逸東軒

餐廳位於香港逸東酒店地庫, 欠缺咗氣派海景, 樓底比較低, 但贏在價錢相宜 (同級酒店中菜廳比較), 店內用深色木家俬再加水墨畫, 有中式古典美叫咗茶就有埋前菜同豆瓣醬, 用埋佢蘸蒸嘅點心感覺真係有昇華, 要試!!帶子蒸燒賣 - 燒賣彈牙無豬膻味同過多肥豬肉, 加上嫩滑帶子就更加鮮甜蜂巢海鮮芋角 - 外層非常鬆脆, 內層芋頭蓉非常綿滑, 如果餡料海鮮粒多D就更佳馳名燒味雙輝 - 大餐牌先有, 雙拼指定咗係燒腩同叉燒, 2款都係呢到名菜, 食到豬肉應用有嘅香味, 半肥瘦叉燒非常軟糯, 蜂蜜香甜、邊位焦香無苦味;  燒腩仔同樣出色, 脆皮再鬆化D就無得鼎香煎黑魚子粢飯 - 粢飯煎得超香口, 有D似煲仔飯飯焦, 除咗粢飯面有墨魚籽點綴, 入面都有少少墨魚粒, 略嫌當日煎得比較乾身少咗煙韌 春風得意脆皮腸粉 - 腸粉嫩滑春卷脆口蝦肉彈牙, 跟埋甜醬麻醬, 加埋感覺似炸兩更錦上添花整體食物質素符合預期, 價錢合理, 會想再嚟試試晚市小菜

逸東軒閒日會有優惠，中午點心$38起，晚市就有8折，不過記得提早book位呀！有時平日都會有好多人！而假日就沒有優惠。環境空間大，枱與枱之間有距離，裝修優雅，具古典氣氛，適合同朋友或者屋企人休閒地飲茶，吹下水！脆皮流沙包🍞 $48外脆內軟，食落去包皮有脆香味，夠哂熱，咬落去有流沙既感覺，鹹蛋黃流沙，食到津津有味！帶子蒸燒賣🧆 $38帶子味道鮮甜，嫩滑爽口，再配上豬肉為主的燒賣餡料，彈口又有咬口。原隻鮑魚京蔥和牛酥🥧 $78上面有原隻鮑魚好大隻，炆得好淋，夠哂足料，而和牛碎和醬汁係酥皮中，食落口感豐富，帶有鮑魚嘅鮮甜，又有和牛的香味，必食！！😋XO醬炒蘿蔔糕🍴 $58炒得外層好香脆，又帶有XO醬微辣的香味，但仍保留蘿蔔糕的味道，不錯！蜂巢海鮮芋角🥠 $38外層好鬆脆，唔會話有好多炸粉同好油膩，內層有大大啖的芋頭蓉和芋頭小粒，好飽肚。逸東小籠包🍲 $48每個小籠包都有一隻匙羹裝住，非常方便食，一咬落去爆出滿滿既肉汁，好香好味！招牌叉燒腸🥢 $58腸粉皮嫩滑，夠哂簿，內面有叉燒碎、蔥，再配上甜豉油，令腸粉又香又滑。整體來講，環境空間一流，服務態度良好，閒日點心抵食，難怪被譽為米芝蓮一星，約朋

最抵食米芝蓮一星❓前排去咗逸東軒飲茶🤤大部分想食嘅點心平日只係$38/$48 賣相味道精緻 有機會想帶長輩encore下！✨脆皮流沙包💰HKD48（Rating：8.3/10)自首先 放咗段時間先食所以表皮開始變韌冇好脆🫣但依然好味 之前食過其他脆皮流沙包 呢個比較下明顯冇炸過頭 體積唔大但炸面薄薄的 油膩感唔重👍餡料有沙沙口感🤩我係鹹蛋黃>奶黃嘅人 所以喜歡！✨杏香蘿蔔絲卷💰HKD48（Rating：7.6/10)未試過嘅口感 欣賞春卷皮上加杏仁片 令清新度上升不少 脆感得以保持 蘿蔔絲夠多亦香甜 不過食得多略膩 ✨筍尖鮮蝦餃💰HKD38（Rating：7.5/10)賣相飽滿 大大粒蝦 彈牙新鮮 皮唔會太厚唔硬 微微煙韌 恰如其分嘅味道 鍾意蝦餃就會鍾意！😂✨蜂巢海鮮芋角💰HKD38（Rating：8/10)幾鐘意呢個！蜂巢狀脆皮酥脆唔油膩 包住軟綿微鹹芋泥 正中有啲碎蝦雜錦餡 帶芋香亦有層次感 鹹甜得宜✨春風得意脆皮腸粉💰HKD55（Rating：7.4/10)呢個等得有啲耐 為等佢令到其他放涼咗🫠可以想像 就係滑腸粉同鮮蝦春卷結合嘅豐富口感 加埋豉油 點下甜醬芝麻醬 co

好食既中菜好少見 呢間係米芝蓮一星又黃又抵又高質既中菜 今次趁平日lunch去飲茶 食物質素服務態度甚至環境都幾好 (記住book位!)・帶子蒸燒賣 $38 ⭐️steamed pork dumplings w/ fresh scallop帶子好香 幾搶fo 再厚身啲就好 豬肉燒賣正正常常 ・春風得意脆皮腸粉 $55 steamed rice rolls w/ crispy spring roll and prawn腸粉包住春卷 腸粉皮好薄 存在感較低 (個人鍾意厚身少少) 中間春卷保持脆身中間再夾住蝦🦐 口感好豐富・蜂巢海鮮芋角 $38 ⭐️deep-fried taro puffs w/ assorted seafood啖啖芋蓉 仲帶有芋頭粒 欣賞內餡比例多!! 而且外皮好鬆脆 唔會過厚 唔會過份油膩 難得一見好食既芋角・燕窩瑤柱菜苗餃 $48steamed bird’s nest dumplings w. conpoy and vegetable 用上最愛既豆苗 如果多啲瑤柱就好 同埋個皮好淋 可能中間既餡出水 所以會有啲散・明爐蜜汁叉燒 $238 ⭐️signature honey-

book到頭輪時間，11點開門，用餐時間90分鐘，12點就last order，12:10pm叫你埋單。先不論成個過程好趕，食物的質素亦令我好失望。米芝蓮的中菜食府，呢個價錢當然吸引唔少人，的確係好相宜。⚂XO醬煎腸粉⚂點心唔夠熱係死罪，似乎係輕輕喺煎pan翻熱便上碟，XO醬味亦欠奉。⚂金沙脆豆腐⚂都係唔熱的，但內裡的豆腐至少好軟滑，但調味好淡，講不上惹味。⚂筍尖鮮蝦餃⚂最熱係呢籠，皮好薄，蝦亦爽彈。⚂帶子蒸燒賣⚂好普通，豬肉好實，亦唔夠味。⚂原個馬拉糕⚂鬆鬆鬆，鬆到就黎唔成形，少少咬口都冇，好似蒸左好多年咁。⚂蜂巢海鮮芋角⚂找不到海鮮...芋泥味好淡，雖然細粒，但好油。⚂春風得意脆皮腸粉⚂呢個比較有趣的組合，裡面包住春卷，都幾好食。但叫左呢碟就唔洗叫春卷。⚂招牌叉燒腸粉⚂最正常發揮，但皮係偏厚。⚂海鮮鹹水角⚂出面一般屋邨酒樓都做到的質素，但起碼夠熱。

我覺得逸東軒嘅蒸點出色，食得出係即叫即蒸，熱辣辣上枱。不過煎炸點心相對遜色，溫度微暖，唔夠熱。👍🏻燕窩瑤柱海皇灌湯餃個高湯好清甜，一D油膩嘅感覺都冇餃子皮薄嫩滑，餡料豐富，燕窩、瑤柱都落足料，仲有大蝦令成個灌湯餃更鮮味😋😋😋這個點心高度推介！🥇👍🏻帶子蒸燒賣帶子同燒賣非常夾，蒸嘅時間啱啱好，帶子唔會靭，如果再厚切啲就更好喇 😏👍🏻招牌叉燒腸粉（走芫荽）腸粉皮嫩滑，叉燒瘦得嚟都夠’淋‘！有得選擇走芫荽，非常窩心❤️ 呢個細心位，對我嚟講相當重要，因為喺其他地方食點心，好多時叫咗先發覺入邊啲餡料有芫荽，有時即使問咗侍應，佢哋都未必答得出，好多時候會浪費咗食物！👍🏻蒜蓉鮮蝦春卷春卷皮脆卜卜，春卷內嘅蝦爽口彈牙🦐🦐，蒜蓉味剛剛好，唔會搶咗蝦味 雖然係煎炸點心，但食完都唔會覺得油膩同滯蜂巢海鮮芋角上菜嘅時候唔夠熱，影響咗蜂巢嘅鬆脆感，芋頭蓉再多D嘅話會滿足D～ 🤪杏香蘿蔔絲卷加咗脆脆嘅杏仁片令口感豐富咗，不過我都係鍾意傳統嘅蘿蔔絲酥卷多D～ 鍾意杏仁味嘅朋友值得一試😉食店環境舒適，服務員有禮，不過用膳時間限1.5小時，要嘆茶嘅話就有D趕！🏃🏻🏃🏻

一直想試試米芝蓮飲茶 究竟係咩回事 係冇訂枱嘅情況下 準時11點到餐廳 最後11點15分入座 全場爆滿 高朋滿座 兩個人 七個點心 捧住肚腩走 開心 點心由$38至$78不等 豐儉由人脆皮流沙包 $48 造型特別 小皮球一樣 咬落去脆口 之後爆流沙汁 口感有啲似小籠包 噴汁嘅感覺 有驚喜蜂巢海鮮芋角 $38出奇地中間有好大粒蝦 真材實料 芋頭蓉好滑 外層酥脆 比出邊酒樓好食筍尖鮮蝦餃 $38因為食唔起$78晶瑩龍蝦餃皇 所以叫左個平嘅蝦餃 正常發揮 帶子蒸燒賣 $38呢個有驚喜 因為小妹未食過有帶子面嘅燒賣 一定要配埋逸東軒嘅辣椒醬食 口感一流燕窩瑤柱菜苗餃 $48菜苗非常足料 有一絲絲瑤柱喺入邊 同樣建議配辣椒醬食 由於其他點心太好味 個人覺得依個一般🤭 春風得意脆皮腸粉 $55腸粉皮再包春卷蒸 都做到酥脆感覺 入邊炸春卷冇因為腸粉皮而變淋 勁 強烈建議一定要叫 就咁加少少豉油已經好好味 蒜蓉鮮蝦春卷 $38好大粒蝦 幾乎淡淡都係蝦 口感好足 滿足後記 本身前台話用膳時間75分鐘 我地最後走 侍應都冇趕我哋走 米芝蓮確係唔同啲

舒服飲茶嘅好地方➖逸東軒🫖最近逸東軒做緊優惠 點心特價大部份都係38/48 佢係連續五年拎到米芝蓮一星嘅中菜食府 環境都坐得好舒服🦦〰️帶子蒸燒賣 燒賣係新鮮燒賣 唔粉 但同帶子一齊食無乜特別 同平時酒樓嘅燒賣王差唔多〰️脆皮流沙包本身係想食好多人大推嘅流沙酥 但見餐牌無 可能係自己睇漏眼😔叫左流沙包試下 係貨真價實嘅流沙饀 但係包唔脆同唔夠熱 無脆皮嘅feel〰️蜂巢海鮮芋角呢個大推！！！好鬆脆 入面嘅海鮮饀鹹鹹地好夾👅太肚餓手快快食左招牌叉燒腸粉同鹹水角無影到🥺叉燒腸粉好滑好好味 鹹水角就不過不失👉🏻酒店飲茶呢個價錢好平 仲要係米芝蓮餐廳趁住優惠 不妨可以去試下 不過留意返優惠係星期一至五平日先有 記得book位😚💰 Around $300 (2人)食物質數 ⭐️⭐️⭐️⭐️環境舒適 ⭐️⭐️⭐️⭐️抵食指數 ⭐️⭐️⭐️⭐️推介指數 ⭐️⭐️⭐️⭐️#hkcp_佐敦 #hkcp_飲茶 #hkcp_黃店➖➖➖➖➖➖➖➖➖➖📍 逸東軒 (佐敦)佐敦彌敦道380號香港逸東酒店B2樓層

逸東軒✨連續五年榮獲米芝蓮一星！中菜廳自疫情就推岀左星級點心優惠及晚市七折優惠~ 當然要把握機會品嚐下米芝蓮一星！星期一至五午市，十五款巧手點心一律$38！中菜廳裝潢雅致，寛敞舒適，枱同枱之間有一定距離，坐得幾舒服，服務仲好好添。餐廳午市分左1100 1245 1430三個時段，限時90分鐘。真係估唔到平日都咁full！1245就最快爆滿，建議大家預早幾日book位~⁣⠀🍵茶芥 $28/位茶葉都幾多款可以揀~ 鐵觀音生津回甘，不過龍丼就無平時飲開嘅咁好飲▪️脆皮流沙酥 $38一咬開超流心，流沙內餡超濃蛋黃味！美中不足係酥皮唔夠香脆。▪️春風得意脆皮腸粉 $48每次飲茶必點！腸粉皮滑溜，中間嘅油炸鬼（定春卷?!）超脆唔油膩，仲有大大粒蝦肉！口感層次豐富~▪️逸東小籠包 $48小籠包熱辣辣，用上匙羹盛戴，咁就唔怕夾穿流走晒啲肉汁~ 小籠包外皮厚薄適中，尖端位唔會太厚。湯汁滿滿帶肉嘅鮮甜，肉餡調味恰到好處，肉質偏軟腍。爹哋媽咪就表示好啱口味好鍾意！▪️帶子蒸燒賣 $38燒賣足料，除左豬肉餡之外，有大大粒彈牙蝦肉，蝦味幾突岀，不過就唔算特別鮮甜。面頭嘅帶子感覺上毫無昇華嘅作用，質地亦唔算太嫩滑。嗯，正

連續2年母親節嚟到逸東軒🤱🏻要飲茶又要有質素，逸東軒都係一個good choice！可能因為疫情關係，母親節當日竟然唔係好滿座，不過泊車位都係full哂🚗午市期間點心餐牌做緊優惠，精選嘅點心都係$38-$48😋主要都係大眾必點嘅點心款式，單點都好抵食！🔸明爐蜜汁叉燒 $𝟐𝟑𝟖 - 必點No.1❗️每次去都沒有失望嘅蜜汁叉燒💛肥瘦剛好，肉又唔會老，好味到可以就咁送白飯食。最重要係份量夠哂！片片都切到厚一厚，適合4人以上食。🔸春風得意脆皮腸粉 $𝟒𝟖 - 腸粉皮包住蝦膠春卷，腸粉皮薄，春卷沒有太油膩，口感特別😋🔸辣椒油 - 🌶 每枱必有的辣椒油，超香。為點心增添多一種風味！🔸蜂巢海鮮芋角 $𝟑𝟖 - 炸得勁酥脆又唔油❕入面嘅餡係滿滿芋泥+海鮮，同外面脆皮勁夾, 外脆內軟好好食👍🏻🔸冰鎮涼瓜條 $𝟑𝟖 - 好鍾意食苦瓜，而呢個涼瓜條嘅苦澀絕對可以接受，係會有少少青，但好開胃😋🔸帶子蒸燒賣 $𝟑𝟖 - 帶子唔會蒸到好老，又夠鮮甜。燒賣嘅豬肉亦好出色，香口結實。🔸瑤柱崧子蛋白炒飯 $𝟏𝟗𝟖 - 最愛嘅炒飯。崧子增加炒飯嘅口感，唔會油淋淋。🔸原隻鮑魚雞粒酥 $𝟕𝟖 - 價錢可接受，面頭鮑魚夠淋，撻皮

逸東軒做咗午市優惠價點心一段時間，而家已經無咁難book，所以特登平日請一日假去食優惠價點心款式都算多，點咗以下呢幾款。飲茶必點蝦餃同燒賣，蝦餃皮晶凝通透，食落少少煙韌，雖然唔算大粒，但內餡蝦肉鮮味。呢度嘅燒賣係有帶子，帶子鮮甜，燒賣爽口，食得出有肥豬肉但份量適中唔會過份油膩。平時唔太鍾意食叉燒包，但逸東軒嘅叉燒好出名，見個個都必點呢個酥皮叉燒焗餐包，所以都試下。叉燒餡唔會太甜太重口味，酥皮口感同味道都好。蜂巢海鮮芋角炸至金黃色，夠乾身唔會好油。食落酥脆好好味一向好鍾意食炸豆腐，次次飲茶都必點。呢度嘅金沙脆豆腐炸得夠乾身唔油膩，而且慢慢食擺耐咗都keep住咁脆既然叉燒係招牌菜，腸粉就揀咗叉燒腸。腸粉睇落都知好味，皮非常薄，食落滑溜有米香。春風得意脆皮腸粉係蒸腸粉包住炸春卷，腸粉有少少蔥花，炸春卷就算包咗入腸粉仍然保持脆身燕窩瑤柱海皇灌湯餃都幾足料，有兩隻蝦，湯底清甜鮮味。但灌湯餃皮唔夠薄，摺紋唔夠靚，餃皮咬落唔煙韌。蔥油餅一上枱以為嚟錯咗。表面佈滿芝麻嘅蔥油餅皮食落香口，韮菜蔥餡好味但比較油膩。原個馬拉糕呈淡黃色，用筷子夾起就覺得軟熟，食薄鬆軟富蛋香，而且唔黏牙。總括嚟講點心質素高，環

今日同大家介紹嘅逸東軒除咗有良心之外，仲連續4年拎到一星米芝蓮⭐️，一定唔會失禮啦😁一入到逸東軒環境非常闊落嘅中式格局，檯都擺得好疏，防疫做得好足。員工服務都幾好，而且每個茶壺都會放係爐仔上面加熱，確保每啖入口都係熱茶，非常細心👍🏻👍🏻野食方面我地叫咗➡️”帶子蒸燒賣”，帶子好鮮甜，入面嘅豬肉都好足料，啖啖肉，幾唔錯！➡️“脆皮流沙酥”都幾特別，將平時叉燒酥換咗流沙奶皇，外皮非常鬆脆，值得一試😋😋➡️“逸東小龍包”一籠4隻，每隻都好貼心咁有一支匙羹裝住方便進食，一啖咬落去滿滿嘅肉汁又唔驚噴到周為係，味道都唔錯架👍🏻➡️”春風得意脆皮腸粉”賣相比較似炸兩，但係入面除咗脆皮仲有蝦膠，每件份量都差唔多，香脆嘅口感加上蝦嘅鮮甜，係正嘅😝✨而今次最值得推介嘅就係➡️”蜂巢海鮮芋角”，外皮非常鬆化口感非常好，而餡料除咗芋泥，仲加咗切到好細嘅海鮮(食唔出係咩)，鮮同芋泥完全混合，好味!! 真心推介😛👍🏻👍🏻總括黎講食物質素真係唔錯，主要係環境同服務好，野食都相當精緻，家下平日午市佢仲做緊$38蚊點心優惠抵食好多架，想試就不妨留意下啦！(我地都想請假平日黎瘋狂食多次🤣)

早排試左呢間拎過米芝蓮一星嘅酒樓，雖然假日無$38優惠，但都一早爆滿，即日book要到下午茶時間先有位。由於係酒店餐廳，裝修都幾有氣派，枱與枱之間夠晒寬闊，坐得好舒服，茶壺座內有蠟燭keep住加熱，呢點抵讚。 🍽明爐蜜汁叉燒好多人推薦呢度嘅叉燒，價錢唔平但份量幾多，舊舊厚切，半肥瘦，邊位燒到焦脆，肉質鬆化，果然名不虛傳，不過有幾舊都幾多筋。🍽春風得意脆皮腸粉腸粉皮晶瑩透薄，夾起時唔會出現甩皮甩骨嘅情況，春卷擺左一陣仲脆，包住爽口大蝦，好食。 🍽XO醬炒蘿蔔糕整法同椒鹽豆腐有d似，蘿蔔糕細細粒好易入口，略嫌XO醬唔夠味。 🍽帶子蒸燒賣豬肉燒賣加埋帶子啖啖肉，用料新鮮。 🍽鮑汁鮮竹卷個醬汁太杰，餡料偏少，呢個麻麻地。🍽黃耳上素粉果薄薄嘅外皮包住黃耳、香菇同沙葛粒，清甜爽口。🍽蜂巢海鮮芋角整芋角好考功夫，而家唔係間間酒樓都做。呢度嘅蜂巢外層炸得酥脆，芋泥餡滿滿，而且質地幼滑，唔錯。🍽蝦醬牛崧炒飯(唔記得影添）雖然蝦醬味唔太明顯，但個飯底真係做到粒粒分明，連腌尖嘅阿爸都讚不絕口。

質素和價錢均有口皆碑，一直都想來；早前終可在weekdays的休假日前來品嚐。來之前當然先要看看友人的推介啦。最優惠價$38的有23款選擇，其次$48有9款，而$78就只有一款，當然還有一些粉麵飯啦；但一場來到，當然只打算叫點心及小吃啦！共叫了八款：筍尖鮮蝦餃、脆皮流沙包、蜂巢海鮮芋角、香麻叉燒酥、金沙脆豆腐、瑤柱帶子菜苗餃、招牌叉燒腸粉及Xo醬炒蘿蔔榚。蝦餃皮薄、蝦肉鮮爽；流沙包外層酥脆，流心奶皇濃郁香甜；脆豆腐外脆內軟、嫩滑可口；反而最後上的蘿蔔糕及腸粉水準比較一般，可以不點。每枱只限兩人，想吃的記得要預早訂位啦！#想㸃就點#另收加一服務費 #一位難求記得先訂位 #星期一至星期五#午餐時段 #逸東軒 地址: 佐敦彌敦道380號香港逸東酒店B2樓層電話: 27101093

逸東軒 (佐敦)依然覺得呢個係近期最抵餐廳優惠😭佐敦逸東酒店中菜廳逸東軒繼續做緊優惠,逢星期一至五早上11時至下午3時,menu上30款點心劃一收費$38蚊。要留意嘅係逸東軒連續三年榮獲米芝蓮食府1星推介榮譽,所以話$38真係好抵食架😭。。🔘 XO醬炒蘿蔔糕 | 原價$95評分: 🌕🌕🌕🌕🌑評語: 廚師並非一味落XO醬將蘿蔔糕兜熟就算，因為咁樣做只會掩蓋左蘿蔔糕嘅味道。廚師應該有用其他辣味調味料,而避開用大量XO醬掩蓋蘿蔔糕嘅味道,鑊氣十足之餘,真真正正做到外脆內軟。。。 🔘 春風得意脆皮腸| 原價$68評分: 🌕🌕🌕🌕🌗評語: 豉油、麻醬、甜醬都係另上的,可以根據自己口味而作出調味。小編係落醬汁前先試一嚿,腸粉皮仲熱,內𥚃春卷都明顯係新鮮炸起再即刻製作拎去俾客人享用,大家要知道咁樣做唔難,但廚師需要好多時間逐次去烹調。春卷足料,腸粉皮薄而不爛,而小編認得落豉油調味已經足夠。。。🔘 合桃叉燒酥 | 原價$55評分: 🌕🌕🌕🌕🌑評語: 叉燒酥非常鬆化,咬落口,成個叉燒酥已經係口中溶化一樣,內層叉燒肥瘦各半,集味道同口感於一身,絕對有驚喜。。。🔘 蜂巢海鮮芋角| 原價$55評分: 🌕🌕🌕🌕