篤篤車 (已搬遷) 新店位置

小編放工一有時間點都會去到元朗搵美食，但有時候唔一定搵貴價野食先叫好味🤤，平民少少既餐廳都可以出乎意料新奇🤯，又有特色。今日小編都唔例外去到元朗食一間與眾不同既車仔麵🍜，點解咁講?因為餐廳用既湯底並唔係一般車仔麵檔可以見到👀，而家就即刻收工走去為大家介紹呢一間「篤篤車」，食呢一款泰式味既香港車仔麵啦😋。✦✦✦✦✦✦✦✦✦✦✦✦✦✦🎈泰國鱷魚湯(小辣) $40鱷魚湯湯底聽個名好多人都以為有啲鱷魚肉食咁😬，但其實原來係養身藥用成份高既一款湯底嚟，飲落去反而同想像中唔同，比較清清甜甜💦，搞到小編狂飲個湯底🤤。另外，入面既款式都係平時去車仔麵檔一樣，都有唔同既配料畀你去選擇📝，而小編就揀咗蘿蔔、炸魚皮同埋比較少有既白蝦仁🦐。白蝦仁每一粒都大粒，就咁數埋都起碼有10粒咁多🤩，其實加$4就有得食，性價比好高👏。呢一款白蝦仁其實少見到會有既配料，所以大家不妨都嚟到點下呢款😮。餐廳亦都推介蘿蔔，蘿蔔鮮甜亦都冇榎😳，好味道。辣度方面，小編就揀咗小辣🌶，其實小辣就已經足夠，如果太辣既話太怕會搶咗本身鱷魚湯既鮮甜味😋，所以小編認為唔洗太辣就可以喇。✦✦✦✦✦✦✦✦✦✦✦✦✦✦有時候清清淡淡既一碗車仔麵已經好

之前都有見過網上有介紹呢間餐廳, 就咁睇名會估係泰國菜, 原來係車仔麵店, 夠哂得意!店內樓底幾高, D燈都幾有thai style.店內座位唔算多, 而且人手唔算多, 所以冇staff派籌叫號, 食客們自律地門口排隊等入座.等待既時間當然係睇下有乜食啦~選擇都算多, 亦好大路.不過最特別係呢個既湯底!鱷魚湯同冬蔭功湯做湯底, 夠哂signature呀!!不嬲都知鱷魚湯有止咳功效, 咁有益, 梗係要試下!!所以我地同朋友都叫左鱷魚湯底~一個小辣, 一個唔辣, 各有特色!唔辣可以試真個湯底, 個湯飲落好滑, 而且帶有鮮甜味~湯底仲有幾款配料: 杞子, 紅棗同菇, 但一D都冇搶走湯底既味~而小辣湯底, 個人覺得更提鮮!十分讚!!!豬腸, 雞腎, 豬皮豬腸: 好入味, 好好食!雞腎: 厚切, 但唔會太un, 亦好夠味!豬腸, 蘿白, 嚮鈴豬腸: 真係好好食!XD蘿白: 清甜, 夠淋~我地叫左個套餐會跟小食同菜.叫左個馬拉盞炒菜心, 夠鑊氣~小食都有幾款揀, 我地叫左雞翼~泰酥炸雞翼(原味)外皮脆卜卜, 雞肉唔會炸到好乾身, 正!薄荷青檸梳打套餐加錢叫左薄荷青檸梳打~好refresh~Over

今日有D事, 下午拎左事假,但返屋企處理事情前, 都要先去醫肚嫁?難得平日下午去食野, 可以冇咁多人,就去D我未試過, 平時又怕多人嫁啦~今日試 - 篤篤車。聽聞呢間野都好一陣子嫁喇, 但一直都未試過, 今日終於有機會試~睇左陣餐牌, 我決定叫超值套餐($67)。但留意返, 本身我2點半去食係有下午茶,如果你叫3餸麵係送冷熱餐飲的~但唔知點解叫套餐貴D反而冇得送,真係有D令人廢解Anyway, 我叫左泰國鱷魚湯底, 要小辣,豬大腸, 蘿蔔同墨魚丸米線~泰酥炸雞翼(原味)同馬拉盞菜心~另外就加$6要左杯薄荷青檸梳打~好豐富豬大腸, 蘿蔔同墨魚丸米線(泰國鱷魚湯底, 小辣)泰國鱷魚湯底wow, 我對奶白色湯底有情意結嫁!!!奶白色嘅湯底一定係正野!!!!可惜我有d後悔我揀左小辣,個辣係唔錯的, 但蓋左個湯嘅原味~下次要記得叫唔辣先得!個湯底仲要有配料嫁!有紅棗片, 杞子同菇~杞子睇得出係靚野來!大粒色又靚~ 係杞子皇?d菇鮮甜又有口感, 我覺得好好食呀!豬大腸呢個都好食! 佢係用滷水滷過的~好入味好林~份量都要幾多~食極都好似仲有咁蘿蔔d蘿蔔好甜好林好好食!但如果大舊d/份量多d就好了馬拉

越來越多一式一樣的連鎖食肆進駐元朗，令我反而更想去尋找美食小店。今日又到良心、美味小店開餐。篤篤車稍為遠離大馬路，但也不難找，沿行明渠就找到。店內約有廿個座位，坐落不覺迫。夜晚都幾熱鬧，有堂食的，也有人駕車來買外賣。湯底有5款，最特別係泰國鱷魚湯、冬蔭公湯、咖哩湯。今晚叫咗個超值套餐 $62，有麵、小食和飲品，好抵食。泰國鱷魚湯米線今次特別揀不辣，可以盡情地飲埋個湯。可以食埋紅棗、杞子，補補氣血。飲落都幾順滑，沒有味精。米線分量適中，配清甜的鱷魚湯最適合不過。配菜-魷魚圈彈牙不韌。蘿蔔炆得好稔，而且吸收晒鱷魚湯的清甜。冬菇炆得非常入味。配菜夠味得來，不會搶咗湯底的風頭。嗜辣的一定要叫這個泰式鳯爪（大）無骨鳯爪沾滿泰式辣汁，正。底下仲有生洋蔥，天然的辣、爽口，越辣越想食。飲品中最鍾意個薄荷青檸梳打。大大片的薄荷葉未飲已經聞到好香好清新的薄荷味，立即提一提神。

自從我帶過過媽媽吃過篤篤車後，她就愛上這泰式車仔麵，每當她不想煮飯的時候，她都會來篤篤車吃個泰國鱷魚湯車仔麵，喝杯蔭荷青檸梳打，她便很滿足。我們通常會選超值套餐，因為包羅萬有嘛，既有麵食，亦有小食(大)，菜及飲品，一次過滿足貪吃的慾望。我自己挑了小辣冬蔭功湯米粉配金錢肚，珍珠元貝和雞翼，還有泰酥炸雞翼(原味)，蠔油唐生菜及薄荷青檸梳打。冬蔭功湯裡香茅，南薑，檸檬葉，青檸獨特的香氣，加上酸與辣柔美的調和，喝上一口冬蔭功湯，令舌尖回味無窮。當然冬蔭功湯不少得海鮮的鮮美，所以我加配珍珠元貝，珍珠元貝肉質細嫩，份量也給得不少。雞翼帶有濃厚的滷水香味，無論是雞皮或是雞肉都滷得入味非常，一口接一口，一吃就很難停下來。至於金錢肚爽口有嚼勁，可口美味，果然沒有點錯它，之前幾次來吃都賣光呢。麵食我煩惱很久選甚麼好，因為多種麵食與冬蔭功湯蠻相襯的，最後我決定跟媽媽一樣配米粉是正確的。篤篤車的米粉十分完整不會細細碎碎，不論是在夾的時候，抑或在吃的時候方便多了，重點是米粉吸附湯汁，惹味極致。金黃香酥的泰酥炸雞翼(原味)，帶點沉的重量，然後我大口咬雞翼，那肉汁卻不斷的溢出，真是太邪惡。口中爆出咔嚓咔嚓的聲響，同

近排天氣異常酷熱，攪到個人成日冇咩胃口，最好就食粉麵類，易入口又容易消化。除左米線魚蛋粉，車仔麵都係我不二之選。剛巧去元朗食糖水，經過篤篤車，就俾個店名吸引左，加上係特式車仔麵店，諗都唔洗諗，緊係入去試新野啦。門口深木色配簡潔既金色招牌，都有少少泰國渡假feel。玻璃窗仲貼滿雜誌推介既專訪，唔怪得平日下午都客似雲來啦。雖然店仔細細，但內裡光猛整潔，連吊燈都充滿泰式風情。有別於傳統車仔麵店，湯底竟然有冬蔭公同鱷魚湯揀，仲有數款泰式小食。我揀左冬蔭公湯底中辣，真係有圖有真相，未食都聞到酸酸辣辣好開胃，湯底仲有香茅、秀珍菇、木耳同青檸，非常足料，一入口未就係冬蔭公湯囉，就咁飲個湯都得呀。配料我揀左專索湯汁既豬皮、響鈴同豆卜。豬皮冇毛又夠爽、豆卜夠淋夠索汁，最正係響鈴，大大件夠晒脆，我慢慢影埋相先食，都唔會浸到軟晒。朋友叫左鱷魚湯底，表示湯底同去泰國飲到既味道都相近，清清地味道鮮甜。呢款湯就算去泰國餐館都未必有得飲呀。泰式鳳爪，鳳爪好爽口，個汁酸酸地咁又夠惹味，連索晒汁既配料都好好食。香脆炸魚皮，真係好誠實喎，夠晒香脆，又冇油益味，原來配千島醬可以咁夾，我都係第一次試咋。薄荷青檸梳打，一睇就知

驟眼睇以為係一間普普通通嘅車仔麵檔但原來內有乾坤🧐🧐佢其實係一間好正宗嘅泰式車仔湯麵堅持食材都係選用最好嘅正宗之選個湯啖啖都係心機之作 湯底味道出神入化啲餸既新鮮又大件夾抵食細細舖位環境闊落乾淨 有table 有面牆單人座細心聆聽背景有播放泰國嘅流行曲🌈🌈 人氣都幾旺 去到差唔多坐晒人 但係唔會好嘈環境清幽安靜 好舒適 🌱外場有個靚女姐姐serve客人 佢好勤力抹乾淨啲枱💁🏻‍♀️我哋叫左「3餸set」（$62）個set包含：麵x1、小食（大）x1、菜x1嘢飲可以加幾蚊有埋首先出場嘅係 主打1: 冬陰公湯揀咗跟白蝦仁、豬大腸、芝士丸首先冬陰公湯底非常香濃酸酸辣辣好開胃 辣度可以自己揀我揀咗小辣 唔會冇乜味 佢個辣度好符合我嘅期望 又辣又香食得舒服唔會嗆喉/搞到條俐好痛 酸度都平衡得好好GOOD!!特別推介依個白蝦仁 唔好以為佢係嗰啲臭臭地嘅細蝦乾🦐其實佢係好似河蝦咁嘅口感 大大隻 爽口彈牙 好新鮮嘅蝦肉！重點係佢放左超級多😍成碗都係 好抵食！只係需要額外加兩蚊大推另外推介嘅有豬大腸佢比起我哋一般出去食嘅大嚿好多 好滿足🤤而且清得好乾淨 入囗一啲怪味都冇如果真係要挑剔就係有啲會比較肥 味道

今日相約友人到大棠，到元朗揾個地方先行醫下肚先，近排得悉有間新派的泰式車仔麵一定要試下先先點返個車仔麵泰國鱷魚湯配米粉，點選了幾款餸，珍珠元貝、魷魚圈、蘿蔔、金錢肚、豬大腸、牛筋，湯底有杞子、紅棗，十分足料，最緊要係鱷魚湯含有豐富的骨膠原俾我補一補泰式x車仔麵，豬大腸入味，羅白夠淋，牛筋夠滑口湯底堅足料到泰式店舖又點會錯過「泰式鳳爪」小食，少少辣，但很清新的味道「網紋春卷」很脆口，配上酸甜醬食份外惹味「薄荷青檸梳打」清新醒胃有各式粉、麵任均選擇，又有不同的辣度任你選擇

呢陣子係網上平台見到元朗有一間車仔麵以泰式湯底為主...攪到我又心郁郁想去試下....同埋位置一點都唔難搵，係教育路大坑渠附近....地方環境雖然唔算好大...但都係企企理理薄荷青檸梳打：青檸梳打配上薄荷葉...有清清青檸味道配上淡淡既薄荷味道....味道分明由於我當日剛剛病好..所以只能選擇食得清啖點...😔😔車仔麵配上了蘿白、豆卜、冬菇、珍珠元貝...而友人當然選擇了呢度既主打....泰國鱷魚湯！湯底味好鮮甜....食麵之餘仲可以連湯一齊飲埋....炸雞翼...炸得好酥脆....脆卜卜....配上泰式辣醬....

車仔麵通常都以講求快靚正，填飽肚子為主，所以曾經被叫做嗱喳麵。之不過，喺樣樣嘢都講求質素嘅世代。車仔麵都要upgrade啦！ 今晚就去咗元朗依間標榜食泰式風味車仔麵的篤篤車。環境不算大，大約可以坐廿位，裝潢簡潔。湯底除左常見嘅牛腩湯同清湯，仲有特色泰國鱷湯、冬蔭公湯俾你揀。配餸選擇亦相當豐富。泰國鱷魚湯(小辣)河粉 (3餸麵)(白蝦仁、墨魚仔和冬菇)湯頭係成個麵嘅亮點。有別於印象中重藥材味的鱷魚湯，依個泰國版🇹🇭的鱷魚湯順滑香濃，加咗杞子和紅棗，帶點甜味，卻又不會有藥材的味道，飲落鮮甜、滋潤，無加味精。河粉軟硬適中，吸收晒濃濃的湯頭，入口滑到「雪」一聲。 白蝦仁🦐肉質彈牙，白灼更能食出海中鮮味。再飲返啖湯，估唔到喺元朗食個車仔麵都可以有去咗泰國的感覺。白灼墨魚仔🦑細細粒，一啖一粒，爽口彈牙，增加趣味，仲好好味。冬菇炆得好入味，好腍，味道帶甜。秉承車仔麵的精髓好味，簡單，實在。*食完個麵記得飲曬碗湯啦！嘅可以補氣血，又補充骨膠原。薄荷青檸梳打食完辣嘢，最啱飲杯味道清新的薄荷青檸梳打降溫。老闆毫不吝嗇，加入大大片的薄荷葉，提升了飲品的清涼感，薄荷葉仲可以提神、解胃腸鬱悶。食過新派fusi

今日喺元朗試試另一間車仔麵，位置喺馬田路舊B仔對面。入到去店員殷勤地招呼就座，就座後望一望Menu，見到有唔同湯底選擇，分別有泰國鱷魚湯、冬蔭公湯、牛腩湯、咖喱湯及清湯，而辣度亦有分。鱷魚湯底車仔麵真係未試過，咁今次即管試試。我哋叫咗兩碗油麵，餸方面第一碗叫咗豬腸、冬菇、蘿蔔、豬紅同炸魚蛋，另一碗就有金錢肚牛腩同芝士丸。另外加多一客炸雞翼及兩杯薄荷青檸梳打。食物大概等咗8分鐘就到，未放底已經聞到濃濃湯底香味，一放底時已急不及待要試一試個湯。個鱷魚湯好濃，配上杞子甜甜地。跟住就要試下個麵，麵底淥得幾腍，食落幾爽口㗎！啲餸方面，個金錢肚做得好入味，咬落一啲都唔靭，另外魚蛋同冬菇都幾彈牙喎！其次牛腩方面，個人喜歡呢個食法，因好似食緊牛肉乾咁。豬紅豬腸亦係一個唔錯選擇，因為食得出新鮮。泰酥炸雞翼炸得恰到好處，皮脆而內𥚃夠熱，再點點個甜酸醬，可以話係完美組合。最後杯薄荷青檸梳打真可推介一下，全因杯內有唔少嘅薄荷葉，薄荷葉嘅味道亦將青檸梳打嘅味道帶出來。篤篤車無論食物與飲品都有一定嘅水準，呢間車仔麵小店一定會再去幫襯~