雞駅花膠雞米線專門店

营业中

休息中

由佢啱啱開業史努比已經bookmark咗結果拖拖下 拖到而家先去🤣🤣因為佢長期排長龍呢間嘢真心勁誇張 無論系中午定夜晚都排長龍排到癲唔早啲去就有排等架啦🫣好彩史努比醒目 5點幾未到6點就即刻去坐低咗冇耐 一搭正6點佢就開始排隊啦😂嚟到梗系要試下佢哋嘅signature花膠雞米~👍🏿招牌花膠雞米線 $68湯底呈奶白色 不過望落都好清 睇表面冇乜油👍🏿飲落清甜 有淡淡嘅雞味而唔油膩😚米線軟硬度適中 開頭食帶少少煙韌即使浸耐咗都冇話變到淋晒~不過唔知系咪史努比唔好彩 呢碗嘅雞件佢比親都系雞胸/雞翼雖然冇加錢轉髀但都唔使全胸掛🫣份量就好足嘅 計埋翼都有6件雞左右不過雞胸唔系好夠滑(史努比食開雞胸 知點先叫滑🤭👌🏿)部分偏鞋口 某部分就滑啲但都未稱得上系好嫩嘅雞胸🤔另外有唔少花膠 木耳同蟲草花木耳好爽脆 索咗啲雞湯幾好食!花膠就略嫌偏硬身 同埋口感唔似花膠 不過唔肯定佢系咪鱈魚膠所以唔敢亂講🙌🏿淨系知如果炆淋啲再軟滑啲會更加好但呢個價錢有花膠都唔會expect太多~因為雞件所以令到佢低分咗 但亦都因為湯同米線令佢tone返高啲🤣味道: 8/10性價比: 8/10👍🏿藥膳黃酒花膠雞米線 $68呢碗

觀塘一直都係花膠雞米線激戰區，雞駅在其中就做到非常出色，除左花膠雞外，其他口味都做得唔錯，今次就試左超補身藥膳黃酒花膠雞!!😚- 藥膳黃酒花膠雞米線 HK$68 🍺🐣🍜冬天補身之選!!湯底黃酒味道濃郁而不失平衡，花膠落得非常多，令到湯底充滿濃濃膠質超養顏!!雞肉煮得非常滑嫩，雞味非常濃厚超正!!蟲草花、紅棗及木耳等配料令整個湯底味道更加豐富，食落都覺得暖身!!米線亦煮得唔錯，微微彈性不會過爛，麵質滑順!!冬天食呢碗一定暖粒粒，夏天食就可以補身!!- 麻藥雞拌麵 HK$68 🐣🍜

觀塘多好嘢食就係人都知啦，每當lunch time或者夜晚食飯時間觀塘就會好多人，尤其是喺駱駝漆大廈，今日就嚟到駱駝漆大廈好出名嘅雞米，雞駅度試一試，駱駝漆大廈嘅一樓都算大，但係指示都尚算清晰，出咗lift之後轉左一路直行到尾就到啦大概夜晚7:30嘅時候嚟到，就已經見到好多人排隊，間舖位置唔算多，但係流動都算快，等咗大概30分鐘左右就入到去啦佢有唔同嘅雞嘅米線，你仲可以揀米線揀飯揀米粉，亦都可以加$5轉上海麵，或者加$10轉脾位，亦都有酸菜魚，咁嚟到雞米就梗係食雞啦，佢仲有個期間限定嘅花膠雞煲翅飯，但今日有啲想食啲補啲嘅嘢，所以就嗌咗一個藥膳黃酒花膠雞米線同胡椒豬肚雞米線，仲嗌咗兩個小食，麻藥蛋金磚豆腐藥膳黃酒花膠雞米線手機落單大概5分鐘就有嘢食，黃酒味好香，飲落去淡淡酒味，唔會濃到苦亦唔會淡而無味，加埋啲藥材味，令人係咁飲個湯，感覺好補有2嚿都幾大嘅花膠，仲有6大嚿雞，每嚿雞都好嫩滑，可能臨近閂門時間都偏向係脾位，唔會話好鞋，好似食緊海南雞咁，米線就係偏硬，但係啲湯係冇味精嘅，我飲晒都唔會頸渴，鍾意藥膳黃酒嘅一定要嚟試吓胡椒豬肚雞好驚艷到我，雞都係同樣嘅嫩滑，豬肚有好多舊，大嚿得來唔

「雞駅」主打的雞湯膽，主材料有三黃雞、西施骨及豬筒骨大火熬製，時間需要剛好，才不致令湯頭混濁。 (1)藥膳黃酒花膠雞藥膳湯底聽感更為養生。用雞湯膽做主調，再加上杞子、當歸、白芷、川芎等藥材，在冬日季節食用可補氣益血。 (2)花膠雞煲翅 鱈魚膠不算厚身，但肉質非常有彈性。除了花膠雞外，還有雲耳、蟲草花作點綴。抿一口淺奶白色的雞湯，香甜而溫醇。店內位置不多，若20個座位，但尚算寬敞，環境亦潔淨。速度與雞情，享用完都要快快讓座。

IG : Eattobefit.hk💪🏻 招牌花膠雞米線 ($68)雞湯米最重要係個湯底！而呢個濃雞湯飲落好鮮甜，好鮮味😋 亦都好濃雞味，飲完喉嚨會覺得好舒服☺️ 而且雞肉份量都好充足，雞肉肉質好嫩滑，唔老柴，雞味都好香濃！米線入邊都有3-4舊花膠，花膠幾爽口。米線係爽口嘅質地，同湯底好夾。另外仲有啲蟲草花、雲耳等等嘅配料。💪🏻 藥膳黃酒花膠雞米線 ($68)湯底嘅藥材味好濃，上枱已經聞到藥材香。湯底飲落都好香濃藥材味同黃酒香😍 同花膠雞米相比係另一種風味。 呢個米線入邊都會有花膠🤪💪🏻 金磚豆腐 ($44)用滑豆腐炸，主要用椒鹽調味。豆腐好嫩滑，亦炸得好香口，一啖一粒好方便食！味道：8/10性價比：8/10 食住瘦指數：💪🏻💪🏻💪🏻💪🏻/5

觀塘工廈區一向多好嘢食，今日試咗呢間駱駝漆新開嘅雞駅花膠雞米線專門店，很不錯，！招牌花膠雞米線 $68花膠有幾舊，雖然唔係誇張嘅大大舊，但係爽口得黎有啲膠質係出色嘅表現。而且雞件唔係好肥得黎，嫩滑好有味。米線份量岩岩好，湯底係清雞湯，飲曬啲湯係對廚師嘅尊重。藥膳黃酒花膠雞米線 $68淡淡嘅藥膳黃酒味，但係湯底偏鹹少少，相比起招牌花膠雞重口味啲！不過男朋友中意藥膳湯底多啲，同樣雞件都係好好食。加$5可以轉上海麵，麵質剛好，有啲咬口，唔會太淋。香草牛油雞翼 $42新鮮整好，加埋黃牛油汁，味道好特別，有5隻CP值唔錯。整體黎講，工廠大廈入面一間隱世高質花膠雞米線餐廳，CP值幾高。

去開駱駝漆大廈呢座同層嘅舖頭買嘢，順便食個靚飯～ 原來呢度都幾多餐廳，其中一間就係呢間花膠雞米線專門店 - 《雞駅》🤤見到花膠雞就覺得好吸引🤤 望入去發現平日放工時間7pm左右全店滿座，需要搭檯，睇嚟質素應該唔錯先有咁多人食！😂餐廳主打各式各樣雞米線，主食可以選擇米線、米粉或者飯，加$10可轉雞髀。另有擔擔麵、辣米線&雞飯類同埋各款雞翼、小食。============ヽ(○´∀`)ﾉ♪藥膳黃酒花膠雞米粉 $68（轉雞髀+$10）⭐️推薦🫶🏻 個湯熱辣辣好好飲，藥膳味同酒味都好濃郁，花膠算厚身仲有3、4舊，成隻雞髀上好滿足，肉質嫩滑🤤椰子雞米線 $60 ⭐️推薦🫶🏻 椰子雞湯比較奶滑，香濃嘅雞湯味，一樣都好好飲🤤 雞件無轉到雞髀不過都一樣嫩滑！份量多！桿匪雞翼 $42好香嘅胡椒孜然味，雞翼炸得香脆，入面juicy唔會乾柴柴👍🏻

試左藥膳黃酒花膠雞米線 $68, 湯底偏苦😣(可能川弓較多, 唔小心米線會同川弓一齊夾到入口😱)無黃酒香味, 少咸, 雞有7舊, 但唔算滑, 兩舊花膠, 微腥可接受,米線偏少,女仔都唔夠飽😢 可能當日得3枱客, 只開一部冷氣, 有d熱,樓面阿姐全程黑面, 無咩禮貌。 樓上二撇雞無開,見佢新開所以試下。 可惜唔岩口味😔

天陰陰，濕淋淋既天氣令人想食d熱野，最好有湯喇……咁就黎左呢到喇！我同同事叫左：(1) 招牌花膠雞米線 $68呢個送到上黎，第一時間試下個湯先，湯夠哂熱，濃濃既雞湯味，好好飲wor！食舊花膠，咁既價錢，花膠一d都唔細，都算厚身，仲有3大舊，至於雞呢，就好嫩滑又有咬口，份量又多，差d食唔落蜜糖雞翼！(2) 藥膳黃酒花膠雞米線 $78呢個個湯底仲要好飲過招牌個碗，濃烈既藥材味，加上酒香，飲完連個人都醒哂，驅走哂濕濕淋淋既感覺，同招牌米線一樣，雞同花膠都好多，完全無將貨就價！(3) 蜜糖雞翼＄42貪心叫左小食，差d食唔哂！不過如果無叫，我覺得會係一大損失，因為雞翼皮脆肉嫩，仲好juicy，蜜糖漿包哂隻雞翼，好食到不得了！觀塘有幾間雞湯米線，我覺得雞駅係最出色既！