熊拉麵 (白加士街)

营业中

休息中

之前經過發現佐敦呢條街有好多嘢食，今次就搵到呢間時不時要排隊嘅熊拉麵🤩一試。星期六一，兩點難得見到唔使排隊😊，店入面好多人，同大部分拉麵一樣，都有得客製拉麵嘅麵質軟硬，配菜嘅選擇。揀左佢地嘅赤熊拉麵$88一試，湯底香辣濃淡適中，麵質揀左偏硬亦唔錯。但叉燒唔算厚又得一塊，同埋偏柴就有啲失望😔。試左佢地檯面嘅小配菜，梅菜味道普通，芽菜就有唔錯嘅麻油香，難怪食得咁快😁。畢竟佢同連鎖店差唔多價錢，又唔可以話貴，下次可以再試佢地嘅招牌拉麵🍜

29-7-2021💸招牌熊拉麵 $88元祖魚介熊拉麵 $89(午餐)CC LEMON +$8·13-8-2021赤熊拉麵 $83元祖魚介熊拉麵 $89-係佐敦我幾鍾意食呢間嘅拉麵店😋當中叉燒有三款可以揀👇🏼梅頭瘦叉燒、火炙肥叉燒、角切叉燒粒我就揀親都係瘦叉燒😝選麵就1.5mm中幼麵 配硬嘅麵度-元祖魚介熊拉麵 湯底魚介味濃(有時係超濃)七月去嗰次係超濃湯底 但八月嗰次對比就淡左啲！呢款湯底好厚質感飲 落口好有漿住個口感覺唔算太過鹹 除咗嗰次食係超濃味湯底之外！-招牌熊拉麵 湯底比魚介淡少少 味道唔錯 豬骨味都重！赤熊拉麵 湯底一般 感覺唔算太辣 不過不失 對比前兩者稍為遜色！-拉麵掛湯力強 配埋木耳絲 口感豐富 溏心蛋有淡淡醬油味 做到流心效果！呢度拉麵基本上好夠熱 食到最尾都仲係熱嘅 食親都出晒汗🤣我次次都會飲哂啲魚介湯 因為覺得好飲！

同大部分拉麵店一樣，冇得預約，要walk-in排隊，位置喺內街，排隊嗰陣都比較焗，好在拉麵店流轉得快，唔使等好耐，店外有櫈可以比等候嘅客人使用。店面有一張L形吧枱同一張長方大枱，廚房開放式設計，每個間隔都有冰水自己斟。自己揀選拉麵種類、硬度、配料（走蔥、走木耳、走肉）我諗應該唔會有人走肉啩😆，值得一提係叉燒種類都有得揀：梅頭瘦叉燒、火炙肥叉燒、角切叉燒粒。赤熊拉麵湯比較杰身，可以掛晒係每一啖麵，食落都好濃郁，食開小辣嘅我覺得辣度都接受到，本身麵係冇跟溏心蛋，蛋係另外加，拉麵同溏心蛋絕配，溏心蛋唔錯，浸得入味唔會太咸，味道啱啱好，而且原隻上唔會比個湯浸熟個蛋黃。魚介熊拉麵同樣湯底都係比較杰身，湯面有層油，我估應該係精華黎😂？雖然有好多人推介，不過就覺得偏鹹咗小小，唔係好食得出魚介味，適合重口味人士，兩款拉麵都揀咗火炙肥叉燒，叉燒好食，一層肥肉一層瘦肉，燒到個面脆身，另外，枱面有放幾款配料比客人自己添加，剩係試咗辣芽菜，連埋麵食中和返啲油膩感，印象中仲有薑，不過就冇試到。芝士魚肉條大推！好好食，魚肉彈牙，有啲似魚蛋，帶有小小甜味，芝士夠流心，兩個人食每人兩件都嫌有啲唔夠喉。

熊拉麵🍜，第一次吃，鋪頭細細，裝修帶著一點懷舊感。因疫情關係，座位有點梳離，所以會坐得舒服點。幸好去到即有位，唔洗等，入座後門口好多人等同一般日式拉麵店一樣，自己一人一張紙，填自己喜愛既面，面質，辣度，叉燒款式等等，可加紫菜，糖心蛋（推薦）我們點了一個招牌熊拉麵，一個赤熊拉麵（辣），一份熊自家製餃子🥟拉麵湯底好濃郁，叉燒肥美好快就一啖接一啖食哂，加上桌上任夾既辣芽菜更加惹味餃子係由芝士同粟米做成，完全唔洗點汁同夠味，唔錯

同朋友準備去睇戲，打算在附近先食晚餐。見到店門前大大個紅燈籠十分搶眼，就決定去試試。店舖裝修十分日式，可能時間早，假期夜晚不用等位就可以直接入。叫咗2款拉麵，等咗大概10分鐘。招牌熊拉麵叉燒、麵款同麵的硬度都可以選擇，依個就叫咗火炙肥叉燒配中幼麵，湯底是十分濃郁豬骨湯，質地帶膠質。叉燒厚身，不過肉質有小小過老。赤熊拉麵湯底同樣濃郁，不過這款係自家製唐辛子味噌湯，相對較辣，不過很開胃。仲有芽菜、薑絲等配菜可以自由添加。鍾意食肉嘅仲可以叫超級赤熊拉麵，叉燒量會多一倍賣相 4/5口感 4/5味道 4/5番食率 4/5

熊拉麵系我經常都光顧既拉麵店。佢d拉麵算系質素保証，雖然店員系香港人，但材料屬日本正宗。佢經常都有期間限定，每次也有小驚喜。今期天氣悶熱，呢款「海之幸焙煎芝麻醬拉麵」真系黎得合時！拉麵清涼爽口，生蝦肉口感都吾錯，加上有青瓜、火腿等配料，食完個人醒神左d!另外推介芝士魚肉條，味道可口吾油膩，連不嬲好怕煎炸野既老公都話好味！老公每次都會食既赤拉麵期間限定既野好快d去食！值得一提係態拉麵既廁所系好乾淨架！

想吃拉麵，網上查過後，見食評不錯就去呢間，不錯喔！肥叉和瘦梅叉都好吃，不會好老，吃完不會好口乾。每碗有得半生熟的蛋，夠曬飽！有些拉麵店，得個樣，吃就普通，這裡的拉麵不會話好普通，吃完有種滿足的感覺。我們2人早上12點多早去，人少，不用排隊，店內整潔。 價錢不算好貴，又無加一。如果種類再多點就好了。～～

我和男友都是拉麵控，自從恒豐那裡沒了後，我倆都會到不同拉麵店試新味~ 九龍公園附近有家熊拉麵，位置不在繁忙的街道，偶爾經過才看到呢。裡面有吧枱和一張大枱圍著坐，好有日本風味~桌上有水和不同調味料，各適其適。拉麵湯底有八款之多，讓我有點選擇困難。我覺得這裡最特別的是連叉燒都能選肥瘦度男友突然說要挑戰吃辣，就選了赤熊。橙紅色的湯底看起來不辣，但原來愈喝愈辣，他最後都是受不到讓我吃這碗配的是火炙肥叉燒，好厚的一片又炙得香，不過真的好肥啊！爽口的木耳跟辣湯好夾！我就選了魚介豬骨，是必定會好吃的組合來。充滿鮮味的鰹魚粉跟creamy的豬骨湯混合後香味十足，味道濃厚梅頭瘦叉燒較薄但面積大，雖然脂肪少，肉質卻軟，比較適合我。這碗還送流心蛋，既香蛋味且嫩滑。兩碗麵都是中幼麵，雖不太掛滑但麵質彈牙，選硬身沒錯了。另外，我們也點了餃子，很少看到煎得那麼美，一點也不焦的餃子，簡直是剛剛好！香脆的餃皮內塞滿蔥末和豬肉末，餡料味濃多汁，點餃子汁吃味道更豐富魚介豬骨湯實在太好喝，我們清了，就看到可愛的小熊說謝謝~這種質素對得起這價錢~ 夜點來就要排隊啦！

拉麵癮發作, 決定放左工一定要去搵間拉麵店食晚餐｡ 上網 search search, 發現佐敦其實都有好幾間拉麵店, 所以就落左去踫運氣｡ 由白加士街頭開始行, 見到呢間拉麵店仲未有太多人等,  最後就決定試試｡ 門口放左幾張櫈俾人坐住排隊等, 等左5分鐘左右就入得｡ 店內有一張好大張嘅長枱同長吧枱, 基本上D食客係圍住呢兩張枱坐｡ 食客想食咩就喺張紙上剔, 剔完寫座號後就可以交俾店員｡ 今次叫左一碗赤熊拉麵 & 一碟熊自家製餃子｡赤熊拉麵我揀左1.5mm中幼麵 & 瘦叉燒, 塊叉燒都算大塊, 但切得好薄｡ 個湯底係微辣 (因為係”赤”), 如果豬骨味再濃厚D會更好｡ 碗麵有蔥 & 木耳, 如要追加配料要再加錢｡ 整體黎講, 碗拉麵味道OK, 但唔算非常突出｡熊自家製餃子煎得好香口, 外皮香脆, 入面D肉汁都仲保留到, 唔錯唔錯  

今日小妹同男友去開圓方睇戲，拉麵狂熱既我今日搵到係佐敦呢間熊拉麵佢入到去舖頭細細，日風氣氛揚溢，比較欣賞坐係吧枱既位佢地係會係吧枱前水吧送餐，十分傳統佢有兩款前菜任添，水同餐具都係自助既，非常便利餐牌上都算多選擇，佢有齊豚骨、黑蒜油、辛味及魚介湯，多款選擇適合各人去醫肚品嚐嗜辣既我當然簡左試下赤熊拉麵啦，唯一可惜既係要另加紫菜同溏心蛋，但其實價格算合理，加埋一隻溏心蛋就$90一碗赤熊拉麵 $80 ★★★嗜辣的話，辣度其實一般，湯都夠濃厚，配料份量都足夠，但可惜冇紫菜要另加，小妹加左溏心蛋，但可能浸耐左所以蛋黃有少許熟左，麵質簡左硬，叉燒只有一塊，但有得選擇要咩叉燒，我簡左火灸肥叉燒，淋香肥厚，而且好香火灸味聽人講佢碗底有熊仔同我打招呼，只可惜我飲唔晒啲湯，因為係辣味噌所以更咸，到最後1/3湯再飲會渴喉，所以挑戰唔成功男友就簡左黑熊拉麵黑熊拉麵 $80 ★★★湯底黑蒜味香濃，份量足夠男女均可，不過順帶提一提，唔食得辣既朋友，叉燒上個點應該係辣味噌，所以可以挑走佢，但如果未算完全食唔到辣，撈勻佢食味更香濃熊自家製餃子 $38 ★★★餃子皮薄多汁，但未至於香脆，如果可以做到香脆更佳整體黎講都

因為就近工作地點，佐敦熊拉麵是本人飯堂之一，白熊赤熊亦是本人經常點選的麵款，本人喜歡火炙肥叉燒，口感不錯。由於夏天熱悶，拉麵店都會推出限定冷麵，熊拉麵推出海之幸焙煎芝麻醬冷麵，本人喜歡芝麻醬，坦白講撈什麽都好吃，平時在小攤檔用十幾廿銀撈來吃已非常好吃，熊拉麵這個冷麵本人覺得太吸引，算了吧。今次要推介的是餃子，好幾次想寫這個還是沒有機會。餃子是自家製，真的是自家製，由於本人愛坐吧檯位，座號一及二均可直看到廚房情況，本人幾次見到女廚工在包餃子，加上煎餃子是用煎餃機，而是用平底煎鍋，加上特别在，本人見到廚工煎餃時，會走去做其他工作，而是專心看著煎鍋，所以煎出來的餃子未曾過燶，或者一隻生一隻熟。當有多過一位人客點選餃子，廚工會用多一個煎鍋煎餃，而非全部不分先後在同一個鍋煎。我很愛吃醬汁，沙律醬也是本人喜愛，所以點選了香葱沙律醬餃子，皮薄肉厚邊脆，相當好吃。餃子另有唔要沙律醬、唔要葱或辣葱選擇。

呢排又落雨又冷，就好想食熱辣辣的湯麵友人就提議試熊拉麵，一黎夠近地鐵站，行5分鐘就得二黎我地都未食過，就當試新野啦我地就選左bar枱，對住師傅別有一番風味見到每人個位都有張紙比我tick野哇！！原來有辣湯底食，即刻點黎試吓先！而友人就唔食辣所以我地分別叫左白熊拉麵同埋赤熊拉麵叫個陣原來係將張紙交比前面位師傅感覺好似去左日本咁咁我ge赤熊拉麵就黎左先ge咁我個赤熊拉麵配左熊特製五花腩而麵就選左幼麵，麵ge硬度就選左普通因為想個麵索汁d所以先選幼ge個熊特製五花腩整得好霖 仲索曬個湯麵的硬度都岩岩好其實我覺得個湯可以再辣少少不過值得一讚係唔多味精之後就黎友人ge白熊拉麵佢就選左豚肉叉燒佢話豚肉叉燒唔霖但都ok而個湯底咸度岩岩好，個味亦都好濃麵硬度都好好，爽口我地仲叫左可樂同芬達，分別$14一個雖則唔叫特別抵食但咁冷食d熱野都舒服好多而d質素都算好下次黎佐敦食野list又多一個啦哈哈

環境：有一張大檯，其餘嘅就係吧檯，每個位都有個勾可以放袋。新開張期間，枱櫈都特別乾淨啲食物：幼&粗嘅麵分別只有0.3mm，建議第一次食嘅朋友食幼麵先白熊拉麵：博多豬骨湯底非常濃厚爽口甘甜，好香魚味，唔會只係一味得個鹹字。特製五花腩充滿肉汁，口感豐富赤熊拉麵：豬骨湯底加上自家製辣醬，辣度似辛辣麵，湯底濃郁好易沾上麵一齊食。麵硬度適中，就算食到最尾都唔會浸爛晒，真正做到由頭到尾都咁煙韌有口感！不過對一個正常食量嘅男仔&大食嘅女仔嚟講，麵嘅份量可能唔足夠，所以要一份加底再兩個人share就啱啱好喇黑熊拉麵：湯底加上黑蒜油及炸蒜，但對於好熱愛蒜頭嘅我就覺得完全唔夠，我希望係成碗都鋪滿蒜頭！出面好多拉麵嘅叉燒係欠肉味而且好鞋，但呢度嘅叉燒有濃郁嘅肉味，肥瘦適中，而且一啲都唔鞋！紫菜香脆爽口，一浸落湯再加啲麵食真係欲罷不能！醃過嘅流心蛋簡直係綠葉中嘅綠葉，蛋香不在話下，醬油係超級入味，滲到去流心蛋黃部份，香到不得了！一咬開隻蛋，蛋白係呈半熟狀態，金黃色嘅蛋黃係湧出嚟㗎！唯一可惜嘅係湯底較油服務：幾個大男人著件有熊仔嘅制服好有趣，非常有禮貌，好清楚咁解釋食材，等我哋唔會盲中中。我哋食辣芽菜嘅時候仲好