十和田總本店

营业中

休息中

🇯🇵 十和田總本店 🍣自從食過十和田既丼飯我就次次出尖沙咀都心思思想食呀🤣因佢哋既赤醋飯係沿用左江戶前傳統壽司飯既做法赤醋 = 酒粕發酵既醋用赤醋黎整壽司飯會更健康更好食添呀🐟香蔥吞拿魚腩丼 $128吞拿魚腩蓉既份量好多簡直覆蓋左成個赤醋飯配埋蔥花、Wasabi、千本漬同白薑令到我望住個丼飯已經流晒口水吞拿魚魚腩既油脂加上香味 入口即融 每一啖赤醋飯撈埋大量吞拿魚腩蓉真係好幸福呀🤤🐟三文魚親子丼 $148滿滿既三文魚粒鋪滿左成個赤醋飯三文魚籽既份量都好多用一塊大葉舖墊住 令到個飯嘅畫面靚咗唔會全部橙色嘅嘢放埋一齊 (食慾 Up!)不愧係新鮮直送既三文魚 食落好新鮮呀而啲三文魚籽一咬落去就爆汁新鮮又帶點甜味真係好好食呀 （已經想再食多次啦🤤）

座位不算十分寬敞，全店的木製桌椅，略顯有小日本風。唯雖人數齊整才方可安排入坐，而用膳時間只有75分鐘，有點兒倉猝。 火灸三味壽司包括有：火灸三文魚腩、火炙左口魚邊，以及火炙吞拿魚腩。魚腩部位尚算肥美甘甜，而火炙亦恰到好處。但熱度不足，僅有極少量微溫，放涼的口感稍有膩感。 吞拿壽司拼盤分別有：吞拿魚、中拖羅、大拖羅及小卷。刀功顯細膩，沒有根影響口感，愛好者可一試。 香蔥吞拿魚腩丼性價比十足。雖赤醋飯的加持下，會增加日式獨有風味，但吞拿魚腩沒有太突出的魚味。 櫻蝦牛油果三文魚卷比較少有的卷物。櫻花蝦緊緊黏著外圍，又保持到香脆的咬感。但牛油果配搭三文魚的味道略為清淡，建議濃味，如吞拿魚留到最後才品嚐。 蒸蛋白果令味道變酸，火喉過猛。 款式繁多，只是沒有串燒的日式小店。店內定位較廣，提供頗多套餐選擇，如烏冬定食。

店舖距離地鐵站好近係尖沙咀b出口一直行就到店舖門口同裡面裝修非常日式今次係第二次黎食上一次試左壽司定食今次就試下佢啲丼先🍣火炙左口魚邊丼 $138左口魚鋪滿晒成個飯 目測有大約十片我order個時都無留意佢有海膽個丼送到黎個陣見到好開心一次過滿足我想食左口魚同海膽嘅慾望左口魚充滿油脂感 海膽都係好鮮甜性價比極高仲有佢嘅壽司飯唔同其他鋪頭佢比較似中式米 好開胃🍣香蔥吞拿魚腩丼 $128層吞拿魚腩厚度差唔多有1.5cm 撈晒成個飯都有剩 吞拿魚腩亦切得好細 唔會有筋嘅口感🐤燒明太子雞翼$48上碟時雞翼熱辣辣 咬開好重明太子味如果入面加埋芝士就更加好

🌟火炙魚生飯 秋季限定 $138🌟有近8至9款時令魚生，非常豐富經輕輕燒過後魚香味更岀推薦給各位選擇困難症患者，一次過可以嘗盡多款魚生😝*🌟香蔥吞拿魚腩丼 $118🌟魚腩蓉新鮮口感棉滑，份量比赤醋飯還要多！絕對夠餵飽一位成年男士😂但比較容易膩，建議混合香蔥，及以旁邊的漬物解膩😉*❤️必點！🌟廚師推介 馬糞海膽軍艦 $88件🌟滿滿的海膽😍creamy得入口即化，但鮮甜味卻歷久不散，非常濃郁，大愛*❤️必點！🌟海膽蒸蛋 $38🌟雖不是北海道馬糞海膽，但同樣鮮甜份量並沒有因$38元而減料，滑蛋下還鋪了一層蟹柳*🌟平成卷 $138🌟海膽總是常岀現🤗另外還有吞拿魚蓉和三文魚子，味道同樣豐富但如已點上述的香蔥吞拿魚腩丼，便可略過😂味道有點重複，而且前者性價比更高😛*🌟火炙三文魚 $15件🌟🌟三文魚 $15件🌟🌟帆立貝 $28件🌟整體不錯，魚生亦是大大件*❤️必點！🌟蟹膏沙律 $78🌟傻的嗎！超大一碟！程度是明明很喜歡食蟹膏，到食完近期都不想再看見蟹膏😂蟹肉及蟹膏的份量都超級多！非常滿足！

之前聽過好多朋友推介過呢間喺尖沙咀嘅日本嘢，今日咁啱經過尖沙咀，所以就入咗去試下喇！ 好好彩，去到雖然係晚飯時間，但係都唔使等位。 內裡格局同一般日式餐廳無異，有面向師傅嘅長枱，都有普通座位，枱櫈都唔算大，好彩櫈下有藤籃可以放下嘢。呢到除左一張時令食材推介餐牌之外，其餘餐牌都係透過電話掃QR Code 之後落單。 睇均成個餐牌，壽司同飯比例較多，而且大部分為魚生，可能未必適合唔多食生嘢嘅朋友。好有蟹味，蟹膏密鋪蓋面，入面啖啖蟹肉，好足料，配生菜增加口感，但食得多都幾溜。 色澤幾好，厚切賣相亦好吸引，但唔知係咪因為太大件，咬落都幾韌，大細可以再開半可能會更好。 一啖放晒入口，味道會比較複雜，好似喺個口到打緊交，層次感差少少，但材料好豐富，吞拿魚，三文魚子，海膽，分開試咗樣樣都鮮甜，都算唔錯。吞拿魚冇乜鮮甜味，葱味都唔太突出，但勝在夠多飯，一定食得飽。 食物不過不失，三文魚子、海膽，鮮甜印象都深刻，每款都好佔胃部肚仔空間，好飽呀！

每次經過金馬倫道既十和田, 總令人對佢地既日本料理回味無窮, 今晚同朋友係附近shopping, 正好係晚飯時間, 就決定去十和田食餐好既!平日晚7點, 店內已經座無虛席, 還好只等左陣就安排入座。以手機掃QR Code落單, 食物款式都分類好, 每款食物更有圖片參考, 非常清晰。 每次黎我都定必Order 三文魚:【三文魚刺身】HK$48超級厚切, 單看三文魚魚紋已知質素唔錯, 入口充滿魚油香, 口感同味道都一流!【三文魚三味壽司】HK$38相隔大約半年左右, 原來十和田既壽司飯轉用左有味飯取代白米醋飯, 飯質比較黏一點。三文魚三味分別為火灸、Wasabi、薑蓉, 調味份量較少, 所以整件壽司放入口, 要仔細細味先會食出分別。以薑蓉做配搭有微微薑味, 少少唱口; 火灸三文魚有微微焦香。【墨魚鬚壽司】HK$18墨魚鬚超爽脆, 有少少類似燒汁吊味【蟹膏軍艦】HK$28雖然軍艦紫菜上檯已經唔脆, 但蟹膏味濃郁甘甜, 配上梳梳鮮甜蟹肉, 搶返唔少分數。 【香蔥吞拿魚腩丼】HK$118好足料!! 粉嫩吞拿魚腩蓉整整將飯完全覆蓋, 吞拿魚腩充滿魚香味, 口感軟棉, 混入香蔥, 增添香口。飯質黏得

尖沙咀early lunch 口痕痕想食海鮮丼，喺金馬倫道搵到呢間，趁早仲未洗等位入去試試。店內環境舒適，櫈底有籃放袋，座位闊落。每桌均設平板電腦落單。蒸蛋蒸得有水準，裡面有蟹柳同銀杏麵豉湯 味道適中 唔會太咸穴子丼，究竟穴子係乜？我叫之前都特登google過，原來在海生長的叫『穴子』（Anago），在淡水的才叫『鰻』（Unagi）。即穴子係海鮮，鰻係河鮮。呢個穴子丼個重點竟然喺個汁度，撈飯一流，穴子份量亦非常足夠。香蔥吞拿魚腩丼，看圖不解釋，吞拿魚份量亦充足，鋪滿飯面，同蔥混合一齊食，味道更佳！比較市面眾多海鮮丼，價錢算係相對經濟。

去完尖沙咀考完試， 梗係要食返餐好，保保身～😂 之前小編一直有留意尖沙咀前排新開了一家有着港版「美登利」之稱的壽司店「十和田總本店」， 由日本師傅坐鎮 ， 加上每日新鮮空運到港的日本🇯🇵食材， 實行要將最新鮮的壽司🍣帶給食客～ 餐廳以木系為主調， 和日本的迴轉壽司店一樣， 有看到師傅即叫即做的迴轉壽司吧檯， 也有坐得舒適，對坐的木枱。 甫坐下， 侍應便遞上點餐用的ipad， 各類食品如壽司、刺身、拼盤、丼等都清晰列出，全部都有圖有真相～😎 11:30至14:30更有午市套餐供應，由$98起， 套餐仲已經包左麵豉湯同蒸蛋，好抵喎！ 香蔥吞拿魚腩丼（$108） 手打吞拿魚腩蓉打得很軟綿幼滑， 魚油香溢， 再加上不少白芝麻和香蔥提味， 口感和味道都達到極致！😋 麵豉湯鹹淡適中， 鹹中帶有發酵的豆香， 加上軟滑的海帶和吸味的豆卜，不錯哦！ 蒸蛋蒸得嫩滑，蛋味都算突出， 配料除了有鳴門魚肉卷和冬菇外， 還跟足日本傳統加了一顆白果呢！😌

老細要我們清假, 所以我選擇了今天讓自己好好休息一下。難得星期一有假放, 當然要找好東西吃!我和朋友在尖沙咀找到一間貌似正宗的日式壽司店, 便進去吃個午餐。這裏的環境很舒適, 很光猛。餐牌上有很多食物款式, 我選擇了十貫壽司套餐配迷你湯烏冬, 我朋友則選擇了香蔥吞拿魚腩丼。大概等了十分鐘, 我們的食物便送到上來。她的吞拿魚腩丼還會跟上一碗味噌湯和茶碗蒸。我朋友的吞拿魚腩丼的飯的份量有很多, 茶碗蒸看似很吸引, 那個蒸蛋非常滑, 裏面有菇、日式魚蛋、銀杏等等。我的套餐一共有十件壽司, 望落好吸引, 好豐富。壽司包括有帶子壽司、吞拿魚蓉壽司、三文魚壽司、長腳蟹壽司、 左口魚裙邊壽司、吞拿魚壽司、鮑魚壽司、玉子壽司、 赤蝦壽司、 鯛魚壽司, 件件壽司都很新鮮, 吃完壽司再嘆番碗熱烏冬, oishii~

這天早上跟媽過來尖沙咀買野，經過見到十和田的門面裝修很日系，媽子說說試試這一間的LUNCHSET。坐下來，檯上有綠茶粉可以自行沖調，不過店裡提供的暖水好像溫度不夠去溶掉茶粉。我們點了兩份丼飯套餐，都附上茶碗蒸和味噌湯，餐具用上木湯匙很可愛。茶碗入面既蛋是比較像豆腐花的質感，不像布甸般挺身，不過材料很多，除了有菇菌外，還有秋葵紅蘿蔔魚片等。雞蛋每口都有不同材料伴著，入口好充實。這個味噌湯對我來說有點咸，不過入面有豆腐干和海帶！材料很有誠意。穴子丼$108，其實即是我們常說的鰻魚，飯碗上鋪得滿滿的鰻魚條，魚比較薄身，上面伴著鰻魚汁和芝麻，食落口都幾香，魚邊像輕輕烤過，少少脆。飯底沒太特別，只是汁好像不太夠拌飯。香蔥吞拿魚腩丼$108 ，我去到邊看到這個飯都很大期待，因為真的很喜歡，這份魚腩顏色較淺但肉餅整得幾厚，不過都拌入幾大量的蔥花，最喜歡就是加少少WASABI豉油，食落好香。午市既尖沙咀都幾忙，來來去去旁邊檯都轉了兩次，餐廳出菜時間都好快，打工仔唔怕食日本野有排等喇。

今日lunch食好d，逛逛下見到衣間門口幾大既十和田總本店，原以為佢冇lunch set，但原來係有的店內地方非常寬敞，有吧枱對住師傅整食物、有普通座位任君選擇，lunch time唔多人，可以好優閒咁嘆個lunch設計都好細心，見每張櫈下都有個籃可放下私人物品，不需放在腳上入店坐低時，店員都會拎個平板電腦來供點餐，原來唔係大集團先有，非常先進真係大鄉里出城午市套餐已有一欄，共有11個套餐，價錢由$78-198，平均以$100內為多！選好套餐只需篤一篤食物就會自動去左mon下方的列車裡🚄，確認全部正確，列車就會開出，而點餐程序就完成了不需經店員、自助落單非常方便落單程序比一般平版電腦更生動有趣枱上有綠茶粉、水、調味料香蔥吞拿魚腩丼 (連味噌湯，蒸蛋) $108蒸蛋不錯，足料又夠滑主角非常大碗，真係有d食唔晒！咁既價錢咁既份量真係唔算貴而味道方面都不錯的，只係吞拿魚腩係蓉既質地，不是魚生粒狀質地，”不”起時同飯黏埋一起賣相不太好穴子丼 (連味噌湯，蒸蛋) $108即係鰻魚飯又是大大碗，唔怕食唔飽鰻魚份量都多，唔會同飯比例差好遠鰻魚質地好柔軟好薄身，比一般的賣相同口感好味有d鰻魚比較粗身而

之前經過尖沙咀已經留意到這間新開的日本餐廳，因為門口寫著$98一個午市定食，在尖沙咀這個地方來說，算是親民了！熱抹茶是用上了抹茶粉因為是自己沖的，濃度可以自行調節。*香蔥吞拿魚腩丼 ($108)我點了香蔥吞拿魚腩吞拿魚腩蓉打得很滑，沒有鯹味；香蔥增加了香味；吞拿魚腩蓉下加了粉紅色的魚鬆，帶少少甜。*雜錦魚生丼 ($98)朋友點的雜錦魚生丼，看到有很多魚生。他說不錯呢，刺身很新鮮。有三文魚、油甘魚、吞拿魚等的角切。*蒸蛋很想將呢個茶碗帶回家，很可愛呢！熱辣辣的茶碗蒸蛋，很滑溜，中間有一片日式魚蛋和魚肉，一點都不求其。*麵豉湯麵豉湯味道適中，不會太咸。

去尖沙咀性價比甚高的「十和田總本店」午膳，香港人收飲食咨詢的速度真係快，初開張時冇乜人，但今次下午兩點二去到，都要輪候近25分鐘才有座位。點菜用iPad，店員簡介操作方法後便自己動手order，幸好操作都算簡易。枱面上有綠茶粉自助沖用，質素又比想像中好喎。叫個$98的午市壽司定食（十貫）（聽聞呢個價錢做到八月底），講得做十貫，即係有十件，款式則隨當天貨源而略有變化，好像今天便沒有海膽了。一上枱，看見十件壽司中有我唔太like的蟹柳（應是取代玉子），真係打了個突。幸好，餘下九件質素都唔錯，尤其是那個加入蟹羔的蟹肉軍艦，十分鮮美。另外，甜蝦壽司大大件，最驚喜是那件用火鎗燒過，我懷疑是左口魚的白色魚壽司，入口帶油香，而且軟綿綿的感覺太美妙了。雖然呢個壽司set的海鮮非一級貨，但質素也非亂來，呢個價錢計埋加一都只係一百零幾蚊，真的算抵食。何況，這個套餐更包茶碗蒸及味噌湯。叫多個香蔥吞拿魚腩丼，更是喜出望外。吞拿魚腩蓉十分新鮮，師傅切功亦恰當，魚蓉中亦幼中有粗粒，夠口感，配埋香蔥、白芝麻，以紫菜為間隔，鋪在酸度及軟硬度剛好的壽司飯上，十分正斗！

前幾天見到介紹十和田平靚正，沒想到今天就來了。踏入淺木色的店，第一次去The One的中村藤吉的回憶湧現。日系裝潢，總會從你的肩上減掉幾斤，就是有種讓人放鬆的魔力。坐在師傅前的吧枱，但枱設計得高，枱頭也見不到師傅的功架。自己做抹茶粉沖杯濃濃的抹茶。店員教我們用平板電腦落單。看似高科技，但介面卻不怎麼精美。單送出後幾分鐘，便上菜，超高效率。茶碗蒸內有冬菇、熟透至乾和嚡的魚蛋、頗大的蟹柳和大粒白果。蛋調味偏淡，蛋味亦不算重。滑，但未算出色。麵豉湯味道剛好，不太鹹，有海帶和豆卜。香蔥吞拿魚腩飯份量都幾大。鋪了厚厚一層吞拿魚腩蓉。吞拿魚腩打得很滑，厚稠而不黏。油香不重，蔥味亦不濃，完全沒有平時吃蔥吞拿魚腩的罪惡感。清清的，味道很鮮。偶爾吃到白芝麻，更加香口。飯不腍不濕，但煮至黏成一團，不是一粒一粒的，甚至少少變形。壽司十貫$98有十件，而且是十大件。用木板上的賣相好看。魚生亦不隨便，有海膽和蔥吞拿魚。現在人人都吃三文魚腩，取其魚油香，卻放棄了魚味。這件不是腩，沒有豐腴的魚油，換上久違的魚鮮。吞拿魚軟腍，沒甚味道，鮮味的重度跟白身魚相差沒幾。魷魚有嚼勁而不韌，溢出不少水份，味道清清的，特別喜歡這