句號🫶🐧❣️follow 餐廳ig 就可獲贈手

每次食韓燒最正嘅係有好多小菜用黎包肉食😋，呢間韓燒嘅小菜特別之處係有辣嘅炒豆角、南瓜🎃（呢兩樣真係好少見🤩）牛肉拼盤💰320調味烤排骨➕調味烤裏脊➕調味特級牛肋骨鍾意食牛🐂嘅食呢個就最抵食啦，雖然係拼盤但個份量都唔少㗎牛肋骨係呢3️⃣個之中肉質最鬆軟、肉汁最飽滿，而裏脊肉嘅油脂分佈最均勻亦都係醃得最入味嘅，😄最正嘅係烤排骨係冇骨頭全部都係肉黎，而且排骨肉食落好有咬口牛五花肉💰160牛五花個份量好驚喜😺，以為200g得好少，估唔到都有3️⃣0️⃣片左右，牛五花肉嘅肥瘦相間，食落好濃嘅牛脂香花蟹大醬湯💰98用料非常豐富，豆腐、蔬菜嘅份量都唔少，仲有半隻花蟹🦀️，大醬嘅味道好濃郁，但就蓋過左其他材料嘅鮮味葛根水冷麵💰88冷麵係最期待嘅，但最後係有啲失望🙍，個冷麵係癡住曬完全夾唔開，但味道都👌🏻嘅，而且份量超多炒年糕💰98辣度係微辣至中辣之間，個醬都算濃稠，配料都好豐盛，有餃子🥟、蛋餅絲、烚蛋，最正係有大大塊嘅魚餅😍，年糕咬落幾彈牙但有啲啲硬

呢間餐廳選用美國或韓國進口肉類，而冷麵、蔬菜、醬汁同調味料都係韓國貨。招牌菜係「八色珍味拼盤」，以8種調味料醃肉🥓🥗先有多款拌菜上枱，包括有涼拌菠菜、涼拌芽菜、糖漬南瓜、酸漬蘿蔔、沙律菜、魚糕、辣泡菜同生菜，全部都可以無限追加。💗牛肉拼盤 ($320)有3款唔同部位嘅牛肉：調味烤排骨肉質軟滑有嚼勁，牛味最為濃郁；調味烤裏脊油花較多，肉質最軟嫩細滑，牛脂香充足；調味特級牛肋骨肉質最為鬆化嫩滑，充滿肉汁。全部用醬油同生果醃製，加入蔥粒同洋蔥粒，燒出嚟更惹味香口🐃💗護心肉 ($150)即豬橫膈膜同肝之間嘅肉，每隻豬只得少量，油分唔多所以肉質較結實，不過肉味特別濃郁🐖💗醬油雞肉 ($110)無骨雞扒厚肉爽滑，經甜醬油醃製非常入味🐓💗葛根水冷麵 ($88)冷麵質感煙韌彈牙，配料有牛𦟌、雪梨片、酸漬蘿蔔、青瓜絲同熟蛋🍜加入黃芥辣同醋汁，味道酸甜開胃，冰冰涼涼有助解膩🧊

📍#韓珍 📍Hancham Korean BBQ Restaurant #HanchamKoreanBBQRestaurant .🇭🇰香港尖沙咀寶勒巷6-8A盈豐商業大廈1樓🇭🇰1/F., Winfield Commercial Building, 6-8A Prat Avenue, Tsim Sha Tsui, HK.人均消費: HKD500.味道: 👅👅👅賣相: 👀👀👀價格: 💰💰環境: 🌹🌹服務: 👨🏻👨🏻性價比: ⭐️回頭率: 🔆.最近外出食飯意慾好強😅韓珍係韓式燒烤，係尖沙咀寶勒巷，地點都算方便易揾地方好大，入到去聞到陣燒烤味真心餓到一個點🙈但抽風系統比較差，熱到出晒汗，啤酒都好快熱晒🥵.Ⓜ️#香炸雞粒 HKD180炸雞熱辣辣，上面灑咗少許紫菜粉食落好有趣，似麥樂雞多啲😅唔係我想的炸雞，實物與相片不太相同不以炸雞為標準就可以嘅.⭐️#50cm長韓式蛋卷 HKD158蛋卷比我相像中亦唔一樣，蛋比較薄，以為會好似玉子燒咁嘅厚度好薄嘅蛋餅包著好多嘅椰菜絲，上面有茄汁，沙律醬同木魚碎但味道好正，連茄汁沙律醬好開胃，每件都好大份我覺得食得過.Ⓜ️#牛肉眼 HKD250牛肉眼係150g，口感算可

一上到黎呢間餐廳已經覺得佢有韓國feel，播住韓國MV & 歌，而且差唔多所有侍應都係韓國人，服務水平好高。餐廳好大好寬敞，每張枱都有自己私人空間，食得好舒服八色珍味拼盤好吸引呀 😍 我地呢啲牛魔王梗係揀四色五花肉+牛肉啦～ 牛肉已經包咗調味烤裏脊，烤排骨，牛舌，雪花牛肉，仲有8種味道: 人蔘，黑椒，日式燒汁，大醬， 辣椒醬，香草，咖哩，蒜蓉。每款都好出色，肉質都好有水準 👏其實拼盤已經好夠食，好飽，不過我地又想試吓個葛根水冷麵... 好彩有叫咋 😋 好冰涼，好好食呀! 細碗個size 已經好夠，仲可以自己落wasabi 汁或者加醋。不過我覺得咩都唔落已經好好食

真的很久很久沒有吃過韓燒了，今天特別想吃肉，又貪心想每樣都試一下，所以點了一個豬和一個牛肉拼盤。因為肉都是店員燒的，所以都燒得剛剛好，如果自己燒可能就發揮唔到肉的特色了！*豬肉拼盤(豬頸肉/豬頰肉/護心肉) ($280)最近因為豬的疫症都很少吃豬肉，所以今日忍唔住要點來吃。-豬頰肉豬頰肉脂肪雖然多，但肉質較厚實。-豬頸肉豬頸肉是最肥的，但真的忍唔住口食了很多片；肥油燒的時候已經迫了很多出來；豬頸肉很爽口彈牙。-護心肉護心肉肉質細軟，肉味香濃。*牛肉拼盤 (調味烤排骨/調味烤裹脊/調味特級牛肋骨) ($320)-調味特級牛肋骨牛肋骨是三個不同部位，最多肉汁的一款；肉質除了淋之外，油脂味都比較濃。-調味烤裹脊其實是西冷的位置，肉比較瘦；口感會淋一點。-調味烤排骨近骨位的肉都帶多點脂肪，而且肉質會較爽口；調味後更帶出牛肉的味道。*葛根水冷麵 ($68)食太多肉，點一個清涼的水冷麵可以消一消膩；麵條爽滑幼細；冷麵汁帶點酸酸的，所以很開胃。

星期日晚去到依間韓燒店，發現係唔少韓國人既集中地，店員有啲都唔識講廣東話，要用英文溝通，感覺比其他韓燒更地道！我地一行4個人去食，叫左幾款肉同幾個小食share試下叫完野食侍應就比左啲小菜同沾醬我地～依盤八色珍味拼盤係超級抵食！我地4個人係完依一盤都已經飽左一半我地認為燒肉最正宗一定係食五花肉，所以就係三款八色珍味拼盤入面揀左八色五花肉～八卷五花肉有著八款既味道，每款都十分出色，個人最中意係大醬味，五花肉醃得入味但又唔會蓋過左本身既鮮味當時仲有侍應問我地想自己燒定佢幫手燒，咁有專業既就梗係交比佢啦！佢會根據味道既濃淡決定燒既先後次序，每塊都燒得剛剛好然後因為佢每次燒完都太吸引，令到我唔記得左影燒完既相添haha除左五花肉，我地仲叫左牛肉拼盤～牛肉拼盤同樣醃得好入味，其中兩碟仲切到細細條方便燒～我地仲叫左三款燒肉以外既食物：50cm長韓式雞蛋卷，雖然冇認真計過係咪有50cm，但係可以見到個雞蛋卷係好長～～～～雞蛋煮得岩岩好，唔會過熟，入面既filling都好足料！最中意就係啲蟹籽脆卜卜同嫩滑雞蛋一齊既口感食燒肉唔少得就係可以令到冇咁熱氣既水冷麵啦！依度既水冷麵係好正宗既水冷麵，因為佢有附