芝樂坊餐廳

营业中

休息中

早有所聞The Cheeseecake Factory是要排長龍的，盡量早點來到(6:30 p.m.) 大約等了一小時左右。知道是美式餐廳，早就知道份量特別大，所以小心地選擇兩種小食和一款意大利粉，最後加了一件Godiva芝士蛋糕(1) 香脆蟹肉球細細碟，每人三粒恰好，炸的香脆，蟹肉味香，能吃到蟹肉絲，好味! 另外點了House Wine White - Full & Rich, Chardonnay, The Cheesecake Factory, Private Reserve, California, USA (HK$69 per glass).性價比高，餐酒受好者要試一下喔!(2) Avocado Eggrolls 牛油果脆卷春卷皮厚但不太肥膩，牛油果非常稔，配上特制醬汁 (偏酸甜, Tamarind-Cashew Dipping sauce)，有蕃茄、香菜、紅洋蔥。(3) 雞肉蒜香檸檬忌廉意大利幼麵有驚喜，酸忌廉汁好開胃，一般來說，白汁會偏"漏"，但檸檬汁又剛好中和了忌廉的漏又特出了蒜頭的香味，雞肉煮的好滑，這個意粉真的是一流而且夠特別，少在其他地方吃到!! 強力推薦 (4)

之前聽好多同事推薦，話佢地嘅Cheesecake同食物都好正，大件又好食；於是搵日Happy Friday去試，由於Receptionist話夜晚無得book位，所以我地就揀左lunch去食。由於一早book左枱嘅原故，去到只係等左幾分鐘，等待侍應嘅帶位就可以入座。我地2個人叫左一杯飲品、一個飯、一意粉跟餐，同一件蛋糕，完全忘記咗佢係一間美國餐廳；亦都高估左自己嘅食量。點完餐後好快就黎左餐湯同Oreo奶昔，奶昔大杯，好多Oreo碎碎，好好飲，不過老公就嫌有d過甜跟住上好香辣味嘅水牛城香辣雞翼，好大隻，食落好勁酸味又帶少少辣，好惹味意粉嘅檸檬忌廉汁配雞肉，酸酸地好開胃，雞肉好嫩滑蝦及雞肉雜燴濃湯飯都好正，配飯食一流，好好送飯，個汁好惹味，配上蝦、雞肉、司華力腸等等嘅配料，口感十分豐富。由於全部食物都好大份，但又想試埋佢地嘅芝士蛋糕，所以我地無夾硬食飽，飯、麵、雞翼各剩左一半打包拎走蛋糕都係同樣外國人size,好大份好濃朱古力味，不負期待，不過如果鍾意芝士味嘅朋友就唔建議叫呢款喇🙈後記：雖然係lunch繁忙時間，但店員服務態度都好好，feel到佢地就算多客忙都會盡量take care每一枱

呢間餐廳開業初期排哂長龍，我係因為有朋友在海港城返工，放工去排隊才有幸同朋友在此食晚飯。去年我在海港城工作，我就喜歡嚟食午餐，因為一定有位。但lunch set就超大碟，每次都食唔晒，要打包。呢日約咗兩位舊同事聚下，三個lunch sets落完單先記起食物份量大，應該叫兩份三人分享。三個lunch sets 分別係：燒烤風味雞肉田園沙律 — 燒烤味雞肉香，蔬菜新鮮，配上脆脆，口感豐富雞肉蒜香檸檬忌廉意大利幼麵 — 很喜歡檸檬香味及酸酸哋，幼麵雖用忌廉但不覺膩香草三文魚 — 賣相已經好靚，三文魚配香草原來咁匹配，塾底薯蓉好香牛油味好滑我揀咗洋蔥湯(朋友揀飲品) — 好大碗，香濃洋蔥味由於其中一位朋友好想食cheese cake, 最後食剩嘅食物比之前更多，非打包不可。鹹焦糖芝士蛋糕 — 平日我好怕食焦糖，因為覺得非常甜，估唔到鹹焦糖感覺咁好，焦糖香又唔太甜，仲鹹鹹哋，與芝士蛋糕簡直絕配

相約一班老表happy friday，當然要搵一間好坐既餐廳，最後揀了每次經過都大排長龍的「The Cheesecake Factory」。由於餐廳不設訂位，兼且限時用餐，於是早放工的先到餐廳。晚上六點半到達餐廳，門外已有十數人排隊，取票時侍應指需等候約90分鐘，既然未齊人，兼且星期五晚到處都是覓食的人，最後決定等下去，取票後，就到附近逛逛消磨時間。一個多小時後，接到餐廳有枱的通知。餐牌的選擇很多，但因為要留肚食甜品，故每人選一款食物。🔶 餐前麵包三款麵包中，以黑糖麵包最好味，不用搽牛油都可以。🔶 凱撒沙律沙律菜頗新鮮，喜歡上面的芝士。🔶 炸芝士通心粉球老表推介的頭盤，上枱時，大家都被佢大大件既外表嚇怕😆 每人吃半件已覺得飽，宜襯熱食，否則凍咗會覺得好膩。🔶 德州墨西哥脆卷原以為是一般的墨西哥脆片，到食物上枱才知道是釀有餡料的春卷，不用沾醬都很夠味，食物微辣。🔶 水牛城香辣雞翼這道炸雞翼其實幾香口，但真係幾辣，結果食剩。🔶 雞肉蒜香檸檬忌廉意大利幼麵食意粉最怕冇乜汁，乾巴巴的，這碟意粉就冇呢個問題，個醬汁幾好味，不會很鹹。終於到咗甜品時間，望着餐牌上接近30款芝士蛋糕，覺得很困惑唔識揀

同朋友5點幾行完街,想食餐好突然諗起cheesecake factory,平時夜晚都好多人等,見今日6點都未到，試下去拎位..好彩等左30分鐘就有位啦由於天氣熱熱地.想叫D酸酸地開胃既野食.見到有個酸味cream雞肉意粉好似好開胃咁.就二話不說即刻叫左1個黎試!!! 結果非常喜出望外!! 個意粉汁好creamy,佢有D檸檬既香味同時有少少酸,係creamy 同酸既balance上拎到好岩,超好味呀

今次是藉著朋友生日第二次黎到店鋪 仍然非常期待 當中有朋友之前黎過 就推介左好幾款野食 點左烤蒜雞肉蝴蝶粉 、雞肉蒜香檸檬忌廉意大利幼麵、Bbq燒雞薄餅同墨西哥牛肉卷基本上每一款都非常好食 烤蒜雞肉蝴蝶粉係重點推介 食落去蒜香味勁濃 係食完一口會想接住食個種 好正 另外雞肉蒜香檸檬忌廉意大利幼麵就酸酸地 食落非常開胃 仲有蝦做材料 蝦味好香 都係食唔停口墨西哥牛肉卷都係值得一試 牛肉切粒 配上秘製醬汁 對於好牛既人黎講 每一口都係滋味快感

The Cheesecake Factory開業至今都沒有光顧過，不知道現在排隊等位的情況如何，某星期六下午一時多到達，店員說要等約15分鐘，但結果等了約5分鐘左右便可以入座。店員先送來麵包，啡色那款外脆內軟，味道不錯，聽到鄰桌的食客要求添包，但另一款實在太硬了。雞肉蒜香檸檬忌廉意大利幼麵($188)的份量不少，幼麵的軟硬度、醬汁的厚度和檸檬的酸度全部都控制得非常好，用上雞胸肉，低脂健康，口感軟嫩，令蝦子餅對雞胸肉乾柴的形象改觀。瑪格麗特薄餅($162)的配料只有水牛芝士、羅勒和番茄醬，窩夫喜歡這樣簡單的薄餅，但蝦子餅就覺得太齋，「乜都有薄餅」較適合他的口味。薄餅的餅底做得很薄，不乾身，餅邊香脆，出色之作。光顧The Cheesecake Factory怎能不試芝士蛋糕，要在眾多口味當中選一款真的不容易，最後選了青檸芝士蛋糕($78)，芝士蛋糕非常幼滑，青檸味突出，酸酸的不會太膩，下次會要求走忌廉呢。

由Cheese cake factory 黎香港到而家，人氣一直不減，門口排滿食客，可見品質不差，我自己亦光臨過數遍，還是非常喜歡，便帶友人一同品嚐美食。我們晚上7:00到達，取籌後會給我們一個預報器，提示有位入座，讓客人可在附近閒逛一下，以免於餐廳外呆呆的等，相當貼心。本來說要等45分鐘，很幸運半小時後就入得。每枱都會有一客兩款的餐前包，面包略硬一直不忘一道菜- 雞肉蒜香檸檬忌廉意大利幼麵（$188），檸檬中和忌廉膩感，恰到好處，每一口麵都沾滿醬汁，十分滋味，份量很足。另外叫了芝士pizza（$158），芝味十足，加埋蕃茄嘅酸甜，不過份量很大，兩個人都係食到一半，打包了 留肚就是為了食出名嘅芝士蛋糕，我地點了青檸芝士蛋糕（$78），十分creamy，更酸得過癮，配埋忌廉一齊入口就啱啱好。環境很有情調，空間十足，很適合知己談心。

放假緊係要食好野架啦～我地避開左lunch hour，2點左右去到餐廳，唔洗等位，即係入！正！(平時人頭湧湧，見到都知無得食😂)我同朋友每人叫左一個Pasta Lunch Set，包左一個Pasta+coffee/tea/green salad/soup。如果有埋黑糖麵包就更好啦！因為佢既黑糖麵包好好吃架🤤Green Salad非常開胃👍🏼個source酸酸甜甜，做前菜非常合適餐湯係周打蜆湯，同樣非常出色💕一睇就知好多料，唔似平時既餐湯咁浠，口感較厚，香濃既味道令我非常之深刻，因為好少餐廳會有咁高質既湯❤️主菜揀左雞肉蒜香檸檬忌廉意大利幼麵同烤蒜雞肉蝴蝶粉。前者朋友覺得較酸，不過我覺得咁樣開胃啲，加上我係cream source既忠實粉絲，呢個配搭好新鮮☺️味道都唔錯！後者味道有啲似中式既source，可能係因為有紅椒同黃椒，味道屬偏濃。雞扒略嫌有啲薄。整體味道唔錯意粉份量都幾大，加埋黑糖麵包就更好啦！

原本聽佢個名以為佢正係可以食cheese cake，但原來係一間食西餐嘅餐廳，而且好出名好多好評。約左個朋友黎食，點知超多人排隊，所以等左9個字多啲，所以如果想食嘅朋友一定要預咗排隊，所以係未肚餓嘅時候好開始排隊喇。一入到餐廳就見到有幾十種唔同口味嘅芝士蛋糕，真係好想試晒所有味，超級吸引！😋麵包外脆內軟，而且有兩種口味，左邊嗰個比較硬，仲有啲花生起面，而右邊嗰個就類似法包，兩個都暖暖地，再揸埋牛油真係一流，最吸引嘅係佢啲麵包係無限添加，真係無得頂👍🏻👍🏻👍🏻蟹餅既皮好脆，但唔會太厚覺得制。內餡滿滿既蟹肉，而且好重蟹味，配埋他他醬真係好正👍🏻呢個意粉真係好好食，首先佢有蒜味加檸汁黎做汁，令到佢個汁唔會太制之餘亦唔會太寡，仲酸酸甜甜，令人非常開胃。雞肉亦非常嫩口非常滑，令人有一食再食既感覺，之後佢有蕃茄同一啲香葉黎調味，令到成個粉個層次味雷再昇華。超值得推薦👍🏻👍🏻但佢個份量好多，所以食得唒先好叫。呢個Pizza真係乜都有，有辣肉腸，普通肉腸，蘑菇，蕃茄，黑水欖同大量芝士。但同普通Pizza冇分別亦冇乜特別，但都好食同埋好飽肚，最重要佢個批唔會太薄太厚，呢個好值得讚👍🏻佢有好多款蛋糕🍰每款

返shift嘅小妹今次好難得咁約到一班好傾嘅同事一齊放假，約埋食個飯順道比驚喜預祝生日呢到果然出名，但好彩朋友都早到，大概6點鐘就到咗，等咗15分鐘左右就可以入去坐同叫野食啦我地一枱5個人坐圓枱，入面環境好靜好舒服，燈光好浪漫🌹菜式選擇極多！見到樣樣都木想食好吸引好難簡其實佢啲酒類好吸引，但係因為佢入座後計2小時，而且要比surprise朋友，未有時間試一試，所以今次慶祝生日就無叫酒，下次再試！最後叫咗4道菜一開始會有啲麵包食，有2款味道，好軟熟好好食！1. 水牛城香辣雞翼 $168 係邊到都好，水牛城雞翼基本上係小妹必點嘅小食，而呢到既水牛城有西芹做配菜好吸引！食雞翼又有啲菜類食物食吓，呢個設計好好！而雞翼皮脆脆地，醬汁整得辣好吊人口癮同好開胃！數量都好多5個完全夠食2. 牧羊人批 $218 雖然佢話係批，但其實佢係一道小食入面有牛肉、甘荀、青豆、洋蔥，配上磨菇肉汁同薯蓉～薯蓉好飽肚，牛肉唔會好痴牙，加上醬汁唔係好咸，食薯蓉嘅時候淋小小汁上面，成個姐合好match! 讚！3. 雞肉蒜香檸檬忌廉意大利幼麵 $186 極足料！有好多雞肉，醬汁岩岩好唔會好多亦唔會好小，而且意粉好吸檸檬醬汁

CheeseCake Factory 係美國生活已經好鍾意食！一直好懷念cheese cake嘅味道! 依家終於來香港開，朋友知道我鍾意食，就book咗呢度同我慶祝生日🎂由於餐廳開咗無幾耐，大隊嘅人龍依然好長，而且堂食，冇限時我哋苦等兩個鐘先入到去，下次都係再早啲去攞定個pager。😓九點先入到去食嘢，我哋已經好肚餓，所以好快咁點餐，慶幸佢上菜嘅速度都好快，啲菜好快就齊晒, 而且份量仲係美國size，樣樣都好大碟呢個係佢哋嘅招牌沙律，裏面有blue cheese,Blue cheese 即係等於外國人嘅腐乳，唔係個個啱食，但今次未到唔算濃裂，幾啱食跟住就到我最愛嘅水牛城雞翼，脆嘅外皮，加上呢種雞翼嘅專用醬汁 ！非常美味Nachos都係我嘅至愛, 其實最鍾意就係粟米片在沾上唔同嘅醬汁，食落去有唔同嘅味道，同班friend 一齊食就最開心，值得推介呢個意粉用咗檸檬汁煮，味道清新,冇平時嘅忌廉意粉咁膩終於到壓軸出場嘅蛋糕,生日會有人同你唱生日歌，好有氣氛！蛋糕份量非常大，可惜蛋糕令我有點失望，因為實在太⋯甜啦，我哋四個人食兩件蛋糕都食唔晒！明明我以前喺美國覺得好好食，唔該搵唔番個種感覺呢度我