蟹仙海鮮蒸氣鍋 (龍崗道)

营业中

休息中

一直都覺得蒸氣海鮮火鍋先係食到海鮮嘅原汁原味，而呢一間一直都聽過但係就未試過，趁假期就梗係要去食一食試一試啦！一入到去望吓本Menu，好多個唔同嘅套餐，四人餐同埋每位計嘅餐，想食多啲唔同款嘅海鮮，就決定叫個刁鑽海鮮套餐！每位699未加一。佢可以揀好多唔同嘅靚海鮮，唔同款式嘅配搭，下面就會慢慢逐一介紹！首先小食揀咗蟹黃青瓜，蟹黃唔會好漏有淡淡的蟹黃味，再配搭埋青瓜既新鮮解膩，成件事好fresh!再之後就嚟咗個超級誇張嘅擺盤，喺上面放咗八頭南非鮑魚，韓國釜山珍珠蠔同埋日本大元貝！適合打卡！ 侍應都會好細心咁樣幫你蒸同埋解釋每一樣海鮮係咩嚟，鮑魚好軟淋彈口，珍珠蠔好有鮮味，蒸完出嚟都唔會話縮晒水，仲係脹卜卜！而日本大元貝就非常滋味！個黃非常軟滑有香味！好少可食到咁新鮮嘅元貝！非常值得推介！而下一個黎既就係刺身類別，冰鎮原隻龍蝦同埋北海道野生牡丹海老！ 龍蝦刺身好爽甜！超級好食！ 牡丹海老就正常係應有既水準！龍蝦刺身係全晚其中一個亮點！而當我哋食食吓嘅時候，有位姐姐好熱情咁樣請我哋食啱啱新鮮炸出嚟嘅炸魚皮！大家應該好少會食到熱辣辣又脆卜卜好香口嘅炸魚皮！又係好好食！再之後就係大賴尿蝦，龍蝦同埋

最近已經甚少外出食晚飯，有點鬱悶，閨密話不如提早為我慶生，盛情難卻，於是揀咗九龍城嘅蟹仙。進店時，客人入坐前店員會把枱、椅、餐牌用消毒劑清潔一遍，為客人提供酒精搓手液清潔雙手，亦提供信封讓客人放好口罩。枱面亦有乾濕紙巾提供，而食具亦會在客人面前蒸煮一段時間消毒，防疫措施做得非常好。今日我哋揀咗$399 嘅尊貴海鮮套餐，有9種海鮮+有機蔬菜籃：肉蟹半隻、龍蝦半隻、琵琶龍蝦半隻、鮑魚、龍躉片、生蠔、蟶子、元貝、虎蝦、蔬菜籃🥬、粟米南瓜排骨粥，仲有椰汁雪燕官燕送。調料可以自己揀，海鮮本身已經好鮮甜，個人喜愛少量調味。先來蔬菜籃、鮑魚、元貝、蟶子、生蠔、龍躉片、琵琶龍蝦、虎蝦。除咗肉蟹、琵琶龍蝦、龍蝦係半隻之外，其他海鮮都係每人一件(隻)，而蟹可以揀肉蟹或者膏蟹，想食邊種自己揀。生蠔肥美、龍躉片新鮮。店員首先拿來粥底材料，倒入蒸氣石鍋內，然後才開始蒸海鮮。店員幫我哋將海鮮放落鍋，夠鐘就過來夾俾我哋，好服務👍首先講吓主角~ 蟹可以揀頂角膏蟹或肉蟹，我哋都係揀肉蟹。喜歡佢肉質結實又鮮美，滋味無窮。龍蝦肉質彈牙，鮮甜美味。蠔隻夠肥美，多汁味鮮，蠔味十足。琵琶龍蝦肉質非常爽甜，啖啖肉，好正呀！海鮮蒸嘅

同老友慶生，佢係蟹怪，所以我地去左蟹仙。主打是粥底蒸鍋，有三、四個套餐可以選擇，豐憸由人。望左一陣，我地決定要 $398 的刁鑽海鮮套餐。呢個套餐都幾多野食，有成十款，幾乎全部靚海鮮都可以一網打盡，諗起都興奮。聽店員講，原來佢老闆入行以久，識得好多艇家，可以第一手拿到不少靚海鮮。尤其是蟹，收到最靚最當造的都會第一時間送來呢到。所以佢地既海鮮真係好過外面好多。越南頂角膏蟹 / 罕有大黃奄蟹硬膏的是頂角膏蟹，橙黃的硬膏，啖啖咸香。硬膏的口感真的超級好，越食越有滿足感。而另一邊淡黃的是軟膏，食落蟹肉比較鮮甜。兩者實在各有千秋。你樣你睇，完全爆膏的靚蟹，外面真係難尋，好味到呢澳洲青年龍蝦連龍蝦都要爆膏，真的超驚喜。好大隻，每人半隻都好夠食。肉質鮮嫩，火候控制好好，唔會 over 彈牙又啖啖肉，真的感動了野生瀨尿蝦 大隻又厚肉，仲有專人幫忙拆殼，食得更方便。通常瀨尿蝦都係椒鹽食，今次清蒸都幾得喎，應該夠新鮮先至可以咁煮。野生琵琶龍蝦第一次試的新野，質感似龍蝦，但比龍蝦更爽口，味道亦較清甜。紐西蘭刀貝蚌刀貝蚌好大隻，由於蒸到緊緊熟，食到爽脆的口感。鮮甜又有淡淡的海水味，好 like ! 翡翠九孔鮑

其實我都幾鍾意食蒸海鮮，不過食一次都唔平所以總不能經常去，今個月要同友人慶生，又有藉口去食好嘢啦！今次就黎九龍城既蟹仙，聽聞D海鮮好新鮮，好期待呀！餐牌由$398-688不等，我地就揀中間的$498餐，有成13款材料！開始前當然先把粥底材料放入，有南瓜，粟米、芋頭、排骨和珍珠米等，應該會好甜！跟住就開始啦！先黎一人一隻大黃奄，D膏真係又黃又多！超香呀！蟹肉細嫩，真係齒頰留香！另外有野生琵琶龍蝦一隻，未聽過咩叫琵琶龍蝦，個樣同一般龍蝦好唔同，但食落都幾好好味，而且好多肉，肉質彈牙爽甜，不錯的嘗試！跟住到日本大元貝，大隻又肥美，鮮甜又唔韌。越南海虎蝦同樣爽口彈牙，非常新鮮！同樣來自越南的「佳麗」仲有貴妃蚌，一樣咁美味！食完海鮮就食番D肉，美國安格斯靚牛之選，牛味濃郁且肉腍！黑毛豬肉片同蟲草花雞件都不錯！另外仲有丸類包括「芝心小籠包」、「星爺醬爆瀨尿牛丸」、「海鮮蝦棗」、「墨汁墨魚丸」，海鮮蝦棗好好食，好似是人手打，所以好彈牙！而芝心小籠包好流心，正！最後點都要食番D蔬菜，仲係有機添！！全部都好鮮嫩！蒸哂咁多道菜就可以食埋個粥底，估唔到咁綿又有海鮮鮮味，好滿足的一晚！

又一家出沒食飯，今次唔想打邊爐但又想食海鮮，所以選擇了蒸氣石鍋。坐底後老闆娘前來講解海鮮由邊度黎，好健談，仲送上炸魚皮，好好味。海鮮上台後，侍應首先準備粥底先。之後就為我地將海鮮放落蒸爐上，設好時間器，我地完全唔駛煩，食就得了。今次我地選左9款+1蔬菜籃既餐$398一位食材樣樣都好新鮮。菲律賓大黃奄🦀好罕有，越南頂角膏蟹🦀各半隻，2種蟹都是野生的，食落仲完全唔同感覺。前者蟹味濃郁蟹肉鮮甜，雖然係奄仔蟹但蟹膏亦很多，後者則啖啖都是膏，較硬身，似食緊咸蛋黃。野生瀨尿蝦王🦐好誇張足足有手掌甘長，侍應真係好好，幫我地拆好哂殼先上台。澳洲青年龍蝦🦞夠大隻又有膏，爽口野生琵琶龍蝦🦞比一般龍蝦細隻，但緊加彈牙。翡翠九孔鮑魚泰國海中蝦，蝦殼都好薄。越南貴妃丰鮮嫩鮮甜，丰肉豐滿肥美日本大元貝脹卜卜，飽滿肥美韓國慶南蠔深海龍躉片有機蔬菜藍最後食埋個粥底，所有海鮮精華都集中哂係粥度，完全唔駛落調味，只係落左我最愛既芫茜蔥粒同菜脯，粥底綿綿好正！好飽之際仲有糖水送添😆😆😆