Amitie Kitchen

营业中

休息中

今天和朋友到尖沙咀逛街，來到食肆臨立的厚福街覓食。街尾的商業大廈H8集各地美食於一身，【Amitie Kitchen】主打意大利fusion菜，午市人流不算多，環境清靜可以慢慢談細細吃。精選午市套餐由 $88至$168不等，有意粉、沙律、漢堡、肉食可選。隨餐附送是日餐湯或煙雞、粟米沙律伴檸檬蜜糖油醋汁，甜品和餐飲，加$10還可配麵包拼盤，非常豐富。法蘭克福香腸天使麵伴辣蕃茄忌廉汁 午餐 ($88)香腸份量不少，鹹香得宜。天使麵口感細緻柔軟，掛汁力強，蕃茄的酸甜沾滿每一條意粉，也中和了忌廉的油膩感。微微辣度更能刺激食慾，提升味道層次。是日餐湯是周打魚湯，質地香滑濃厚，充滿鮮味與忌廉香氣。湯內有粒粒薯仔、煙肉碎和洋蔥碎，鹹香十足。麵包拼盤有餐包、丹麥提子酥、竹炭麵包條，麵包略乾，不過配上牛油及果醬也算美味。西京燒比目魚柳 ($208)擺盤精緻，比目魚柳燒得剛好，肉質雪白，口感嫩滑，入口即化，甘香味美。西京燒醬汁香氣明顯，鹹甜有致，令人回味。配菜有沙律菜、車厘茄、蘿蔔甘酢漬、唐辛子絲，甚有日式風情。雪糕椰汁紅豆冰 跟餐 (+$20)紅豆份量不算多但煮得軟淋，飲品冰凍椰汁味突出，整體甜度適中。

Weekday放假約左閨密黎尖沙咀呢間人氣西餐食lunch😁我地黎到已經過左最繁忙既lunch hour，呢間餐廳好多窗好光猛舒服😊我地叫左個set lunch既鰻魚滑蛋飯轉沙律同埋main menu既西京燒比目魚柳，一杯柚子蜜同一杯熱榛子咖啡～沙律菜好新鮮，蕃茄仔好甜，個汁酸酸地幾開胃～鰻魚滑蛋飯係用日式丼飯盒上既，幾有feel😂雞蛋真係超級綿滑！😋 鰻魚比較薄身，幾大塊，伴碟有啲黑椒秋葵同菇類，顏色同營養都豐富左👍西京燒比目魚柳等咗大約廿分鐘，即叫即整👏魚柳好大舊，啖啖肉🤤 肉質超滑！醬汁偏甜得黎帶少少黑椒味，同比目魚幾夾～榛子咖啡好濃郁既榛子味👍柚子蜜都好足料～Weekday同閨密歎住美食享受個悠閒下午真係超正🤣

好食當然要一食再食啦，Amitie Kitchen 就係其中一間值得推介既餐廳，但記得預早book定位呀！餐廳環境闊絡，可容納約50人，但好野多人爭，唔訂位點會食到好野呀？這裡燈光偏暗，情侶拍拖、朋友聊天、家人聚會，都是一個不錯的地點。餐廳誠意推出了新菜式還放在當眼處：牛腹膜柳、牛無骨牛小排、海膽系列等等...當然要試下啦。先來的當然是餐前麵包，質感軟彈鬆化，為我的美味晚餐揭開序幕。加拿大海膽吞拿魚他他法式多士 - $128吞拿魚他他配上多士真係無得輸，味道清甜鮮味，還有海膽提升其味道層次，吃下去更添一種鮮甜口感。西京燒比目魚柳 - $198比目魚柳份量相當大份，香甜的氣味都散發出來。魚柳肉質軟稔，輕輕的已能把他分開，吃起來味道鮮甜，魚味濃郁嫩滑。美國牛腹膜柳 - $198牛腹膜柳軟腍細緻，鬆軟彈牙，肉味香濃，且肉汁豐富澎湃，口感一流，呢個真係令我食到停唔到口。

一列玻璃窗引入自然光，光猛通透，營造一個舒適環境。加拿大海膽吞拿魚他他法式多士 ($128)多士外層酥脆，內裡軟熟，吞拿魚他他份量多，海膽鮮甜，作餐前小食相當不錯。西京燒比目魚柳 ($198)意想不到西餐廳竟然有西京燒，當然要品嚐一下。色澤亮麗，味道甜滋滋的，十分開胃。美國牛腹膜柳 ($198)一刀切下去時，已感覺到牛腹膜柳非常軟腍，叫人眼前一亮！粉嫩色的牛柳色澤誘人，入口有焦香，但完全沒有苦味，相當出色！肉質細滑軟腍，鮮嫩多汁，口感極佳 ！

未到晚飯時間只有兩檯客人，但店員竟然安排我地坐門口一張幾迫既檯，仲話其他檯有人book 左。。。但係之後聽到店員安排無book的客人坐佢話book左果張檯😔 我哋都冇request要入面靠窗嘅枱，只係唔想咁迫姐。真係有小小令人失望🙍 Anyway ，即使一開始心情唔太好，有野食就好返曬，因為食物質素的確係超水準既，先來餐包，共有3款，鬆軟的白麵包，黑色的脆餅和士多啤梨麥包，每款都切成二人份量，最岩我口味既係圓形的白麵包，十分鬆軟，帶點甜甜的味道，可配士多啤梨果醬西京燒比目魚柳，魚柳之間十分多汁，而且肉很軟稔，切開都能看到肉汁在魚肉紋理之間慢流🤤比目魚本身味道較淡，以味道較濃的燒汁煮過別有風味😋Side dish 點了焗藍芝士風琴煙肉馬鈴薯，是很大的一個馬鈴薯呢！雖說是side dish 但絕對不比主菜遜色，藍芝士帶點酸酸的羶味，配搭芝士煙肉，中和了肉膩和澱粉質的飽肚感，而且切得很薄，吃多幾片也不覺得滯，外皮也脆脆的👍🏻😍法國慢煮有機雞髀伴黑松露意大利飯，這個等了很久，相信是”慢煮”的原故！因為risotto 也需煮很久，而這個雞髀也是慢煮的。雞髀外皮焦脆，味道帶點香烤味，脆皮包裹著鮮嫩

有日黎H8食飯先發現原來Amitie都搬左黎H8！之前係網上經常見到好多人食推介呢間餐廳，今晚就決定收工黎見識下。呢度都幾大，坐到50人左右，燈光偏暗，行法國菜風格，雖然個feel其實比較似cafe多啲哈哈。呢度有Dinner set，啱曬我今晚一支公。Set包左餐湯、前菜沙律、主菜仲有飲品，加一後$300左右。前菜係炸蠔蓮藕片沙律。炸蠔有兩隻，每隻有兩個$1咁大都幾合格。外脆內爆汁，幾正。沙律菜預拌沙律醋，酸酸地夠開胃。餐湯係蘑菇湯，蘑菇味絕對夠啊，幾欣賞。唔會太稀又唔會太結，啱啱好啊。餐包有成三款咁多，分別係牛角包、竹炭餅乾仲有牛油餐包。有果醬又有牛油揀，食完都飽左兩成。主菜西京燒比目魚柳，伴碟有酸蘿蔔仲有甜薑。比目魚都幾大塊，西京燒燒汁甜甜地，如果有得配飯就一流喇，肉質保持到比目魚既嫩滑！跟餐係基本既汽水、啡茶之類，我就加左$15要左杯宇治抹茶牛奶朱古力。黎到都幾大杯，落左抹茶粉，沉底架所以記得要搞一搞，但係飲落又唔係好夠抹茶味，又或者話朱古力奶味太強蓋過左。味道確實係偏甜既，dinner set無甜品，就用呢杯代替吧。呢度出餐速度唔錯，15分鐘內到齊，枱與枱之間距離都夠私隱度。