岩鹽日本料理 (利舞臺廣場) (已結業)

之前食過一次, 朋友話想食壽司, 銅鑼灣無乜經驗, 記得幾好食, 所以再去, 好彩有訂位, 如果唔想等最好訂定位, 留位5分鐘定食係幾抵, 所以叫咗定食再散叫, 串燒要特別推介, 性價比極高, 叫咗3杯酒+1支梅酒, 人均消費都係$500左右雜錦燒肉御膳 – $188精選壽司牛肉烏冬定食 - $208白岳梅酒 – $320, 偏甜, 女仔飲最啱, 如果4個都飲酒, 建議開一支岩鹽火炙壽司盛 - $298, 只有單點, 但真係好好味, 值得一試三文魚鮫昆布豆腐鍋 - $98, 味道有啲淡, 可以唔叫日本茄子田樂燒 - $78, 醬太多, 有啲咸, 如果撈飯會好啲蟹肉香芒薄飯卷 - $78, 有驚喜,  可以再叫火炙左口魚邊壽司 - $48, 燒完油香出晒, 勁香, 正 串燒, 係本人推介, 性價比極高牛舌 $48/ 2串 (4片)雞翼 $38/ 2串 (4隻)醬燒黑豚 $42/ 2串

岩鹽日本料理 #銅鑼灣❗️抵食日本釜飯刺身飯 有創意壽司卷❗️雖然香港有好多日本餐廳，但有釜飯嘅真的少之又少🙈嗰日咁啱去到利舞臺嘅呢間日本餐廳，門口有開放式廚房睇到釜飯嘅製作，而且大部份都只係百幾蚊，幾抵食✨。主打嘅日本傳統釜飯🍲聽講餐廳仲專登喺日本訂做部釜飯機，以令可以更有效咁控制火候🔥務求每粒飯都索到上湯同配料嘅香氣✨。松葉蟹三文魚子海膽丼$168 原價$336只要購買餐牌任何一樣食品，就可以享用餐廳現時兩大優惠🥰分別係半價食到呢個松葉蟹三文魚子海膽丼/ $98食到一盒共六件海膽生蠔，留意每位客人只可以享用其中一個優惠一次，而且海膽丼嘅優惠每日只限十份‼️好好彩嗰一日夜晚都仲有海膽丼優惠😆有大量嘅松葉蟹、蟹籽同埋海膽，雖然未係最鮮甜，不過的確夠晒豐富，呢個價錢算幾抵食。味道: 3.8/5性價比: 4.4/5燒鵝肝牛小排釜飯定食🍲$168釜飯同煲仔飯有啲類似，不過呢個日式版本就加埋上湯燜煮，所以飯粒會比較濕潤，但食到最底亦都會有少少焦窿👍🏻選用日本秋田米，另外亦會加上冬菇、豆、栗子等，所以味道更豐富，加埋甜豉油就更香濃😋今次揀咗鵝肝牛小排，無諗過呢個價錢都可以食到咁大舊鵝肝同多塊牛肉，雖然

一直想來試，每次都被訂滿，今次限聚令，紫微於630pm到達取位，限時個半小時。以前感覺認為穴最理想，價錢，質素及環境符合要求，來到此處，就移情别戀，只試過一次，隔一星期又來，選擇多，套餐多又抵食，坐位環境舒適過穴。我來到紫微已享受最普通清酒$80，甜中有酒辣，正過穴，燒錦雞肉丸串$ 38，彈牙煙靭，有嚼勁。火炙壽司牛肉烏冬套餐$158，牛肉烏東尚可，壽司~三文魚腩、帶子，海瞻，海鰻，左口魚邊，蟹子卷，要鮮有鮮，要香有香。吉列竹籤魚$68，厚肉而嫩，不油，兩大件，金黃色賣相討好，當然要找來佢老友~啤酒，隊隊佢。第二次，先上三文魚鮫海帶豆腐$98，海帶有海水靈魂，令其他食材生輝不少。燒雞軟骨2串$24，有嚼勁。味噌醬燒黑豚串$42，2串，聽個名都流口水，少少肥肉，兩樣都不太焦，有香烤氣牆，抵食，好味。清酒煮花甲$78， 花甲唔肥美，唔合時，有渣，清酒味煙消雲散。炙燒三文魚壽司$40，同樣炙燒香中有鮮。蟹肉香芒薄餅卷$78， 薄餅一般， 芒果可能太少，唔係好香甜。北海道海鮮釜飯定食$168， 上枱焗1分，恐海膽焗熟，揭蓋後都得，暖暖，當然無相咁靚，另上魚生非常新鮮，甜美，溫度適中，飯香。兩次

正所謂美食之秋，入秋之後特別多好野食，今日去食尼間日本餐廳，顧名思義，佢出名既係岩鹽調味料，同埋特製釜飯。今次叫左香魚釜飯($128)，日本南瓜天婦羅($58)，蟹味噌甲羅燒伴法包($68)，蟹肉香芒薄餅卷($78)，青檸梳打($26)。店員推介尼個新推出香魚釜飯，佢好耐心咁講解。先等一分鐘，等飯焗熱，打開蓋，已經香噴噴。香魚一大條，骨唔算多，容易食，飯內有魚仔，栗子，冬菇絲，雞蛋絲，撈勻就食得。最後留少少飯，倒入泡茶，加紫菜片，又係另一種滋味食法。米粒有埋淡淡茶既清香，底下有飯焦都好正。大大片厚身南瓜片，內裡好軟身，清甜，外皮既炸粉唔會過厚，脆脆地。平時食天婦羅會點醬汁，係呢度就要沾天然岩鹽，鹹味同南瓜既甜味相映成趣。蟹蓋仔裝住燒過既蟹膏，魚子，同鵪鶉蛋既混合物，店員提過會係墨綠色，幾得意。配埋法包一齊食，配搭沙律，好清爽。另一款蟹肉既煮法，薄皮包住芒果及蟹肉絲，酸酸甜甜，而且蟹肉量多，啖啖肉。最後飲番杯青檸梳打，中和一下頭先食既野食，滿足。整體，食到地道既日本釜飯，好滿足。除左有唔同種類既釜飯可以揀，仲有唔少小食添。

琴晚去銅鑼灣睇戲，早咗到所以搵嘢食醫下肚，無意中發現一間幾好的日式料理餐廳，所以推介俾下！「和風牛肉釜飯」可以配：紫菜、熱茶（茶漬飯）食法釜飯好似日式既煲仔飯咁，上台先焗1分鐘才開飯蓋。香氣四溢，材料豐富！包括有牛肉片、香菇、半熟蛋黃、洋蔥、子薑、蔥花、豆等等。口感豐富！食到一半，可以用紫菜包起飯來食，好特別！最後可以加上熱茶，做成茶漬飯。侍應告訴我，係選用了優質龍井茶泡成的。「蟹肉香芒薄餅卷」用薄餅卷包著蟹肉、青瓜、蝦仁等材料，再淋上沙律、芒果汁伴碟，上面還鋪咗蟹籽！「三文魚頭立田揚」三文魚頭以油炸得金香鬆脆，竟然做到入口唔油膩，而且唔怕有魚腥，可見師傅手法一流！

好多朋友都喜歡約星期五吃飯，Happy Friday喎！但我反而覺得忙碌了一星期，累得只想回家休息…我就較喜歡星期一外出吃飯，可為一星期加力，有力量捱過整個星期，可惜…朋友們總覺得第二天還是工作天，未能玩得盡興，所以多數不應約。不緊要！獨自也可快樂，今晚就一個人去為這星期加力。一個人的好處就是可隨心而行，揀了最愛的日本菜。開放式的門口，感覺很寬敞開揚，最吸引我注目是竟可站在店外看到師傅們製作釜飯的過程，不禁垂涎，還是快快走進內裏吧！餐廳裝潢華麗堂皇, 挺有氣派，亦設有一排落地玻璃窗, 感覺開揚。地方寬敞，設有多排闊落的雙人和四人卡座, 坐得舒適自在；亦有不少六人枱，枱與枱之間距離甚多，出入方便。還有一張長壽司製作枱，前方冰鎮着多款海鮮，很吸引我注目。 枱上已放了四份餐牌，每份均附有大大幅菜式相片，設計既精美又清晰。逐一細閱，前菜、沙律、刺身、壽司、火炙、軍艦、創意卷物•壽司、一品料理、釜飯、燒物、炸物、晚巿定食、季節限定等等，選擇很多，非常豐富。******************************餐廳有幾款創意卷物，有用薄餅皮、有用班戟皮，真是創意無限。究竟用薄餅皮做卷物會如何

最近天氣持續寒冷, 兩個女生怕肥膩唔打邊爐, 唔食燒肉, 諗到可以食日本釜飯。係網上搵到間評價幾高既釜飯餐廳, 於是我地相約出來聚聚, 順便食個dinner。店員推介呢款特飲最具人氣【菠蘿青檸梳打】HK$38菠蘿跟青檸味都很平均, 仲有少少菠蘿粒, 清新冰凍又解渴。【蟹肉香芒薄餅卷】HK$58表面鬆脆餅底, 包住一梳梳蟹肉、少少蟹籽、青瓜絲同埋芒果肉, 表面仲支左沙律醬同埋芒果醬, 多層次口感, 鮮甜蟹肉配上芒果清甜, 不錯既一個小食!另外仲叫左一款卷物【三文魚牛油果米子卷】HK$48米紙包著三文魚粒、沙律菜、青瓜同埋牛油果, 上面仲有幾粒三文魚籽用以點驟同埋令整體既鹹香味道更重一點。同樣有多層次口感, 三文魚籽在口中爆開, 令整個口腔都充滿淡淡魚油味。【三文魚親子釜飯】HK$128三文魚腔既我當然要一試呢度既三文魚釜飯啦! 不過對呢度既釜飯有點失望, 釜飯份量較少, 只有整個釜飯碗既一半, 三文魚只有四小片, 為7成熟。打開時, 釜飯沒有預期中那種香噴噴, 不過飯粒粒粒分明。入面仲有粟子粒、白飯魚仔、幼蛋絲, 本身釜飯味道甜甜地, 餐廳額外比多個汁, 客人可因應個人喜好額外調味至喜歡