磯野水產

营业中

休息中

生日還沒到就已經開始吃生日飯🤭阿婆表示又有藉口暫時擺脫減肥餐🤣今晚朋友帶我來到這間吃水產既日本餐廳～提前網上訂位會有優惠，比較划算🤣值得一提的是餐廳除了食物高質外，連店員的服務也很好，店員態度親切👍🏻能及時留意顧客需要作出相應的服務。在香港算是不常見的有誠意👍🏻沙丁魚及多春魚製作而成的蘸醬，鹹香味濃🌟再配搭清新爽的沙葛、青瓜、蘿蔔條一起吃，味道倒是平衡得很好♥️還蠻開胃的～整個盛合用的都是生猛新鮮的海產🌟主角就是這條新鮮的手釣池魚，很適合作為刺身。魚肉爽口，味道鮮甜，還有酸汁或芥末醬油兩款蘸醬可增加風味，表示喜歡🥰魚骨的部分可以選擇升級為炸魚骨🌟魚骨炸很很酥很香脆，變成了一道很適合佐酒的小吃♥️響螺用了昆布高湯和小量清酒作簡單的調味，肉質爽口，味道新甜還帶一點清酒香氣，配合昆布湯一齊吃，暖胃清爽♥️一份盛合裡會用不同方法去烹調，赤蝦和鮑魚都是使用了浜燒的煮法，很好地保留了水產的原汁原味🔥赤蝦夠鮮嫩、鮑魚彈牙，加一點柚子胡椒醬再吃味道更香♥️兩隻帆立貝分別用不同的調味去製作，清酒煮的甜美、黑松露牛油香氣濃郁，熟度剛好，肉質爽口👍🏻我們升級了一份野菜鍋🌟湯底很清淡帶淡淡的蟹香，野菜份量剛好兩人份，

好日本風既餐廳🇯🇵 好特別既係佢哋係中間有個小型滨燒檯，可以縮短傳菜時間😆 食物非常之高質，佢哋既海產係每日新鮮空運到香港✈️！🔸🥗前菜 - 鯷魚醬 配沙律 $34我第一次食，非常有驚喜🥹 值得推介🌟 個醬由沙甸魚同多春魚製成，用微火暖住🕯️ 鹹鹹香香好好食🤤 同啲蔬菜條好夾💖🐟秋刀魚刺身 $388係整刺身前，師傅會比我哋睇一睇條秋刀魚，條魚睇落唔錯，師傅切得好靚，仲𠝹埋靚靚花紋😍 擺盤擺得好靚，配埋酸汁，仲可以按個人喜好加埋啲配菜食😚 刺身真係好新鮮🥹 一啲都唔腥🥰 佢哋連條魚骨都唔會浪費，攞去炸，脆卜卜，好食🥹！🍁楓葉白子天婦羅 $128係鱈魚既魚精🤣 我都係第一次食，口感好特別，外面炸得好脆，入面有好多汁，奶白色，口感細滑😆🐚活響螺 $388好有驚喜，原來係配清酒🍶 活響螺肉勁新鮮，好有咬口😋🍣火炙呑拿魚腦天額壽司 $156/件火炙過既香味，加上油脂味香濃，真係入口即溶🤤🦪時令活蠔 $176/件新鮮肥美多汁✨ 有淡淡既海水味🐮鹽燒牛舌串 $128牛味極濃，少少鹽配埋油脂香味，好惹味🤤🍤什錦天婦羅 $168天婦羅皮十分薄皮，有蝦、蘑菇等等，好滿足🥳

是日朋友與我慶祝生日,book了銅鑼灣磯野水產食生日飯入到去環境都幾好,店員即時俾水我們今晚叫左磯野芝士金龍卷,蔥吞拿魚腩蓉手卷,碎蔥深海池魚蓉手卷,鐵板炒野菜,清酒煮刀貝,活鮑魚濱燒,活日本榮螺濱燒,活日本白貝濱燒,虎蝦濱燒,時令活蠔刺身仲叫左枝六十餘洲雄町純米吟釀前菜鯷魚醬加蔬菜,好鮮味加起來一起吃是最正的未燒前先俾我影相,d海鮮仲郁緊,好新鮮磯野芝士金龍卷-隻蝦炸得黎都仲有汁,都幾好食時令活蠔刺身-隻北非鮑魚夠晒大隻,加左少少酸汁更加好味道又唔會腥蔥吞拿魚腩蓉手卷,碎蔥深海池魚蓉手卷香魚鮮味道,而加左碎蔥令到魚鮮味更加明顯鐵板炒野菜-清清地得黎又好味鮮甜清酒煮刀貝-肥美飽滿,香口無沙活鮑魚濱燒-爽口彈牙又夠鮮味活日本榮螺濱燒-有咬口得黎配合海帶食更加可口美味活日本白貝濱燒-燒完都仲咁多汁,同埋冇沙,鮮味香爆虎蝦濱燒-爽口彈牙又有蝦味六十餘洲雄町純米吟釀-入口唔會太嗆喉,在口中好香酒既味道叫左柚子雪葩,椰子雪糕黎到有驚喜呀,朋友預左個happy birthday 俾我柚子雪葩酸酸地咁好好食椰子雪糕好重椰子味,勁香口

好想食海鮮好想食海鮮好想食海鮮好想食海鮮好想食海鮮!!!!!鯷魚醬即係沙甸魚及多春魚醬，好有鹹香又有啲魚碎，口感唔錯，用個火慶住保暖，再用啲沙葛、紅蘿蔔、菜點嚟食，又熱又凍係非常特別嘅前菜 純米大吟釀 ($348)朋友叫咗一支自己飲，果然女中豪傑。我飲咗一小啖，哇果味濃郁，亦都冇咗平時sake嗰種嗆喉感，正！磯野火炙刺身沙律 ($178)平時梗係刺身還刺身，沙律還沙律，今次試吓兩樣加埋一齊會點？！好想講，真係好味到喊，有金目鯛、深海池魚、三文魚、蝦刺身，燒過之後啲油香爆晒出嚟，啲菜完全吸晒魚油精華，再加上本身啲蔬菜好新鮮，整體香甜到不得了！黑松露明太子玉子燒 ($98)可惜啲蛋唔夠滑，雖然入面嘅黑松露醬及明太子充足，味道香濃，不過玉子燒好驟忌啲蛋唔夠滑，如果滑返啲就真係完美喇燒自家製一夜干雞翼 ($88)風乾原隻雞翼一晚後再燒，外皮香脆到不得了，入面嘅肉質juicy鮮嫩，好正！磯野海鮮盛合 – 寶 ($898)有季節活魚、蟹、2隻帶子、2隻鮑魚、2隻赤蝦、2隻白貝，有別於平時食開嗰啲燒海鮮，呢度嘅每種海鮮都可以自由選擇煮法季節活魚原條羽太魚起肉做刺身，搭配酸汁，食起上嚟魚鮮味更突出，口

早排聽同事講漁獲浜燒開左間姐妹店，位置就正正係原店上一層。見之前一直都約唔齊人去幫襯所以就借此引誘班ＦＤ約係今晚一齊去會一會佢。坐低店員就送上呢個餐前小食，入面係鯷魚混合沙甸魚所做成嘅魚醬。食落咸香醒胃，就咁食會有啲偏鹹但配上爽甜嘅沙葛青瓜條等，互相中和別有一番風味。 之後就係今晚嘅主角，磯野海鮮盛合－ＫＩＷＡＭＩ。落完單店員就成盤攞出黎俾我地過目，介紹入面嘅海鮮係啲咩同埋問我地想點烹調，仲貼心咁推介左相關嘅食法俾我地，等我地可以有最好嘅味覺享受。 係等待時我地點左呢支文佳人作為我地嘅餐飲（因為呢度清酒種類頗多，但我地都鐘意佢個名夠有氣質）。呢支雖然是原酒但酒精感不強烈入口清醇甘甜帶點花香，而且夠冰凍更突顯米香嘅濃郁。十分配合整餐嘅各款海鮮燒物。  和牛沙律以人手剁碎保留牛肉嘅纖維同彈性。簡單以鹽胡椒調味，食落充滿肉汁鮮甜，混和鵪鶉蛋液更覺口感滑溜。 原隻雞翼燒得皮脆肉嫩，蜜糖令油膩感大減真係連雞翼尖都可以食埋。 原條活魚刺身－蝦夷目張，魚名都係第一次聽。整條魚由頭到尾連伴碟都擺得好靚，廚師仲好有心機咁將部分魚肉砌左朵花出黎。 食落魚肉細緻有彈性，尤其係近背肌位置咀嚼多幾下魚嘅甜味再出

銅鑼灣澳門逸園中有好多中高級檔次的食肆，見朋友Facebook post 左新開業的磯野水產，見到以食高級食材既日式海鮮濱燒為主，即刻book位試吓。餐牌見到有磯野海鮮盛合（2人前）$1498，夠晒豐富，先點呢個套餐。前菜一般以為既沙律，換來有特色既鯷魚醬，還貼心用火熱住，可能始終係魚味，熱住食唔會腥，配了條狀青瓜同甘荀條，鯷魚醬其實係用多春魚和沙甸魚肉撈埋特色醬料，雖然一少碟但已夠食，也唔會太咸，蘸青瓜夠爽，甘荀條就夠清甜。主角磯野海鮮盛盒$1498上枱喇，相機先食，每樣海鮮都好有份量，好大隻，活鮑魚仲郁緊，非常新鮮。重點搶眼既名貴海產，莫過於紅當當既赤鯥魚，初時以為係喜之次，但原來係赤鯥魚，店員推介做刺身，可保留魚肉鮮甜味，伴碟還放了紅蘿蔔蓉，薑蓉, 食時沾少少豉油食更佳, 肉質好特別，腍身，帶出啖啖的魚鮮味，加埋魚肉面炙燒過，有焦香味，唔會燶，一條二人食，夠晒，因味道唔重，影入口，食唔停口！繼續係以刺身方式上菜，有巨型響螺, 店員介紹叫粒貝，將一隻巨大響螺切成一座小山，好多片，肉質鮮甜，脆口，唔會硬。再來係赤蝦刺身，粗大蝦身，蝦味夠濃，肉質彈牙。到上炸物，係另一隻赤蝦，煮法選了天

上次到過銅鑼灣澳門逸園中心食飯見到有呢間新開業的磯野水產，早前食過海鮮濱燒，一直好回味， 所以想試下周圍既海鮮濱燒。先來前菜，好特別，有個小熱爐㷫住個魚醬，同新鮮青瓜及蘿蔔長條跟上，店員介紹魚醬叫鯷魚醬$30係用了多春魚和沙甸魚肉同秘製醬料製成，成個感覺好像蟹的甲羅燒，用清爽既青瓜同荀條點上醬汁味道剛好。主菜方面， 叫了個極盛盒海產套餐$1498，賣相好似道具般，好鼎盛！每樣都係主角，店員細分講出烹調方法及建議給我們選擇，逐一抄下，點算好就拎返入廚房泡製。有巨型響螺，選了切片做刺身， 脆口鮮甜，鮮味無窮，刀功超凡，切得薄薄的，夾起，有啲薄到通透。之後上赤蝦刺身超，超大隻肥美，肉質黏口，先原味食，鮮蝦味十足，另一啖沾少許豉油同芥末，另一風味，更帶出甜味。另一名貴食材，未曾食過，赤鯥魚，因魚味較夠鮮，當然以刺身上碟，旁邊有薑蓉紅蘿蔔蓉及蔥花酸汁, 沾少少食, 更帶出魚的鮮甜味, 旁邊還有擺設優美，雖然之前望落唔算大條，但拆骨起肉，可看出一大塊厚身魚肉，面層還炙燒過，一啖吃下，鮮甜帶焦香味，完全唔腥，魚肉爽口清甜， 難忘菜式！之後店員介紹兩個菜式推介分別有燒吞拿魚腦天額及牛仔肉，最終選了吞拿