老鍋台式火鍋 (京都廣場) (已結業)

自從返工之後，睡眠時間減少，加班令晚餐時間不定時，身體越嚟越差。有見及此，我決定要將人生變得健康，首先從飲食開始！今日同女友試一試台式養生火鍋，其中以銅鑼灣嘅老鍋最著名🔥- 養生鍋湯底用左多款藥材同人參，味道唔會好重藥材味，反而幾清甜，另外非常滋補和暖胃！入面仲有粟米、蜂巢豆腐、冬菇等配料。- 鹽酥一口豆腐本身打算今餐健康少少先叫養生鍋，不過都係唔小心叫咗炸物🤦🏼‍♂️鹽酥豆腐外皮鬆脆，炸粉唔會過厚，入面豆腐非常細嫩，外脆內軟👍🏻- 台灣香腸香腸切成細片，口感紥實，煙韌兼多汁。另外仲叫左蛋餃、寬粉條、萵荀、墨魚滑等火鍋配料，蛋餃夾落唔會散開，肉汁豐富，寬粉條口感煙韌，而且好索汁。至於萵筍同墨魚滑份量幾多，材料新鮮。另外仲有兩杯冷泡白桃烏龍茶，解膩一流！除左養生鍋，老鍋既美人鍋同酸菜白肉鍋都好出名，期待下次同一大班朋友食盡所有火鍋湯底！

行完SOGO 行到攰，媽媽想食火鍋，搵間好坐又好食嘅火鍋，係openrice 搵到呢間評語唔錯又咁啱係附近就上嚟食啦。位置好方便，係銅鑼灣地鐵站C出口，一出對面馬路京華廣場2樓就係老鍋啦…一出有個天燈許願區可以許下願，啲老人家最鐘意有啲花臣玩下又有得影下相就最開心。火鍋價錢唔係特別貴，先嚟揀湯底先，有6款以上選擇，同媽媽嚟咁係揀養生鍋啦（$228）內有多種名貴藥材，人參，火腿老雞同豬肉精心肴製而成，果然上枱好香人參味，啲料都好多，有粟米，蜂巢凍豆腐，冬菇，紅棗，圓肉杞子等等。食火鍋點少得牛肉，我地叫左個精選手切牛肩肉（$198）新鮮又夠牛味，因為係牛肩肉，所以脂肪唔多，反而好好咬口又唔韌，唔錯。三秒響鈴卷（$68）新鮮即炸，好脆又大隻，正。鵝肝墨魚丸併黑松露蝦丸（$58）半份鵝肝墨魚丸內有一粒小小鵝肝，味好濃配上墨魚丸好爽好咬口夠彈牙，黑松露蝦丸就香黑松露味蝦丸依舊爽口彈牙。叫左呢到出名嘅皇室魚肚（$88），有8大件，超厚身，淥完後索哂啲湯好好食。最後嗌左個限量冰菜（$68）高纖低卡豐富維他命B6,感覺健康啲加上翠綠賣相好靚，淥完都好爽脆。

打邊爐既樂趣就係可以慢慢煮，慢慢食，隨著自己節奏走~平時通常打港式邊爐，今晚試吓台式火鍋，等位期間見到有個天燈區，原來可以放電子天燈，咁都比佢諗到，又幾過癮bo~我覺得台式火鍋呢款中空設計既爐加熱係快過港式果啲一般既鍋既，可能因為佢受熱面廣啲同埋水無咁深既緣故。有時一大班人打邊爐一次過淥好多野食落去，加熱快都係一個不可或缺既條件黎咖~養生鍋 $228我幾鐘意藥材味，鍋底本身已經好多餸，有超多人蔘、冰豆腐、粟米、紅棗等。就咁飲個湯會飲到好濃既蔘味同甘甜味。不得不讚係個冰豆腐，非常嫩滑好食，一咬就爆曬湯汁出黎，好出色~精選手切牛肩肉 $198牛肉鬆化，半肥瘦，咬落帶肉香，同埋切得有一定厚度，口感唔錯。手打豬肉丸及手打牛丸(各2粒) $58手打丸同普通機器造既丸係絕對唔同既，手打丸依然食到肉既質感同埋鮮味，機製既丸肉已打爛曬同埋撈左好多調味添加，已經食唔出肉既原型。尤其是豬肉丸，咬開有咸蛋黃，幾有驚喜~咸蛋黃炸魚皮 $68平時零食版既咸蛋黃炸魚皮食得多，鮮製既即炒咸蛋黃魚皮別有一番風味~ 流沙蛋黃咸香惹味，魚皮炸到卜卜脆，個個食到lam lam脷。稻庭烏龍麵 $48烏冬爽滑，食落煙煙韌韌，只

養生鍋湯底主要用人參同藥材、金華火腿、老雞同豬骨煲成，要飲碗湯先！蜂巢豆腐吸收哂所有味道，火鍋配料揀咗精選手切牛肩肉、皇室魚肚、黑松露蝦丸&鵝肝墨魚丸、鹹蛋黃金炸魚皮、台灣水蓮同新竹米粉。首先放皇室魚肚，煲長時間啲更好味，非常美顏喔~精選手切牛肩肉，牛味濃郁，油脂分佈就一般啦。黑松露蝦丸&鵝肝墨魚丸，製造需要心機，黑松露味特岀，墨魚丸裏面有一粒鵝肝，襯墨魚丸唔會搶咗鵝肝咁甘香唔錯！另外炸魚皮都係必食嘅！餐廳就造成鹹蛋黃金炸魚皮，魚皮薄又脆口，加鹹香蛋黃金特別惹味。台灣水蓮原來咁長架😯，有鉸剪俾你剪段，灼十幾秒就夠，好爽口！老鍋台式火鍋 星期一至日: 17:00-01:00地址: 銅鑼灣駱克道491-499號京都廣場2樓電話: 28186678分店: 尖沙咀、銅鑼灣

雖然已經是三月，春天也差不多來臨，但依然無損我們一班朋友對火鍋的興致。趁著星期五小周末，約了去到銅鑼灣吃過台式火鍋，聚一聚舊。老鍋台式火鍋位於銅鑼灣京都商場，地鐵站出發不用五分鐘就到達，地點十分方便就腳。一開𨋢門便看到這個互動電子天燈板，客人可以隨自己喜歡選擇不同的字句的天燈，十分生動有趣。等待入座時消遣簡直一流。我們一行二人點了以下幾樣配菜一起互相分享。養生鍋(⭐⭐⭐⭐⭐)這裏所有湯底都可以選擇鴛鴦雙拼，價錢以較高者為準。之前試過麻辣配酸菜白肉覺得十分不錯，今天便選擇了這一個加強版的養生鍋。所謂一分錢一分貨，養生鍋用了大大支人參及不同藥材烹調而成，配合火腿，老雞，豬肉等等。喝起來十分清甜，而且有著淡淡的藥材味，但不會覺得口乾。跟一般任食火鍋的味精湯底完全不能比較。精選手切牛肩肉(⭐⭐⭐⭐⭐)火鍋當然要點些肉類，大啖大啖吃才高興。這個牛肩肉一份大約有十五至二十片，大約半分鐘變熟透。吃起來肉質結實，有嚼口。而且脂肪不太多，吃起來十分有牛肉味。一品花雕醉雞件(⭐⭐⭐⭐💢)這個花雕醉雞件份量也不少，大約有十件。雞肉吃起來十分嫩口，而且有著淡淡的花雕味道，但不會覺得苦澀。平時不太好酒的朋友也大

知道老鍋係銅鑼灣開左旗艦店，放左工之後即刻同埋同事一起去朝聖！一開們首先見到的係天燈的挂飾，立刻讓我想起台灣的十分。原來這個係可以放的！！！只要在平板電腦寫下願望，就可以在天燈牆上投影！真係猶如置身台灣一樣的味道。我自己寫了好好味道很有趣呢。我地叫左養生湯底，火鍋湯底材料十分豐富，加入了入了人參，當歸，枸杞，桂圓肉等多款藥材，而且湯底無添加味精成分！非常健康。係落食物先飲返啖補生的湯底，可以暖胃滋補！老鍋最好的是店員會主動替客人加湯，而且不是加清水，反而係跟據客人唔同鍋底而再加湯，所以湯地會愈食愈濃。極品黑毛豬梅肉：黑毛豬肥瘦適中，涮熟過肉質依然鬆軟！梅肉油香味濃肉汁豐富，不用點任何的調味料。芝士牛肉丸及黃金墨豬肉丸：餐廳有自製的手工丸，牛肉丸一咬開裏面的芝士都不斷流出，牛肉丸口感脆 爽鬆軟！很不錯而黃金豬肉丸裏面就包著鹹蛋，組合配搭新鮮！令人忘懷。鮮炸響鈴和皇室魚肚都是教為吸湯的食物！響鈴炸至金黃色，脆卜卜，放入湯底大概7-8秒已經能盡吸養生湯的精華差不多的時候我們更叫了消滯蔬菜幫助消化，冰菜大概涮15秒便食用，口感較爲清脆。杭菊露：清澈口感甘甜，喝起來舒爽潤喉而且餐牌上更說有明目的

朋友說帶我看放天燈，我怕不安全，朋友說會很安全的，原來說的是銅鑼灣的一間台式火鍋店。火鍋店的面積不小，座位也頗多，排列整齊，有足夠的空間，亦不見煙霧瀰漫。裝潢簡樸，燈光柔和。可能是閒日關係，很容易就找到位置。所說的放天燈，原來是在電梯一進來火鍋店前的位置，闢作電子天燈區，客人可以自己製作後透過電腦放於螢幕上，無怪說很安全。入到店內坐下，我們拿著點菜單，忽然間竟然不知要點甚麼，可能是近來開始多了食火鍋，但又要準備做驗身的關係。好在現今科技發達，上網參考人家的食評，決定食清一點，最後就要了養生鍋($228)、精選手切牛肩肉($198)、皇室魚肚($88)、鵝肝墨魚丸併黑松露蝦丸($58)、冰菜($58)及新竹米粉($48)，另要了一款小食的鹹蛋黃炸魚皮($68)，及一杯杭菊露($28)及烏梅汁($28)，另收茶錢及醬料費每位$20。醬料區有兩個，地方不大，只有醬油、香醋、芫茜、蔥及辣椒，原來火鍋店是崇尚新鮮湯料及食材的天然味道，所用的醬料精髓在於提鮮而不影響原有風味。火鍋湯底養生鍋用了白參及好些中藥材，以火腿、老雞及豬肉肴製而成，內裡還有紅棗、杞子、圓肉、冬菇、粟米及蜂巢豆腐等，藥材味濃郁