上岸料理 (已結業)

朋友升職，諗住同佢食返餐慶祝下 冇咩心水餐廳之下，又去問下 ”openrice” 達人，見到呢間餐廳竟然係零負評、一於訂位去試下！~~ 餐廳走簡單路線，裝潢富有日本feel，有種親切的感覺.見佢Menu好多選擇，有刺身、壽司、爐端燒、揚物、燒物等等，真係花多眼亂！店內經理走過來推介左幾樣野俾我地，都覺得OK，就照佢意思啦熟螢光魷魚聽個名覺得好得意，而且唔係普通餐廳可以食到，第一次食，口感係滑嘟嘟但又帶點爽口，比普通魷魚鹹鮮而且體積好細，頗特別豚肉野菜沙律 豚肉薄切上，肉味濃，配上日式麻醬味道更上一層樓！沙律菜新鮮爽口，是一道唔錯的開胃菜.燒日本青椒仔BB青椒仔好迷你， 一啖一條好爽， 呢個BB青椒仔口感好爽甜，又帶點辣辣地, 好得意，配有木魚一齊食，感覺唔錯。海膽松葉蟹蒸蛋嘩~　呢個真係好 ”疏肝”，如相片所見，有好多海膽鋪面，海膽好清甜，而蛋蒸得好滑，可見師父火候控制得好好！食到底，仲有兩大條松葉蟹柳，真係好滿足！刺身拼盤我地冇咩心水，所以刺身交由店內經理幫我地發板！刺身有金目鯛，連子鯛，赤貝，紅衫魚及赤鮭魚。賣相唔錯，魚身光澤，睇得出係新鮮貨。金目鯛同連子鯛好特別，唔係間間餐廳都有

在寧靜的棉登徑路上，有一家水準日式料理店，走刺身居酒屋路綫，裝潢簡約，富家庭式之溫暖感。刺身新鮮及不乏特別款式。既然來到款式多多的店，我們的選擇亦多樣化，吃盡日菜特色。晚餐由番茄沙律多開始，厚切大片，非常多汁的新鮮生番茄配豐富的日式麻醬汁，口感酸甜醒胃，生津止渴。接著是刺身拼盤，我們挑了極肥美赤睦魚、少見有的竹簽魚、難得的紅衫魚、深海池魚及吃不厭的爽甜赤貝，全部皆非常肥美，回甘味甜。剛好合時上一道清酒煮蜆，清洗味蕾，蜆仔肥美，湯熱騰味甜，吃過刺身後暖胃的養生吃法。鵝肝多士煎得不錯，內心疑似生嫩之感而外表香脆，再加上甜美的醬油，口感非常豐富。還吃了多款燒物，雞骨腸上有緊緻的肉，明太子雞翼燒至香惹。喜出望外是炸南瓜餅，外脆內軟對比明顯，口感極佳，味道甜美香惹。最後以香蔥吞拿魚腩手卷結束，紫菜乾身米飯香，好吃。價錢合理，每人$690，捧著肚子離開，如果在附近覍食，值得考慮，我已經是重臨，依然會再來。

契妹要去尖沙咀攞野，急搵小肥契哥幫忙做柴可夫，見酬勞係晚飯食日本野喎，當然係收咗工即刻趕去啦 ！尖沙咀並非自己地頭，泊好車就由契妹帶路去咗棉登徑一家叫「上岸料理」o既日本餐廳。餐店門面及室內o既裝修均以木為主，簡潔企理。店內用上大小盆栽及假花裝飾 ，感覺健康正面。散座全為合併式二至多人木造枱櫈。點菜由俾錢o既契妹發辦，不過大多都係應經理姐姐推介o既菜式 。 前菜（免費贈送）：海哲青瓜爽脆惹味，少辣醒胃 。 北海道生粟米（$40）：姐姐介紹當日啱啱收到北海道新鮮運到o既粟米，屬未黎得切寫上黑板o既小食，建議生食最正。其實肥肥家族每年都好期待食生粟米，一聽到有得食小肥對眼當堂發哂光 。生粟米爽甜又多汁 ，果然冇令人失望。 松葉蟹肉海藻沙律（$34/杯）：透明杯內o既沙律層次分明。墊底o既海藻極為清脆，松葉蟹肉鮮甜幼嫩，份量又足，配上酸甜透光o既柚子醋啫喱食，分外清新開胃，$34一杯真係好超值 ！ 刺身拼盤（$480）：拼盤內含五款刺身，分別為左口魚薄切、吞拿魚腩、赤貝、火灸竹籤魚及魷魚。左口魚薄切清香輕盈。魷魚煙韌潤滑。赤貝爽脆鮮甜。吞拿魚腩溶於口中，軟滑肥美 。火

今晚我超期待，因為可以去食日本料理，好興奮啊。今次去到位於K11附近的上岸料理。個門口已經好有日本feel，唔知啲食物又會係點呢？真係想快啲品嘗到，嘻嘻～一入座服務員就好貼心咁奉上熱茶同暖毛巾給我地清潔雙手。等左一陣就上前菜了，唔好睇佢黑黑地成粒牛舌咁，其實係煮吞拿魚。肉質好滑，入口沒想像中嚡恰恰，而且吸晒由師父特製的醬汁和少少蔥調味，味道濃郁香甜，簡直令人食指大動。前菜都咁好食，黎緊一定更好。下一道菜係即開新鮮北海道生蠔。一睇隻蠔就知道新鮮，非常有光澤，閃閃發光，而且又飽滿，加上豆芽菜同辣蘿蔔做裝飾，一紅一綠令到生蠔睇落更好吃。入口好鮮甜好滑，咕一聲就滑到口嚨，海水味唔係好重，加上少少豉油醋作調味，帶出生蠔的味道，真令人回味啊！之後出場就係精緻美味的刺身了，全部共五款刺身都係日本直送的海鮮，加埋楓葉、銀杏做裝飾，真是別有一番風味。首先食眼仁奈，感覺好似食緊油甘魚咁，但味道就較清。入口好有魚肉的鮮甜味，肥美而且好新鮮，少少豉油同芥末就夠了。肉質好有彈性，很有咬口。之後係鯖魚，未入口已經聞到好香鯖魚味，連埋薑同蔥一齊食，更能突顯鯖魚的鮮味。而呢個就係金目鯛，因為它經過火炙的處理，令魚油被

香港被譽為美食之都，各國的佳餚樣樣兼備。今天晚餐，我和朋友三人決定前往尖沙咀一家特色居酒屋品嚐一下正宗日本料理。從門口看，居酒屋的外圍乃密封的，感覺很是隱蔽。居酒屋內一系列昏黃的燈光，入夜後更好氣氛。店子一室深木色主調，放了不少日本掛畫，佈置雖簡單，但富有地道感覺，儼如置身日本。汁煮牛脷：餐廳店員首先奉上的前菜是汁煮牛脷，平時慣常食用的是主要是放題時的鹽燒牛脷，一般是比較爽脆乾身。今次的牛脷用上醬汁的煮法，薄薄的一片片比較腍身，醬汁的味道亦不會太濃。份量不多，不會影響之後享用主菜的胃口。但本人還是比較喜歡吃乾脆的鹽燒牛脷吧。大根芝士沙律：大根即是白蘿蔔。這道沙律吃起來十分清新。一條條爽甜的大根配搭上一粒粒的水牛軟芝士，混合其他新鮮的綠色蔬菜，再加上份量不少的木魚絲，味道清淡，令人胃口大增！沙律的賣相也相當吸引！金槍魚、秋刀魚、紅衫魚：師傅以海葡萄和五彩葉子裝飾刺身併盤至藝術品一樣，一上桌已十分吸睛。除了視覺大為滿足外，聽老闆說，居酒屋選用全日本進口的時令食材，難怪刺身予人口感倍感幼滑，而且絕對入口即融，非常新鮮。金槍魚和紅衫魚肉質充滿彈性，味道鮮甜，入口後盡是魚脂的油香，另以香蔥配搭，

又一間有質素的日式料理店在棉登徑插旗.   店內環境日式風格, 只可坐20人左右, 小店經營, 有貼心服務, 水準亦不錯!厨師發辨  :日式煎蛋蛋味香濃, 環有粒粒三文魚杍, 好味大根芝士沙律爽脆的蘿蔔絲配粒粒芝士, 清新的配搭, 可惜醬汁略為淡口磯煮鮑魚鮑魚肉質軟腍, 甜甜地的醬汁醃製出色, 滋味無窮刺身拼盤三刀魚薄薄的, 晶瑩通透的肉身, 鮮味十足, 配酸汁同樣好味紅衫魚魚皮閃閃発光, 肉質結實有彈性, 味道鮮甜, 值得推介赤貝爽口鮮美池魚原條上枱, 質感很嫩，口感豐潤帶爽，那份特別的油脂香在口中散發，令人回味吉列忌亷蟹球外脆內軟.  外層好薄, 做得非常出色, 內層綿綿口感, 忌亷不會太膩, 蟹味濃郁, 必食推介生姜燒豚肉豚肉肥瘦適中, 那醬汁非常惹味, 但姜味欠缺淺利韓風燒蜆肉粒粒飽滿, 鮮甜味夠, 那韓風醬汁, 又辣又甜, 味蕾層次豐富, 食不停口炭燒牛柳肉質比較實, 燒得過火炭燒手羽拆淨二條骨容易進食, 炸得皮脆肉嫩, 火喉恰到黑松露烏冬黑松露意大利粉就食得多, 烏冬是新嚐試. 烏冬比較腍身, 芝士又傑撻撻, 比較糊口.我本人都係比軟喜歡傳统食法啊柚子雪芭清香的味道, 粒粒