金牌小龍 (已結業)

尖沙咀國際廣場找吃的被「金牌小籠」透視開放式廚房嘅大玻璃吸引左🤣今日食上海菜！有別於傳統上海舖嘅裝潢「金牌小籠」樓底高 空間大 間隔寬闊大器👍🏻坐得舒服😌餐點選擇好多😆應有盡有而且價格親民 食物份量卻沒有將貨就價性價比高又有良心 😊金牌小籠包($42)上海名菜小籠包必點啦當然隻隻都熱辣辣充滿湯汁！皮薄而不會一挾就穿 師傅好手勢！💯韭黃鍋貼($42)共六隻 韭菜味香濃 豬肉餡分佈平均生煎包($40)菜肉、豬肉生煎包四個 細細隻的的色色好可愛present得好靚😍肉汁鎖住唔乾雞絲粉皮($38)粉皮滑！淡淡麻香味配上青瓜絲完全不膩口☺️☺️菜肉餛飩麵($50)湯底清清地 非油膩重口味路線正合現代人對健康嘅要求😌梅菜扣肉($62)😍五花腩肉染上滿滿梅菜香肥而不膩 面層豬皮晶瑩剔透膠質重😋好味瑤柱菜粒蛋炒飯($68)伴以芥蘭粒炒😊炒飯米粒 粒粒分明 飽滿有咬口蛋味香濃 瑤柱亦俾得大方大推炒飯！🥰

這間食店真係令我好失望。之前成日都在雜誌做宣傳。所以一直都想試一次。其實我在同一樓層都見到令一間中菜廳。都考慮了一陣子。因為佢哋都有做套餐。價錢都唔算貴。鮑叄翅肚Vs小籠包。最後選擇了後者。係因為怕隔離會唔夠食和要加錢食其他貴價野。但其實如果經過今次。下次我都想試吓令一間。講返用餐經歷：一開始姐姐會問你飲咩茶，之後沖咗一壺茶比你。這個很好。唔需要次次都叫職員加茶。飲多與少又可以自己決定。這個小籠包應該係新出產品，但因為真係太貴。最後都無點選。但用餐完之後。我係慶幸自己無點選的⋯今次我哋點選了以下菜式：兩個人其實是否算多呢？我只可以講我哋真係剛剛好食曬了。我都老實講。今次用餐食物質素係差啲。雞絲粉皮那些醬味道好怪的。開頭見佢哋有那麼多醬勁開心。但那些醬其實唔係麻醬係沙律醬。理論上係可以嘅。但真係迎合唔到香港人的口味囉。總之就好怪。那些小籠包一點都無肉汁。都算好食。但又唔係電視廣告那種難忘感覺。但價錢唔算貴就當去咗普通茶樓飲茶食的點心。但其實燒賣就有點驚喜。肉汁勁多。好似食緊小籠包一樣。真係超奇怪和搞笑。兩個掉轉做法就最完美。所以下次建議大家試食燒賣。小籠包都可以一試。但點最平試食就可以了

最近在網上看到一段大廚教吃小籠包的正確食法，收看後令我突然很想試試此方法，究竟係點？下面將會簡述。要吃小籠包，好自然揀間上海菜館。餐店開放式的門口，大大個燈光招牌鑲上門口旁，相當搶眼。站在近門口位就可看到各大師傅不斷製作各款包點和點心，即製即蒸即上枱，最吸引！裏裝潢帶點大自然的氣息，牆身是綠油油的假草披，四處掛上葉子作裝飾，配上木製的傢俱，感覺舒適寫意。地方寬敞闊落，設有多張寬闊的四人沙發座，亦有多張二至四人枱，可容納不少客人，而枱與枱之間有不少空間，既坐得舒服，亦出入方便。 枱上放有餐簿、一張點菜紙和幾張推介餐牌，選擇頗多。餐簿每頁均附有菜式相片，分門別類，相當精美清晰，有多款蒸品類、小吃類、麵食類、特色類、湯類、飯類和飲品，另外還有新品推薦、特色推薦、新品小菜和甜品，相當豐富，令我和友人都商討了一輪。***************在多款小食類中選了兩款，先來水晶蛋（$25/2隻），賣相相當靚仔。蛋黃充滿蛋香，亦帶黏性，而蛋白亦保持一點滑溜的口感，烹調入味，配了少許黑松露，睇落既矝貴，亦添美味。另一款是上海菜經典小食之一，又是友人最喜歡。雞絲粉皮（$38）以嫩雞絲和清爽青瓜絲伴晶瑩Q

今日同媽媽一齊去食晚飯，見到金牌小龍嘅裝飾似飲查feel，所以決定食呢間。一行入去，就聽到服務員嘅歡迎，令人幾舒服，地方又大。1.酸辣湯麵$40鐘意食辣嘅朋友會好愛佢，因為覺得佢夠辣（平時食開十小辣）😂。d湯唔係水狀，而係好似芡汁甘，有稠度，不過阿媽就食得津津有味😌2.金牌小龍包$42/5隻熱辣辣上菜，金牌小龍包係豬肉餡，食嘅時候要小心熱，湯汁夠多，好juicy🤤皮夠薄，果然係招牌菜，好味3.蟹黃小龍包$52/5隻同金牌小龍包唔同嘅係有蟹黃，但唔算蟹黃味道太突出，同樣皮薄多汁，味道比起餡再鮮味d（可能加左蟹黃）兩款都好味🤤4.原盅茶樹排骨湯$42特別叫左茶樹排骨湯，因為夠清淡，飲得出冇加味精😳用黎做成餐飯嘅開頭或結尾都唔錯🤤5.雞絲粉皮$38有大量嘅花生🥜醬淋係雞絲同粉皮上面，同街嘅醬唔同，應該係自家製作。6.辣味小黃瓜🥒$34我自己都幾鐘意食呢味開胃菜，黃瓜🥒夠爽脆，加埋d花生🥜碎一齊食，清新得黎又有少少辣（唔好沾太多辣油）

最近每逢周末都有遊行，為免交通擠塞都減少了出外。是夜見尖沙咀稍為平靜，就跟家人近近地到I Square晚飯。以小籠包作賣點的金牌小龍不需我多作介紹，性價比高令它一直以來都有不少捧場客。作為一間台式上海菜館，金牌小龍的小籠包選擇超豐富，另外亦有多款上海小菜和台式飯麵選擇，價錢全部幾十元有交易，定價合理。茗茶$7/位，比很多茶樓都要便宜。雞絲粉皮($38)粉皮很薄很滑，雖然雞絲有點鞋口，不過配著麻醬吃味道都不錯。紅油豬耳($35)豬耳很脆口，帶點麻辣味幾惹味。蟹黃小籠包($52)小籠包包皮薄得來不會很容易弄破，湯汁夠熱，豬肉餡亦軟嫩，不過就不大能吃得出蟹黃味。豉汁蒸黃花魚($62)黃花魚肉質都幾滑，豉汁味道香濃。赤豆鬆糕($32)其實是紅豆餡的鬆糕，鬆糕質地鬆軟不會過乾，紅豆餡不會過甜，味道都可以。左: 凍豆漿($15)豆漿豆味普通，勝在不會過甜。右: 凍鴛鴦($18)鴛鴦味道較淡。總結，食物中規中舉，勝在抵食，全部小菜幾十元有交易，人均消費百多元已經吃到飽。

小籠包對於〈為食小肥兔〉同〈獅子老公〉真係有無可抗拒嘅誘惑。位於尖沙咀iSquare嘅〈金牌小籠〉一直都係我哋心目中 〈小龍包龍虎榜〉排名很高的食店之一。所以今日小籠包癮起就再次嚟一嚐美味嘅小籠包。〈金牌小籠包〉第一件事當然要叫即整嘅小籠包，熱辣辣的，仲有辣有唔辣。🌶🌶🌶〈香辣小籠包〉從外表睇的確唔容易分別辣味定係原味小籠包，店家好貼心咁加咗兩塊小蒜片喺辣味嘅中間，保證實唔會搞錯。嗱嗱聲同兩籠小籠包影過相之後就即刻夾起嚟食，雖然小籠包嘅皮唔算係薄到大力少少挾都會穿嗰種，微微帶少少嘅厚度食起上嚟QQ彈彈又煙韌，口感好好。先吃原味小籠包，Q彈既外皮之下入面係滿滿嘅濃郁湯汁同香嫩嘅小肉團，帶有黏黏嘅骨膠原感覺又不肥膩，超正。辣味嘅小籠包則比原味多一份香和辣，惹味又開胃〈菜肉紅油抄手〉有小籠包又點可以沒有抄手？？沾上滿滿紅油嘅抄手皮薄餡靚，內裏有滿滿嘅菜肉餡，真係越食越開胃，欲罷不能。〈蒜泥白肉〉食上海嘢點可以唔食蒜泥白肉？？滿滿嘅蒜蓉加上辣油和花生脆粒，香口惹味得嚟可以解去腩肉的肥膩感，好邪惡啊。〈雞絲粉皮〉幼滑細嫩嘅雞絲條粘上滿滿嘅麻醬後再拌以爽脆青瓜條和Q彈粉皮絲一起吃，味道和口感都多重

麻辣金錢肚非常入味，份量正常，入面有辣椒絲，薑絲同芫荽做伴碟同調味，唔錯。水晶蛋要時間掌握得好好先至可以整到半熟嘅狀態，時間真係多一分鐘或少一分鐘都做唔到。一籠五隻嘅蟹黃小籠包，皮薄得黎帶點煙靭，入面嘅蟹黃豬肉非常惹味，配合埋薑絲同黑醋一齊食更可以突顯蟹黃嘅味道。手撕雞、清新青瓜同粉皮，再加埋芝麻醬就係呢個雞絲粉皮啦酥炸黃花魚新鮮嫩滑，外皮炸得酥脆，裏頭嘅魚肉則嫩滑雪白，魚夠鮮的話簡簡單單唔駛多餘調味都已經好好食朋友嘅至愛

今日同阿媽去左尖沙咀shopping，雖然堅係超多人，但好彩好快就買完野。呢個時候梗係要搵野食！阿媽麻麻地西餐，所以就搵中式野。望見呢間鋪有小籠包，又有台灣野食，應該岩阿媽食。雞絲粉皮，青瓜仲好新鮮，粉皮都好幼滑，而麻醬又唔會太多，味道又香又唔算濃。元盅雞湯，飲落清得黎好重雞味，亦都唔喊，飲唔出有味精。醉雞，全部都只係得肉無骨，酒味甚濃，冰涼得黎又帶有酒香。台灣甜不辣，其實係炸魚片，新鮮炸出黎面仲脆脆地，啲醬酸酸甜甜的。台式擔擔撈麵，麻醬好香， 無太多既湯，撈完後有啲似麻醬撈麵， 香而不溜，只係稍為辣左少少。蝦肉蒸餃，入面包左蝦同豬肉做餡，有肉味就唔會剩係得蝦味咁寡，而且會更有口感。爆汁牛肉餡餅，入面有飽滿既牛肉餡，同埋仲有好多肉汁喺到，所以食嗰時要小心～酥炸黃花魚，薄薄既一層脆皮食落有如炸魚皮一樣，魚肉一樣照舊鮮甜滑溜。皮唔算薄，但就可以夾上黎唔會串，可以飲返哂入面啲湯，蟹黃味唔太濃烈，味道恰到好處。

今晚約咗舊同學食飯， 大家提議 中間點尖沙咀站。 兩大一細路我哋揀咗去金牌小龍。餐廳內籠頗大， 座位闊落。每款份量唔係好大，價錢中等， 點心，小菜，麵食，多種選擇大人細路人多人少都啱。金牌小籠包 $38唔使40蚊一籠，水準都有返咁上下。皮好薄，肉餡有肉汁湯汁， 咬落爆汁好過癮，一個人一口氣吃了幾隻。台灣擔擔撈麵$48麵底個汁麻辣味， 混入花生碎和炒香的肉碎， 麵質唔會太淋， 惹味有特色！原盅雞湯麵 $62湯和麵分開上。 燉湯清甜滋補，湯料足， 熱辣辣加在白麵上，非常美味。雞絲粉皮 $38覺得份量也不少， 青瓜爽脆， 醬汁比較一般， 欠缺一些麻香。開胃小木耳$22醋嘅酸味啱啱好， 調味唔错。 木耳一啲都唔小，發到好大塊， 又爽又滑， 唔辣嘅，小朋友都非常啱食。 依款餐前小食好推介! 菜肉蒸餃（$35 5 隻）菜肉切得幼細，鲜味有肉汁！台灣甜不辣炸魚片 （$32）好香口，外皮炸得脆脆， 魚片煙煙韌韌， 冇魚蛋咁爽，但味道唔錯。 上面放了 辣醬但係帶甜嘅醬汁。附設嘅酸瓜酸酸地好開胃！爆汁牛肉餡餅（每個$15）牛肉餡餅肉汁果然係滿瀉， 不過個皮唔知係唔係隔咗一陣先食， 好韌， 唔鬆化，好難咬開

聖誕新年的日子，特別多行商塲，去到邊自然食到邊, 見到金牌小龍，除咗有小籠包同我至愛嘅鍋貼，仲有招牌台灣牛肉麵，於是就揀咗佢🤩🤩🤩坐低睇下餐牌，點心小吃都有好多選擇，而且價錢仲好實惠，滷水麻辣，冷盆熱食，鹹甜包點都很有特色，引得我樣樣都想食，成張枱也放得滿滿🤪必食推介，爽肚脆嫩入味，厚薄均勻，少麻少辣極之開胃，大愛啊。手撕雞、清新青瓜、涼拌粉皮，拌著芝麻醬哪有不好吃，正👍👍👍不負眾望，片片牛肉腍滑輭熟，入味非常，紅燒湯底配合滑嘟嘟麵條，必食之選。小籠包跟預期一樣，上枱時熱氣沸騰，每次入口一定要小心翼翼，新鮮即蒸一人一籠也不多呢🤪蝦仁燒賣原來係小籠包嘅變奏，在小籠包上釀入原隻蝦仁，賣相味道即時升級。韮王鍋貼$38.-六隻 ，焦香底皮入口香脆，咬落卻滲著韮王獨特的草青香味，軟軟外皮包著適量肉肉，層次由軟至脆，由韮菜香至肉汁，相當不錯。點心麵食一浪接一浪，一口暖暖熱茶，消滯解膩，歇歇腳，食飽飽就在金牌小龍👍👍👍

尖沙咀isquare附近大多數都係啲貴夾唔飽嘅靚餐廳， 想坐得舒服，食物又靚仔，其實都唔平，不過呢間食小籠包既金牌小龍，又唔算太貴，坐得又舒服， 同埋唔會好趕客，人又唔算太多，傾計幾好。上網google過，原來呢間小籠包係屬於深圳鼎泰豐嘅， 原來都係連鎖店， 但個裝修同環境感覺就好似咖啡店，有啲大座位梳化，亦有啲卡位。我哋四個人嗌咗好多嘢， 包括生煎包 、翡翠蒸餃 夫妻肺片 、雞絲粉皮 、小籠包 、海鮮鐵板拌麵、擔擔麵、 排骨湯麵。 每人都係百零蚊落樓，呢個位置嚟講係非常抵食。一客生煎包有四隻，底下有啲脆脆煎到四方形， 望落非常吸睛，不過分開嘅時候就有啲難度，要用匙羹切，生煎包嘅皮唔算太厚，而且入面好juicy， 加埋表面圖啲蔥花，非常香口。排骨湯面就比較清淡，湯底味道較淡，麵身幼細既上海幼麵， 排骨唔算厚粉，但係就比較乾身，肉質偏乾， 需要配搭醬汁或者醋。擔擔拌麵就非常多花生，有啲菇碎，肉碎同炸菜， 配合非常香濃既麻醬拌麵，香而不辣，唔錯。翡翠蒸餃入面係一啲白菜餡，主要係菜葉蓉，食落好有菜既甜味，皮薄但唔會一夾就爛，好啱女仔口味。呢個海鮮拌麵係見到隔離枱上檯嘅時候， 一上枱呢個拌麵就

行緊尖沙咀見到呢間幾平去試下其實小豬最鐘意食雞絲粉皮，所以去親餐廳有既都一定試麻醬好多夠晒撈全部材料，雞絲份量都頗多小籠包皮幾煙韌，完全冇一夾就穿既情況好夠肉汁，但一定要趁熱食先夠鮮味牛肉麵算幾足料牛腩、牛肚、牛筋各兩舊同埋麵都多，所以一定食得飽湯頭都幾辣，唔食辣既朋友要留意返牛腩好林身，完全冇筋牛肚都入味但係牛筋好硬，咬唔郁，好似食緊硬身版既德國軟糖😂😂反而呢個鐵板麵就好一般其實賣相，同材料都好足端上枱同撈既時候以為好惹味既，但係原來食落冇乜味，要自己加調味料整體嚟講，食物既份量係好足既只係某幾樣做唔係咁好，大致上都可以接受而且以喺尖沙咀食晚飯嚟講價錢都算平同埋有一樣要改善係侍應唔夠多同唔夠一眼關七好多時顧客叫左好耐都未有人應