凡高廚房

营业中

休息中

這間西餐廳位於銅鑼灣的勝華樓，鄰近時代廣場，主打精緻的多國料理。店內環境寬敞舒適，以梵高名畫「夜間咖啡店」為裝潢主題，掛滿色彩繽紛的油畫，設有鞦韆及壁畫牆等打卡裝置，如置身於異國小店，適合約會或多人聚會。午市時段設有多款Lunch Special及行政套餐供選擇。行政套餐 - $258是日頭盤新鮮翠綠的凱撒沙律，伴以濃稠的沙律醬之餘，又撒滿了鹹香的巴馬臣芝士，香脆的煙肉增添油香，而麵包糠則增添口感。98%野菌忌廉湯濃稠的忌廉湯幼滑細膩，有一粒粒野菌的順滑感，菌香味自然。炭燒美國安格斯西冷牛扒伴乾菌及法國黃菌大大塊西冷牛扒外部燒得略帶焦香，有微微的炭烤香氣，切開內部保持著粉嫩及豐富的肉汁，邊沿的嫩筋帶點香脆，牛味好濃郁；金黃酥脆的粗薯條毫不油膩，有綿密的質感，還有沙律菜及焗蔬菜平衡膩感。法式焦糖燉蛋絲滑細膩的燉蛋充滿濃厚的蛋香和奶香，有一層香脆的焦糖，新鮮水果粒平衡膩感。Lunch Special - $108是日餐湯紅通通的羅宋湯酸酸甜甜而不辛口，由多種蔬菜熬煮而成，口感好輕怡。松露意大利飯粒粒飽滿的意大利飯吸飽幼滑的忌廉芝士汁，散發著陣陣松露的飄香，有少少爽滑的野菌、洋蔥及蒜頭等配料

大前日（24-9-2024 Tue）正日生日請假，老公之前決定嚟食呢間，因為有蛋糕畫板俾老公畫，咁就book呢間嘅lunch。由於天雨影響路面交通關係，所以我哋遲咗，我有啲擔心，於是比book枱時間遲5分鐘左右，就打電話話我哋嚟𡁵，仍會留枱嗎？店員答會，慢慢。最後我哋遲咗約15分鐘至到。上到嚟，𨋢門口都已經好有藝術氣息，重養咗兩隻鸚鵡喺喥。入到去，佢哋按我嘅要求，安排咗窗邊枱俾我哋，坐低後，店員即介紹今日有兩個湯，一個係雜菜湯，一個係佢哋嘅招牌野菌忌廉湯，同今日嘅鮮魚係比目魚。睇完menu，我哋都揀行政套餐，我要$248.00嘅招牌炭燒澳洲新鮮羊架配羊肉濃汁。老公要$228.00嘅是日鮮魚，湯我哋就要晒兩種湯。落完單，首先係是日頭盤～凱撒沙律，我好耐冇食lu，蔬菜都幾大件，芝士落得啱啱好唔會太膩，不過受潮嘅煙肉碎有啲韌。3分然後餐包同餐湯到嚟，我先飲雜菜湯，見到有好多雜菜，味道酸少少但完全唔辣，啱我。3.5分招牌野菌忌廉湯呢？味道都幾濃，但有啲辣黑椒落得重手咗？3.5分而餐包係烘脆咗，本身都幾好食。5分等咗一段時間，medium嘅招牌炭燒澳洲新鮮羊架配羊肉濃汁到嚟，然後老公嘅比目魚都到

二訪呢間餐廳✌🏻上次已經覺得呢到食物質素高 景又靚🌌員工亦都好好禮貌🫶🏻午餐有分行政套餐, 健康午餐同精選午餐 一定有款啱食🥰.〰️精選午餐.📌餐包燕麥包鹹鹹地 質地偏結實🌾.📌精選餐湯雜菜湯望落有啲似羅宋湯 不過就辣嘅🌶有紅蘿蔔🥕洋蔥🧅同雜菜🥬味道好清 感覺好健康 落咗好多蔬菜去煲💚.📌是日頭盤吞拿魚長通粉煙煙韌韌 味道同平時差唔多🐟但個沙律菜就好特別 應該係烚左一烚 再雪凍佢❄️食落比生嘅沙律菜更加清甜 易入口🥬.📌意大利辣肉腸配美式燒烤醬芝士夾餅 $88上次食過好好味 所以再encore‼️餅皮煙煙韌韌 炭燒味好香🔥餡料有辣肉腸, 芝士, 生菜🌯但辣肉腸嘅存在感比較低 可能俾醬汁同大量蔬菜搶咗佢個味☹️醬汁係甜甜地嘅bbq醬加羅勒醬 份量適中 薄薄一層搽喺餅皮到 不過都好濃味🍖夾餅仲有好多沙律菜喺側邊 成個餐好清新🥗.📌香煎帶子鴨胸意大利飯 $148上到枱熱辣辣香噴噴 食嗰下特別好食😋risotto帶點咬口得嚟唔會過硬 加埋洋蔥 好fresh 更有口感🧅忌廉味好香濃 食落creamy又唔漏 恰到好處🤍四片煙鴨胸煙燻味好香🔥鴨胸外面微脆 入面鎖住咗個肉汁🦆帶子大大粒 超鮮甜😚.📌是日甜品忌

上網睇到呢間餐廳好多人上來打卡食飯, 當然要book枱親身上來試下.一入餐廳就好似入咗藝術館, 環境同擺設都好有藝術氣息，連餐墊都好似幅畫咁! 睇下menu, 又唔算貴喎. 倆口子就叫咗兩個餐share食.行政套餐頭盤: 煙肉沙律沙律菜夠新鮮，食落清新開胃。餐湯:  98%野菌忌廉湯口感順滑, 有濃郁嘅蘑菇香氣襯埋夠熱嘅餐包主菜: 莫蕯里拉芝士焗龍蝦意大利粉 伴車厘茄忌廉汁龍蝦半隻, 外層香脆, 蝦肉爽彈. 意粉吸收哂龍蝦汁同忌廉汁嘅精華.是日甜品: 士多啤梨慕絲香滑細綿,  連隻碟都靚d.仲有餐飲精選午餐餐湯:  羅宋湯入口酸甜, 足料夠味.同樣跟有熱辣辣嘅餐包.主菜: 西冷牛扒沙律牛扒有炭燒味, 沙律加上柚子醋後無哂油膩感.牛扒色澤粉紅, 口感一流.同樣有是日甜品及餐飲.呢間餐廳唔單止食物有水準, 仲有好多少有嘅影相位, 包括真係坐得嘅鞦韆, 同真係打得嘅美式桌球枱.店員態度好好, 不時為我哋加水外, 仲幫我哋兩個影相.

凡高廚房幾年前都食過一次，只記得係以凡高做主題，對食物質素嘅印象已經比較模糊，最近有朋友話想黎哩度晚飯，所以又再黎多次。一出電梯已經俾凡高嘅仿畫包圍，就算唔識藝術都覺得好colorful好靚。門口仲有對鸚鵡歡迎你。幾年冇黎，餐廳俾我感覺同之前好唔同，因為成間餐廳燈光明亮左，另外除左有更多凡高嘅仿畫之外，其中一幅牆仲畫左《夜晚露天咖啡座》嘅壁畫，鮮艷嘅色彩非常啱打卡。就連枱上面嘅枱墊都印左凡高嘅畫作。佢地個Ｍenu非常豐富，除左散叫，仲有好多唔同組合嘅套餐，連到會都有，套餐有平有貴，梗有一款啱心水。最後我地揀左兩個Set Dinner，套餐由$268至$378，包左前菜、餐湯、麵包、主菜、甜品同餐茶，另外仲可以加錢轉其他野飲或者甜品。前菜 - 油潤嘅巴馬火腿配清甜哈蜜瓜，旁邊伴有新鮮沙律菜，醋汁足夠。雜菜湯 - 餐湯係雜菜湯，唔啱飲都可以加$38轉野菌忌廉湯。雜菜湯都幾多料，入面除左洋蔥同紅蘿蔔，仲有啲豆，唔會太酸。餐包 - 上枱時仲係暖嘅，食落夠鬆軟。絕炒尤物 & 莫加咖啡(跟餐加$20) - 絕妙尤物其實係水蜜桃乳酪，好香甜水蜜桃味，加埋乳酪酸甜味令人胃口大開，杯底仲有煙韌啫哩。莫加

"Starry, starry nightPaint your palette blue and grayLook out on a summer's dayWith eyes that know the darkness in my soul"梵高的畫作以大膽的色彩和濃重的筆觸所聞名，訴說著蒼凉孤寂的一生，想當年讀書時曾經一訪位於荷蘭阿姆斯特丹的梵高博物館，即使事隔多年依然令我念念不忘，其實在香港銅鑼灣也有一間Vincent Van Gogh主題餐廳 - 凡高廚房。一踏進這間別緻的小餐館，一張英式桌球檯及一室磚紅色的牆身，猶如親歷Vincent Van Gogh的作品《The Night Café》中的場景。於昏黃燈光映照下，裝修風格甚具懷舊的歐陸情懷，瀰漫著令人迷醉的浪漫氣氛。大牆壁畫還以梵高名作《Cafe Terrace at Night》作佈置，仿如置身其境，於這種文藝氛圍進餐，閑靜畫意不禁令人放鬆心情。大壁畫加上花海片片的古典千秋椅美不勝收，尤其適合影相打卡。Set Dinner 總共有六款選擇，每份就已包括餐包、餐湯、前菜、主菜、甜品及飲品。凡惠顧晚市套餐更可以優惠價選購特

星期五啦，又和好同事聚餐講是非，哈哈嘩，進入我的童話故事，仙境傳說呈現眼前環境一流，好開心前菜：沙律或湯 配麵包好大隻虎蝦，好香蒜片味，墨魚汁製成意粉，好大份，整體好吃雞扒厚度十足，芥末味好香，薯泥金黃色檸茶和奶茶凍檸茶果凍好味

返工放午飯難得約咗朋友 想食餐好 去咗銅鑼灣樓上店 凡高廚房🥘門口同餐廳內既佈局都充滿藝術氣息 到處掛上後印象派嘅藝術作品🏞 餐廳全程播住古典音樂 好輕鬆嘅感覺🎼午市套餐主要分兩種🍽 價錢比較實惠嘅精選午餐同以肉同扒為主嘅行政午餐🍖 同朋友叫咗午餐Set D (餐湯/頭盤沙律+主菜+飲品+甜品) 同行政餐Set A (餐湯+頭盤沙律+主菜+飲品+甜品) 餐包先上 熱辣辣軟綿綿🥖 南瓜湯非常濃郁 重南瓜味唔重奶味 但好滑好香 而蘑菇湯比較深刻印象 菇味非常重仲有細細粒磨菇肉咬下增加口感🥣另外套餐沙律 生菜新鮮 醬汁有少少芥辣味 感覺清新🥗主菜 帶子露筍忌廉汁意大利飯 帶子鮮甜 咬落有肉汁唔油 意大利飯有菜同露筍夾雜 食落感覺健康 另外 BBQ 豬肋骨醬汁入味 豬肉亦唔鞋 仲有薯仔配菜 唔驚唔飽！🍗 咖啡奶茶飲品同甜品都唔差 飲得出用即磨咖啡豆同紅茶味濃☕️ 甜品有奶凍同焦糖燉蛋 奶凍唔太甜 重奶味而面層既果醬都適中 燉蛋一樣唔會過甜 兩個甜品份量唔太大 適合食到飽飽地既我地 唔浪費又唔溜😜整體黎講 開心晏晝同朋友食到呢間餐廳 午市套餐 呢個價錢 算大份同抵食 而且每碟擺碟都精美 下次再黎食

凡高 - 偉大的藝術家，藝術其實都有好多範疇，畫畫可以係一樣，烹調亦可以係一樣，而食都可以係一種藝術。今次選擇了在銅鑼灣的凡高廚房，一試烹調的藝術。餐廳內的佈置是用了復古的裝飾，無論掛飾、吊扇等都有一種歐洲的古典氣色。餐廳有提供晚餐套餐，全部都是由$208起，另需加一收費。套餐包括了前菜、餐湯、主菜、甜品及飲品。煎蛋餅配沙律：外觀上似一個甜品蛋糕，但吃上口卻是咸的，蛋香味濃而且外面有點硬身，裏面是軟腍。說是沙律不如話是裝飾的沙律菜，份量不多，但有點黑醋汁伴著吃，味道不錯。洋葱湯：湯比較稀，有大量的洋葱在裏面，煲到很腍，帶點爆炒洋葱的焦香，還有一點已浸腍的麵包粒。餐包：帶點微暖，塗上香草牛油後，有牛油的咸香，非常鬆軟。凱撒沙律：羅馬生菜配以煙肉碎、麵包粒及巴馬芝士，羅馬生菜新鮮爽脆，煙肉碎炸得香脆，麵包粒焗得脆口，巴馬芝士味道香濃，帶有咸香味，整體清新開胃，能減輕牛肉串的油膩感。意式馬賽海鮮飯：意大利飯份量比較少，有帶子、蝦及青口，海鮮新鮮鮮甜，蝦肉爽口、帶子嫩滑，意大利飯煙煙韌韌，還有點番茄香味。地中海式火焰牛柳串燒配牛肉燒汁伴蒜蓉香草醬薯角：店員捧著著火中的小型燒烤爐，上面是放著烤牛

今次去了位於銅鑼灣接近鵝頸橋底的凡高廚房，是朋友食過覺得不錯，介紹我去試下。餐廳是在一棟比較舊一點的住宅內，外面裝修一般，但裏面別有洞天，全部都掛滿了畫作，裝飾古典。我們點了兩個晚餐及PIZZA。晚餐價錢由二百多元起。蛋餅伴黑醋沙律蛋餅內有點洋葱等餡料，質感軟滑，有濃郁的蛋香，似蒸水蛋表面再煎過；另外配上少許黑醋汁沙律，酸酸甜甜，非常爽脆。洋葱湯及餐包有大量的洋葱及少許的麵包粒，洋葱湯比較簡單，有洋葱甜味及焦香。餐包鬆軟，送湯一流。燒澳洲刺身級帶子及虎蝦伴墨魚汁扁意粉扁意粉份量適中，意粉軟硬度適中，每條意粉都沾上了墨魚汁，食到成嘴黑麻麻，帶子表面略煎，但裏面有點生，鮮甜腍滑，虎蝦不算大隻，似平時的中蝦，全部已貼心地去掉蝦殼只留蝦尾，方便食用，蝦肉新鮮爽口彈牙。煎勺草挪威三文魚伴白豆牛油檸檬忌廉汁挪威三文魚外皮煎得非常香脆，肉質結實不易鬆散，肉嫩鮮甜，有魚油的甘香但不會油膩，配上檸檬忌廉汁，中和油膩感又能提升三文魚鮮味，薯蓉香滑飽滯，雖然份量好似不多，但食完薯蓉都已經很飽滯。BBQ Pizza薄餅有意大利腸、火箭菜及大量的芝士做配料，餅底是又薄又脆，所以不會覺得飽滯，意大利腸比較咸，配上

筆者多年前曾經到訪過凡高廚房一次，印象已十分模糊。餐廳重新勾起筆者注意是因為同系薯仔屋。餐廳以「凡高」二字命名，兩者總會有關聯之處。店內以型格的紅色作主調，牆上掛滿凡高的畫作，頓時藝術格調提升了不少。在經典畫作的熏陶下，凡高廚房仍然保留同系餐廳的玩樂原素，設有一張美式桌球枱供食客耍玩。倘若店內無人，兩小口子亦可肩並肩盪盪鞦韆，重溫兒時玩味。 餐廳的食品選擇以傳統意式菜餚為主，首先為大家送上的是煙三文魚凱撒沙律。羅馬生菜是這道沙律的靈魂，口感爽脆有加，但清甜味道跟不上，微微帶苦。沙律醬材是自家混製，濃稠口味適中，是這道沙律的另一加分點。接下來是兩道熱食頭盤法式忌廉薯茸焗田螺及澳洲鮮 BB 青口仔 (荷蘭芬奴忌廉汁)。田螺本味不濃，主要依靠雜椒香草汁引味。田螺下方是法式忌廉薯茸，口感略實，建議追加牛油忌廉份量以添加滑感。至於澳洲鮮 BB 青口仔，雖然選材大隻，但無礙其鮮嫩口感。菜式的醬汁除芬奴及茴香外，更特別加入搶味的蒜片，正合筆者心意。 細周生最期待的菜式，是蘑菇、風乾火腿薄餅 (新鮮蘑菇、風乾火腿、香濃蕃茄醬)。薄餅以薄批型式焗製，食感脆而不膩，而當中最討好的地方不在餡料，而是芝士