泰海鮮 (已結業)

就快過年，又係時候約食團年飯兼聚舊喇！朋友們住新界西多，今次就揀咗屯門三聖村大排檔～～ 泰海鮮食團年飯。呢次係我第二次嚟呢度食，雖然佢叫泰海鮮，但我哋並無叫泰菜，反而都係以海鮮宴為主。你可以喺餐廳直接叫，又或者去附近海鮮檔 （今次部份海鮮喺關財記買），揀生猛海鮮帶入餐廳比師傅加工，無論係白灼／清蒸／豉椒炒／炆／蒜蓉蒸等等，總之你想點煮都得，明碼實價列晒加工費幾多。嚟呢度必點海鮮湯，用雜魚、瀨尿蝦、沙白蜆、番茄薯仔去煲，用料豐富，味道勁鮮甜！不過記得要趁熱飲先好飲呀！我對「泰皇芝心蝦丸」念念不忘，以麵包粒包住去炸，入面蝦膠勁彈牙，再咬落去啲芝士流心咇出嚟，口感豐富，小心熱呀！（一碟3粒，我哋再加錢)鳳梨鮮排骨，酸甜惹味，送飯一流！呢碟係最快清晒，可想而知幾受歡迎？青山灣焗芝士龍蝦(3隻開邊)，每隻都好大隻，焗到金黃色，賣相吸引！你睇我用筷子篤入去，啲芝士幾厚？咬落脆脆哋，肉質嫰滑，啖啖芝士鹹香，食龍蝦都飽飽哋 @@砵酒焗桶蠔，呢個係我哋買入嚟加工，師傅提議用砵酒焗嘅煮法 (加工費每細桶$62)，少少脆，肉質肥美，少少甜又有少少酒香，真係唔錯喎！呢次團年海鮮飯頗滿足呢！

係週末既晚上, 朋友們即興來個海鮮飯聚~~一致決定入屯門三聖村!!!今次係我第一次黎呢度食海鮮丫, 平時都係會去西貢食；問左住屯門既朋友 佢地介紹我地去 "關財記" 買海鮮, 再拎黎"泰海鮮" 處理同加工"*首先叫左個小食：泰皇芝心蝦丸 (HK$78/3粒)呢度菜係呢度出名既小食, 個個都必點之選;見到每粒都好大粒, 仲炸到好脆且冇乜油膩感~~外層係麵面粒包住芝心蝦丸去炸~~熱辣辣咁上台, 食個時記得要分開一半先食；因為D 芝士流出黎個陣會辣到口架!!!!香口既炸蝦丸又唔油膩, 蝦丸又彈牙, 唔怪之得個個都點~~用黎佐酒都唔錯"*喜歡食蝦既我, 很可惜累天沒有九節蝦;所以就買左花竹蝦黎白灼~~新鮮既蝦白灼完就咁食都好鮮甜, 唔駛蘸豉油都冇問題!!!花竹蝦都幾大隻, 啖啖肉, 正丫"*.另外仲點左小菜比小朋友食~~酸甜既鳳梨鮮排骨就最合佢地口胃啦!!排骨炸得剛好, 內裡鬆化, 加埋酸酸甜甜既醬汁及菠蘿;真係令人好開胃, 送飯一流丫~~每次食飯都會點個湯黎飲, 今次就叫左海鮮湯~~其實係番茄薯仔湯再加入不同海鮮, 包括雜魚、瀨尿蝦、沙白蜆等等....飲落好清甜, 就似魚湯般, 完全唔油膩,

屯門三聖村出名食海鮮, 好多人都慕名而來!!我都一樣, 約齊朋友黎食個海鮮午餐~~呢度既餐廳都係提供茶水, 小菜及小炒；要食海鮮就要出去海鮮檔度親自揀選, 再拎黎餐廳加工製作"*今次就揀左幾款海鮮, 拎黎呢間【泰海鮮】度加工!!!佢地明碼實價咁例明加工項目同價錢, 亦都非常合理的~~首先點左個青山灣小炒皇；入面有魷魚, 魚乾, 蝦乾, 腰果, 黃椒及韭菜, 炒得好夠火喉~用黎佐酒非常正!!!另外仲點左個鳳梨鮮排骨；份量都唔少, 甜酸味道適中, 排骨肉質鬆化有咬口!!!而且呢道菜式一定要出街食先夠風味~~海鮮話咁快上台啦!!!!一斤十両既九節蝦份量好多, 而且一定係白灼最好食~~九節蝦雖然唔大隻, 但係細細隻先係最鮮甜美味；只需要兩三下手勢就可以將蝦肉取出, 蘸埋辣椒豉油就夠惹味!!!同時又唔會搶走本身既鮮甜味"*登登登, 5隻鹽油焗奄仔蟹都上埋台啦~~鐘意食膏蟹既人一定識食奄仔蟹, 今次仲用鹽油黎焗, 可以迫出蟹膏蟹油香!!!店家亦已經斬開一半上碟, 食起上黎就方便D 唔識拆蟹既人~~一打開蟹膏就已經湧出, 蟹油都流緊出黎~~黏黏質感既黃色蟹膏就最香最濃味, 食落漿住個口腔既感覺好正!

說到外出用膳食海鮮，越近海鮮市場越好，盡獲地段之利。在此條件之下，西貢，以及這次山長水遠都要去的屯門三聖就是熱門聖地。小小地方，但雲集逾十間可以品嚐海鮮的餐廳，讓人難以選定。　　未食先飲，假日好似要Chill下，但我們其實只是喝Guinness　$28。來到搜尋三聖時排名第一的泰海鮮，雖說名字有Thai，但我們這次沒有嚐到任何泰菜。不過泰菜在香港很普遍，遠水路到來當然以海鮮為主。表示對挑選海鮮沒有心得，還得靠友人在附近出名的海鮮檔關財記攜來了食材加工。以下海鮮菜式以加工費所示：　　豉油皇中蝦 　+$58（斤）充分上色，甫上桌便傳來豉油的陣陣鹹香。蝦肉不霉爛，略帶爽彈，選材選得不錯。薄薄的蝦殼吸收調味，並帶有點點脆感，頓時想連蝦殼也吞下去。　　接下來是醬皇蒸元貝　+$15（隻），配上的醬是店方的自家XO醬。鹹辣中傳來一絲甜，蝦米等增添嚼感，加上蔥花點綴更香口。貝肉富彈性，帶有淡淡甜味，醬汁之下仍不失本味。其實更惹味的一定是吸收醬汁的伴菜，且有本身的清甜，盡責的配角。　　讓人期待已久的蛋沙黃金班塊　+$58（斤）終於登場。金黃色澤配襯微微鹹香，一到來就先聲奪人，看著粉粉粒粒的蛋黃，我急切地