粗菜館

营业中

休息中

星期日同屋企人一行6人去粗菜館食晚飯，多人去食既好處係可以叫多啲唔同既餸菜黎試，個日我地叫左5樣餸、1個湯同埋豬油撈飯。📍是日靚湯蓮藕眉豆豬骨湯，足料十分濃郁既老火湯，但我覺得偏咸左小小，鐘意濃味既人士就好岩。📍招牌炒豬雜 ，依個真係好好味，好有鑊氣，好入味，餸飯一流。📍 小炒皇 ，呢一味相對嚟講就是普普通通，不過不失。📍 豉汁籠仔蒸大鱔，呢一味係每個屋企人都十分喜愛，大家一致認為大鱔好新鮮，咬既時候有脆口彈牙既感覺。📍椒鹽鮮魷，每一次去食炒小菜必叫，依間整得好好味，乾身香脆爽口，味道好夠，就算冇喼汁都一樣好食。 📍山楂醬排骨，酸酸甜甜好開胃，排骨一啲都唔韌，幾好食。 📍豬油撈飯 ，豬油加豉油撈飯，邪惡得黎又好惹味，值得一試。

早幾日出開Mikiki行街買野，買完野都差唔多晚飯時間，醒起九龍城出名多好野食🧐一於就行過去九龍城嗰邊搵食啦😊行到衙前圍道見到好出名嘅👉🏻粗菜館，就比佢門口d食物相吸引住😋仲要寫住蔡瀾推介😍😍😍唔駛諗，即刻入去食！一入去坐低睇緊餐牌嘅時候，老闆娘就同我地推介佢地嘅招牌菜👉🏻炒豬雜&炒魚腩🤔當然要試吓啦👍🏻我地叫咗招牌炒豬雜豬雜用薑蔥爆炒，鑊氣十足👍🏻 豬雜食落口完全無異味👍🏻聽老闆講豬雜係用唔同大細嘅豬內臟，分別係大豬嘅豬肚，中豬嘅豬肝，細豬嘅豬腸，喺我眼中好普通嘅食材原來係咁講究🤔招牌炒魚腩一上菜時我嘩咗一聲😱d魚腩咁大件嘅😱😱😱魚腩係用薑蔥蒜爆炒，一樣係鑊氣十足，魚腩炒得外脆內嫩，唔多細骨，食落口啖啖肉好正😍趁老闆得閒時再問吓點解d魚腩咁大件，老闆話佢地用嚟炒魚腩嘅魚大概九斤重😱唔怪之得d魚腩咁大件差唔多成隻手掌咁長秘製沙薑雞同出面食到嘅沙薑雞好唔同，出面食到嘅沙薑雞多數用沙薑粉醃完再蒸/就咁提供一碟沙薑汁比你點但呢度嘅秘製沙薑雞係成個沙薑醬汁淋埋上面🤩所以沙薑雞食落味道香濃入味，雞件亦非常嫩滑😍😍豬油撈飯飯用桶裝，豬油&豉油分開上，可以自由調教份量👍🏻食落滿口豬油香，非常邪惡😂老

今晚來到九龍城覓食，決定試試名食評家蔡瀾先生推介的粗菜館。食店歷史悠久，店如其名，以粗茶淡飯作招徠，主打傳統廣式小炒。可能服務員對店舖有歸屬感，他們對食客都很有禮貌，更會不時為客人添水。🐷招牌炒豬雜～這款小菜是蔡瀾先生的重點推介，店內更有他親自題字的「炒朱什」牌匾。豬肝、豬腸，豬腰及豬肚等配上薑葱爆炒，鑊氣十足。難得是豬雜完全沒有豬臊味。聽老闆講，這道炒豬雜特別之處，是用上不同size豬隻的內臟：豬肚來自大豬，豬肝來自中豬，豬腸則來自細豬。難怪吃出來的口感較坊間選用同一豬隻內臟去炒的更突出，更入味。🐟招牌炒魚腩～魚腩只有一條大骨，啖啖肉，外脆內嫰，十分香口惹味。🐦秘製煀乳鴿～乳鴿用上以多種材料淆成的高湯及滷水去煀，非常入味，肉嫰骨香，真正做到令人齒頰留香😋😋。🥣老火例湯(細)～蓮藕豬骨湯用料豐富，每日限量二十煲，難怪味道鮮甜，火侯十足。🐷🍚豬油撈飯(細桶)～白飯以木桶盛載，上枱時連豉油及豬油各一樽，食客可按個人喜好隨意決定豉油及豬油的份量。拌上豬油及豉油的白飯油脂濃郁，色澤吸引，每啖飯都充滿油香。平日無飯癮的我也吃了兩大碗呢！粗菜館見證了“食材不需名貴，烹調用心才是皇道”！

位於九龍城的「粗菜館」，在屯馬綫宋皇臺站出口步行大約兩分鐘左右就到，十分快捷方便。這裡的菜式有不少懷舊菜，當中的招牌炒豬什、蔡瀾鹹魚醬蒸豆腐、豬油撈飯等等的菜式雖然並不是甚麼珍饈百味，但能夠把一些平平無奇的材料泡製出一道道巧手粗菜，廚師的心思和配搭都應記一功。招牌抄豬什（HK$88)👍👍👍👍👍店內一幅由蔡瀾先生提字的「粗菜館天下美味炒朱什」和蘇施黃推介「一定要食炒🐷雜」。兩位名嘴同時推薦， 雖然膽固醇豐富了一點，但都一定要試！豬什有豬肚、豬粉腸、豬腰、豬膶和豬心，加上大量薑蔥爆炒，香氣逼人，口感豐富。薑蔥炒魚雲腩 （HK$85)👍👍👍👍👍魚雲和魚腩先經過走油再爆炒，口感香脆可口，裡面的魚肉仍然鎖緊在內，作為佐酒小吃或配飯都合適。麻辣秘製雞煲（HK$138)👍👍👍👍👍香麻的麻辣秘製雞煲，用了傳統生啫的方法泡製，揭開蓋的時候已聞到陣陣的麻辣香氣。雞件嫩滑又惹味，裡面的青椒和料頭等也十分入味。豬油撈飯（HK$18)👍👍👍👍另一膽固醇超標美食，豬肉撈飯，加埋豉油更美味。Menu

黎九龍城唔一定要食泰國菜嘅，中菜都好出色架！晚上7點，人唔算多，餐廳亦分2層，我們一行6人坐得都好舒服😌小小的一間餐廳，餐牌選擇好多！雞豬牛海鮮，有齊哂甘滯👍🏻滿足各人的口味😋order左梅菜扣肉，東坡肉，炒蜆，鵝腸，雞煲，例湯，豬油撈飯，炒米粉其實大致都合格，只是有d過咸😵東坡肉炆得好淋🤗豬油撈飯超香！如果調味可以輕手d就好啦！員工工作速度都快手！上菜好快！總結係滿意的晚餐，價錢亦合理

粗菜館個名，以前其實好響，當年算是頗高擋中菜小館，蔡瀾都讚好，但，時移世易，不知道是菜館廚技退步了、抑或，人們口味要求高了，特色風味菜色，已變得平平無奇。是日點了一例 size 湯，湯種大慨是不會變，上次幫襯、同今次也是樟魚蓮藕豬骨湯，味道嘗可以，一個例 size 有足兩碗多啲的份量，如果叫一煲，就四碗多啲，二人可能會太多，三人以上會較適合。點了，佢哋嘅招牌炒豬雜，我要求豬潤份量多點、其他少點，但被拒絕，個餸出到嚟，豬潤得幾塊、豬粉腸比例較多（不夠入味、粉腸素質麻麻），但整體份量都是偏少、味道一般，仲話係招牌？～ 如果想吃豬潤多啲，大家都係叫淨豬潤好了。鳳凰展翅，即係冬菇、脆肉瓜、金華火腿釀雞翼，該是蒸完再煎，其實幾香口，敗筆在於唔新鮮，烹調幾好也是徒然。聞名已久的豬油撈飯，這個跟餐館廚技無關，好看個人口味，撈完啲飯係幾香口，但，確實係比較肥膩，還是，少吃為妙。對上一次幫襯，點了梅菜扣肉、及白灼豬潤，這兩道菜，相對比較理想，梅菜扣肉，算係幾有誠意、白灼豬潤，酌得剛剛好。這間分店，有個唯一的男侍應（年紀較長），點餐，最好唔好叫佢，嗌其餘兩名女侍應，你會更順心。

粗菜，顧名思義，是用簡單的家常烹飪材料煮出來的菜式。然而，這家餐館的做法卻是粗中有細、有條不紊的，能做出水準不俗的家常小菜，令人回味無窮。在滿是名人署名到此一遊的牆上，一眼便看見蘇絲黃的留言：「一定要食炒豬雜！」。炒豬雜是這家餐館的招牌菜之一，也是我幾乎每次來到必點的菜式。豬雜有豬潤、豬腰、豬肚、生腸等，用薑蔥醬料米酒爆香，相當入味。雖知每種豬內臟的易熟程度皆有不同，所以這味菜的火侯控制絕不容易，然而師傳卻能把各式豬雜都炒得恰到好處，不生得見紅，也不熟得乾硬，實在值得一讚！普普通通的一味蒸豆腐，豆腐也是一般的蒸法，清蒸加豉油，在家中也能輕易做出來。為何我竟會在這兒點此道菜呢？其實醉翁之意不在豆腐，而在其秘製咸魚醬。咸魚醬據說是蔡瀾自家研製的，所以以此命名。咸魚醬味道不會過咸，卻充滿著咸魚獨有的香味，份量不多的襯在清淡的豆腐上，再撈一口飯，真是絕配！在貧困的時代，不常有肉吃，南方人將肥豬膏炸油，將豬油存在盅裡，便可以存放好久。豬油用來撈飯是憤常吃法，再配一點點醬油，味道溫和香口，是舊時的窮人恩物。現代物質發達，餐餐大魚大肉的人不少，豬油撈飯也在港人的日常生活中消聲匿跡。在這裡，還可以嘗嘗

到了HAPPY FRIDAY，總會想放縱一下，有同事對豬內臟情有獨鍾，雖然九龍城與公司有一段腳程，但為了滿足豬「慾」，去也！招牌炒豬什：味道十分好，配料嘅䓤薑都好食，豬什爽口入味，送飯一流，但碟餸份量真係少，比二人份量多啲啲，四個人每人得二三舊；炭燒豬頸肉：同泰式豬頸肉差唔多，唔會好油膩，表面脆口，有少少乾，有汁點下會好啲；瑤柱金菇豆腐：呢個比其他無咁唔健康嘅餸，淡味，個汁有啲稀，都係唔健康嘅餸味道會精采啲；梅菜扣肉：扣肉偏瘦，味濃，好似有啲南乳味，咸左少少，梅菜唔會太甜，汁少左啲；豬油撈飯：正！喺大榮華食過，落左好多都唔覺有豬油味，呢度落少少已經食到豬油味，豉油少少甜，配埋熱飯，四個人叫一桶係唔夠嘅。埋單$228，四人每位$60，每碟平均要$55以上，份量實在少，四人行四餸也未必飽肚，但招牌餸菜確是有色香味，店內亦有一些從未嘗過的選擇，如鳳凰煎豬腦、水煮豬潤等等，下次放縱時再見！