百味鮮辣蟹專門店 (已結業)

終於可以晚市堂食啦！又臨近母親節，當然搵個藉口去，周圍試菜食好野啦！🤣🤣🤣住近香港大學站好多選擇，最後哩間中餐廳中選。佢地推出新菜式：冰鎮咕嚕骨(需預訂)！！！上抬一盤冰上面有幾舊圓碌碌的咕嚕骨，除左凍之外，有咩特別呢？一啖咬落去，居然外皮居然煙韌！有d 似食拔絲番薯。味道系大小朋友喜歡的甜甜酸酸味，一舊接一舊，要食就襯外皮凍凍地食，會特別香脆有咬口。 而且裡面仲有d熱，口感真係要自己食過先知道。$238蒜香凍螺！！！很喜歡食海鮮，不過得兩個人唔可以點太多，小食就最好啦！聞落有淡淡酒香蒜香，食落螺有螺味，醬汁入味，鮮嫩唔硬，好味！估計媽媽同小朋友老人家都會中意。一開始食唔會停手。$68脆炸乳鴿好味香脆，上菜時見到系原隻，真心有d嚇一嚇。原來廚師想保持原汁原味，想客人用手撕開黎食。哩度服務唔錯，店員當然有俾膠手套同骨碟我地啦！一試真係外脆內嫩，d肉唔會好乾。椰果桃膠雪耳湯水 食到差d唔記得拍照🤣椰子味濃，聞都聞到。桃膠營養豐富，椰果有口感，食得幾包都會食得落。原價$25，疫情下加$15就有一碗。

最近返工比較忙所以好耐都冇嚟食過啦😔～都好掛住呢度嘅食物😋今年同屋企人提早食圍年飯，所以就揀返呢間食，好耐冇食過呢度嘅美食，所以訂位時特別問職員最近有冇新菜式或者需要預訂嘅餸，我話我哋係食圍年飯，佢哋問返大廚，大廚就推介我哋食幾樣特別啲嘅菜式~咁我哋都覺得可以試下，出邊都未必食到同埋價錢又抵食😎家姐話想飲白肺湯，因為屋企好難可以煲到，同埋呢度最近啲客人都好鐘意訂白肺湯飲，呢排興😄原先決定要白肺湯，但臨食前兩日話最近武漢肺炎話都係唔好飲白肺湯😥唯有打去改，咁大廚就推介另一個花膠牛奶燉竹絲雞湯，聽到花膠兩個字就覺得好滋補，所以決定飲花膠湯🤭，另外仲有個魚嘅食法對我嚟講都好新穎，因為從未見過同食過，可能我太年青見識少😂😂之後仲有龍蝦鮑魚同其他菜，我哋6個大人1個小朋友都只不過係叫咗七餸加兩小食啫，居然咁都食唔晒😅😅要打包走人（因為大部分菜式都係好大份，我哋冇諗過會咁大份，真係超抵食）~

今日去左住係西環既朋友到，所以朋友就一早預訂左呢間餐廳比我地一盡地主之誼。芥香雲耳仔同蒜香凍螺 : 個醬汁調較得好出色，而凍螺個醬汁甜甜地之剩又有蒜香，而且螺肉好爽口 ; 椒鹽魷魚鬚都好食，呢三樣食物重點推介。冰鎮咕嚕骨 : 本店生招牌人氣菜式，上枱時已經好吸睛，咕嚕骨底下放了乾冰，而咕嚕骨表面則用上了麥芽糖，睇落晶凝通透。口感特別不過有點癡牙同稍為偏甜，不過都係一道特別既菜式，值得一試。海鮮賽螃蟹 : 雖然幾大碟但味道欠奉，加左餐廳既酷食後味道重奇怪。櫻花蝦醬四季豆炒牛肉 : 味道不錯，可惜牛肉太少。黑松露蛋白炒飯 : 睇落平平無奇，但食落口松露味都幾濃，而且啲米都炒得幾乾身粒粒分明，無出現好黏既感覺 ; 櫻花蝦炒飯就中規中。濃湯龍躉浸菜芯 : 龍躉食落幾爽口彈牙，不過味道偏淡普普通通。

好日都唔入西灣，今次去朋友屋企，佢book左呢間係佢附近嘅百味鮮，話好多小菜都好好食，誠意推介。一睇menu親已經覺得好好味，好有避風堂感覺。炒螺炒蟹，睇見都想食。我等朋友發辨，坐定定等食。一開始黎左兩個前菜先，就係蒜香凍螺同埋麻辣凍豬手。平時好少地方有得食呢d 菜色，已經有6-7年冇食過。個凍螺好好食，今面已經係入晒味，蒜香好濃，秒速清晒。平時唔係好食豬手嘅我都覺得呢個凍豬手好食。佢個汁有d 人口水雞個汁，好香，少少辣，食豬手有d似食凍雞腳咁，食汁多過真係食肉😂之後就有呢個青芥牛立方，呢個好特別，佢有少少似washabi 味沙律炒牛肉粒，一開始好開胃，慢慢就會有washabi攻鼻感覺出左黎。牛肉粒都算好多同埋嫩身唔硬。金銀蛋浸生菜係最有驚起，佢同出面食個d 唔同，個湯可以飲埋，勁甜勁香好好飲。佢入面仲有一條條咸蛋黃，好有口感好好食，真材實料。一定要叫。之後主角就到喇，新加坡炒辣蟹，我地叫少就，辣所以唔算辣，個汁有dd似蕃茄。個蟹肉係極級嫩滑，一d都唔「鞋」。size亦都好合理，蟹夾都有成隻手掌咁大ga.當然仲有我最愛黃金蝦啦，隻隻都好大隻，有5-8.6隻咁多。咸蛋黃香味一上枱就嗅到喇

過左去石塘咀食小菜，這間離香港大學站五分鐘路程的百味鮮，可以地點不是大街，夜晚路人較少，但食物價錢比較貼地，而且質素有保証。蒜香凍螺：螺肉大粒肉質結實，爽口彈牙，有淡淡的酒香，提升螺肉的鮮香味。腐乳炒通菜：通菜炒得翠綠且爽脆，而且切開一小段方便入口，腐乳份量不會太多，咸味適中。避風塘炒蟹：蒜椒炒得乾爽，油份不會太重，蟹殼本身已卜開左，所以食落唔會太困難，尤其是蟹鉗，啖啖肉，蟹肉新鮮而且結實鮮甜。冰鎮咕嚕肉：除左嘩都是嘩，外觀精美，咕嚕肉外層有點似冰糖葫蘆，外脆内暖，肉質嫩腍，不會太酸，不過要新鮮出爐食，凍左外層會較硬。

朋友介紹這間食肆距離地鐵站只需幾分鐘，也算方便。環境乾淨，座位寛闊，侍應招待也很好。之前試過幾次在星期六日想訂位但都滿座，就算今天是星期一也要等到8:30才有位，真的天天都滿座。蒜香凍螺 東風螺很香酒味但蒜味不會太濃，醬汁甜甜地，螺肉很鮮味和彈牙。涼拌三鮮 以青瓜、皮蛋和蕃茄造成的涼拌三鮮是我第一次吃，加上芝麻醬，是一道很清新的前菜。混醬鴨鬆生菜包 切成粒狀的鴨肉、冬菇粒、豆角粒和混醬，再加上新鮮爽脆的生菜，很是美味。黑蒜淮山炒帶子 帶子很新鮮，用黑蒜和淮山來炒都很特別。黃金蟹蟹有很多煮法可選擇，平常我們多數選擇避風塘炒蟹，今晚則想試試黃金蟹。鹹蛋黃炸成脆卡卡很香口，蟹肉很鮮甜而且很多蟹膏，平時起碼要$500-$600的一隻蟹，這裏只需$380，真的很划算。臘味炒菜芯 臘肉和臘腸不會太鹹，菜芯很嫩，炒得剛剛好。芋頭油鴨煲 芋頭很粉，加上椰奶的漿汁很美味，只是油鴨略為鹹了一點。黑松露蛋白炒飯 這道菜剛端上桌已經聞到很香的黑松露味，還有很多菇粒，飯粒很乾身，很特別和美味，但我們實在太飽，所以吃剩的便拿走了。

一向鐘意食蟹既我，今次同朋友一齊黎到呢度食避風塘蟹~~ 見到呢間小菜價錢公道，又有唔同款既蟹食，就黎到呢度啦。因為夜收工，又避免太多人，所以都專登簡左星期三黎食，果然可以即時入座呢~ 太好了~門口寫住左營業時間，同埋一d介紹。入到去，座位好闊落，好好坐。打開menu，即刻比佢menu上面既蟹吸引左，最後我地叫左避風塘蟹，同埋幾款小菜。首先係呢個乾煎豬仔骨，一上到黎已經覺得好香，襯佢熱辣辣既時候食，真係超好食。佢既豬仔骨本身好夠淋身，加上佢調配既汁好夠入味，所以勁香口，真係會好忍唔住一食再食。之後上黎既係 蟹肉扒西蘭花，係一道比較清淡健康既菜，咁就唔會感覺成口都好濃~ 有d清清既味道調節番~上面除左蟹肉之外仲有蛋白絲，咬落去清甜多汁，一路食會有蟹肉既味道淡淡出現，幾特別。之後係呢個，都係超有驚喜既藥膳米酒雞，上黎既時候係望住佢滾緊，即係即滾即上。首先試左啖湯，係超、好、飲！一黎係好有藥膳感覺 + 雞湯味濃 + 米酒既味道係後面慢慢滲出黎，每一樣味道都唔馬虎，唔會覺得無左其中一樣、或者三樣唔平衡。之後再去食湯料，佢有好吸湯既'豆pok'，一咬落去，d湯汁流晒出黎，好滿足！雖然係主打蟹為主既

西環石塘咀，十多年前經常去的一處地方，還記得以前地鐵尚未開通，周遭的食肆都是一些地道小店，跟現時百花齊放的景象，有著很大的分別。最近再次來到這個熟悉的地方，時過境遷，百般滋味在心頭，偶然路過德輔道西較僻靜的一帶，見到一間裝修光鮮的中餐館，以辣蟹為主打菜式，店外貼滿了一些雜誌的推介，內裡環境簡約四正，以啡色為主調的設計，時尚舒服，望望餐牌價錢亦不貴，跟朋友商量後決定入內試一下。餐廳位於香港大學站B2出口附近，交通尚算方便。入座後細閱印刷精美的餐牌，打開的第一頁已見型格的寫著「不時不煮，不鮮不食 」八隻大字，完全表達出店家對食材的嚴謹要求。內裡圖文並茂，除主角辣蟹外，還有頗多其他的選擇，經濟海鮮，家常小菜，炒粉麵飯均有供應，讓人眼花繚亂。叫得辣蟹專門店，這裡有著多款蟹的烹調做法，避風塘、星加坡、辣味年糕、芝士牛油、香葱粉絲、香葉黑胡椒和九層塔胡椒等等，口味多多，價格都只是三百多元一隻，要知道現時外邊吃一隻出名的避風塘辣蟹，最少也要$500至$800元不等，價錢離地，對比起來真的十分吸引，奈何朋友最近身體抱恙，不能食蟹，唯有留待下次再試。鹵水豬耳，豬耳軟韌爽脆，油潤入味，微辣中帶鹵水香，撈上

今日約了在西環住的朋友晚飯，借機逛逛一田，朋友就book定枱在附近食飯。初時以為辣蟹專門店只食蟹，但朋友説這裡也有很多其他小菜。我玩嘢點了都是「蟹」的海鮮賽螃蟹，好足料，有蝦同元貝，份量都幾大，佐飯一流，作為飯桶的我，立即叫了一碗白飯。另外點了蟲草花浸菜心，朋友説蟲草花有益，又可以食點菜，勁好味，個湯勁清甜，極力推薦。雖然我們在辣蟹專門店不食蟹，但也點了蒜香凍螺，螺有咸香味，螺肉又夠入味，也是一個要力推的小菜！作為食肉獸的我，點了迷你炸豬手，有驚喜！雖然影出來似义燒，但皮好脆好香，也是必吃。總括來説，街坊小店，用心製作，份量又大，除了挺著大肚腩走，結果碟碟都吃不完還要打包！

兄弟外國返黎帶左三支美酒， 所以我就專登訂左呢間餐廳品嘗佳肴！炎炎夏日，先來四個冷盤消消暑，開開胃！「麻辣豬手」，「蒜香凍螺」， 「芥苿雲耳」，「冰川鮑魚」強烈推介！增加食慾！！！！主菜：1）金銀蒜茸粉絲蒸聖子皇，超新鮮！2）避風塘炒蟹，料頭超足，勁野味！！3）BBQ 豬扒！4）豬潤浸菜芯， 個上湯好好味， 我飲左成碗！5）黑松露蛋白炒飯， 松露的香味令人難忘！十分滿足的一晚！！！見到隔離枱食炸鱔 ， 上枱成條龍咁， 下次黎一定要試一下！！！