豚道樂 (百合苑商場) (已結業)

I have enjoyed the ramen at Butadouraku a number of times over the years and found the ramen to have maintained a consistent quality. My favourite is the Pork Bone Soup noodle with Dried Bonito Flakes. The broth has a slightly smoky aroma yet isn’t oily as some other ramen broth can be. I prefer the curly noodle in a firm texture. The accompaniments include two pieces of tender pork, seaweed, bean sprouts and bamboo shoots. If the soup can be just a little hotter it would be the perfect lunch on

按照喜好選擇湯底、配料等的拉麵小店。湯底的種類亦頗特別，有期間限定的鴨白湯，日本芥末拉麵。首次嘗試，先由基本入手。魚介豚骨拉麵 ($85) 轉特上 (+$13)• 加配特上後會有豬腩肉、大紫菜、溏心蛋半隻、牛油粟米及罐裝飲品，性價比高！加上原本的配料變得相當豐富，令整體賣相加分。• 我選擇的是直麵、硬身、保留蔥及少許辣醬。• 湯底熟充滿豚骨的油香，但不會過於肥膩，帶有淡淡的魚介獨有咸香。• 豬腩肉口感同樣充滿油香，連肉的部分都處理得很香腍；溏心蛋保持一貫應有水準，蛋白入味均勻，口感香嫩，蛋黃則十分滑溜；紫菜吸收湯底後更加惹味。• 整體而言所有食材都配合得宜，性價比高。

放工9點後搵食！ 路過九號水產，知道有新開拉麵店，就甫入店試試！9點後入座只有一兩枱客。自助畫單點拉麵，可以選擇麵底，麵質，走蔥之類！下單後5-10分鐘，拉麵就上枱😋 拉麵賣相不俗！湯底濃稠，偏咸！喜歡濃味的，可以一試😅👍🏻普遍拉麵$78-90， 可以+$13加餸 - 包紫菜，腩肉，流心蛋！

餐廳坐位唔算好多，左右兩邊係二人枱，中間位置係bar枱。落單後，侍應即刻就俾左張point card我地，不過分店地區都唔太就腳，唔知幾時再有機會幫襯。原味豚骨拉麵($72)2片薄切腩肉，唔夠肥，偏瘦。豚骨湯底無魚介豚骨湯底咁濃味，但湯底質感都係好濃郁，加埋唐辛子(辣醬)令成個湯底更惹味，層次更豐富。幼身既直麵配埋淡淡又濃郁又帶有微辣既豚骨湯底，真係好夾，好好味。一向重口味既我今次都更喜歡豚骨湯底。(個人口味: 4.2/5)魚介豚骨拉麵($98)魚介豚骨湯底比普通豚骨湯底濃味(似沾麵湯底?)，真係充滿魚味。曲麵比較粗身，同濃湯好夾。溏心蛋呈啫喱狀，”友人”稱係暫時食過咁多間拉麵店之中，最甜最好食既溏心蛋。2片肩肉，1片腩肉，肩肉比腩肉un口。(個人口味: 3.9/5)炸軟殼蟹($45)熱辣辣，軟殼蟹略嫌瘦左少少，不過都係好食既。(個人口味: 4.1/5)炸紫菜墨魚嘴($35)份量都算多。脆卜卜，咬到最底就會有粒墨魚嘴。不過好熱氣。(個人口味: 3.3+3.6/10)我地都同意魚介配曲麵，豚骨配直麵係最夾。整體而言，我對豚道樂既拉麵予以好高既評價，拉麵同湯底都同金XX好相似，但價錢更相宜

好耐冇食日式拉麵喇～ 今次尊登黎食呢間廣受好評嘅拉麵店，雖然地點有點難搵，幾經辛苦先入到去，但食完就知辛苦係值得嘅😆————————🔸辛辣味噌拉麵 $80📍9/10我揀咗普通辣和直麵麵底，一嚟到感覺唔太特別，分量亦沒有特別多，但食落就見真章😏湯底出乎意料地濃郁，味噌味極濃又帶點辣🤤十分滋味❗️直麵的顏色較白，普通硬度令它可以掛湯，每一口都食到滿滿的湯汁簡直越食越過癮😭叉燒有三大塊，經過煙燻所以食落一點都唔覺油膩，總而言之👍🏻👍🏻👍🏻🔹魚介豚骨拉麵 $85📍8/10朋友喜清淡，所以點了平日限定的魚介豚骨湯拉麵，選硬身的曲麵～然而碗麵一點都不淡🤣湯底加入魚介及豬骨熬製，味道更濃更豐富😋配料除了叉燒，仲有大大塊紫菜、筍、芽菜及蔥；曲麵麵質比直麵彈牙，整體口感更上一層樓❗️

黃埔就出名多野食多野行，行到黎九號水產一入門口見到有間好日式既拉麵店，入到去真係好似去左日本咁，有張長形既高台係中間，旁邊有幾個卡位，我地就坐左卡位這裡的拉麵主要是以豚肉做湯底，只有一款係用魚，我地就叫左一款魚一款豚肉，再叫左幾款小食拉麵可以簡札幌系曲麵 或者 九州系直麵季節限定＂黑松露醬油豚骨拉麵$108拉麵簡左幌系曲麵比較爽口；除左叉燒仲有帶子同半熟蛋半熟蛋做到晶瑩剔透🤩魚介豚骨拉麵$85拉麵簡左九州系直麵好直易做到掛湯的效果，吸哂魚湯既精華；叉燒有入口溶化既口感🙀灸燒芝士豚肉$18炸軟殼蟹$45超有誠意，用上原隻蟹炸後切開一半再送上，清楚見到裡面有橙黃色既蟹膏，價錢更非常便宜，認真想食多一隻牛肉薯餅$18(左一)食到免治牛肉係裡面 相比一般薯餅多了一份牛肉香炸物盛盒$68(左二)天婦羅蝦、炸蠔、炸芝士日式炸雞$18(右一)外層非常酥脆，一口咬開滿滿的雞汁流出來了，吃完一粒想吃多一粒咖哩蜜糖炸雞中翼$40(右二)炸雞翼成日食，這個一咬開是有咖哩香和蜜糖甜,比平常的多了幾份層次的口感

九號水產 開咗一段時間,趁放工冇咩做 喺尖東過咗嚟行下，順便食晚餐，雖然叫做九號水產但原來入面 唔係淨係得海鮮食嘅，喺近門口位置有間拉麵店。睇睇門口嘅menu都幾吸引，入面嘅座位有bar檯同二人檯。 我哋坐咗二人枱店員都好好俾個籃我哋放袋～呢度有2款限定，“五六日限定”係海老湯拉麵，但因為我哋係平日去，所以只可以點“平日限定”既魚介豚骨拉麵。我就當然要試吓呢個限定啦！其實以前試過一間沾麵係魚介湯底覺得太濃over左，但呢度魚香味道濃厚又唔會太咸而搶左豚骨既精華~而麵底有得揀曲面/直麵(幼麵)， 我哋都揀咗曲麵，曲麵粗幼度好好，軟硬度適中，口感彈牙，索左湯底既味道~老公就點咗黑蒜油拉麵，呢度既黑蒜唔似外間既湯底咁偏黑色，不過香蒜味道都係突出既~加埋豚骨既味道入口柔順 !  不過兩碗比較都係中意魚介豚骨多d !! 補充一下: 我地加左＄15 upgrade轉特上。有豬肩肉，豬腩肉，紫菜，溏心蛋半隻~  個人覺得除非你真係好細食,否則都係upgrade 啦~滿足d,食拉麵無溏心蛋點得呢?! 呢度既飲品都係日本直送，老公既靜岡抹茶可樂就好似抹茶味雪碧咁~ 呢期山梨桃當造已經食左幾個，見到呢度有

今次又來到九號水產搵嘢食 ，一入到門口就俾拉麵店大大個燈籠吸引住。因為太晏收工嘅關係，唔諗啦入左黎先🤭首先我好鍾意佢哋嚟自日本嘅特色飲品，樽身非常之靚。唔好諗住佢哋得個樣睇又唔好飲，淡淡嘅白提子配上梳，非常之清新。而富山柚子梳打更香甜❤️佢哋嘅湯底係每日慢火烹，香濃嘅豬骨湯保存日本九州傳統嘅豬骨白湯風味，所以個湯底都真係幾香濃。 加上我叫呢一個係黑蒜油，所以味道更加突出！ 切得夠薄，而且肥瘦適中，容易入口！麵質夠曬彈牙，而且因為佢曲嘅關係，感覺上好似掛多d湯汁🤣湯底味道有啲似煙燻木魚，而且味道更加濃烈，並帶點鮮味。 鍾意食濃味嘅朋友，可以一試這個，極力推介。❤️我哋鍾意食曲面多過直面，直面冇曲面咁粗，但係因為佢哋夠幼細，所以夾起上嚟嘅時候會連埋啲湯一齊夾住，口感較張。😜餃子煎得香焦金王， 而且唔會好油膩， 個皮亦都非常之薄絕對唔厚😍入面啲餡亦都非常之脹卜卜，好大隻！不過呢個炸雞串就有啲失色，件數較少但係炸得都非常香脆可口👍而我最鍾意呢個墨魚咀外層香脆內裏彈牙，加上香噴噴嘅紫菜配上夠曬酸嘅檸檬汁，夠哂惹味！😍而呢個雞翼佢哋嘅外層炸到有啲似腐皮卷薄地，薄而且嚟到時都係熱辣辣雞，肉亦都非常之嫩滑