炑八韓烤 (已結業)

有多間分店的韓國料理，我們一行3人訂了炑八韓國餐廳，點菜時發覺炸雞是不可雙拼味道，我們還點了厚光豬腩肉、豬大腸、泡菜辣湯、泡菜燒餅、醬油蟹，我問店員3個女性是否點得太多，不如取消豬大腸，他說：份量唔會好多，一人幾舊就食完，我竟相信他👿炸雞好多薯條放底，蜂蜜味又放了一些糖的白粉末係面，乾身冇汁，實在失望，醬油蟹味道偏咸，其他食物一般合格。地下過於濕滑，危險⚠️

琴晚同朋友5個人，打電話訂左兩隻醬油蟹🦀🦀訂左7點半，去到門口勁多人塞住晒係門口，訂左都仲要等四個字先入到去！我地五個人一共叫左 三至四人套餐x1 ; 炒粉絲x1 ; 荔枝soda x5 ; 醬油蟹 x2，因為有朋友生日，佢仲額外送多左個海帶湯，一碟肉 同埋 一隻杯.. 一共食左每人$488 係有啲貴但又幾滿足不過，係服務方面，啲 waitress 個個都唔應人啦，應完唔做啦，叫左幾次，無一次幫倒我地手，叫佢拎啲前菜黎又話遲啲先好似我地貪心想要好多好多啦拎支匙羹 叫完無反應。最後幫倒我地手嘅就只有啲Manager 級嘅人

直街聖鬪士遠赴尖沙咀陳師拉擺大壽，設宴在炑八嘆韓烤。其實一早心裡有數點什麼菜色，眾伙伴一行十幾個可以叫多多不同種類佳餚呢。預訂左每人半隻醬油蟹，我就經常都食，有部份伙伴從來未品嚐過，真係忍真地試試啊。招牌護心肉必食唔少得，還有高檔牛肉都一樣唔少得。海鮮一試無妨，都係雪藏貨，要做好心理準備。再次我最早到場，唯有邊飲邊等，自酙自飲。食韓燒梗係配韓國燒酒啦，靚女全智賢跟我撐檯腳，冰凍原味真露飲勝﹗預備好三色調味調，岩鹽、烤醬、豉油，等待大家的到來。大豆芽，我最愛的前菜小碟，鮮甜爽脆多汁索索聲。泡菜，微辣爽甜，其實我都非常喜歡，但這有點咸啊，配飯或生菜包會舒服很多。胡麻醬雜菜沙律，平凡普通不太感興趣，室溫試兩口算數，我要食肉啊。醬油蟹，原來有朋友仔唔食蟹架？為何不一早講呢？我蝕底一點食埋去啦。這批質素似乎有別於以往食開的。呎碼細一點，蟹身細一點，蟹拑蟹腳幼一點，蟹肉少一點，蟹身長又窄，身材苗條。最先當然處理蟹蓋上兇湧的蟹膏，挖出來鋪在白飯上，等一等。唧埋蟹身深橙色蟹膏連半透明蟹肉同樣鋪在白飯上，最後淋上海鮮醬汁跟白飯撈得透徹均勻，禮成﹗立即起勁開動，連理進擊停不了手，大大啖一二三四五六七轉眼消

意想不到竟然能夠請到廣州塔羅女神降臨尖沙咀共渡韓燒呢，感動不已。我當然要自動自覺搶先到達，坐定定打點一切及諗好菜單啦。七點未夠已入座，還未有食家進場，任坐唔嬲 ﹗專登揀張邊位靠牆，有少少私人空間，不會人來人往，而且較靜傾到計架呢。從未試過炑八出品既醬油蟹，就決定由您做主角，再加幾款高檔牛肉，最後來兩客麵條，撐檯腳應該足夠有餘喇。眾醬油蟹聽住，今晚唔係您死就我亡，嘩哈哈！地方十分寬敞，密度不算高，空氣流通，冷氣夠勁，內籠格局不錯。肥姐、瘦姐、後生仔、妺妹都有禮熱誠，服務滿意。女神真的有點慢，我都係飲住酒、食點前菜先喇。原味真露，食燒肉梗係要嘆燒酒啦 ﹗不過未有肉食就要慢慢品嚐，不能狂 shot 呢 ﹗質地幼滑，味道醇厚，冰涼順喉，奇魔知架呢。辣大豆芽，淨飲又悶又寡，咬多注大豆芽送酒，微辣多汁只是有點濁，沒有撈辣粉的更好味。醬油凍豆腐，女神降臨前已經被我完全消滅，冰涼滑滑豆腐搭上鰹魚汁又幾好食喎。胡麻醬雜菜沙律，胡麻醬酸酸甜甜，味道陰沉加上室溫沙律我一向都麻麻地，寧願等一陣食烤肉生菜包啦。烤雞蛋泡菜粒，我真係非常鍾意食雞蛋架，太陽蛋、荷包蛋、炒蛋、烚蛋、溫泉蛋、奄列、蒸水蛋、等等，每日最少

一見到白桃冰冰呢個夏日限定甜品，我就二話不說要老爺帶我去!!由於老爺book 左位，所以唔洗等位。餐廳好大，坐位好寬好舒服，而且台面有足夠空間放食物先黎一個醬油蟹，醬油味道略咸，不過加埋白飯就剛剛好。醬油蟹set 有白飯同湯，兩個share 剛剛好!老爺當然唔夠飽，同埋要食燒肉，於是叫左個2 人燒肉set1. 芝士豬扒沙律 - 好好食!! 芝士味夠，豬扒唔乾好juicy! 不過極度邪惡lor2. 燒肉拼盤 - 唔知係老爺燒得好食定本身好食🤣3. 冷麵 - 一出埸就充滿仙氣，味道辣辣地幾醒胃4. 白桃冰冰 - 白桃唔夠甜，嚴格黎講無乜白桃味，不過下面d 牛奶冰冰就幾好食，消暑一流食物﹑價錢成正比，雖然人均500，不過食物質素同份量都值，推介👍

啱啱去完首爾都無試到醬油蟹，有啲「差咁啲嘢」嘅感覺，於是見到openrice有優惠券，就去試吓好多分店，總有一間喺左近咩都未點，就上咗兩格爐邊蛋，其中一格有泡菜。再有沙律，四小碟，生菜，除沙律外全部可任加星期一9:30嚟，場幾大，有75折，得四五枱客，坐窗邊卡位好闊落原價198，用openrice優惠券128，可與75折同時使用，訂位會問定你留幾多隻，優惠券一定要print out, 一張劵一隻第一次食，比想像中好味，開頭驚會死咸，但反而係鮮甜海鮮味最出，蟹膏甘甜，蟹肉質地比生蝦淋少少，無醒味無雪味，幾新鮮姐姐力sell個鰻魚，二百幾，算貴嘢，但就靜雞雞話送碟肉畀我哋，又送芝士粟米。上次去荃灣間韓燒，芝士粟米加入蛋內，無拉絲又無咩味，呢度個哥哥仔話韓國人唔會咁食，而係直接加落爐邊，果然無介紹錯，勁拉絲外好有熱溶挖挖芝士咸香feel，好玩又好味鰻魚分量唔算多，上圖見唒有專人燒，內厚，非常彈牙，附送個鰻魚汁唔係一般照燒汁，紅紅哋甜甜哋，幾特別好好味有好多種餐，呢個有帶子、墨魚、牛肋骨、牛仔骨，五花腩，護心肉，再加個石頭飯，雖然佢叫二三人餐，但我哋四個人都食唔唒。墨魚超大條，剪開差啲仲大過個

早前朋友在炑八買了團購,食過之後讚不絕口,趁今日和老公放假,好好去享受一下吧發現團購時己為時己晚,不過想食都沒有辦法啦我們怕多人便預約六點時段,當時已經半滿這裡的通風系統十分之好,眼見人人都在韓燒中,但卻完全沒有任何油煙的味道直至離開,身體也沒有沾染很多味道炑八空間感比同類型的韓燒店大,而且設有卡位,坐得舒服,可在訂位時REQUEST,方便帶小孩去食飯安排坐下後,店員為我們準備了大量的前菜包括了韓菜必備的泡菜,漬洋蔥、下火的紫菜湯、羅白和菜沙律而且每一份都十分大方,還可以任加,LIKE!要一提是這裡的泡菜十分惹味,不會太辣,太酸而且爽脆很入味我一個人都食上了一大碟店員推介我們點套餐,可以試多一點不同食物,而且包甜品和飲品, 十分抵食,我們決定點了一份海鮮烤肉餐$340一位另外再加上一份醬油蟹店員為我們開爐的同時,便在蛋槽上加上粟米和蛋汁,和芝士粟米那都是任食的,店員教導我們粟米芝士溶化後可用來包著燒好的肉同食, 又或者淨食都十分滋味伴食的調味料,海鹽和大醬我們另外點了米酒飲,奶白色的糯米酒為韓國的傳統酒精飲品,酒精濃度低,聞不到酒精味,味道較淡口,容易入口,特別適合女士飲味道略甜,多飲

近呢幾年韓風吹到香港，連正宗而且有特色的韓式餐廳都越開越多了。如果我連近來很 hit 的韓燒都沒有食過，都會覺得自己好 out 添！終於，最近和 2 個朋友一齊去了位於尖沙咀的炑八韓烤了。之前在團購網站得知「醬油蟹」很好味，所以一定要試試啊！來到的時候約 7:30pm，座位還未滿，但過了不久便已經滿座了。這裡也難得聞不到部分韓烤場的油煙味，抽風系統都不錯。我們點了兩份烤肉餐 (每位 $280)、一隻醬油蟹 ($228) 和一碗水冷麵 ($88)。食物一次過送來，除了叫了的食物，還附送大量沙律菜、泡菜、生菜、海帶、芽菜、酸白蘿蔔等，今餐營養相當均勻，讓我們感到大滿足！這裡的泡菜和生菜是無限供應喔~大大塊生菜當然用來包著肉類來食啦。泡菜味道不算很辣，不錯，朋友食完都有 encore 啊。水冷麵 ($88)，涼涼的清湯底加彈牙的幼細蕎麥麵，還有切成一絲絲的雪梨，味道清甜而不膩，感覺很清新。這碟烤肉餐 (2人份) 的份量相當豐富。我們三人由 7:30pm 食到 10:15pm，才全部食完。有特級牛肋骨、豬皮、豬腩肉 (五花腩)、排骨、葱花牛仔骨、大蝦、特製雞肉、牛笑臉等。爐側的青椒、芝士粟米和

有留意我IG 的朋友,都該知我在短短一星期內,連續幫襯了兩次尖沙咀炑八,第一次是朋友叫到,第二次是我主動約朋友.....死啦!我真係食韓燒食到上癮了~~仲要係因為芝士粟米同爐邊蛋,老老實實,我係出晒名唔鐘意食芝士!搞成咁,今次真係要游多兩個塘先得.....好啦!先講下令我上晒癮的泡菜爐邊蛋先,可以任添的,靠爐邊的火去慢慢烤熟,一有少少泡冒出就要留意,好快就食得,入口非常嫩滑~仲有芝士粟米, 都係用爐邊火慢慢把芝士碎及粟米烤熱,輕易拉到絲,芝士味帶咸,不會很膩,可以要來包牛肋骨一齊吃.....入座時,侍應哥哥立即說 醬油蟹 已經快賣光,問我們要不!其實,我未試過醬油蟹,不過我的同事們說非常好吃,說了十萬句必試...咁我們就要了一客試試看吧!店員哥哥也有提醒,每隻醬油蟹都包紫菜湯及白飯各一碗,挺飽肚的,可以叫一客分享挺欣賞這個惜食的小提醒....食不完也是一種浪費嘛~初嚐醬油蟹,味道挺新鮮,把飯加到蟹蓋上,伴勻蟹膏一起吃,口感很特別,滑溜溜的,生吃蟹骨比我想像中鮮味,蟹身方面,蟹肉挺彈牙的,醬汁咸中帶甜...因我是首次嚐試醬油蟹,沒有之前也沒有之後比較,也不知合格與否,就我而言很值得一試,