辛安東元祖奶奶雞 (已結業)

💕一直都想食韓式燉雞，而元祖奶奶雞都一直係bookmark之中，果然真係好好食🤤┈✨辛安東元祖奶奶雞(半隻) $178- 睇到餐牌見到寫住「鎮店之寶」，就當然要試試啦！我地叫左小辣，雞件嫩滑同好入味，好滋味(˶‾᷄ ⁻̫ ‾᷅˵)除咗雞，仲有紅蘿蔔、薯仔、瓜同好多薯粉，好豐富😋原本以為半隻雞唔多，但佢份量都比得足，兩個人食都好飽～✨芝士拉絲卷 $78- 見到有最愛既芝士就即刻話要食🤩傳統飯卷上面鋪上芝士片，淋上燒汁，再點一點旁邊既沙律醬，令傳統飯卷更滋味～(๑´ڡ`๑)┈💕今次叫既野食都好好食，特別鍾意奶奶雞，啲雞嫩滑，汁又惹味，可惜同朋友兩個人叫唔到好多，呢間餐廳仲有芝士奶奶雞都係鎮店之寶，下次一於試埋佢٩(˃̶͈̀௰˂̶͈́)و

天氣熱辣辣，黎到白布街見辛安東元祖奶奶雞唔使等位，就鎖定晚餐食佢～兩個人叫左三樣野食，兩杯野飲-🐔辛安東元祖奶奶雞（少辣）可點全隻/半隻、辣/唔辣，兩個人叫半隻都足夠。應該係一份份Pat 好，點左就入鍋煮熱的。首先汁醬係帶甜味既，當晚點左少辣，但完全唔覺辣。除咗雞外亦有好多伴菜：薯仔、紅蘿蔔、瓜，每樣都夠稔夠入味，最驚喜係有薯粉既麵條彈牙掛汁，反而雞件肉質稍一般，無咩雞味但未至於太稔鬆散，總括係好食的，醬汁開胃會使人一口接一口。-🐷豬手生菜包一份有齊多款配料連生菜，唔夠既話可再追加。加入菇絲、洋蔥等炒成，味道好野味，睇落份量唔算大份，但配完所有生菜食都有餘-鰻魚玉子燒🥚玉子燒分鬆軟/札實兩種感覺，呢度既偏鬆軟質地，但可惜蛋液出水，加上鰻魚肉唔算多，反而利用淋上鰻魚汁加上原來煮玉子燒已有落糖，味道稍偏太甜較失望。其他：店鋪分上下層，下層4、5張枱+廚房，上層位置十多張枱尚算寬敞。店鋪早前裝修過，環境衛生都滿意。要留意門口係手動趟門形式，當晚坐地面個層，經常有客/員工於門口旁食煙，門無關上，如怕熱/介意煙味既就選擇坐上層較好。同埋留意上菜情況，玉子燒係食曬另外兩樣野食都未上，通知店員後再等

安東奶奶雞久仰大名，係一間好出名嘅黃店同一班朋友嚟食就最適合不過。嚟到當然要食最出名嘅奶奶雞，不過半隻雞就真係有啲少，蔬菜比較多但係個汁好惹味，唔係度度都食到，係送飯一流嘅味道！煙燻豬手份量大件夾抵食，但係有少少難嚼，不過煙燻嘅肉味都香另外都係叫咗啲基本嘅小食，泡菜煎餅同埋炸魷魚鬚，不過不失。整體都有韓式嘅味道，不過餐牌就比較殘舊，如果同一班老朋友嚟敘舊嘅話，飲下燒酒都唔錯，不過味道就唔算非常出眾喇

🇭🇰 < < 辛安東元祖奶奶雞> > 💛超級惹味💰 [ $100-$200 ］👯 [ ~15mins ]📍 [ 旺角白布街20號地下 ] ⏰ Mon-Sun(12:00-15:00 | 18:00-00:00)☎️ 2332 0823______________________________ 1️⃣[ 辛安東元祖奶奶雞半隻🥘 ］ʜᴋᴅ158✍🏻嚟到呢度點可能唔食奶奶雞 半隻份量都唔少 除咗有雞之外仲有索晒汁嘅水晶粉、薯仔、紅蘿蔔等每一樣材料都非常香口 雞係用咗雞脾肉 非常滑嫩 水晶粉煙煙韌韌 配埋醬汁甜甜地好正如果兩個人嘅話可以嗌半隻🌟推薦指數：8/102️⃣ [ 炒碼麵🍝 ] ʜᴋᴅ88✍🏻 第一次叫炒碼麵 就咁睇咪唔知係咩上菜就覺得有啲似海鮮炒麵配料有青口、蝦、帶子等海鮮同年糕味道係有啲似辣炒年糕嘅汁醬食落辣辣地帶甜 味道唔錯🌟推薦指數：7/10______________________________🥑整體嚟講🥚10/10係全民感謝日 當然要揀返黃店嚟支持記得呢一間年頭嘅時候 店員會大叫口號而且會播榮光 咁黃嘅舖頭 味道又好食一定要多多支持😋好味指數

近8點半去鋪頭門口都要排5張😯😯聽附近有張等緊6人枱嘅都等咗40分鐘先有位。不過最後大約等咗20分鐘就入咗去了😄排隊嗰陣已經諗好食乜可以嗌，餐廳食物上菜速度算快，唔洗話等到好肚餓都未有得食😛💥辛安東元祖奶奶雞 ($158/半隻) ⭐味道有啲似日本嘅薯仔燉肉，但啲豬肉就轉咗做帶骨嘅雞肉。所以唔會話有好豐富嘅味道，反而感覺好家常🤣今次嗌咗少辣，本身唔覺得好辣，但愈食愈辣，尤其是下面浸住汁嘅薯粉🥵但當然都因為咁所以薯粉係最入味。可能係因為人流太多，啲雞同其他材料唔係燉咗好耐所以無特別入味吧😛但相對而言雞就keep到嫩滑嘅😆評分: 7/10 🙂💥辛辣年糕八爪魚炒麵 $88突然好想食韓國辛辣麵，見佢menu幅圖exactly係呢隻麵所以嗌咗。點知嚟到竟然係介乎拉麵同伊麵之間質地嘅麵🤢有啲sad. 調味同佢顏色一樣都係好淡🤣🤣微微韓式辣醬味。本身以為八爪魚係正正常常一隻有啲八爪魚鬚咁，點知係我諗多咗🤣🤣係日本嗰啲紅色八爪魚仔，成件事即刻勁唔夾🤨評分: 5/10 🧐💥芝士玉子燒 $68我欣賞佢係用車打芝士嚟整個夾心💕相比起平時可以拉絲嘅Mozzarella cheese有芝士味得多🤣唔夠味嘅話可以點

次次嚟都好多人排隊，攞飛都要等十幾廿張枱，今次特登6點幾就嚟食，終於畀我食到啦！對上一次食韓式燉雞，已經係好幾年前喺韓國食，事隔咁多年，一路對個味道念念不忘，唔知喺香港食係點呢？.//辛安東元祖奶奶雞 (半隻)//完美還原韓國食嘅風味！雞肉嫩滑惹味，連其他配料都非常入味，燉嘅時間亦啱啱好，連平時唔食薯仔、蘿蔔同洋蔥嘅我，都忍唔住清晒成盤嘢最鍾意都係個粉絲，好煙韌好彈牙仲吸晒啲湯，勁入味！.// 鰻魚玉子燒 //玉子燒就食得多，用鰻魚做餡料就真係第一次食，雖然唔係好食鰻魚，不過今次非常驚喜，冇諗過玉子燒同鰻魚咁夾，而且非常Juicy！

都好似有一段時間冇食韓國菜啦，今日就你是旺角好出名既辛安東奶奶雞，但如果黎食要小心排隊條路都幾多人 😱😱😱😱傳統韓卷，材料簡單但其實好惹味，加埋沙律醬更出色👍🏻👍🏻芝士蛋卷芝士量多，一切開就流晒出嚟，蛋又好滑好香，值得一試水冷麵味道略嫌偏淡，但麵條好滑，加埋蛋同蘿蔔絲，都算好食之後就梗係到主角辛安東奶奶雞啦，有唔同既辣度選擇，今次叫左中辣，其實都偏唔算辣，所以可以放心叫，味道好濃好惹味，雞又好嫩滑入曬味，未試過既絕對值得一試👍🏻👍🏻

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗超級黃店！出面幅牆同店內嘅牆都好不等了，仲有埋影相道具！今日點咗赤化Full Gear 套餐（$498/4位），辛安東元祖奶奶雞（$158/半隻）😋 赤化Full Gear 套餐😋🍴砌鑊生豬肉 - 泡菜豬肉鍋好多豬肉片，肉質爽口，半肥瘦，唔係太辣，因為有泡菜好惹味，薯仔翠玉瓜煮到最後索晒個汁勁好味🍴催淚彈放題（wasabi 醬魚蛋）用咗大大粒白魚蛋，勁彈牙，表面包住wasabi 醬，唔算好厚，好味而一D都唔催淚🍴五大素球（紫菜、白魚、木魚、明太子、櫻花蝦飯糰）一口一粒，唔會散開，每粒都好夠味，又唔太鹹，自己比較鍾意櫻花蝦和紫菜味🍴冷絲撈潺（日本山芋蓉配秋葵蟹籽沙律）非常清新，柚子汁令味覺醒神，食慾大增🍴鵝系小學雞（鵝肝醬燒玉子）玉子甜甜軟軟，其實唔太食到鵝肝味🍴香黑串燒（串燒黑椒腸）正常，冇咩特別🍴以眼還眼（黑加侖子龍眼梳打）好處係一D藥水味都冇，正常！記得要攪到好混，唔係飲到個底會勁甜，最得意同龍眼包住粒提子做眼，好正！😋好味推界😋辛安東元祖奶奶雞（$158/半隻）個汁係唔識形容嘅好味，今次因為有朋友唔太食得辣，所以叫咗最低辣，辣味好輕

辛安東元祖奶奶雞友人話呢個奶奶燉雞做到係韓國食到既味道 入面仲有好多唔同配菜(冬菇, 薯仔, 紅蘿蔔, 青瓜,f) 鋪底既係一種叫東粉既韓式粗粉絲 雞既肉質嫩但比較多骨 配菜同啲汁好match 粉絲會俾把較剪你 韌性都幾強易纏埋一齊所以要剪 但味道不俗👍🏻陸軍牛肉拌飯呢個飯係驚喜之作 冇諗到只係拌飯都咁高水準 望落唔止賣相靚 味道都唔錯🤩燒牛肉切到一絲絲 配菜有泡菜 紫菜 生菜 木魚碎 仲要加隻流心蛋 認真花功夫 之後撈均晒同蛋汁一齊食🤤真心推薦！芝士拉絲卷都唔錯👍🏻叫左個豚肉生菜包🤤塊肉非常大 仲好厚肉又唔硬😳😳再黎一個炒麵仲叫左一隻雞 佢會切開一半分兩碟上👍🏻咸興水冷麵 水冷麵係本人🇰🇷菜之中最愛 因為想食到好食既水冷麵可遇不可求 呢間就幾好 佢既水冷麵湯夠凍入面好似有酸既冰👍🏻😵仲食到又爽又甜既梨 麵亦夠彈牙 酸酸甜甜個人覺得夏天口淡淡既時候食係最正！海鮮煎餅煎餅食落同泡菜餅冇乜分別 所以冇乜特別😹唔太食得出海鮮因爲得好少 但係勝在熱辣辣煎起幾正 略嫌份量太少😖叫左啤酒 燒酒 不醉無歸🤣

呢個鋪頭開咗一段時間，已經聽過幾次朋友好評，今次就嚟一試究竟！一坐低就即刻叫咗制作需時嘅招牌菜—辛安東元祖奶奶雞半隻（$158加一），少辣。一上枱，賣相幾靚。如果兩個人食，份量都夠。以豉油燘燉，味道有港式感覺😂。除咗雞塊，仲有啲配菜（蘿蔔、薯仔&青瓜）。不得不提係，墊底嘅韓式粉絲超入味！粉絲呈闊條狀，有厚度，咬落煙韌彈牙，正！傳統韓卷($48加一），味道正常，料都算豐富！大家一定要沾沙律醬嚟食，好夾！另外仲叫咗籠韓式泡菜小籠包（$58加一），內餡札實，無湯汁。與其話佢係小籠包，不如叫返佢韓式餃子...總結：除咗奶奶雞，其他都有一般！順帶一提，店員親切有禮，值得一讚

韓式食物自己一向唔算話太大興趣，但難得朋友推介，就即管give a try🤔 -首先就叫左半隻鎮店之寶奶奶雞，因為怕太辣既關係，所以就揀左個唔辣～🍗-一上枱已經有濃濃既香味，仲有滿瀉既醬汁，份量比想像中多🤤味道方面，同一般韓式食物一樣味道都比較濃，不過抵讚既係濃得黎唔咸，唔會話食完太口渴～ 配埋一陣講既豬肉拌飯食就更加好🍚有驚喜既係啲雞下面有好多薯粉，煙韌得黎點埋醬汁就更加惹味😋-至於陸軍豬肉拌飯亦都係大大碗，賣相都好吸引🤪 呢碗飯有煙肉、蛋同泡菜，不過如果啲蛋可以整到流心就更好啦🥚 整體黎講不過不失，比較啱一啲口味淡既人食🤔-服務同環境方面，有啲特別既係餐廳門口有一塊鐵絲網，上面會俾人掛卡仔留言，有種去緊旅行既感覺😂😂 餐廳有兩層，坐得算闊落，而且上菜速度都好有效率，around 10分鐘就有得食👍🏻-食完之後的確令我對韓式食物有啲改觀🙈 水準比一般韓式餐廳高，就算平時麻麻地韓式野既人都不妨去試下😝

傳統韓卷 $48不過不失既韓卷 啲酸蘿蔔幾好食 夠爽脆夠酸 同時有蛋既甜平衡番 酸酸甜甜 可惜唔係韓國果種好重麻油香既韓卷🙁.辛安東元祖奶奶雞(半隻）$158小辣既辣度都幾勁 平時譚仔食4小既小編都辣到要飲水 但又辣得幾過癮🤤齋睇個色水都知有幾入味 連啲薯仔、翠肉瓜同薯粉都煮到入哂味 個汁甜甜地 好惹味 雞肉頗嫩滑 不過啲骨都幾大舊 呢到半隻既份量大約僅僅夠三個人食 .豚王生菜包 $88豚肉係要自行剪既 想要幾大塊就剪幾大塊 油脂同瘦肉比例適中 燒過既肉質唔會乾 配有泡菜、辣椒、蒜片、辣醬 相比起就咁食豚肉 都係用生菜包住食無咁膩 btw生菜只可refill一次😛.芒果搖搖米酒 $78甜味多過酒味 飲落似芒果汁 不過始終都有米酒既成份 甜中帶少少苦 只係酒味真係好微弱🤧

星期日晚去食唔使等位，位置闊落，坐得幾舒服。兩個人食淨係嗌咗半隻雞(小辣)驚唔飽加咗籠小籠包。啲雞好好味入哂味仲炆得好淋雞唔肥，食完覺得唔係好夠。粉絲口感淋得滯，如果有啲咬口就更好。其他配菜都好入味。/5其實兩個人嗌一碟都夠了，好辛苦先食埋下面籠小籠包首先賣相好差，依度扣哂分一打開就咁，睇黎佢上樓梯既過程好驚險。入面包有泡菜，粉絲同唔知咩切碎咗既菜。成個咬落去感覺好爛，個皮到啲餡都係。加上泡菜量好少，啲不知名菜碎就好多，無乜泡菜味。依樣我要俾個差佢/5服務方面，啲侍應匿埋一二邊，次次都要叫先知，好再一聽到都馬上黎，所以還可以。

睇完戲又係醫下肚既時間，難得男朋友有餐廳推介，一定要捧場啦☺️我地8點左右到，仲有少少位，唔洗等位✌🏻木枱木櫈，牆身有d畫，仲有個快左10分鐘既鐘🕰坐低左之後侍應比左個細籃我地放野，貼心呢-menu清晰，選擇不多，有飯亦有出名既奶奶雞🐓-因為頸渴，所以叫左兩杯野飲。Chilsung Cider感覺只係普通既雪碧加青檸梳打，冇驚喜，青檸味比較淡。Banana Chocolate Latte呢杯相對出色，香蕉味唔會搶過朱古力既風頭，兩者好夾，唔會太甜。辛安東元祖奶奶雞黎到點可以唔試最出名既元祖奶奶雞呢我地2個人叫左半隻，份量都夠，雞肉好滑嫩，汁既味道濃郁而唔咸，入哂雞肉裡面。仲有d青瓜同紅蘿蔔，紅蘿蔔唔算好林，不過青瓜就好正，又林又入味佢唔係淨係得雞嫁！佢底下仲有d粉，佢有d似檬粉，口感比較粘，好易咬斷，但又唔會林到一pat野咁。完全吸收哂汁既味道，三兩下就食哂，好想encore-因為唔飽，所以決定叫多個小食，原本想食海鮮薄餅，不過佢賣哂蜂蜜炸雞見到佢賣相唔錯，期待都幾大。可惜期待愈大，失望愈大。蜂蜜完全包住哂雞塊，的確好濃蜂蜜味，但變左有d苦，亦冇左脆既酥炸feel。雞肉都偏老，最後我食左

旺角都算係食飯中心點，加上同朋友住得唔近，所以今日就出左旺角食。本身都冇話特別想食咩，朋友又話唔太肚餓，咁經過呢條街，間野叫奶奶雞，覺得幾得意，咁就入左去。本身以為係用牛奶煮雞既創意菜，但原來係食韓國野既。「聞雞起舞」雞件好滑，而且你係食得出佢真係半隻雞，當中有雞胸、雞脾、雞翼等，冇偷工減料。雞肉味鮮，醃得好夠味，同埋咬開雞肉後，中間既肉都係轉左色，睇得出唔係煮熟完啲雞，淋個汁上去就算。除左雞肉，佢下面仲有粉條，粉條係有煙煙韌韌既感覺，但我就略嫌佢韌性太高，可以軟返小小。再加上可能佢個粉條係同埋啲雞一齊煮，佢係完全吸收哂個汁既精華，所以咬落係會食到好豐富既醬汁味道，可以一試。「一豚和氣」另一份料理係豚王生菜包，豚王冇偷懶，係原塊上，要用佢附上既大剪刀自己剪。因為我唔係泡菜同辣椒果啲，所以都冇點樣配佢小碟上既配菜食。不過，淨係食個豚王都覺得好吸引，佢個皮燒得好香脆，可能因為有醬汁係面包裹、剪封住啲肉，所以佢咬落唔乾，肉汁依然好豐富。如果空口食就有小小肥膩，所以店舖推生菜包做賣點都算係聰明既做法，用生菜夾住食肥膩感會冇咁重。唔覺唔覺又食多左幾舊。我地本身諗住輕食，只係點左兩份料理，點知兩份